ಚಂದ್ರಬಾಬು ನಾಯ್ಡು ರ್‍ಯಾಲಿಯಲ್ಲಿ ಕಾಲ್ತುಳಿತ ಪ್ರಕರಣ: ಇದು ಹೇಯ ಕೃತ್ಯ ಎಂದು ಜಗನ್​​ ಮೋಹನ್​​​ ರೆಡ್ಡಿ ವಾಗ್ದಾಳಿ

ನರಸೀಪಟ್ಟಣಂ: ಆಂಧ್ರಪ್ರದೇಶ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ (Jagan Mohan Reddy) ಅವರು ಇಂದು ರಾಜ್ಯದ ನೆಲ್ಲೂರು ಜಿಲ್ಲೆಯ ಕಂದುಕೂರಿನಲ್ಲಿ ತಮ್ಮ ಪಕ್ಷವು ಬುಧವಾರ ಆಯೋಜಿಸಿದ್ದ ರೋಡ್‌ಶೋನಲ್ಲಿ (Road Show) ಎಂಟು ಜನರ ಸಾವಿಗೆ ತೆಲುಗು ದೇಶಂ ಪಕ್ಷದ ಮುಖ್ಯಸ್ಥ ಚಂದ್ರಬಾಬು ನಾಯ್ಡು(Chandrababu Naidu) ಅವರ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಚಂದ್ರಬಾಬು ನಾಯ್ಡು ಅವರ “ಪ್ರಚಾರದ ಹುಚ್ಚು” ಈ ದುರಂತಕ್ಕೆ ಕಾರಣ. ಅವರು ಸಾರ್ವಜನಿಕರಕ್ಷಮೆಯಾಚಿಸಬೇಕು ಎಂದು ಜಗನ್ ಒತ್ತಾಯಿಸಿದರು. ಚಂದ್ರಬಾಬು ನಾಯ್ಡು ಅವರು ಇಂದು ತಮ್ಮ ಪಕ್ಷದ ಕಾರ್ಯಕರ್ತರ ನಿಧನಕ್ಕೆ ಸಂತಾಪ ಸೂಚಿಸಿದ್ದರು. “ಇದೊಂದು ದುಃಖದ ಘಟನೆ. ಇದರ ಬಗ್ಗೆ ನನಗೆ ತುಂಬಾ ವಿಷಾದವಿದೆ” ಎಂದು ಅವರು ಹೇಳಿದರು. ಕಾಲ್ತುಳಿತದಲ್ಲಿ ಮೃತಪಟ್ಟ ಎಂಟು ಮಂದಿಯ ಕುಟುಂಬಗಳಿಗೆ ತಲಾ ₹ 24 ಲಕ್ಷ ಪರಿಹಾರ ನೀಡುವುದಾಗಿ ಟಿಡಿಪಿ ಘೋಷಿಸಿದೆ.ಆದಾಗ್ಯೂ, ಜಗನ್ ರೆಡ್ಡಿ ಇದಕ್ಕೆ ತೃಪ್ತರಾಗಿಲ್ಲ. ನಾಯ್ಡು ವಿರುದ್ಧ ವಾಗ್ದಾಳಿ ನಡೆಸಿದ ಜಗನ್,ಬಾಬು ತನ್ನ ರಾಜಕೀಯ ಲಾಭಕ್ಕಾಗಿ ಎಂಟು ಜನರನ್ನು ಕೊಂದದ್ದು ತುಂಬಾ ಹೇಯ ಮತ್ತು ನಾಚಿಕೆಗೇಡಿನ ಸಂಗತಿ. ಫೋಟೋ ಶೂಟ್‌ಗಾಗಿ, ಡ್ರೋನ್‌ ಶಾಟ್‌ಗಾಗಿ, ಕಡಿಮೆ ಜನರಿದ್ದರೂ, ದೊಡ್ಡ ಸಂಖ್ಯೆಗಳನ್ನು ತೋರಿಸುವ ಸಲುವಾಗಿ ಜನರನ್ನು ಕಿರಿದಾದ ಓಣಿಗೆ ತಳ್ಳಿದರು. ತಮ್ಮ ವಾಹನವನ್ನು ಬ್ಯಾರಿಕೇಡ್‌ನಂತೆ ಬಳಸಿ ಎಂಟು ಮಂದಿಯನ್ನು ಕೊಂದಿದ್ದಾರೆ. ಇದಕ್ಕಿಂತ ಕೆಟ್ಟದ್ದು ಇನ್ನೇನಿದೆ?” ಎಂದು ಹೇಳಿದ್ದಾರೆ.

ರಾಜ್ಯದ ಮಾಜಿ ಮುಖ್ಯಮಂತ್ರಿಯೂ ಆಗಿರುವ ಟಿಡಿಪಿ ಮುಖ್ಯಸ್ಥರು ಈ ಹಿಂದೆಯೂ ಇದನ್ನು ಮಾಡಿದ್ದಾರೆ ಎಂದು ರೆಡ್ಡಿ ಹೇಳಿದ್ದಾರೆ. 2015ರಲ್ಲಿ ನಡೆದ ಗೋದಾವರಿ ಪುಷ್ಕರಲು ವೇಳೆ 29 ಜನರ ಸಾವಿಗೆ ಅವರು ಕಾರಣರಾದರು. ಇದು ಅವರಿಗೆ ಹೊಸದಲ್ಲ, ಕೇವಲ ಪ್ರಚಾರದ ಬಗ್ಗೆ ಮಾತ್ರ ಕಾಳಜಿ ವಹಿಸುತ್ತಾರೆ ಅವರು ವಂಚನೆ ಮಾಡಿದರು ಮತ್ತು “ಜನರ ಬೆನ್ನಿಗೆ ಚೂರಿ ಹಾಕಿದರು” ಎಂದು ಜಗನ್ ಟೀಕಿಸಿದ್ದಾರೆ.

ಮರಣದ ಕೇವಲ ಒಂದು ದಿನದ ನಂತರ “ಯಾವುದೇ ಪಶ್ಚಾತ್ತಾಪವಿಲ್ಲದೆ” ಕಾವಲಿ ಪಟ್ಟಣದಲ್ಲಿ ಮತ್ತೊಂದು ರೋಡ್‌ಶೋ ಕೈಗೊಂಡಿದ್ದಕ್ಕಾಗಿ ಜಗನ್, ನಾಯ್ಡು ಅವರನ್ನು ಟೀಕಿಸಿದರು.

ಇದನ್ನೂ ಓದಿ: ಮುಂಬೈ ದಾದರ್​​ ರೈಲು ನಿಲ್ದಾಣದಲ್ಲಿ ಎರಡು ಬ್ಯಾಗ್‌ ಪತ್ತೆ, ಅನುಮಾನಾಸ್ಪದವಾದುದು ಏನೂ ಕಂಡು ಬಂದಿಲ್ಲ: ಬಾಂಬ್ ನಿಷ್ಕ್ರಿಯ ದಳ

8 ಅಮಾಯಕರ ಸಾವಿಗೆ ನೈತಿಕ ಹೊಣೆ ಹೊರುವ ಬದಲು, ಟಿಡಿಪಿ ಮುಖ್ಯಸ್ಥರು ಸಾರ್ವಜನಿಕರ ಮೇಲೆ ಆರೋಪ ಹೊರಿಸಿದ್ದಾರೆ. ಚಂದ್ರಬಾಬು ನಾಯ್ಡು “ಸಾರ್ವಜನಿಕ ರ್ಯಾಲಿಗಳಿಗೆ ಭೇಟಿ ನೀಡುವಾಗ ಜನರು ಸ್ವಯಂ ಶಿಸ್ತಿನಲ್ಲಿರಬೇಕು. ಕ್ಷುಲ್ಲಕ ರಾಜಕೀಯ ಲಾಭಕ್ಕಾಗಿ ಸತ್ತವರ ಜಾತಿಗಳನ್ನು ಉಲ್ಲೇಖಿಸಿದ ಶ ನಾಯ್ಡು ಅವರ ವಿರುದ್ಧವೂ ಜಗನ್ ಆಕ್ರೋಶ ವ್ಯಕ್ತಪಡಿಸಿದರು.

ರಾಜಕೀಯವೆಂದರೆ ಶೂಟಿಂಗ್, ಅಥವಾ ಡೈಲಾಗ್‌ಗಳು ಅಥವಾ ಡ್ರೋನ್ ಶಾಟ್‌ಗಳು ಅಥವಾ ನಾಟಕವಲ್ಲ. ರಾಜಕೀಯ ಎಂದರೆ ನಾವು ರೈತರ ಕುಟುಂಬಗಳು ಮತ್ತು ಸಾಮಾಜಿಕವಾಗಿ ಹಿಂದುಳಿದ ಗುಂಪುಗಳಲ್ಲಿ ತಂದಿರುವ ಬದಲಾವಣೆ ಎಂದು ಅವರು ಹೇಳಿದರು. “ಆಡಳಿತವನ್ನು ಪರಿವರ್ತಿಸುವುದು, ನಮ್ಮ ಆರೋಗ್ಯ ವ್ಯವಸ್ಥೆಯನ್ನು ಪರಿವರ್ತಿಸುವುದು ಮತ್ತು ಜನರನ್ನು ತಲುಪುವುದೇ ರಾಜಕೀಯ” ಎಂದು ಅವರು ಹೇಳಿದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 9:21 pm, Fri, 30 December 22