ಹೈದರಾಬಾದ್ನ ಬಾಂಡ್ಲಗುಡ ಗಣೇಶ ಲಡ್ಡು 1.26 ಕೋಟಿ ರೂ.ಗೆ ಹರಾಜು!
ಕಳೆದ ವರ್ಷದ ಹರಾಜಿನಲ್ಲಿ ಬಾಂಡ್ಲಗುಡ ಗಣೇಶ ಲಡ್ಡು 60.08 ಲಕ್ಷ ರೂ.ಗೆ ಮಾರಾಟವಾಗಿತ್ತು. ಈ ಬಾರಿ 1.26 ಕೋಟಿ ರೂ.ಗೆ ಹರಾಜಾಗುವ ಮೂಲಕ ಅತ್ಯಂತ ದುಬಾರಿ ಲಡ್ಡು ಎನಿಸಿಕೊಂಡಿದೆ. ಬಾಂಡ್ಲಗುಡ ಗಣೇಶ ಲಡ್ಡು 12 ಕೆ.ಜಿ ಇರುತ್ತದೆ.
Updated on: Sep 28, 2023 | 6:18 PM
ಹೈದರಾಬಾದ್: ತೆಲಂಗಾಣದ ಬಾಂಡ್ಲಗುಡದ ಕೀರ್ತಿ ರಿಚ್ಮಂಡ್ ವಿಲ್ಲಾಸ್ನ ಗಣಪತಿಯ ಲಡ್ಡುಗೆ ಪ್ರತಿವರ್ಷ ಭಾರೀ ಬೇಡಿಕೆ ಇರುತ್ತದೆ. ಈ ವಿಶೇಷ ಲಡ್ಡುವನ್ನು ಈ ಬಾರಿಯೂ ಇಂದು ಹರಾಜು ಹಾಕಲಾಗಿದ್ದು, ದಾಖಲೆಯ 1.26 ಕೋಟಿ ರೂ.ಗೆ ಮಾರಾಟವಾಗುವ ಮೂಲಕ ಈ ಲಡ್ಡು ಹೊಸ ದಾಖಲೆ ನಿರ್ಮಿಸಿದೆ. ಈ ಹಿನ್ನೆಲೆಯಲ್ಲಿ ಹೈದರಾಬಾದ್ನ ಐಕಾನಿಕ್ ‘ಬಾಳಾಪುರ್ ಗಣೇಶ್ ಲಡ್ಡು’ಗಿದ್ದ ಅತ್ಯಂತ ದುಬಾರಿ ಲಡ್ಡು ಎಂಬ ಪಟ್ಟ ಈಗ ಬಾಂಡ್ಲಗುಡದ ಗಣೇಶ ಲಡ್ಡುವಿಗೆ ಸಿಕ್ಕಿದೆ.
ತೆಲುಗು ರಾಜ್ಯಗಳಲ್ಲಿ ಅತಿ ಹೆಚ್ಚು ಬೆಲೆಗೆ ಹರಾಜಾದ ಲಡ್ಡು ಇದೆಂದು ಹೇಳಲಾಗುತ್ತಿದೆ. ಕೀರ್ತಿ ರಿಚ್ಮಂಡ್ ವಿಲ್ಲಾಸ್ ನಿವಾಸಿಗಳು ಒಟ್ಟಾಗಿ ಈ ಲಡ್ಡುವನ್ನು ಖರೀದಿಸಿದ್ದಾರೆ ಎಂದು ಮೂಲಗಳು ಹೇಳಿವೆ. ಕಳೆದ ವರ್ಷದ ಹರಾಜಿನಲ್ಲಿ ಬಾಂಡ್ಲಗುಡ ಲಡ್ಡು 60.08 ಲಕ್ಷ ರೂ.ಗೆ ಮಾರಾಟವಾಗಿತ್ತು. ಈ ಲಡ್ಡುವಿನ ಹರಾಜಿನಿಂದ ಬರುವ ಆದಾಯವನ್ನು ದತ್ತಿ ಉದ್ದೇಶಗಳಿಗೆ ಮೀಸಲಿಡಲಾಗುವುದು ಎಂದು ರಿಚ್ಮಂಡ್ ವಿಲ್ಲಾಸ್ ನಿವಾಸಿಗಳು ಹೇಳುತ್ತಾರೆ. ವಿವಿಧ ಕಲ್ಯಾಣ ಚಟುವಟಿಕೆಗಳಲ್ಲಿ ತೊಡಗಿರುವ ಸ್ವಯಂಸೇವಾ ಸಂಸ್ಥೆಗಳನ್ನು ಬೆಂಬಲಿಸಲು ಈ ಹಣವನ್ನು ವಿನಿಯೋಗಿಸಲಾಗುತ್ತದೆ.
VIDEO | Laddu auctions in Balapur (Telangana) and Bandlaguda (Hyderabad) have set remarkable records in the city. The famous Balapur Ganesha’s laddu was sold for Rs 27 lakh, marking a new milestone. An unprecedented record was achieved during the laddu auction at Bandlaguda’s… pic.twitter.com/KFsqjlQLDZ
— Press Trust of India (@PTI_News) September 28, 2023
ಇದನ್ನೂ ಓದಿ: Viral Video: ಗಣೇಶೋತ್ಸವ ಮೆರವಣಿಗೆಯಲ್ಲಿ ಬುರ್ಖಾ ಧರಿಸಿ ನೃತ್ಯ; ತಮಿಳುನಾಡಿನ ವ್ಯಕ್ತಿಯ ಬಂಧನ
ಈ ವರ್ಷದ ಬಾಳಾಪುರ ಗಣೇಶ ಲಡ್ಡು 27 ಲಕ್ಷ ರೂ.ಗೆ ತುರ್ಕಯಾಮಜಲ್ ಗ್ರಾಮದ ನಿವಾಸಿ ದಾಸರಿ ದಯಾನಂದ ರೆಡ್ಡಿ ಅವರಿಗೆ ಮಾರಾಟವಾಗಿದೆ. ಬಾಂಡ್ಲಗುಡ ಗಣೇಶ ಲಡ್ಡು 12 ಕೆ.ಜಿ ಇರುತ್ತದೆ. ಬಾಳಾಪುರದ ಗಣಪತಿ ಲಡ್ಡು 21 ಕೆ.ಜಿಯ ಲಡ್ಡುವಾಗಿದೆ.
Hyderabad’s famous 21 kg #BalapurGaneshLaddu of #BalapurGanesh was auctioned for a record price of ₹27 lakh this year to Dasari Dayanand Reddy from Turkayamjol set a new record.#GaneshImmersion #BalapurLaddu #Hyderabad #Ganeshotsav2023 #GaneshVisarjan#GaneshUtsav #Telangana https://t.co/Dz1FfYfW3U pic.twitter.com/TNXgj6SXxU
— Surya Reddy (@jsuryareddy) September 28, 2023
ಪ್ರತಿ ವರ್ಷ ಗಣೇಶ ಚತುರ್ಥಿಯ ಸಮಯದಲ್ಲಿ ರಿಚ್ಮಂಡ್ ವಿಲ್ಲಾಸ್ ನಿವಾಸಿಗಳು ಗಣಪತಿಯ ಕೈನಲ್ಲಿ ಇರಿಸಲಾದ ಲಡ್ಡುವಿನ ಹರಾಜು ಪ್ರಕ್ರಿಯೆ ನಡೆಸುತ್ತಾರೆ. 1994ರಿಂದ ಹರಾಜು ಪದ್ಧತಿ ಜಾರಿಯಲ್ಲಿದೆ. ಬಾಳಾಪುರ ಗಣೇಶ ಲಡ್ಡು ಹರಾಜು ಪ್ರಕ್ರಿಯೆ 1994ರಿಂದ ನಡೆಯುತ್ತಿದೆ. ಬಾಳಾಪುರ ಗಣೇಶ ಉತ್ಸವ ಸಮಿತಿ ಇದರ ನೇತೃತ್ವ ವಹಿಸುತ್ತದೆ. ಹರಾಜಿನಿಂದ ಬಂದ ಹಣವನ್ನು ಗಣೇಶ ಉತ್ಸವ ಸಮಿತಿಯು ವಿವಿಧ ಅಭಿವೃದ್ಧಿ ಚಟುವಟಿಕೆಗಳಲ್ಲಿ ತೊಡಗಿರುವ ಸ್ವಯಂಸೇವಾ ಸಂಸ್ಥೆಗಳಿಗೆ ನೀಡುತ್ತದೆ.
#BreakingAllRecords, Ganesh laddu at Richmond Villas in Sun City, #BandlagudaJagir, was auctioned for staggering Rs.1.25 #crore here on Thursday. Last year, the #Laddu was sold for about Rs.65 lakh. #GaneshLadduAuction#GaneshVisarjan #GaneshFestival pic.twitter.com/wMWSSamav0
— Arbaaz The Great (@ArbaazTheGreat1) September 28, 2023
ಇದನ್ನೂ ಓದಿ: ಶಿವಮೊಗ್ಗದಲ್ಲಿಂದು ಹಿಂದೂ ಮಹಾಸಭಾ ಗಣೇಶ ಮೂರ್ತಿ ವಿಸರ್ಜನೆ: ಫುಲ್ ಪೊಲೀಸ್ ಬಂದೋಬಸ್ತ್
ಬಾಳಾಪುರ ಗಣೇಶ ಲಡ್ಡುವಿನ ಮೊದಲು ಹರಾಜು ಪ್ರಕ್ರಿಯೆಯಲ್ಲಿ ಈ ಲಡ್ಡು 450 ರೂ.ಗೆ ಮಾರಾಟವಾಗಿತ್ತು. 2021ರಲ್ಲಿ ಬಾಳಾಪುರ ಗಣೇಶ ಲಡ್ಡು 18.90 ಲಕ್ಷಕ್ಕೆ ಹರಾಜಾಗಿತ್ತು. 2020ರಲ್ಲಿ ಕೊವಿಡ್ನಿಂದಾಗಿ ಗಣೇಶ ಉತ್ಸವ ನಡೆದಿರಲಿಲ್ಲ.
