Bank Holidays In April 2021: ವ್ಯವಹಾರಕ್ಕೆ ಹೋಗುವ ಮುನ್ನ ಗ್ರಾಹಕರೇ ಗಮನಿಸಿ- ಏಪ್ರಿಲ್​ನಲ್ಲಿ ಬ್ಯಾಂಕ್​ಗಳಿಗೆ 15 ದಿನ ರಜಾ..

ಪ್ರತಿವರ್ಷವೂ ಆರ್​ಬಿಐ ದೇಶದ ಖಾಸಗಿ ಹಾಗೂ ಸಾರ್ವಜನಿಕ ವಲಯದ ಬ್ಯಾಂಕ್​ಗಳ ರಜಾದಿನದ ಕ್ಯಾಲೆಂಡರ್​ನ್ನು ಬಿಡುಗಡೆ ಮಾಡುತ್ತದೆ. ಅದರಂತೆ ಹೊಸ ಹಣಕಾಸು ವರ್ಷವಾದ ಏಪ್ರಿಲ್​​​ನಲ್ಲಿ ಒಟ್ಟಾರೆ 15 ದಿನ ಬ್ಯಾಂಕ್​ಗಳಿಗೆ ರಜಾ ಇರಲಿದೆ. ಈ ತಿಂಗಳಲ್ಲಿ ರಾಮನವಮಿ, ಗುಡ್​ ಫ್ರೈಡೇ, ಬಿಹು ಹಬ್ಬ, ಅಂಬೇಡ್ಕರ್ ಜಯಂತಿ ಸೇರಿ ಹಲವು ಹಬ್ಬ-ಆಚರಣೆಗಳು ಇರುವುದರಿಂದ ದೇಶಾದ್ಯಂತ ರಜೆ ತುಸು ಜಾಸ್ತಿಯೇ ಇದೆ. ಇನ್ನು ಇದರೊಂದಿಗೆ ಎರಡನೇ, ನಾಲ್ಕನೇ ಶನಿವಾರ, ಭಾನುವಾರಗಳೂ ಸೇರಿಕೊಂಡಿವೆ.

ಏಪ್ರಿಲ್​ನಲ್ಲಿ ಒಟ್ಟು 15ದಿನ ರಜಾ ಇದ್ದರೂ, ಎಲ್ಲ ರಾಜ್ಯಗಳಲ್ಲೂ ಇದು ಅನ್ವಯ ಆಗುವುದಿಲ್ಲ. ನಾಳೆ ಏಪ್ರಿಲ್ 1ರಂದು ಹಣಕಾಸು ವರ್ಷದ ಪ್ರಾರಂಭವಾಗಿದ್ದು ದೇಶಾದ್ಯಂತ ಎಲ್ಲ ಬ್ಯಾಂಕ್​ಗಳಿಗೂ ರಜಾ. ಹಾಗೇ ಏಪ್ರಿಲ್​ 2 ಗುಡ್​ಫ್ರೈಡೇ ನಿಮಿತ್ತ ಯಾವ ಬ್ಯಾಂಕ್​ಗಳೂ ಕಾರ್ಯ ನಿರ್ವಹಿಸುವುದಿಲ್ಲ. ಅದಾದ ಬಳಿಕ ಆಸ್ಸಾಂನಲ್ಲಿ ಏಪ್ರಿಲ್​ 14ರಿಂದ 16ರವರೆಗೆ ಅವರ ಬಿಹು ಹಬ್ಬದ ನಿಮಿತ್ತ ಬ್ಯಾಂಕ್​ಗಳಿಗೆ ರಜಾ ಇದ್ದು, ಉಳಿದ ರಾಜ್ಯಗಳಿಗೆ ಇದು ಅನ್ವಯ ಆಗುವುದಿಲ್ಲ.

ಇನ್ನು ಗ್ರಾಹಕರ ಅನುಕೂಲಕ್ಕಾಗಿ ನಾವಿಲ್ಲಿ ಏಪ್ರಿಲ್​ ತಿಂಗಳಲ್ಲಿ ಯಾವ್ಯಾವಾಗ ರಜಾ ಎಂಬ ಪಟ್ಟಿಯನ್ನು ನೀಡಿದ್ದೇವೆ. ಒಮ್ಮೆ ನೋಡಿಕೊಳ್ಳಿ:

• ಏಪ್ರಿಲ್​ 1-ಬ್ಯಾಂಕ್​ಗಳ ವಾರ್ಷಿಕ ವ್ಯವಹಾರ ಮುಕ್ತಾಯದ ದಿನ (ಎಲ್ಲ ಬ್ಯಾಂಕ್​ಗಳಿಗೂ ರಜಾ)
• ಏಪ್ರಿಲ್​ 2- ಗುಡ್ ಫ್ರೈಡೇ (ದೇಶಾದ್ಯಂತ ಯಾವ ಬ್ಯಾಂಕ್​ಗಳು ಕಾರ್ಯ ನಿರ್ವಹಿಸುವುದಿಲ್ಲ)
• ಏಪ್ರಿಲ್​ 4- ಭಾನುವಾರ
• ಏಪ್ರಿಲ್​ 5 -ಬಾಬು ಜಗಜೀವನ್ ರಾಮ್​ ಜಯಂತಿ (ದೇಶದ ಎಲ್ಲ ಬ್ಯಾಂಕ್​ಗಳಿಗೂ ರಜಾ)
• ಏಪ್ರಿಲ್​ 6-ತಮಿಳುನಾಡಿನ ವಿಧಾನಸಭಾ ಚುನಾವಣೆ (ಚುನಾವಣೆಗೆ ಸಂಬಂಧಪಟ್ಟ ರಾಜ್ಯಗಳಲ್ಲಿ ಮಾತ್ರ)
• ಏಪ್ರಿಲ್​ 10-ಎರಡನೇ ಶನಿವಾರ
• ಏಪ್ರಿಲ್​ 11-ಭಾನುವಾರ
• ಏಪ್ರಿಲ್​ 13-ಯುಗಾದಿ/ ಗುಡಿ ಪಡ್ವಾ/ ತೆಲುಗು ಹೊಸ ವರ್ಷ/ ( ಕರ್ನಾಟಕ ಸೇರಿ ದೇಶದ ಹಲವು ರಾಜ್ಯಗಳಲ್ಲಿ ಬ್ಯಾಂಕ್​ಗಳು ಕಾರ್ಯನಿರ್ವಹಿಸುವುದಿಲ್ಲ.
• ಏಪ್ರಿಲ್​ 14-ಡಾ. ಬಾಬಾ ಸಾಹೇಬ್​ ಅಂಬೇಡ್ಕರ್ ಜಯಂತಿ/ ತಮಿಳು ಹೊಸವರ್ಷ, ವಿಶು, ಬಿಜು, ಬೋಹಾಗ್​ ಬಿಹು (ದೇಶದ ಬಹುತೇಕ ರಾಜ್ಯಗಳಲ್ಲಿ ಬ್ಯಾಂಕ್​ಗಳಿಗೆ ರಜಾ)
• ಏಪ್ರಿಲ್​ 15- ಹಿಮಾಚಲ್ ಡೇ/ ಬೆಂಗಾಳಿ ಹೊಸ ವರ್ಷ/ ಬೋಹಾಗ್​ ಬಿಹು/ ಸರ್​ಹುಲ್​ (ಹಬ್ಬಗಳಿರುವ ರಾಜ್ಯಗಳಲ್ಲಿ ಮಾತ್ರ ಬ್ಯಾಂಕ್​ ರಜಾ
• ಏಪ್ರಿಲ್​ 16- ಬೋಹಾಗ್​ ಬಿಹು (ಆಸ್ಸಾಂನಲ್ಲಿ ರಜಾ)
• ಏಪ್ರಿಲ್​ 18-ಭಾನುವಾರ
• ಏಪ್ರಿಲ್ 21- ಶ್ರೀರಾಮ ನವಮಿ (ದೇಶದ ಯಾವುದೇ ಬ್ಯಾಂಕ್​ಗಳು ಕಾರ್ಯನಿರ್ವಹಿಸುವುದಿಲ್ಲ)
• ಏಪ್ರಿಲ್​ 24-ನಾಲ್ಕನೇ ಶನಿವಾರ
• ಏಪ್ರಿಲ್​ 25- ಭಾನುವಾರ

ಇದನ್ನೂ ಓದಿ: ಸಿಎಂ ನಿವಾಸ ಕಾವೇರಿ ಬಳಿ ಅಪಘಾತ; ಮಹಿಳಾ ಸಬ್​ಇನ್ಸ್​ಪೆಕ್ಟರ್​ಗೆ ಡಿಕ್ಕಿ ಹೊಡೆದ ಕಾರು

Rakshita Prem: ‘ನಿಮ್ಮಂತಹ ಸ್ನೇಹಿತರು ಒಮ್ಮೆ ಮಾತ್ರ ಬರುತ್ತಾರೆ’: ರಕ್ಷಿತಾ ಜನ್ಮದಿನಕ್ಕೆ ದರ್ಶನ್​ ವಿಶೇಷ ಮಾತು!

Published On - 11:53 am, Wed, 31 March 21