ಜಿ20 ಶೃಂಗಸಭೆ: ಮೋದಿ ಹೋರ್ಡಿಂಗ್ ಕುರಿತು ಪವನ್ ಖೇಡಾ ಟ್ವೀಟ್​​ಗೆ ಬಿಜೆಪಿ ನಾಯಕರ ತಿರುಗೇಟು, ಕೊನೆಗೂ ಪೋಸ್ಟ್​ ಡಿಲೀಟ್

ಭಾರತದ ಅಧ್ಯಕ್ಷತೆಯಲ್ಲಿ ದೆಹಲಿಯಲ್ಲಿ ಸೆಪ್ಟೆಂಬರ್ 9 ಹಾಗೂ 10ರಂದು ಜಿ20 ಶೃಂಗಸಭೆ(G20 Summit) ನಡೆಯಲಿದೆ. ಇದಕ್ಕಾಗಿ ಸಾಕಷ್ಟು ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿದೆ. ಜಿ20 ಹೋರ್ಡಿಂಗ್ಸ್​ ಕುರಿತು ಕಾಂಗ್ರೆಸ್ ನಾಯಕ ಪವನ್ ಖೇಡಾ(Pawan Khera) ಟ್ವೀಟ್ ಮಾಡಿ ಜನಪ್ರಿಯತೆ ಶ್ರೇಯಾಂಕದ ಆಧಾರದ ಮೇಲೆ ದೆಹಲಿಯಲ್ಲಿ ನರೇಂದ್ರ ಮೋದಿ ಹಾಗೂ ಇತರೆ ಜಾಗತಿಕ ನಾಯಕರ ಪೋಸ್ಟರ್​ಗಳನ್ನು ಹಾಕಲಾಗಿದೆ ಎಂದು ಆರೋಪಿಸಿದ್ದರು.

ಪವನ್​ಖೇಡಾ ಅವರ ಪೋಸ್ಟ್​ಗೆ ಬಿಜೆಪಿ ತಿರುಗೇಟು ನೀಡಿದ್ದು, ಕಾಂಗ್ರೆಸ್ ಸುಳ್ಳು ಸುದ್ದಿಗಳನ್ನು ಹರಡುತ್ತಿದೆ ಎಂದು ಹೇಳಿದೆ, ಅಷ್ಟೇ ಅಲ್ಲದೆ ಬಿಜೆಪಿ ನಾಯಕ ವಿಜಯ್ ಗೋಯೆಲ್ ಟ್ವೀಟ್ ಮಾಡಿದ್ದು, ಅಂತಹ ಯಾವುದೇ ಹೋರ್ಡಿಂಗ್ಸ್​ ನಾವು ಹಾಕಿಲ್ಲ ಈ ಸುದ್ದಿ ಸಂಪೂರ್ಣ ಸುಳ್ಳು ಎಂದು ಹೇಳಿದ್ದಾರೆ. ಭಾರತ ವಿಶ್ವಕ್ಕೆ ಆತಿಥ್ಯ ವಹಿಸಲು ಹೊರಟಿರುವಾಗ ಕಾಂಗ್ರೆಸ್ ಇಂತಹ ಹೊಲಸು ರಾಜಕಾರಣ ಮಾಡಬಾರದು ಎಂದರು.

ನಮ್ಮ ಅತಿಥಿಗಳನ್ನು ನಾವು ಹೀಗೆಯೇ ಸ್ವಾಗತಿಸುತ್ತೇವೆಯೇ? ಮಾಧ್ಯಮಗಳ ವರದಿ ಪ್ರಕಾರ, ಪೋಸ್ಟರ್​ ಜತೆಗೆ ತಮ್ಮ ಪೋಸ್ಟ್​ನಲ್ಲಿ ಪವನ್ ಖೇಡಾರನ್ನು ವಿಜಯ್ ಗೋಯಲ್ ಅವರನ್ನು ಟೀಕಿಸಿದ್ದಾರೆ ಮತ್ತು ಪಿಎಂ ಮೋದಿಯನ್ನು ವಿಶ್ವದ ಜನಪ್ರಿಯ ನಾಯಕ ಎಂದು ಅಭಿನಂದಿಸಲಾಗಿದೆ. ಈ ಪೋಸ್ಟರ್‌ನಲ್ಲಿ ಪ್ರಧಾನಿ ಮೋದಿಯವರಲ್ಲದೆ, ಹಲವು ದೇಶಗಳ ನಾಯಕರ ಚಿತ್ರಗಳನ್ನು ಸಹ ಸೇರಿಸಲಾಗಿದೆ ಎಂದುದ್ದಾರೆ.

This is fake news. No such hoarding has been put. Congress should desist from such petty politics at a time when India is hosting the world. https://t.co/okbWbz9eQY

— Vijay Goel (@VijayGoelBJP) September 7, 2023

ಪ್ರಧಾನಿ ಮೋದಿ ವಿಶ್ವದ ಅತ್ಯಂತ ಜನಪ್ರಿಯ ನಾಯಕ ಅಮೆರಿಕ ಮೂಲದ ಸಂಶೋಧನಾ ಸಂಸ್ಥೆ ಗ್ಲೋಬಲ್ ಲೀಡರ್ ಅಪ್ರೂವಲ್ ಟ್ರ್ಯಾಕರ್ ಮಾರ್ನಿಂಗ್ ಕನ್ಸಲ್ಟ್ ತನ್ನ ವರದಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ವಿಶ್ವದ ಅತ್ಯಂತ ಜನಪ್ರಿಯ ನಾಯಕ ಎಂದು ಹೇಳಿದೆ. ಈ ಸಂಶೋಧನಾ ಸಂಸ್ಥೆಯು 22 ನಾಯಕರ ಮೇಲೆ ಸಮೀಕ್ಷೆ ನಡೆಸಿದ್ದು, ಅದರಲ್ಲಿ ಪ್ರಧಾನಿ ಮೋದಿ ಮೊದಲ ಸ್ಥಾನದಲ್ಲಿದ್ದಾರೆ.

ಮತ್ತಷ್ಟು ಓದಿ: ಪ್ರಧಾನಿ ಮೋದಿಯ ಮೇಕ್ ಇನ್ ಇಂಡಿಯಾಗೆ ಫಾಕ್ಸ್​​ಕಾನ್ ಅಧ್ಯಕ್ಷ ಯಾಂಗ್ ಲಿಯು ಬೆಂಬಲ

ಕಾಂಗ್ರೆಸ್​ನ ಈ ರಾಜಕಾರಣ ನಾಚಿಕೆಗೇಡಿನದ್ದು: ಅಮಿತ್ ಮಾಳವೀಯ ಪವನ್ ಖೇಡಾ ಸುಳ್ಳು ಸುದ್ದಿ ಹರಡುತ್ತಿದ್ದಾರೆ ಎಂದು ಆರೋಪಿಸಿ ವಿಜಯ್ ಗೋಯೆಲ್ ಟ್ವೀಟ್ ಮಾಡಿದ ಬಳಿಕ ಪವನ್ ತಮ್ಮ ಪೋಸ್ಟ್​ನ್ನು ಡಿಲೀಟ್ ಮಾಡಿದ್ದಾರೆ. ಇದೇ ವೇಳೆ ಬಿಜೆಪಿಯ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವಿಯಾ ಕೂಡ ಈ ಹೋರ್ಡಿಂಗ್ ಹೊಸದಲ್ಲ ಎಂದು ಹೇಳಿದ್ದಾರೆ. ಈ ಚಿತ್ರ ಹಳೆಯದಾಗಿದ್ದು, ಇಂತಹ ರಾಜಕಾರಣ ಮಾಡಲು ಕಾಂಗ್ರೆಸ್ ನಾಚಿಕೆಯಾಗಬೇಕು ಎಂದರು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ