ತಮಿಳುನಾಡು ವಿತ್ತ ಸಚಿವ ತಿಯಾಗ ರಾಜನ್​​ರಿಂದ ರಾಜ್ಯ ಹಣಕಾಸು ಕುರಿತು ಶ್ವೇತಪತ್ರ ಬಿಡುಗಡೆ

ಚೆನ್ನೈ: ತಮಿಳುನಾಡಿನ ಡಿಎಂಕೆ ಸರ್ಕಾರವು ಸೋಮವಾರ ರಾಜ್ಯದ ಹಣಕಾಸು ಕುರಿತು ಶ್ವೇತಪತ್ರ ಬಿಡುಗಡೆ  ಮಾಡಿದ್ದು, ಹಿಂದಿನ ಎಐಎಡಿಎಂಕೆ ಸರ್ಕಾರದ ಅವ್ಯವಸ್ಥೆಯಿಂದ ಉಂಟಾದ ಹಣಕಾಸಿನ ಅಸಮತೋಲನ ಮತ್ತು ಹೆಚ್ಚುತ್ತಿರುವ ಸಾಲವನ್ನು ಇದು ಎತ್ತಿತೋರಿಸಿದೆ. ಹಣಕಾಸು ಸಚಿವ ಪಿಟಿಆರ್ ಪಳನಿವೇಲ್ ತಿಯಾಗ ರಾಜನ್ ಅವರು ಹಿಂದಿನ ಎಐಎಡಿಎಂಕೆ ಸರ್ಕಾರದ “ರಾಜಕೀಯ ಇಚ್ಛಾಶಕ್ತಿ ಮತ್ತು ಆಡಳಿತಾತ್ಮಕ ಕೌಶಲ್ಯದ ಕೊರತೆ” ಭಾರೀ ಸಾಲದ ಹೊರೆಗೆ ಕಾರಣವಾಗಿದೆ ಎಂದು ಹೇಳಿದ್ದಾರೆ.

ತಮಿಳುನಾಡಿಗೆ ಜಿಎಸ್​​ಟಿ ಬಾಕಿಗಳು ಇದ್ದಾಗಲೂ ರಾಜ್ಯದ ಸ್ವಂತ ತೆರಿಗೆ ಆದಾಯವನ್ನು ಕಡಿಮೆ ಮಾಡಿದೆ. ಹಣಕಾಸಿನ ಕುಸಿತವು ರಾಜ್ಯವನ್ನು ಬೆಳವಣಿಗೆಯ ಹಾದಿಗೆ ತರಲು ಡಿಎಂಕೆಗೆ ಒಂದು ತಲೆಮಾರಿನ ಸುಧಾರಣೆಗಳನ್ನು ಆರಂಭಿಸಲು ಒಂದು ಅಪರೂಪದ ಅವಕಾಶವನ್ನು ಒದಗಿಸುತ್ತದೆ ಎಂದು ಅವರು ಹೇಳಿದರು.

ಶ್ವೇತಪತ್ರದ ಪ್ರಕಾರ ರಾಜ್ಯದ ಸಾಲದ ಹೊರೆ 5.70 ಲಕ್ಷ ಕೋಟಿಗಳಷ್ಟಿದ್ದು, ಪ್ರತಿ ನಾಗರಿಕ ಮೇಲಿನ ಸಾಲವು 1.10 ಲಕ್ಷದಷ್ಟಿದೆ. ತಮಿಳುನಾಡಿನ ಆದಾಯ ಕೊರತೆಯು ರಾಜ್ಯದ ಹಣಕಾಸಿನ ಕೊರತೆಯ ಶೇಕಡಾವಾರು ಪ್ರಮಾಣದಲ್ಲಿ ಸ್ಥಿರವಾದ ಹೆಚ್ಚಳವನ್ನು ತೋರಿಸುತ್ತಿದೆ. ಆ ಮೂಲಕ ಬಂಡವಾಳದ ವೆಚ್ಚದ ಬದಲಾಗಿ ಪ್ರಸ್ತುತ ಹಣವನ್ನು ಹೊಸ ನಿಧಿಯ ಬಳಕೆಯನ್ನು ಮಾಡುತ್ತಿದೆ.

ತಮಿಳುನಾಡಿನ ಸರ್ಕಾರಿ ಸ್ವಾಮ್ಯದ ಘಟಕಗಳಾದ ವಿದ್ಯುತ್ ಬಳಕೆ ಟಿಎನ್ಇಬಿ (TNEB) ಮತ್ತು ಸಾರ್ವಜನಿಕ ಸಾರಿಗೆ ನಿಗಮವು ವರ್ಷದಿಂದ ವರ್ಷಕ್ಕೆ ಸಾಲವನ್ನು ಹೆಚ್ಚಿಸುತ್ತಿವೆ. ಉದಾಹರಣೆಗೆ, ರಾಜ್ಯ ಬಸ್‌ ಸಂಚರಿಸುವ ಪ್ರತಿ ಕಿಲೋಮೀಟರಿಗೆ ರಾಜ್ಯವು 59.15 ರೂಪಾಯಿಗಳನ್ನು ಕಳೆದುಕೊಳ್ಳುತ್ತಿದೆ. ಆದರೆ ಪ್ರತಿ ಯೂನಿಟ್ ವಿದ್ಯುತ್‌ಗೆ ರಾಜ್ಯವು 2.36 ರೂಪಾಯಿಗಳನ್ನು ಕಳೆದುಕೊಳ್ಳುತ್ತದೆ. ಅಂದರೆ ಹೆಚ್ಚು ವಿದ್ಯುತ್ ಉತ್ಪಾದನೆ ಮತ್ತು ವಿತರಣೆ, ನಷ್ಟ ಹೆಚ್ಚು.

ಹಣಕಾಸು ಸಚಿವರು 2012-13 ಸಂಖ್ಯೆಗಳೊಂದಿಗೆ ಪರಿಸ್ಥಿತಿಯನ್ನು ವಿವರಿಸಿದ್ದಾರೆ.  ಆಗ ರೂ 1,760 ಕೋಟಿ ಹೆಚ್ಚುವರಿ ಆದಾಯವಿತ್ತು. 2019-20ರ ಆರ್ಥಿಕ ವರ್ಷದಲ್ಲಿ, ಕೊರತೆಯು 35,909 ಕೋಟಿಗೆ ಏರಿದೆ. ಪರಿಸ್ಥಿತಿಯು ಅಪಾಯಕಾರಿಯಾಗಿದ್ದರೂ, ಹಿಂಪಡೆಯಲಾಗದು ಎಂದು ಹೇಳಲಾಗುವುದಿಲ್ಲ. ಪ್ರಸ್ತುತ ಅಧಿಕಾರಾವಧಿ ಮುಗಿಯುವ ಮೊದಲು ಡಿಎಂಕೆ ಸರ್ಕಾರ ಈ  ಪರಿಸ್ಥಿತಿಯನ್ನು ಬದಲಿಸಬಹುದು ಎಂದು ತಿಯಾಗ ರಾಜನ್ ಹೇಳಿದರು.

ಇದನ್ನೂ ಓದಿ:  Ujjwala Scheme 2.0: ಉಜ್ವಲ ಯೋಜನೆಯ ಲಾಭಗಳೇನು? ಅರ್ಜಿ ಸಲ್ಲಿಸುವುದು ಹೇಗೆ? ಇಲ್ಲಿದೆ ಮಾಹಿತಿ

(DMK government in Tamil Nadu released a White Paper on the states finances)

Published On - 3:01 pm, Tue, 10 August 21