ಎನ್​​440ಕೆ ಕೊವಿಡ್ ರೂಪಾಂತರದ ಬಗ್ಗೆ ಜನರಲ್ಲಿ ಭಯ ಹುಟ್ಟಿಸಿದ ಆರೋಪ; ಚಂದ್ರಬಾಬು ನಾಯ್ಡು ವಿರುದ್ಧ ಎಫ್​ಐಆರ್​

ಎನ್​​440ಕೆ ಕೊವಿಡ್ ರೂಪಾಂತರದ ಬಗ್ಗೆ ಜನರಲ್ಲಿ ಭಯ ಹುಟ್ಟಿಸಿದ ಆರೋಪ; ಚಂದ್ರಬಾಬು ನಾಯ್ಡು ವಿರುದ್ಧ ಎಫ್​ಐಆರ್​
ಚಂದ್ರಬಾಬು ನಾಯ್ಡು

ಚಂದ್ರಬಾಬು ನಾಯ್ಡು ಅವರು ಕೊವಿಡ್​ 19 ಸೋಂಕಿನ ರೂಪಾಂತರವಾದ N440K ಸೋಂಕಿನ ಬಗ್ಗೆ ಮಾತನಾಡಿದ ಎರಡೇ ದಿನಗಳಲ್ಲಿ ಗುಂಟೂರಿನ ಅರುಂಡಲ್​ಪೇಟ್​ ಠಾಣೆಯಲ್ಲಿ ಅವರ ವಿರುದ್ಧ ದೂರು ದಾಖಲಾಗಿದೆ.

Lakshmi Hegde

|

May 11, 2021 | 10:19 PM

ಅಮರಾವತಿ: ಕೊವಿಡ್​ 19 ವೈರಸ್​​ನ ರೂಪಾಂತರ ಸೋಂಕಿನ ಬಗ್ಗೆ ಜನರಲ್ಲಿ ಭಯ ಹುಟ್ಟಿಸಿದ್ದಾರೆ ಎಂಬ ಆರೋಪದಡಿ ಆಂಧ್ರಪ್ರದೇಶ ತೆಲುಗು ದೇಸಂ ಪಕ್ಷ (ಟಿಡಿಪಿ)ದ ಮುಖ್ಯಸ್ಥ ಎನ್​.ಚಂದ್ರಬಾಬು ನಾಯ್ಡು ವಿರುದ್ಧ ಎಫ್​ಐಆರ್ ದಾಖಲಾಗಿದೆ.

ಚಂದ್ರಬಾಬು ನಾಯ್ಡು ಅವರು ಕೊವಿಡ್​ 19 ಸೋಂಕಿನ ರೂಪಾಂತರವಾದ N440K ಸೋಂಕಿನ ಬಗ್ಗೆ ಮಾತನಾಡಿದ ಎರಡೇ ದಿನಗಳಲ್ಲಿ ಗುಂಟೂರಿನ ಅರುಂಡಲ್​ಪೇಟ್​ ಠಾಣೆಯಲ್ಲಿ ಅವರ ವಿರುದ್ಧ ದೂರು ದಾಖಲಾಗಿದೆ. ಟಿಡಿಪಿ ಮುಖ್ಯಸ್ಥ ಹಾಗೂ ಆ ಪಕ್ಷದ ಹಲವರು ಜನರಲ್ಲಿ ಭಯ ಹುಟ್ಟಿಸುತ್ತಿದ್ದಾರೆ. ಈಗಾಗಲೇ ಕೊರೊನಾದಿಂದ ಆತಂಕದಲ್ಲಿರುವ ಜನರಲ್ಲಿ N440K ರೂಪಾಂತರದ ಬಗ್ಗೆ ಮತ್ತಷ್ಟು ಭಯ ಹುಟ್ಟುವಂತೆ ಮಾಡುತ್ತಿದ್ದಾರೆ ಎಂದು ವಕೀಲರೊಬ್ಬರು ಪೊಲೀಸರಿಗೆ ದೂರು ನೀಡಿದ್ದರು.

ಈ ರೂಪಾಂತರ ವೈರಸ್​ ಭಯದಿಂದಾಗಿ ನೆರೆರಾಜ್ಯದ ಜನರು, ಆಂಧ್ರ ಜನರನ್ನು ತಮ್ಮ ರಾಜ್ಯಕ್ಕೆ ಸೇರಿಸುತ್ತಿಲ್ಲ. ಇಲ್ಲಿನ ಜನರಲ್ಲಿ ಆತಂಕ ಮೂಡಲು, ನೆರೆ ರಾಜ್ಯದ ಜನರು ಇಲ್ಲಿನವರನ್ನು ತಮ್ಮ ರಾಜ್ಯಕ್ಕೆ ಪ್ರವೇಶ ಮಾಡಲು ಬಿಡದೆ ಇರುವುದಕ್ಕೆಲ್ಲ ಕಾರಣ ಚಂದ್ರಬಾಬು ನಾಯ್ಡು ಅವರು ಹಬ್ಬಿಸಿದ ಸುಳ್ಳು ಸುದ್ದಿಯೇ ಕಾರಣ ಎಂದು ಆ ವಕೀಲ ದೂರಿನಲ್ಲಿ ಉಲ್ಲೇಖಿಸಿದ್ದರು.

ಇನ್ನು ಚಂದ್ರಬಾಬು ನಾಯ್ಡು ಅವರು ತಪ್ಪಾದ ಮಾಹಿತಿಯನ್ನು ಜನರಿಗೆ ನೀಡುವ ಮೂಲಕ ಅವರ ದಾರಿ ತಪ್ಪಿಸುತ್ತಿದ್ದಾರೆ ಎಂದು ವೈಎಸ್​ಆರ್​ಸಿಪಿ ಮುಖಂಡ ಸಜ್ಜಲಾ ರಾಮಕೃಷ್ಣ ರೆಡ್ಡಿ ಕೂಡ ಆರೋಪಿಸಿದ್ದಾರೆ.

ಇದನ್ನೂ ಓದಿ: ಯುಕೆಯಲ್ಲಿ ನಡೆಯಲಿರುವ ಜಿ7 ಶೃಂಗಸಭೆಯಲ್ಲಿ ಪಾಲ್ಗೊಳ್ಳುತ್ತಿಲ್ಲ ಪ್ರಧಾನಿ ಮೋದಿ

ಕುವೈತ್​ನಿಂದ ಮತ್ತೆ ಆಕ್ಸಿಜನ್ ನೆರವು; ಎರಡು ಹಡಗುಗಗಳಲ್ಲಿ ಬಂದಿಳಿದ ವೈದ್ಯಕೀಯ ಪರಿಕರಗಳು

FIR Against TDP Leader Chandrababu Naidu over his N440K variant statement

Follow us on

Most Read Stories

Click on your DTH Provider to Add TV9 Kannada