ಕೇಂದ್ರೀಯ ಸಶಸ್ತ್ರ ಪೊಲೀಸ್ ಪಡೆ ಸಿಬ್ಬಂದಿ ರಜೆ ವಿವರ ಕೇಳಿದ ಗೃಹ ಸಚಿವ ಅಮಿತ್ ಶಾ

ದೆಹಲಿ: ಕೇಂದ್ರೀಯ ಸಶಸ್ತ್ರ ಪೊಲೀಸ್ ಪಡೆ ಸಿಬ್ಬಂದಿ ಕನಿಷ್ಠ 100 ದಿನಗಳ ಕಾಲ ತಮ್ಮ ತಮ್ಮ ಕುಟುಂಬಗಳೊಂದಿಗೆ ಸಮಯ ಕಳೆಯಬೇಕೆನ್ನುವ ತಮ್ಮ ಮಹತ್ವಾಕಾಂಕ್ಷೆ ಯೋಜನೆಗೆ ಅನುಗುಣವಾಗಿ ಈ ಸಿಬ್ಬಂದಿ ವರ್ಗದವರು ತಮ್ಮ ನಿಗದಿತ ರಜೆಗಳನ್ನು ಸೂಕ್ತವಾಗಿ ಉಪಯೋಗಿಸಿಕೊಳ್ಳಿತ್ತಿದ್ದಾರೆಯೇ ಎನ್ನುವುದನ್ನು ತಿಳಿಸುವ ಮೂರು ವರ್ಷಗಳ ಅವಧಿಯ ದಾಖಲೆಗಳನ್ನು ತಮ್ಮ ಸಚಿವಾಲಯಕ್ಕೆ ಒದಗಿಸಬೇಕೆಂದು ಸಂಬಂಧಪಟ್ಟ ಅಧಿಕಾರಿಗಳಿಗೆ ಗೃಹ ಸಚಿವ ಗೃಹ ಸಚಿವ ಅಮಿತ್ ಶಾ ಅವರ ನಿರ್ದೇಶನ ನೀಡಿದ್ದಾರೆ.

ಸಶಸ್ತ್ರ ಪಡೆಗಳಿಗೆ ಈ ಕುರಿತು ಆದೇಶವೊಂದನ್ನು ರವಾನಿಸಿರುವ ಗೃಹ ಸಚಿವಾಲಯ ಎಲ್ಲ ಪಡೆಗಳು ಹೆಚ್ಚುವರಿ ಪ್ರಧಾನ ನಿರ್ದೇಶಕ ಶ್ರೇಣಿಯ ಹಿರಿಯ ಅಧಿಕಾರಿಯಬ್ಬರನ್ನು ನೇಮಿಸಿ ವಿಷಯಕ್ಕೆ ಸಂಬಂಧಿಸಿದಂತೆ ಮುಂದಿನ ತಿಂಗಳು ಮೊದಲ ವಾರದೊಳಗೆ ವರದಿ ಸಲ್ಲಿಸಬೇಕೆಂದು ಸೂಚಿಸಿದೆ. ಸಿಆರ್​ಪಿಎಫ್, ಬಿಎಸ್​ಎಫ್, ಐಟಿಪಿಬಿ, ಸಿಐಎಸ್​ಎಫ್ ಮತ್ತು ಎಸ್​ಎಸ್​ಬಿ ಮೊದಲಾದವು ಕೇಂದ್ರೀಯ ಸಶಸ್ತ್ರ ಪೊಲೀಸ್ ಪಡೆಯ ಭಾಗಗಳಾಗಿವೆ.

ತಾವು ಕಳೆದ ವರ್ಷ ತಾವು ಜಾರಿಗೊಳಿಸಿದ ಯೋಜನೆ ಬೀರಿರಬಹುದಾದ ಪರಿಣಾಮವನ್ನು ಇತ್ತಿಚಿಗೆ ಪರಾಮರ್ಶಿಸಿದ ನಂತರ ಗೃಹ ಸಚಿವ ಶಾ ಈ ಸದರಿ ಆದೇಶ ಹೊರಡಿಸಿದ್ದಾರೆಂದು ಆಧಿಕೃತ ಮೂಲಗಳಿಂದ ತಿಳಿದು ಬಂದಿದೆ. ಸಶಸ್ತ್ರ ಪೊಲೀಸ್ ಪಡೆಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಜವಾನನೊಬ್ಬ ಕನಿಷ್ಠ 100 ದಿನ ತನ್ನ ಕುಟುಂಬದೊಂದಿಗೆ ಕಳೆಯಬೇಕೆಂಬ ನಿಯಮವನ್ನು 2019ರಲ್ಲಿ ಶಾ ಜಾರಿಗೆ ತಂದಾಗ ಜವಾನರು ಅದನ್ನು ಮುಕ್ತವಾಗಿ ಶ್ಲಾಘಿಸಿದ್ದರು.

ಗೃಹ ಸಚಿವ ಅಮಿತ್ ಶಾ

ಈ ಪಡೆಗಳಲ್ಲಿ ಸೇವೆ ಸಲ್ಲಿಸುವ ಜವಾನರ ಮೇಲಿನ ಒತ್ತಡ ಕಡಿಮೆಯಾಗಲಿಯೆನ್ನುವ ದೃಷ್ಟಿಯಿಂದ ಶಾ ಈ ನಿಯಮವನ್ನು ರೂಪಿಸಿದ್ದರು. ಒತ್ತಡಕ್ಕೊಳಗಾದ ಜವಾನರು ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣಗಳು ಹೆಚ್ಚಾಗಿದ್ದು ಶಾ ಅವರನ್ನು ಈ ಕುರಿತು ಗಂಭೀರವಾಗಿ ಯೋಚಿಸುವಂತೆ ಮಾಡಿತ್ತು.

ಸಶಸ್ತ್ರ ಪಡೆಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಜವಾನರು ಪ್ರಸಕ್ತ ವರ್ಷ, ಕಳೆದ ವರ್ಷ ಮತ್ತು 2018 ರಲ್ಲಿ ಪಡೆದ ರಜೆ ವಿವರವನ್ನು ಗೃಹ ಸಚಿವಾಲಯ ಕೇಳಿದೆ. ಈ ನಿಯಮ ಜಾರಿಗೆ ಬಂದ ನಂತರ ಪರಿಸ್ಥಿತಿಯಲ್ಲಿ ಸುಧಾರಣೆಯಾಗಿದೆಯೇ ಎನ್ನುವುದನ್ನು ತಿಳಿದುಕೊಳ್ಳುವ ಸಲುವಾಗಿ ಸಚಿವಾಲಯ ಪಾಯಿಂಟ್​ವಾರು ವಿವರಗಳನ್ನು ಕೇಳಿದೆ ಎಂದು ಮೂಲಗಳು ತಿಳಿಸಿವೆ.

‘ವಿವರಗಳನ್ನು ಸಂಗ್ರಹಿಸುವ ಹಿಂದಿನ ಉದ್ದೇಶವೆಂದರೆ, ಗೃಹ ಸಚಿವರ ನಿರ್ದೇಶನವನ್ನು ಸೂಕ್ತವಾಗಿ ಜಾರಿಗೊಳಿಸಲಾಗಿದೆಯೇ ಅಂತ ತಿಳಿದುಕೊಳ್ಳುವುದಾಗಿದೆ. ವಾಸ್ತವ ಸ್ಥಿತಿ ಏನಾಗಿದೆ ಎಂಬುದನ್ನು ತಿಳಿದುಕೊಳ್ಳುವ ಇರಾದೆ ಗೃಹ ಸಚಿವರಿಗಿದೆ. ಸಚಿವಾಲಯಕ್ಕೆ ಒದಗಿಸಲಾಗುವ ವರದಿ ವಸ್ತುಸ್ಥಿತಿಯನ್ನು ಅರಿಯಲು ನೆರವಾಗುತ್ತದೆ’ ಎಂದು ಗೃಹ ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ರೈತ ಮುಖಂಡರ ಜೊತೆ ಅಮಿತ್ ಶಾ ಸಭೆ: ಇನ್ನಾದರೂ ಇತ್ಯರ್ಥವಾಗುತ್ತಾ ಅನ್ನದಾತರ ಬೇಡಿಕೆ

Published On - 9:17 pm, Thu, 10 December 20