Coronavirus Cases in India: ಭಾರತದಲ್ಲಿ 42,766 ಹೊಸ ಕೊವಿಡ್ -19 ಪ್ರಕರಣ ಪತ್ತೆ, 308 ಮಂದಿ ಸಾವು
Covid 19: ಮುಂದಿನ ವಾರ ಪರಿಶೀಲನಾ ಸಭೆಯವರೆಗೆ ಕೇರಳದಲ್ಲಿ ಭಾನುವಾರ ಸಂಪೂರ್ಣ ಲಾಕ್‌ಡೌನ್ ಮತ್ತು ಕೊವಿಡ್ -19 ನಿರ್ಬಂಧಗಳ ಭಾಗವಾಗಿ ರಾತ್ರಿ 10 ಗಂಟೆಯಿಂದ ಬೆಳಿಗ್ಗೆ 6 ಗಂಟೆಗೆ ಕರ್ಫ್ಯೂ ಮುಂದುವರಿಯುತ್ತದೆ ಎಂದು ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಶನಿವಾರ ಹೇಳಿದ್ದಾರೆ.
Updated on:Sep 05, 2021 | 11:49 AM
ದೆಹಲಿ: ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿಯ ಪ್ರಕಾರ ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 42,766 ಹೊಸ ಕೊವಿಡ್ -19 (Covid-19) ಪ್ರಕರಣಗಳು ಪತ್ತೆಯಾಗಿದ್ದು 308 ಮಂದಿ ಸಾವಿಗೀಡಾಗಿದ್ದಾರೆ. ಕಳೆದ 24 ಗಂಟೆಗಳಲ್ಲಿ ವರದಿಯಾದ ಹೊಸ ಪ್ರಕರಣಗಳಲ್ಲಿ, ಕೇರಳದಲ್ಲಿ ನಿನ್ನೆ 29,682 ಹೊಸ ಪ್ರಕರಣಗಳು ಮತ್ತು 142 ಸಾವುಗಳನ್ನು ದಾಖಲಿಸಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 4,10,048 ಕ್ಕೆ ಏರಿದೆ, ಅದರಲ್ಲಿ 2.5 ಲಕ್ಷ ಪ್ರಕರಣಗಳು ಕೇರಳದಲ್ಲಿವೆ. ರಾಷ್ಟ್ರೀಯ ಚೇತರಿಕೆಯ ಪ್ರಮಾಣವು ಶೇಕಡಾ 97.42 ರಲ್ಲಿದೆ. ಮಹಾರಾಷ್ಟ್ರ ಕಳೆದ 24 ಗಂಟೆಗಳಲ್ಲಿ 65 ಸಾವುಗಳನ್ನು ವರದಿ ಮಾಡಿದೆ ಎಂದು ಸಚಿವಾಲಯ ತಿಳಿಸಿದೆ. ಮುಂದಿನ ವಾರ ಪರಿಶೀಲನಾ ಸಭೆಯವರೆಗೆ ಕೇರಳದಲ್ಲಿ ಭಾನುವಾರ ಸಂಪೂರ್ಣ ಲಾಕ್‌ಡೌನ್ ಮತ್ತು ಕೊವಿಡ್ -19 ನಿರ್ಬಂಧಗಳ ಭಾಗವಾಗಿ ರಾತ್ರಿ 10 ಗಂಟೆಯಿಂದ ಬೆಳಿಗ್ಗೆ 6 ಗಂಟೆಗೆ ಕರ್ಫ್ಯೂ ಮುಂದುವರಿಯುತ್ತದೆ ಎಂದು ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಶನಿವಾರ ಹೇಳಿದ್ದಾರೆ.
COVID19 | India reports 42,766 new cases in the last 24 hours, active caseload stands at 4,10,048 ; Recovery Rate currently at 97.42% pic.twitter.com/25mkPzJZJP
— ANI (@ANI) September 5, 2021
ತಿರುವನಂತಪುರಂನಲ್ಲಿ ಸುದ್ದಿಗಾರರನ್ನು ಉದ್ದೇಶಿಸಿ ಮಾತನಾಡಿದ ವಿಜಯನ್, ಸೆಪ್ಟೆಂಬರ್ 7 ರಂದು ವಿಸ್ತೃತ ಪರಿಶೀಲನಾ ಸಭೆ ನಡೆಸಲಾಗುವುದು, ಅಲ್ಲಿ ನಿರ್ಬಂಧಗಳನ್ನು ವಿಸ್ತರಿಸುವ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ಹೇಳಿದರು. 7 ಕ್ಕಿಂತ ಹೆಚ್ಚಿನ ಸಾಪ್ತಾಹಿಕ ಸೋಂಕು ಧನಾತ್ಮಕ ದರ (ಡಬ್ಲ್ಯುಐಪಿಆರ್) ಹೊಂದಿರುವ ಪುರಸಭೆಯ ವಾರ್ಡ್‌ಗಳಲ್ಲಿ ಮೈಕ್ರೋ ಲಾಕ್‌ಡೌನ್‌ಗಳು ಮುಂದಿನ ವಾರದವರೆಗೂ ಮುಂದುವರಿಯುತ್ತದೆ ಎಂದು ಹೇಳಿದರು.
COVID19 | Of 42,766 new cases reported in India in the last 24 hours, Kerala recorded 29,682 COVID positive cases yesterday. The state also reported 142 deaths yesterday.
— ANI (@ANI) September 5, 2021
1 ಕೋಟಿ ಲಸಿಕೆಗಳ ಮೈಲಿಗಲ್ಲು ದಾಟಿದ ದೆಹಲಿ
ದೆಹಲಿಯಲ್ಲಿ ಶನಿವಾರ 1.68 ಲಕ್ಷ ಲಸಿಕೆ ಪ್ರಮಾಣವನ್ನು ನೀಡಲಾಗಿದ್ದು, ರಾಜಧಾನಿಯು 1 ಕೋಟಿ ಜನರಿಗೆ ಕನಿಷ್ಠ ಒಂದು ಡೋಸ್ ಲಸಿಕೆ ನೀಡುತ್ತಿರುವ ಮೈಲಿಗಲ್ಲನ್ನು ದಾಟಿದೆ.
ಸರ್ಕಾರದ ಅಂದಾಜಿನ ಪ್ರಕಾರ ದೆಹಲಿಯು ಸರಿಸುಮಾರು 2 ಕೋಟಿ ಜನಸಂಖ್ಯೆಯನ್ನು ಹೊಂದಿದೆ, ಅದರಲ್ಲಿ 1.5 ಕೋಟಿ ಜನರು 18 ವರ್ಷಕ್ಕಿಂತ ಮೇಲ್ಪಟ್ಟವರು ಮತ್ತು ಕೊವಿಡ್ ಲಸಿಕೆ ಪಡೆಯಲು ಅರ್ಹರು. ಈ ವಾರ ಅತಿಹೆಚ್ಚು ಲಸಿಕೆ ಡೋಸ್‌ಗಳನ್ನು ಶನಿವಾರ ನೀಡಲಾಗಿದ್ದು, ದೆಹಲಿಯಲ್ಲಿ 1,40,95,736 ಡೋಸ್‌ಗಳನ್ನು ನೀಡಲಾಗಿದೆ. ನಗರದ ಲಸಿಕಾ ಅಭಿಯಾನ ಆರಂಭವಾದಾಗಿನಿಂದ 1,00,40,983 ಮೊದಲ ಡೋಸ್‌ಗಳು ಅಂದರೆ 1 ಕ್ಕಿಂತ ಹೆಚ್ಚು ಕೋಟಿ, ಅಥವಾ ಮೂರನೇ ಎರಡರಷ್ಟು ಕನಿಷ್ಠ ಒಂದು ಡೋಸ್ ಪಡೆದಿದ್ದಾರೆ. ಇದು ರಾಷ್ಟ್ರೀಯ ಲಸಿಕೆ ವ್ಯಾಪ್ತಿಗಿಂತ ದೆಹಲಿಯನ್ನು ಬಹಳ ಮುಂದಿದೆ. ಇದು ಪ್ರಸ್ತುತ ಭಾರತದ ಅರ್ಹ ಜನಸಂಖ್ಯೆಯ ಶೇಕಡಾ 55 ಕ್ಕಿಂತ ಸ್ವಲ್ಪ ಹೆಚ್ಚು ಕನಿಷ್ಠ ಒಂದು ಡೋಸ್ ಪಡೆದಿದೆ
ಇದನ್ನೂ ಓದಿ: Nipah virus ಕೇರಳದ ಕೋಯಿಕ್ಕೋಡ್ ಜಿಲ್ಲೆಯಲ್ಲಿ ನಿಫಾ ವೈರಸ್ನಿಂದ ಬಾಲಕ ಸಾವು
Published On - 11:31 am, Sun, 5 September 21
