Coronavirus cases in India: ದೇಶದಲ್ಲಿ 46,148 ಹೊಸ ಕೊವಿಡ್ ಪ್ರಕರಣ ಪತ್ತೆ, 979 ಮಂದಿ ಸಾವು

ದೆಹಲಿ: ಭಾರತದಲ್ಲಿ ಕಳೆದ 24ಗಂಟೆಗಳಲ್ಲಿ 46,148 ಹೊಸ ಕೊವಿಡ್ -19 ಪ್ರಕರಣಗಳನ್ನು ವರದಿ ಆಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳಿಂದ ತಿಳಿದು ಬಂದಿದೆ. ಕಳೆದ 24 ಗಂಟೆಗಳಲ್ಲಿ 979 ಸಾವುಗಳು ಸಂಭವಿಸಿದ್ದು, ಏಪ್ರಿಲ್ 12 ರಿಂದ ಮೊದಲ ಬಾರಿಗೆ ದೈನಂದಿನ ಸಾವಿನ ಸಂಖ್ಯೆ 1,000 ಕ್ಕಿಂತ ಕಡಿಮೆಯಾಗಿದೆ. 100 ಕ್ಕೂ ಹೆಚ್ಚು ಸಾವುಗಳನ್ನು ವರದಿ ಮಾಡಿದ ಏಕೈಕ ರಾಜ್ಯವಾದ ಮಹಾರಾಷ್ಟ್ರದಲ್ಲಿ 411 ಸಾವು ದಾಖಲಿಸಿದೆ. ಒಟ್ಟಾರೆ ಸಾವಿನ ಸಂಖ್ಯೆ 3,96,730 ಕ್ಕೆ ತಲುಪಿದೆ.

ದೇಶದಲ್ಲಿ ಒಟ್ಟು ಕೊರೊನಾವೈರಸ್ ಪ್ರಕರಣಗಳು ಈಗ 3,02,79,331 ರಷ್ಟಿದೆ. ಪ್ರಸ್ತುತ 5,72,994 ಸಕ್ರಿಯ ಪ್ರಕರಣಗಳಿದ್ದು, 2,93,09,607 ಜನರು ಈ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದಾರೆ. ರಾಜ್ಯಗಳಲ್ಲಿ, ಕೇರಳ 10,905 ಹೊಸ ಪ್ರಕರಣಗಳಲ್ಲಿ ಅಗ್ರಸ್ಥಾನದಲ್ಲಿದೆ. ಮಹಾರಾಷ್ಟ್ರದಲ್ಲಿ 9,974 ಪ್ರಕರಣಗಳಿವೆ.

ಮುಂಬೈ ಮೂಲದ ಸಮೀಕ್ಷೆಯು ಮೊದಲ ಲಸಿಕೆ ಕಾರ್ಯನಿರ್ವಹಿಸುತ್ತಿದ್ದರೆ, ಎರಡನೆಯದು ಇನ್ನೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ತೋರಿಸುತ್ತದೆ. ಜನವರಿ 1 ರಿಂದ ಜೂನ್ 17 ರವರೆಗೆ ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (ಬಿಎಂಸಿ) ಸಮೀಕ್ಷೆ ನಡೆಸಿದ ನಗರದ 2.9 ಲಕ್ಷ ಕೋವಿಡ್ ರೋಗಿಗಳಲ್ಲಿ, ಕೇವಲ 26 ಲಸಿಕೆ ಡೋಸ್ ಪಡೆದ ನಂತರ ಕೇವಲ 26 ಮತ್ತು ಮೊದಲ ಡೋಸ್ ನಂತರ 10,500 ಸೋಂಕು ತಗುಲಿದೆಯೆಂದು ವರದಿಯಾಗಿದೆ. ಬಿಎಂಸಿಯ ವಾರ್ ರೂಂ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ, ಈ ಅವಧಿಯಲ್ಲಿ ಮುಂಬೈ 3.95 ಲಕ್ಷ ಕೋವಿಡ್ ಪ್ರಕರಣಗಳನ್ನು ದಾಖಲಿಸಿದೆ ಎಂದು ದಿ ಇಂಡಿಯನ್ ಎಕ್ಸ್​​ಪ್ರೆಸ್ ವರದಿ ಮಾಡಿದೆ.

ದೈನಂದಿನ ಚೇತರಿಕೆ ಈಗ ಸತತ 46 ನೇ ದಿನಕ್ಕೆ ದೈನಂದಿನ ಹೊಸ ಪ್ರಕರಣಗಳನ್ನು ಮೀರಿಸುತ್ತಿವೆ, ರಾಷ್ಟ್ರವ್ಯಾಪಿ ಚೇತರಿಕೆ ಪ್ರಮಾಣವು ಪ್ರಸ್ತುತ ಶೇ 96.75ರಷ್ಟಿದೆ.

ದೇಶದ 20 ಜಿಲ್ಲೆಗಳಲ್ಲಿ ಒಟ್ಟು ಸಕ್ರಿಯ ಕೊವಿಡ್ ಪ್ರಕರಣ ಶೇ 40
75 ಜಿಲ್ಲೆಗಳು ಇನ್ನೂ 10% ಕ್ಕಿಂತ ಹೆಚ್ಚು ಸಕಾರಾತ್ಮಕತೆಯನ್ನು ಹೊಂದಿವೆ, ಆದರೆ 92 ಜಿಲ್ಲೆಗಳು 5-10% ನಡುವೆ ಸಕಾರಾತ್ಮಕತೆಯನ್ನು ಹೊಂದಿವೆ.
ಕೊವಿಡ್ -19 ರ ಒಟ್ಟು 5.95 ಲಕ್ಷ ಸಕ್ರಿಯ ಪ್ರಕರಣಗಳಲ್ಲಿ ಸುಮಾರು ಶೇ  40 ಪ್ರಕರಣಗಳು  20 ಜಿಲ್ಲೆಗಳಲ್ಲಿ ವರದಿ ಆಗಿದೆ.  ಮಹಾರಾಷ್ಟ್ರದ 12 ಜಿಲ್ಲೆಗಳ ಪೈಕಿ ಏಳು ಜಿಲ್ಲೆಗಳು ಮತ್ತು ಕೇರಳದ ಐದು ಜಿಲ್ಲೆಗಳಲ್ಲಿಸೋಂಕು ಹೆಚ್ಚಿನ ಪ್ರಮಾಣದಲ್ಲಿದೆ.

ಖಾಸಗಿ ಲಸಿಕೆ ಡೋಸ್ ಶೇ 75 ನಷ್ಟಿದೆ
ಭಾರತದ ವಯಸ್ಕ ಜನಸಂಖ್ಯೆಯ ಕಾಲು ಭಾಗದಷ್ಟು (27%)  ಐದು ರಾಜ್ಯಗಳಲ್ಲಿ ಮುಕ್ಕಾಲು ಭಾಗದಷ್ಟು ಖಾಸಗಿ ಲಸಿಕೆ ಡೋಸ್  ಹೊಂದಿವೆ ಎಂದು ಸರ್ಕಾರ ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿದ ಮಾಹಿತಿಯಲ್ಲಿ ತಿಳಿಸಿದೆ.
ಖಾಸಗಿ ಲಸಿಕೆ ಡೋಸ್ ಅತೀ ಹೆಚ್ಚು  ಪಡೆದಿರುವ ರಾಜ್ಯಗಳು, ಕರ್ನಾಟಕ, ಬಂಗಾಳ, ದೆಹಲಿ ಮತ್ತು ತೆಲಂಗಾಣ ಆಗಿದೆ.

ಭಾರತವು 32,36,63,297 ಡೋಸ್  ಕೊವಿಡ್ ಲಸಿಕೆಗಳನ್ನು ನೀಡಿದ್ದು ಅಮೆರಿಕವನ್ನು ಹಿಂದಿಕ್ಕಿದೆ.

ಇದನ್ನೂ ಓದಿ: ಮೂರನೇ ಅಲೆಯಿಂದ ಮಕ್ಕಳನ್ನು ರಕ್ಷಿಸಲು ಕೊವಿಡ್​ ಲಸಿಕೆ ಸಿದ್ಧ; ಜುಲೈ-ಅಗಸ್ಟ್​​ನಿಂದ 12 ವರ್ಷ ಮೇಲ್ಪಟ್ಟವರಿಗೆ ವ್ಯಾಕ್ಸಿನೇಶನ್​​