Coronavirus cases in India: ದೇಶದಲ್ಲಿ ಒಂದೇ ದಿನ 1,94,720 ಹೊಸ ಕೊವಿಡ್ ಪ್ರಕರಣ ಪತ್ತೆ, 9.5 ಲಕ್ಷ ಗಡಿ ದಾಟಿದ ಸಕ್ರಿಯ ಪ್ರಕರಣ

ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 1,94,720 ಹೊಸ ಕೊವಿಡ್ -19 (Covid-19) ಪ್ರಕರಣಗಳು ಮತ್ತು 442 ಸಾವುಗಳು ವರದಿ ಆಗಿವೆ. ಸಕ್ರಿಯ ಪ್ರಕರಣಗಳು 9,55,319 ಕ್ಕೆ ಏರಿದೆ, ಇದು 211 ದಿನಗಳಲ್ಲಿ ಅತಿ ಹೆಚ್ಚು.  ದೈನಂದಿನ ಧನಾತ್ಮಕತೆಯ ದರವು ಶೇಕಡಾ 11.05 ಕ್ಕೆ ಏರಿದೆ. ಏತನ್ಮಧ್ಯೆ, ದೇಶದಲ್ಲಿ ಒಮಿಕ್ರಾನ್ (Omicron) ಪ್ರಕರಣಗಳ ಸಂಖ್ಯೆ 4,868 ಕ್ಕೆ ತಲುಪಿದೆ. ಹೊಸ ರೂಪಾಂತರದ ಅತಿ ಹೆಚ್ಚು ಪ್ರಕರಣಗಳನ್ನು ಮಹಾರಾಷ್ಟ್ರ(Maharashtra) ಹೊಂದಿದೆ. ಇಲ್ಲಿ 1,281 ಪ್ರಕರಣಗಳಿದ್ದು ನಂತರದ ಸ್ಥಾನದಲ್ಲಿ ರಾಜಸ್ಥಾನ ಇದೆ. ಇಲ್ಲಿ 645 ಪ್ರಕರಣಗಳು ವರದಿ ಆಗಿದ್ದು ದೆಹಲಿಯು 546 ಪ್ರಕರಣಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. ರಾಷ್ಟ್ರ ರಾಜಧಾನಿಯು ರೂಪಾಂತರದ ಯಾವುದೇ ಹೊಸ ಪ್ರಕರಣಗಳನ್ನು ದಾಖಲಿಸಿಲ್ಲ. ಇದರೊಂದಿಗೆ, ರಾಷ್ಟ್ರವ್ಯಾಪಿ ಸೋಂಕಿನ ಸಂಖ್ಯೆ 3,60,70,510 ಕ್ಕೆ ಏರಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ ಮತ್ತೊಮ್ಮೆ 10 ಲಕ್ಷದ ಸಮೀಪದಲ್ಲಿದೆ ಮತ್ತು ಪ್ರಸ್ತುತ ಪ್ರಕರಣಗಳ ಸಂಖ್ಯೆ  9,55,319 ರಷ್ಟಿದೆ. ಮಂಗಳವಾರದಿಂದ 1,33,873 ಪ್ರಕರಣಗಳು ಹೆಚ್ಚಳವಾಗಿದೆ. 60,405 ಹೆಚ್ಚಿನ ರೋಗಿಗಳನ್ನು ಬಿಡುಗಡೆ ಮಾಡಲಾಗಿದ್ದು, ಒಟ್ಟು ಚೇತರಿಕೆಯ ಸಂಖ್ಯೆಯನ್ನು 34,630,536 ಕ್ಕೆ ತಲುಪಿದೆ.

ಒಟ್ಟಾರೆ ಪ್ರಕರಣದಲ್ಲಿ ಶೇ 96.01 ಚೇತರಿಕೆ, 2.65 ಶೇಕಡಾ ಸಕ್ರಿಯ ಪ್ರಕರಣಗಳು ಮತ್ತು ಶೇ 1.34 ಸಾವುಗಳು ವರದಿಯಾಗಿದೆ. ಒಮಿಕ್ರಾನ್ ಸೋಂಕಿನ ಸಂಖ್ಯೆ 4868 ರಷ್ಟಿದೆ, ಜನವರಿ 11 ರಂದು ಹೊಸ ರೂಪಾಂತರದ 407 ಪ್ರಕರಣಗಳು ಏರಿಕೆಯಾಗಿದೆ. ಕೊವಿಡ್-19 ಲಸಿಕೆಗಳ 8.5 ಮಿಲಿಯನ್‌ಗಿಂತಲೂ ಹೆಚ್ಚು ಹೆಚ್ಚುವರಿ ಡೋಸ್‌ಗಳನ್ನು ನೀಡಲಾಯಿತು, ಕಳೆದ ವರ್ಷ ಜನವರಿ 16 ರಿಂದ ರಾಷ್ಟ್ರವ್ಯಾಪಿ ಲಸಿಕೆ ನೀಡಿಕೆ ಪ್ರಾರಂಭವಾದಾಗಿನಿಂದ ನೀಡಲಾದ ಒಟ್ಟು ಡೋಸ್‌ಗಳ ಸಂಖ್ಯೆ 1.53 ಶತಕೋಟಿಗಿಂತಲೂ (153 ಕೋಟಿ) ಜಾಸ್ತಿ ಆಗಿದೆ.

ಮಂಗಳವಾರ ದೇಶಾದ್ಯಂತ ಹಲವಾರು ರಾಜ್ಯಗಳಲ್ಲಿ ಕೊವಿಡ್-19 ಪ್ರಕರಣಗಳು ಏರಿಕೆ ಕಂಡಿವೆ. ಪಶ್ಚಿಮ ಬಂಗಾಳದಲ್ಲಿ, 21,098 ಜನರು ಧನಾತ್ಮಕ ಪರೀಕ್ಷೆ ನಡೆಸಿದ್ದರಿಂದ ಸಕ್ರಿಯ ಪ್ರಕರಣಗಳ ಸಂಖ್ಯೆ 1 ಲಕ್ಷದ ಗಡಿಯನ್ನು ಮೀರಿದೆ. ತಮಿಳುನಾಡಿನಲ್ಲಿ 15,379 ಹೊಸ ಪ್ರಕರಣಗಳು ವರದಿಯಾಗಿದ್ದು, ಸೋಮವಾರದ 13,990 ಕ್ಕೆ ಏರಿಕೆಯಾಗಿದೆ. ಅಂತೆಯೇ, ಕೇರಳ ತನ್ನ ದೈನಂದಿನ ಪ್ರಕರಣಗಳಲ್ಲಿ ತೀವ್ರ ಏರಿಕೆ ದಾಖಲಿಸಿದ್ದು 9,066 ಹೊಸ ಸೋಂಕುಗಳನ್ನು ವರದಿ ಮಾಡಿದೆ.

14,473 ಹೊಸ ಪ್ರಕರಣಗಳನ್ನು ವರದಿ ಮಾಡಿದ ದಿನದಂದು ರಾಜ್ಯದಲ್ಲಿ ಕೊವಿಡ್ ನಿರ್ಬಂಧಗಳನ್ನು ಜನವರಿ ಅಂತ್ಯದವರೆಗೆ ವಿಸ್ತರಿಸಲು ಕರ್ನಾಟಕ ನಿರ್ಧರಿಸಿದೆ. ದೆಹಲಿ ಕೂಡ ಹೊಸ ನಿರ್ಬಂಧಗಳನ್ನು ಹೇರಿದ್ದು ಖಾಸಗಿ ಕಚೇರಿಗಳಲ್ಲಿ ಮನೆಯಿಂದಲೇ ಕೆಲಸವನ್ನು ಕಡ್ಡಾಯಗೊಳಿಸಿತು. ರಾಷ್ಟ್ರೀಯ ರಾಜಧಾನಿ ಮಂಗಳವಾರ 21,259 ಹೊಸ ಪ್ರಕರಣಗಳು ಮತ್ತು 23 ಸಾವುನೋವುಗಳನ್ನು ವರದಿ ಮಾಡಿದೆ. ಮಹಾರಾಷ್ಟ್ರ 34,424 ಹೊಸ ಪ್ರಕರಣಗಳನ್ನು ದಾಖಲಿಸಿದೆ, ಹಿಂದಿನ ದಿನಕ್ಕಿಂತ 954 ಹೆಚ್ಚು. ಆದಾಗ್ಯೂ, ಮುಂಬೈನಲ್ಲಿ ಮಂಗಳವಾರ 11,647 ಪ್ರಕರಣ ದಾಖಲಾಗಿದೆ. ಜನವರಿ 7 ರಿಂದ ನಗರದ ದೈನಂದಿನ ಪ್ರಕರಣಗಳು ಕಡಿಮೆಯಾಗುತ್ತಿವೆ.

COVID-19: Union Health Secretary Rajesh Bhushan writes to chief secretaries of all States/UTs for taking immediate measures to ensure optimal availability of medical oxygen at health facilities pic.twitter.com/do43sU8xve

— ANI (@ANI) January 12, 2022

ಆಮ್ಲಜನಕದ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಿ: ಕೇಂದ್ರ

ದೇಶಾದ್ಯಂತ ಕೊವಿಡ್ -19 ಪ್ರಕರಣಗಳು ಹೆಚ್ಚಾಗುತ್ತಿದ್ದಂತೆ, ಆರೋಗ್ಯ ಸೌಲಭ್ಯಗಳಲ್ಲಿ ವೈದ್ಯಕೀಯ ಆಮ್ಲಜನಕದ ಅತ್ಯುತ್ತಮ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಪತ್ರ ಬರೆದಿದ್ದಾರೆ. ಒಳರೋಗಿಗಳ ಆರೈಕೆಯನ್ನು ಒದಗಿಸುವ ಆರೋಗ್ಯ ಸೌಲಭ್ಯಗಳು ಕನಿಷ್ಟ 48 ಗಂಟೆಗಳ ಕಾಲ ವೈದ್ಯಕೀಯ ಆಮ್ಲಜನಕದ ಬಫರ್ ಸ್ಟಾಕ್ ಅನ್ನು ಹೊಂದಿರಬೇಕು ಎಂದು ಭೂಷಣ್ ತಮ್ಮ ಪತ್ರದಲ್ಲಿ ತಿಳಿಸಿದ್ದಾರೆ. ದ್ರವ ವೈದ್ಯಕೀಯ ಆಮ್ಲಜನಕ (LMO) ಟ್ಯಾಂಕ್‌ಗಳನ್ನು ಮರುಪೂರಣಗೊಳಿಸಲು ನಿರಂತರ ಪೂರೈಕೆ ಸರಪಳಿಯನ್ನು ಖಚಿತಪಡಿಸಿಕೊಳ್ಳಲು ಅವರು ರಾಜ್ಯಗಳನ್ನು ಕೇಳಿದ್ದಾರೆ.

ಇದಲ್ಲದೇ, ಆರೋಗ್ಯ ಕಾರ್ಯದರ್ಶಿಯು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ PSA ಆಮ್ಲಜನಕ ಸ್ಥಾವರಗಳನ್ನು ಬಲಪಡಿಸಲು ಮತ್ತು ಆಮ್ಲಜನಕ ಸಿಲಿಂಡರ್‌ಗಳು ಮತ್ತು ಸಾಂದ್ರಕಗಳ ಸಮರ್ಪಕ ಪೂರೈಕೆಯನ್ನು ನಿರ್ವಹಿಸುವಂತೆ ಒತ್ತಾಯಿಸಿದರು.

ಇದನ್ನೂ ಓದಿ: ಬಿಜೆಪಿ ಪ್ರಧಾನ ಕಚೇರಿಯಲ್ಲಿ 42 ಸಿಬ್ಬಂದಿಗೆ ಕೊರೊನಾ ಸೋಂಕು; ಮಹಾರಾಷ್ಟ್ರದಲ್ಲಿ 480 ರೆಸಿಡೆಂಟ್​ ವೈದ್ಯರಲ್ಲೂ ಕೊವಿಡ್​ 19 ದೃಢ

Published On - 10:33 am, Wed, 12 January 22