Coronavirus cases in India: ದೇಶದಲ್ಲಿ 18,833 ಹೊಸ ಕೊವಿಡ್ ಪ್ರಕರಣ ಪತ್ತೆ, 278 ಮಂದಿ ಸಾವು

ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 18,833 ಹೊಸ ಕೊವಿಡ್ ಪ್ರಕರಣಗಳು ಪತ್ತೆಯಾಗಿದ್ದು 278 ಸಾವುಗಳನ್ನು ವರದಿ ಮಾಡಿದೆ. ಧನಾತ್ಮಕ ಪ್ರಕರಣಗಳ ಸಂಖ್ಯೆ ಶೇ 1.34 ಆಗಿದ್ದು ಕಳೆದ 37 ದಿನಗಳಲ್ಲಿ 3 ಶೇಕಡಾಕ್ಕಿಂತ ಕಡಿಮೆ ಆಗಿದೆ. ಹೆಚ್ಚಿನ ಪ್ರಕರಣಗಳನ್ನು ವರದಿ ಮಾಡುತ್ತಿರುವ ಕೇರಳದಲ್ಲಿ ಕಳೆದ ಕೆಲವು ದಿನಗಳಿಂದ ಪ್ರಕರಣಗಳಲ್ಲಿ ತೀವ್ರ ಕುಸಿತವನ್ನು ಕಂಡಿದೆ. 9,735 ಹೊಸ ಕೊವಿಡ್ ಪ್ರಕರಣಗಳು ಇಲ್ಲಿ ದಾಖಲಾಗಿದ್ದು 151 ಕೊವಿಡ್ ಸಾವುಗಳನ್ನು ವರದಿ ಮಾಡಿದೆ. ತಮಿಳುನಾಡಿನಲ್ಲಿ ಹೊಸ ಪ್ರಕರಣಗಳು 1,449 ರಷ್ಟಿದ್ದು, ಒಂದು ದಿನದಲ್ಲಿ ಅತಿ ಹೆಚ್ಚು ಪ್ರಕರಣಗಳನ್ನು ಹೊಂದಿರುವ ಎರಡನೇ ದಕ್ಷಿಣ ರಾಜ್ಯವಾಗಿದೆ. ಇದು 16 ಸಾವುಗಳನ್ನು ಸಹ ವರದಿ ಮಾಡಿದೆ. ನೆರೆಯ ಕರ್ನಾಟಕದಲ್ಲಿ ಕೂಡ ಪ್ರಕರಣಗಳಲ್ಲಿ ತೀವ್ರ ಇಳಿಕೆ ಕಂಡುಬಂದಿದೆ. ಇದು 24 ಗಂಟೆಗಳ ಅವಧಿಯಲ್ಲಿ 522 ಪ್ರಕರಣಗಳು ಮತ್ತು 13 ಸಾವುಗಳನ್ನು ವರದಿ ಮಾಡಿದೆ. ಕರ್ನಾಟಕ ಸರ್ಕಾರವು ಆರಂಭವಾಗುವ ಮೈಸೂರು ದಸರಾ ಉತ್ಸವದಲ್ಲಿ ಪ್ರದರ್ಶನ ನೀಡುವ ಅಧಿಕಾರಿಗಳಿಗೆ ಮತ್ತು ಕಲಾವಿದರಿಗೆ ನೆಗೆಟಿವ್ ಆರ್​​ಟಿಪಿಸಿಆರ್ ವರದಿ ಮತ್ತು ಕನಿಷ್ಠ ಒಂದು ಡೋಸ್ ಕೊರೊನಾವೈರಸ್ ಲಸಿಕೆ ಕಡ್ಡಾಯವಾಗಿದೆ.

ಪಶ್ಚಿಮ ಬಂಗಾಳದಲ್ಲಿ 619 ಹೊಸ ಪ್ರಕರಣಗಳು ಮತ್ತು 11 ಕೊವಿಡ್ ಸಾವುಗಳು ವರದಿಯಾಗಿವೆ. ಪಶ್ಚಿಮ ಬಂಗಾಳ ಸರ್ಕಾರವು ಸತತ ಎರಡನೇ ವರ್ಷ, ವಾರ್ಷಿಕ ದುರ್ಗಾ ಪೂಜೆಯ ಸಮಾರಂಭಗಳನ್ನು ರದ್ದುಗೊಳಿಸಲು ನಿರ್ಧರಿಸಿದೆ. ರಾಜಸ್ಥಾನದಲ್ಲಿ ಒಂದು ಹೊಸ ಕೊವಿಡ್ ಪ್ರಕರಣ, ಮಧ್ಯ ಪ್ರದೇಶ (10), ಬಿಹಾರ (2) – ಮೂರು ದೊಡ್ಡ ರಾಜ್ಯಗಳು – ಶೂನ್ಯ ಕೋವಿಡ್ ಸಾವುಗಳನ್ನು ವರದಿ ಮಾಡಿದೆ.

ಕರಾವಳಿ ರಾಜ್ಯ ಗೋವಾದಲ್ಲಿ 86 ಹೊಸ ಪ್ರಕರಣಗಳು ಮತ್ತು ಎರಡು ಕೊವಿಡ್ ಸಾವುಗಳು ವರದಿಯಾಗಿವೆ.

ಹೆಚ್ಚು ಜನಸಂಖ್ಯೆ ಹೊಂದಿರುವ ಉತ್ತರ ಪ್ರದೇಶದಲ್ಲಿ 20 ಹೊಸ ಪ್ರಕರಣಗಳು ಮತ್ತು ಎರಡು ಕೊವಿಡ್ ಸಾವುಗಳು ವರದಿಯಾಗಿದ್ದರೆ ನೆರೆಯ ದೆಹಲಿಯಲ್ಲಿ 27 ಹೊಸ ಪ್ರಕರಣಗಳು ಮತ್ತು ಯಾವುದೇ ಕೊವಿಡ್ ಸಾವುಗಳು ದಾಖಲಾಗಿಲ್ಲ.

ಇದನ್ನೂ ಓದಿ: Covid 3rd Wave: ಹಬ್ಬಗಳಿಂದ 2 ವಾರ ಮೊದಲೇ ಭಾರತಕ್ಕೆ ಅಪ್ಪಳಿಸುತ್ತಾ ಕೊವಿಡ್ 3ನೇ ಅಲೆ?

Published On - 10:58 am, Wed, 6 October 21