Indian Army Recruitment 2021: ಎಂಜಿನಿಯರಿಂಗ್ ಪದವೀಧರರಿಗೆ ಭಾರತೀಯ ಸೇನೆಯಲ್ಲಿ ಉದ್ಯೋಗಾವಕಾಶ; ಆನ್ಲೈನ್ ಮೂಲಕ ಅರ್ಜಿ ಆಹ್ವಾನ

ಭಾರತೀಯ ಸೇನೆಯ ಶಾಶ್ವತ ಆಯೋಗಕ್ಕಾಗಿ ಈ ನೇಮಕಾತಿ ನಡೆಯುತ್ತಿದ್ದು ಒಟ್ಟು 40 ಖಾಲಿ ಹುದ್ದೆಗಳಿವೆ ಎಂದು ಹೇಳಿದೆ. ಯಾವ ಪೋಸ್ಟ್ನಲ್ಲಿ ಎಷ್ಟು ವೆಕೆನ್ಸಿಗಳು ಖಾಲಿ ಇವೆ, ಅರ್ಜಿ ಸಲ್ಲಿಸಿವುದು ಹೇಗೆ? ಇಲ್ಲಿದೆ ಸಮಗ್ರ ಮಾಹತಿ..

ಭಾರತೀಯ ಸೇನೆ (ಪ್ರಾತಿನಿಧಿಕ ಚಿತ್ರ)

Lakshmi Hegde |
Updated on: Mar 21, 2021 | 12:52 PM

ನೀವು ಇಂಜಿನಿಯರಿಂಗ್ ಓದುತ್ತಿದ್ದರೆ, ಅಥವಾ ಪದವೀಧರರಾಗಿದ್ದು, 20-27ವರ್ಷದವರಾಗಿದ್ದರೆ ನಿಮಗೆ ಭಾರತೀಯ ಸೇನೆಯಲ್ಲಿದೆ ಉದ್ಯೋಗವಕಾಶ. 2021ರ ಜುಲೈನಿಂದ ಡೆಹ್ರಾಡೂನ್ನ ಭಾರತೀಯ ಸೇನಾ ಅಕಾಡೆಮಿಯಲ್ಲಿ ಪ್ರಾರಂಭವಾಗುವ 133ನೇ ತಾಂತ್ರಿಕ ಪದವಿ (TGC-133) ಕೋರ್ಸ್ಗೆ ಭಾರತೀಯ ಸೇನೆ ಆನ್ಲೈನ್ ಮೂಲಕ ಅರ್ಜಿ ಆಹ್ವಾನ ಮಾಡಿದೆ. ಅರ್ಜಿ ಸಲ್ಲಿಕೆಗೆ ಕೊನೇ ದಿನ ಮಾರ್ಚ್ 26. ಈ ಬಗ್ಗೆ ಭಾರತೀಯ ಸೇನೆ ತನ್ನ joinindianarmy.nic.in. ನಲ್ಲಿ ಅಧಿಸೂಚನಾ ಪ್ರಕಟಣೆ ಹೊರಡಿಸಿದ್ದು, ಆಸಕ್ತರು, ಅರ್ಹರು ಅರ್ಜಿ ಸಲ್ಲಿಸಬಹುದು ಎಂದು ಹೇಳಿದೆ.

ಭಾರತೀಯ ಸೇನೆಯ ಶಾಶ್ವತ ಆಯೋಗಕ್ಕಾಗಿ ಈ ನೇಮಕಾತಿ ನಡೆಯುತ್ತಿದ್ದು ಒಟ್ಟು 40 ಖಾಲಿ ಹುದ್ದೆಗಳಿವೆ ಎಂದು ಹೇಳಿದೆ. ಯಾವ ಪೋಸ್ಟ್ನಲ್ಲಿ ಎಷ್ಟು ವೆಕೆನ್ಸಿಗಳು ಖಾಲಿ ಇವೆ? ಇಲ್ಲಿದೆ ನೋಡಿ ಮಾಹಿತಿ..

ಸಿವಿಲ್/ ಕಟ್ಟಡ ನಿರ್ಮಾಣ ತಂತ್ರಜ್ಞಾನ -11
ಮೆಕ್ಯಾನಿಕಲ್-3
ಎಲೆಕ್ಟ್ರಿಕಲ್/ಎಲೆಕ್ಟ್ರಿಕಲ್ ಆ್ಯಂಡ್ ಎಲೆಕ್ಟ್ರಾನಿಕ್ಸ್-4
ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿಂಗ್/ಕಂಪ್ಯೂಟರ್ ಟೆಕ್ನಾಲಜಿ/ ಎಂ.ಎಸ್ಸಿ ಕಂಪ್ಯೂಟರ್ ಸೈನ್ಸ್-9
ಮಾಹಿತಿ ತಂತ್ರಜ್ಞಾನ (Technology) -3
ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಟೆಲಿಕಮ್ಯೂನಿಕೇಷನ್ -2
ಟೆಲಿಕಮ್ಯೂನಿಕೇಶನ್ ಎಂಜನಿಯರಿಂಗ್-1
ಎಲೆಕ್ಟ್ರಾನಿಕ್ ಆ್ಯಂಡ್ ಕಮ್ಯೂನಿಕೇಷನ್-1
ಸೆಟಲೈಟ್ ಕಮ್ಯೂನಿಕೇಷನ್-1
ಎರೋನಾಟಿಕಲ್/ಎರೋಸ್ಪೇಸ್/ಏವಿಯಾನಿಕ್ಸ್-3
ಆಟೋಮೊಬೈಲ್ ಎಂಜಿನಿಯರಿಂಗ್-1
ಟೆಕ್ಸ್ಟೈಲ್ ಎಂಜಿನಿಯರಿಂಗ್-1

ವಯಸ್ಸಿನ ಮಿತಿ ಇದೆ ಈ ಕೋರ್ಸ್ಗೆ ಅರ್ಜಿ ಸಲ್ಲಿಸುವವರು 20 ವರ್ಷ ಮೇಲ್ಪಟ್ಟವರಾಗಿರಬೇಕು.. 27ವರ್ಷ ಒಳಗಿರಬೇಕು. ಅಂದರೆ 1994 ರ ಜುಲೈ 2 ರಿಂದ 2001ರ ಜುಲೈ 1ರ ಮಧ್ಯದ ವರ್ಷದಲ್ಲಿ ಜನಿಸಿದವರಾಗಿರಬೇಕು. ಹಾಗೇ, ಇದೆರಡೂ ಡೇಟ್ಗಳಲ್ಲಿ ಹುಟ್ಟಿದವರೂ ಅಪ್ಲೈ ಮಾಡಬಹುದು. ಅವಿವಾಹಿತರಾಗಿರಬೇಕು.

ಅರ್ಜಿ ಸಲ್ಲಿಸುವುದು ಹೇಗೆ?

ಆಸಕ್ತ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವ ವಿಧಾನ ಇಲ್ಲಿದೆ..
www.joinindianarmy.nic.in. ವೆಬ್ಸೈಟ್ಗೆ ಭೇಟಿ ಕೊಡಿ
Officer Entry Apply/Login ಎಂಬಲ್ಲಿ ಕ್ಲಿಕ್ ಮಾಡಿ. ನಂತರ ರಿಜಿಸ್ಟ್ರೇಶನ್ ಮೇಲೆ ಕ್ಲಿಕ್ ಮಾಡಿ. ನೀವು ಅದಾಗಲೇ www.joinindianarmy.nic.in. ನಲ್ಲಿ ರಿಜಿಸ್ಟರ್ ಆಗಿದ್ದರೆ ಮತ್ತೆ ನೋಂದಣಿ ಅಗತ್ಯವಿಲ್ಲ.
ಅಲ್ಲಿರುವ ಅರ್ಜಿಯನ್ನು ತುಂಬಿ
ಅದಾದ ಬಳಿಕ ಅಪ್ಲೈ ಆನ್ಲೈನ್ ಎಂಬಲ್ಲಿ ಕ್ಲಿಕ್ ಮಾಡಿ.
ಅಧಿಕಾರಿಗಳ ಆಯ್ಕೆ ‘ಅರ್ಹತೆ’(Eligibility) ಎಂಬ ಪುಟ ಸ್ಕ್ರೀನ್ ಮೇಲೆ ಕಾಣಿಸಿಕೊಳ್ಳುತ್ತದೆ
ಅದರಲ್ಲಿ Technical Graduate Course ಗೆ ಅಪ್ಲೈ ಮಾಡಿ.
ಆಗೊಂದು ಅಪ್ಲಿಕೇಶನ್ ಫಾರ್ಮ್ ತೆರೆದುಕೊಳ್ಳುತ್ತದೆ. ಅದರಲ್ಲಿ ಸೂಚನೆಯನ್ನು ಓದಿ ಮತ್ತು ಕಂಟಿನ್ಯೂ ಎಂಬಲ್ಲಿ ಕ್ಲಿಕ್ ಮಾಡಿ. ನಂತರ ಅಲ್ಲಿರುವ ಖಾಲಿ ಜಾಗಗಳನ್ನು ಭರ್ತಿ ಮಾಡಿ.

ಅರ್ಹತೆ ಏನಿರಬೇಕು? ಕೋರ್ಸ್ಗೆ ಅರ್ಜಿ ಸಲ್ಲಿಸುವವರು ಎಂಜಿನಿಯರಿಂಗ್ ಪದವೀಧರರಾಗಿರಬೇಕು. ಒಮ್ಮೆ ನೀವಿನ್ನೂ ಎಂಜಿನಿಯರಿಂಗ್ ಓದುತ್ತಿದ್ದರೂ ಅಪ್ಲೈ ಮಾಡಬಹುದು. ಎಂಜನಿಯರಿಂಗ್ ಅಂತಿಮ ವರ್ಷದಲ್ಲಿ ಇರುವವರು 2021ರ ಜುಲೈ ಒಳಗಿನ ಎಲ್ಲ ಸೆಮಿಸ್ಟರ್ ಪರೀಕ್ಷೆಗಳ ಮಾರ್ಕ್ಶೀಟ್ ಸಲ್ಲಿಸಬೇಕು. ಹಾಗೇ ತರಬೇತಿ ಶುರುವಾಗುವ 12 ವಾರದ ಒಳಗೆ ಡಿಗ್ರಿ ಸರ್ಟಿಫಿಕೇಟ್ ಸಲ್ಲಿಸಬೇಕು.

ಇದನ್ನೂ ಓದಿ: ಕೆಲಸ ಮಾಡುವಾಗ ಬ್ರೇಕ್ಗಳನ್ನು ತೆಗೆದುಕೊಳ್ಳುವುದು ಉದ್ಯೋಗಿ ಮತ್ತು ಉದ್ಯೋಗದಾತ ಇಬ್ಬರಿಗೂ ಪ್ರಯೋಜನಕಾರಿ: ಅಧ್ಯಯನ

ಇಟ್ಟಿಗೆ ಫ್ಯಾಕ್ಟರಿಯಿಂದ ಪರಿಸರ ಮಾಲಿನ್ಯ; ಕಡಿವಾಣ ಹಾಕಲು ಚಾಮರಾಜನಗರ ಜನತೆಯ ಒತ್ತಾಯ