Indian Railways: ಸೀಟ್ ಬುಕಿಂಗ್​ಗೆ ಹೊಸ ಕೋಡ್​ಗಳನ್ನು ಪರಿಚಯಿಸಿದ ರೈಲ್ವೇ ಇಲಾಖೆ; ಪೂರ್ಣ ಪಟ್ಟಿ ಇಲ್ಲಿದೆ

ಭಾರತೀಯ ರೈಲ್ವೇ ಇಲಾಖೆ ಹಲವು ಹೊಸತನ್ನು ಅಳವಡಿಸಿಕೊಳ್ಳುತ್ತಿದೆ. ಅದು ರೈಲು ನಿಲ್ದಾಣಗಳಲ್ಲಿ ಆಗಿರಲಿ, ರೈಲುಗಳಲ್ಲಿ, ಅಥವಾ ಐಆರ್​ಸಿಟಿಸಿ ಅಭಿವೃದ್ಧಿಯ ಬುಕಿಂಗ್ ಪ್ಲಾಟ್​ಫಾರಂಗಳಲ್ಲಿ ಆಗಿರಬಹುದು ಹೀಗೆ ಎಲ್ಲಾ ಹಂತದಲ್ಲೂ ಪುನರ್​ನಿರ್ಮಾಣ ಕಾರ್ಯ ಮಾಡಲು ತೊಡಗಿದೆ. ಮತ್ತು ಈ ಬಾರಿ, ರೈಲ್ವೇ ಇಲಾಖೆ ಬುಕಿಂಗ್ ಕೋಡ್​ಗಳನ್ನು ಬದಲಾಯಿಸಿದೆ. ಹೊಸ ಬೋಗಿಗಳ ಪರಿಚಯದೊಂದಿಗೆ ಈ ವ್ಯವಸ್ಥೆಯನ್ನು ಹೊಸತಾಗಿ ಪರಿಚಯಿಸಲಾಗಿದೆ. ಜನರಿಂದ ಬಹು ಮೆಚ್ಚುಗೆ ಪಡೆದ ವಿಸ್ಟಾಡೋಮ್ ಬಳಿಕ ಐಆರ್​ಸಿಟಿಸಿ ಬುಕಿಂಗ್ ಕೋಡ್​ಗಳನ್ನು ಬದಲಾಯಿಸಿದೆ.

ಪ್ರಯಾಣಿಕರು ರೈಲ್ವೇ ಸೀಟ್ ಬುಕಿಂಗ್ ಮಾಡುವಾಗ ಕ್ಯಾಪಿಟಲ್ ಅಕ್ಷರಗಳ ಬುಕಿಂಗ್ ಕೋಡ್ ನೀಡಲಾಗುತ್ತದೆ. ಇದನ್ನು ಪ್ರಯಾಣಿಕರು ಟಿಕೆಟ್ ಬುಕಿಂಗ್ ಸಂದರ್ಭ ಬಳಸಿಕೊಳ್ಳುತ್ತಾರೆ. ಈ ಕೋಡ್ ಭಾರತೀಯ ರೈಲ್ವೇಯ ವಿವಿಧ ರೈಲು ಬೋಗಿಗಳನ್ನು ಪ್ರತಿನಿಧಿಸುತ್ತದೆ.

ಭಾರತೀಯ ರೈಲ್ವೇ ಇಲಾಖೆ ಭಾರತದ ವಿವಿಧ ರೈಲ್ವೇ ಮಾರ್ಗಗಳಲ್ಲಿ ವಿಸ್ಟಾಡೋಮ್ ಕೋಚ್ ಅಳವಡಿಸಲು ಚಿಂತನೆ ನಡೆಸಿದೆ. ಈ ಯೋಜನೆಯು ದೇಶದ ವಿವಿಧ ಕಡೆಗಳಲ್ಲಿ ಟೂರಿಸಂ ವಿಭಾಗವನ್ನು ಬಲಗೊಳಿಸಲು ಉದ್ದೇಶಿಸಲಾಗಿದೆ. ಅದರ ಜೊತೆಗೆ, ರೈಲ್ವೇ ಇಲಾಖೆ ಎಸಿ 3 ಟೈರ್ ಎಕನಮಿ ಕೋಚ್ ಆರಂಭಿಸಲು ಯೋಜಿಸಿದೆ. ಈ ಎಲ್ಲಾ ಕಾರಣಗಳಿಂದ ಬುಕಿಂಗ್ ಕೋಡ್​ಗಳನ್ನು ಬದಲಾಯಿಸಲು ರೈಲ್ವೇ ಇಲಾಖೆ ಚಿಂತಿಸಿದೆ.

ಹೊಸ ಬುಕಿಂಗ್ ಕೋಡ್​ಗಳು ಇಲ್ಲಿದೆ

• ವಿಸ್ಟಾಡೋಮ್ ನಾನ್ ಎಸಿ- V.S. (Coach Code: D.V.)
• ವಿಸ್ಟಾಡೋನ್ ಎಸಿ- E.V. (Coach Code: E.V.)
• ಸ್ಲೀಪರ್- S.L. (Coach Code: S)
• ಎಸಿ ಚೇರ್ ಕಾರ್- C.C. (Coach Code: C)
• ಥರ್ಡ್ ಎಸಿ- 3A (Coach Code: B)
• ಎಸಿ 3 ಟೈರ್ ಎಕನಮಿ- 3E (Coach Code: M)
• ಸೆಕೆಂಡ್ ಎಸಿ- 2A (Coach Code: A)
• ಗರೀಬ್​ರತ್ ಎಸಿ 3 ಟೈರ್- 3A (Coach Code: G)
• ಗರೀಬ್​ರತ್ ಚೇರ್ ಕಾರ್- CC (Coach Code: J)
• ಫರ್ಸ್ಟ್ ಎಸಿ- 1A (Coach Code: H)
• ಎಕ್ಸಿಕ್ಯೂಟಿವ್ ಕ್ಲಾಸ್- E.C. (Coach Code: E)
• ಅನುಭೂತಿ ಕ್ಲಾಸ್- E.A. (Coach Code: K)
• ಫರ್ಸ್ಟ್ ಕ್ಲಾಸ್- F.C. (Coach Code: F)

ಈ ಎಲ್ಲಾ ಹೊಸ ಕೋಡ್​ಗಳು ವಿವಿಧ ರೈಲ್ವೇ ಝೋನ್​ಗಳ ಡಾಟಾಬೇಸ್​ಗೆ ಬಂದಿವೆ. ಹಾಗೂ ಈಗ ಕೆಲಸ ಮಾಡುತ್ತಿವೆ. ಈ ಮೊದಲು ಜೂನ್​ನಲ್ಲಿ, ರೈಲ್ವೇ ಇಲಾಖೆ ಟಿಕೆಟ್ ಬುಕಿಂಗ್ ಕ್ಯಾನ್ಸಲೇಷನ್​ನಲ್ಲಿ ಹೊಸ ರಿಲೀಫ್ ನೀಡಿತ್ತು. ಹಾಗೂ ಟಿಕೆಟ್​ನ ಹಣ ಮರುಪಾವತಿಗೆ ಎರಡು ಮೂರು ದಿನಗಳ ಕಾಲ ಕಾಯುವುದರ ಬದಲಾಗಿ, ಕೂಡಲೇ ಮರುಪಾವತಿ ಆಗುವ ಸೇವೆ ಆರಂಭವಾಗಿತ್ತು.

ಇದನ್ನೂ ಓದಿ: ಆಗಸ್ಟ್ 15ರಿಂದ ಮುಂಬೈ ಲೋಕಲ್ ರೈಲು ಸಂಚಾರ ಪುನಾರಂಭ; ಲಸಿಕೆ ಪಡೆದವರಿಗೆ ಮಾತ್ರ ಪ್ರಯಾಣಕ್ಕೆ ಅವಕಾಶ

Bengaluru Metro: ರಾತ್ರಿ ಕರ್ಫ್ಯೂ ಹಿನ್ನೆಲೆ; ಮೆಟ್ರೋ ರೈಲು ಕಾರ್ಯನಿರ್ವಹಿಸುವ ಅವಧಿಯಲ್ಲಿ ಬದಲಾವಣೆ

(Indian Railways introduce New Codes for Seat Booking Railway Ticket Booking here is Full List)

Published On - 8:16 pm, Mon, 9 August 21