ಆಗಸ್ಟ್ 15ರಿಂದ ಮುಂಬೈ ಲೋಕಲ್ ರೈಲು ಸಂಚಾರ ಪುನಾರಂಭ; ಲಸಿಕೆ ಪಡೆದವರಿಗೆ ಮಾತ್ರ ಪ್ರಯಾಣಕ್ಕೆ ಅವಕಾಶ
Coronavirus In Maharashtra: ಭಾನುವಾರ ಮಹಾರಾಷ್ಟ್ರದಲ್ಲಿ 5,508 ಹೊಸ ಕೋವಿಡ್ ಪ್ರಕರಣಗಳು ಮತ್ತು 151 ಸಾವು ಪ್ರಕರಣ ವರದಿಯಾಗಿವೆ. ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 63,53,328 ಮತ್ತು ಸಾವಿನ ಸಂಖ್ಯೆ 1,33,996 ಕ್ಕೆ ಏರಿದೆ.
Updated on: Aug 08, 2021 | 9:10 PM
ಮುಂಬೈ: ಕೊವಿಡ್ ಲಸಿಕೆ ಪೂರ್ತಿ ಡೋಸ್ ಪಡೆದವರು ಮತ್ತು ಲಸಿಕೆಯ ನಂತರ 15 ದಿನಗಳನ್ನು ಪೂರ್ಣಗೊಳಿಸಿದವರಿಗೆ ಆಗಸ್ಟ್ 15 ರಿಂದ ಮುಂಬೈ ಸ್ಥಳೀಯ ರೈಲುಗಳಲ್ಲಿ (Local trains )ಪ್ರಯಾಣಿಸಲು ಅವಕಾಶ ನೀಡಲಾಗುವುದು. ರೈಲಿನಲ್ಲಿ ಪ್ರಯಾಣಿಸಲು ಪಾಸ್ ಪಡೆಯುವುದಕ್ಕಾಗಿ ಆಪ್ ಇರುತ್ತದೆ. ಸ್ಮಾರ್ಟ್‌ಫೋನ್‌ಗಳನ್ನು ಹೊಂದಿಲ್ಲದವರಿಗಾಗಿಯೂ ಪ್ರತ್ಯೇಕ ವ್ಯವಸ್ಥೆ ಇದೆ. ನಾವು ಆಫ್‌ಲೈನ್ ವ್ಯವಸ್ಥೆಯನ್ನೂ ಹೊಂದಿದ್ದೇವೆ. ಕೆಲಸದ ಸಮಯದಲ್ಲಿ ಸಡಿಲಿಕೆ ಮತ್ತು ಮತ್ತು ವರ್ಕ್ ಫ್ರಮ್ ಹೋಮ್ ಮುಂದುವರಿಸಲು ಅವಕಾಶ ಮಾಡಿಕೊಡಿ ಎಂದು ನಾವು ಕಚೇರಿಗಳಿಗೆ ಮನವಿ ಮಾಡುತ್ತಿದ್ದೇವೆ ಎಂದು ಮಹಾರಾಷ್ಟ್ರದ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಹೇಳಿದ್ದಾರೆ. ಭಾನುವಾರ ರಾಜ್ಯವನ್ನುದ್ದೇಶಿಸಿ ಮಾತನಾಡಿದ ಠಾಕ್ರೆ ಸಂಭಾವ್ಯ ಕೊರೊನಾವೈರಸ್ ಅಲೆ ಎದುರಿಸಲು ನಾವು ಸಿದ್ಧತೆ ನಡೆಸಬೇಕು ಎಂದು ಹೇಳಿದ್ದಾರೆ.
ಕೊವಿಡ್ ಹೋಗಿಲ್ಲ. ಅದು ಇನ್ನೂ ಇಲ್ಲಿದೆ. ನಾವು ಕೊವಿಡ್ ಅಲೆಗಳನ್ನು ಸಹ ನೋಡಿದ್ದೇವೆ. ನಾವು ಕಲಿತದ್ದು ಏನೆಂದರೆ, ನಾವು ಹರಡುವಿಕೆಯನ್ನು ತಡೆಯಬೇಕಾದರೆ ನಾವು ಕೊವಿಡ್ ಮಾರ್ಗಸೂಚಿಗಳನ್ನು ಅನುಸರಿಸಬೇಕು ಮತ್ತು ಲಸಿಕೆಯನ್ನು ಹೆಚ್ಚಿಸಬೇಕು. ನಾವು ಒಂದು ದಿನದಲ್ಲಿ 15 ಲಕ್ಷದವರೆಗೆ ಲಸಿಕೆ ಹಾಕುವ ಸಾಮರ್ಥ್ಯ ಹೊಂದಿದ್ದೇವೆ. ನಾವು ಈಗಾಗಲೇ ಒಂದು ದಿನದಲ್ಲಿ 8 ಲಕ್ಷ ಜನರಿಗೆ ಲಸಿಕೆ ಹಾಕಿದ್ದೇವೆ. ನಾವು ನಮ್ಮ ಆರೋಗ್ಯ ಮೂಲಸೌಕರ್ಯವನ್ನು ಸುಧಾರಿಸುತ್ತಿದ್ದೇವೆ. ಮೂರನೇ ತರಂಗಕ್ಕೆ ನಾವು ಸಿದ್ಧತೆ ನಡೆಸಿದ್ದೇವೆ. ಇಂದು 34,507 ಐಸಿಯು ಹಾಸಿಗೆಗಳಿವೆ ಮತ್ತು 13,500 ವೆಂಟಿಲೇಟರ್‌ಗಳು ಇವೆ. ಕೊವಿಡ್ ಸಂಖ್ಯೆಯಲ್ಲಿ ಕಳೆದ ವರ್ಷಕ್ಕಿಂತ ಈ ವರ್ಷ ಇಳಿಕೆ ಆಗಿಲ್ಲ. ವೈರಸ್ ಕೂಡ ಬದಲಾಗುತ್ತಿದೆ. ಡೆಲ್ಟಾ ಈಗ ಜಾಗತಿಕವಾಗಿ ಒಂದು ದೊಡ್ಡ ಕಾಳಜಿಯಾಗಿದೆ ಎಂದು ಹೇಳಿದ್ದಾರೆ.
CM Uddhav Balasaheb Thackeray | Address to the State | 8th August 2021 https://t.co/48Ot07NU1G
— CMO Maharashtra (@CMOMaharashtra) August 8, 2021
ಮಹಾರಾಷ್ಟ್ರದಲ್ಲಿ ಭಾನುವಾರ 5,508 ಹೊಸ ಕೊವಿಡ್ -19 ಪ್ರಕರಣ ವರದಿ ಭಾನುವಾರ ಮಹಾರಾಷ್ಟ್ರದಲ್ಲಿ 5,508 ಹೊಸ ಕೋವಿಡ್ ಪ್ರಕರಣಗಳು ಮತ್ತು 151 ಸಾವು ಪ್ರಕರಣ ವರದಿಯಾಗಿವೆ. ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 63,53,328 ಮತ್ತು ಸಾವಿನ ಸಂಖ್ಯೆ 1,33,996 ಕ್ಕೆ ಏರಿದೆ. 4,895 ರೋಗಿಗಳನ್ನು ಆಸ್ಪತ್ರೆಗಳಿಂದ ಬಿಡುಗಡೆ ಮಾಡಲಾಗಿದ್ದು, ಚೇತರಿಕೆಯ ಸಂಖ್ಯೆಯನ್ನು 61,44,388 ಕ್ಕೆ ತಲುಪಿದೆ. ರಾಜ್ಯದಲ್ಲಿ ಪ್ರಸ್ತುತ 71,510 ಸಕ್ರಿಯ ಸೋಂಕು ಪ್ರಕರಣಗಳಿವೆ.
ಧಾರಾವಿಯಲ್ಲಿ ಭಾನುವಾರ ಯಾವುದೇ ಹೊಸ ಪ್ರಕರಣ ವರದಿಯಾಗಿಲ್ಲ ಮುಂಬೈನ ಧಾರಾವಿಯ ಕೊಳೆಗೇರಿ ಕಾಲೋನಿಯಲ್ಲಿ ಕಳೆದ 24 ಗಂಟೆಗಳಲ್ಲಿ ಒಂದೇ ಒಂದು ಕೋವಿಡ್ -19 ಪ್ರಕರಣವನ್ನು ವರದಿ ಮಾಡಿಲ್ಲ ಎಂದು ಬೃಹನ್ ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (ಬಿಎಂಸಿ) ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಧಾರಾವಿಯಲ್ಲಿ ಸೋಂಕಿನ ಸಂಖ್ಯೆ 6,990 ರಷ್ಟಿದೆ, ಆದರೆ ಸಕ್ರಿಯ ಪ್ರಕರಣ 35 ಆಗಿದೆ.
ಇದನ್ನೂ ಓದಿ: Coronavirus ಕೇರಳದಲ್ಲಿ 18,607 ಹೊಸ ಕೊವಿಡ್ ಪ್ರಕರಣ ಪತ್ತೆ, 93 ಸಾವು
ಇದನ್ನೂ ಓದಿ: Covid 19 Karnataka Update: ಕರ್ನಾಟಕದಲ್ಲಿ 1598 ಮಂದಿಗೆ ಕೊವಿಡ್ ಸೋಂಕು, 20 ಮಂದಿ ಸಾವು
(Maharashtra reports 5,508 new Covid-19 cases Local trains to resume from August 15 says Uddhav Thackeray)
