ಕೇರಳ ಸ್ಥಳೀಯ ಸಂಸ್ಥೆ ಚುನಾವಣೆ: ಮುನ್ನಡೆ ಸಾಧಿಸಿದ LDF, ಕಣ್ಣೂರಿನಲ್ಲಿ ಕಣ್​ಬಿಟ್ಟ BJP

ತಿರುವನಂತಪುರಂ: ಕೇರಳದ ಸ್ಥಳೀಯ ಸಂಸ್ಥೆಗಳ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ಮುಂದುವರಿದಿದ್ದು ಬಹುತೇಕ ಸ್ಥಾನಗಳಲ್ಲಿ ಎಲ್​​ಡಿಎಫ್ ಮುನ್ನಡೆ ಸಾಧಿಸಿದೆ. ಎರಡು ಜಿಲ್ಲೆಗಳಲ್ಲಿ ಯುಡಿಎಫ್ ಮುನ್ನಡೆ ಸಾಧಿಸಿದೆ. ಎರ್ನಾಕುಳಂ, ಮಲಪ್ಪುರಂ ಜಿಲ್ಲೆಗಳಲ್ಲಿ ಯುಡಿಎಫ್ ಮುನ್ನಡೆ ಸಾಧಿಸಿದ್ದು,  ನಗರ ಮತ್ತು ಗ್ರಾಮಗಳಲ್ಲಿ ಯುಡಿಎಫ್​ಗೆ ಹಿನ್ನಡೆಯುಂಟಾಗಿದೆ. ಪಾಲಕ್ಕಾಡ್, ಶೊರ್ನೂರ್ , ಚೆಂಙನ್ನೂರ್ ನಗರಸಭೆಗಳಲ್ಲಿ ಬಿಜೆಪಿ ಲೀಡ್ ಇದೆ. ಕಣ್ಣೂರು ಕಾರ್ಪೊರೇಷನ್​​ನಲ್ಲಿ ಬಿಜೆಪಿ ಖಾತೆ ತೆರೆದಿದೆ.

ಇತ್ತ ತಿರುವನಂತಪುರಂ ಕಾರ್ಪೊರೇಷನ್​ನಲ್ಲಿ ಬಿಜೆಪಿ ಮತ್ತು ಎಲ್​​ಡಿಎಫ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ. ತಾಜಾ ಮಾಹಿತಿ ಪ್ರಕಾರ 21 ಸೀಟುಗಳಲ್ಲಿ ಎಲ್​​ಡಿಎಫ್ , 3 ಸೀಟುಗಳಲ್ಲಿ ಯುಡಿಎಫ್ ಮತ್ತು 13 ಸೀಟುಗಳಲ್ಲಿ ಎನ್​​ಡಿಎ, ಒಂದು ಸೀಟಿನಲ್ಲಿ ಸ್ವತಂತ್ರ ಅಭ್ಯರ್ಥಿ ಮುನ್ನಡೆ ಸಾಧಿಸಿದ್ದಾರೆ. ಕಳೆದ ಬಾರಿ ಎಲ್​​ಡಿಎಫ್ ಗೆ 43 ಸೀಟುಗಳು ಲಭಿಸಿತ್ತು. ಎಲ್​​ಡಿಎಫ್​ಗೆ 35, ಕಾಂಗ್ರೆಸ್​ಗೆ 21 ಸೀಟು ಲಭಿಸಿತ್ತು. ಒಟ್ಟು 100 ಸೀಟುಗಳಿರುವ ತಿರುವನಂತಪುರಂ ಕಾರ್ಪೊರೇಷನ್​ನಲ್ಲಿ ಬಹುಮತ ಗಳಿಸಲು 51 ಸೀಟುಗಳ ಅಗತ್ಯವಿದೆ.

ಕೊಚ್ಚಿ ಕಾರ್ಪೊರೇಷನ್ ಯುಡಿಎಫ್ ಮೇಯರ್ ಅಭ್ಯರ್ಥಿ ಎನ್. ವೇಣುಗೋಪಾಲ್ ಒಂದು ಮತದಿಂದ ಪರಾಭವಗೊಂಡಿದ್ದಾರೆ. ಐಲ್ಯಾಂಡ್ ಡಿವಿಷನ್​ನಲ್ಲಿ ಬಿಜೆಪಿ ಗೆದ್ದಿದೆ. ಇಲ್ಲಿ ಯುಡಿಎಫ್ ಮತ ಮರುಎಣಿಕೆಗೆ ಒತ್ತಾಯಿಸಿದೆ. ಕೊಲ್ಲಂ ಕಾರ್ಪೊರೇಷನ್​ನಲ್ಲಿ ಎಲ್​​ಡಿಎಫ್ – ಯುಡಿಎಫ್ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ನಡೆದಿದೆ. ಬ್ಲಾಕ್, ಜಿಲ್ಲಾ ಪಂಚಾಯತ್ ಗಳಲ್ಲಿ ಎಲ್​​ಡಿಎಫ್ ಮುನ್ನಡೆ ಸಾಧಿಸಿದೆ.

Early trends of the #Kerala local body poll results:

Gram Panchayats-941LDF -403UDF -341NDA-29Others-56

Block Panchayats-152 LDF-93UDF-56NDA-2

District Panchayats-14 LDF-11UDF-3

Municipality-86LDF-38UDF-39NDA -3Others -6

Corporations- 6 LDF-8, UDF-2

— ANI (@ANI) December 16, 2020

ತಿರುವನಂತಪುರಂ ಕಾರ್ಪರೇಷನ್​ನಲ್ಲಿ ಮೊದಲ ಗೆಲುವು ಎಲ್​​ಡಿಎಫ್​ಗೆ ತಿರುವನಂತಪುರಂ ಕಾರ್ಪರೇಷನ್​​ನ ಬಿಮಾಪಳ್ಳಿ ವಾರ್ಡ್ ಎಲ್​ಡಿಎಫ್ ಗೆದ್ದು ಕೊಂಡಿದ್ದು, ಹೆಚ್ಚಿನ ವಾರ್ಡ್​ಗಳಲ್ಲಿ ಯುಡಿಎಫ್ ಮೂರನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದೆ. ಕಳಮಶ್ಶೇರಿಯಲ್ಲಿ ಬಿಜೆಪಿ ಖಾತೆ ತೆರೆದಿದ್ದು , ತೃಕ್ಕಾಕ್ಕರ ಅಂಬಲಂ ವಾರ್ಡ್​ನಲ್ಲಿ ಪ್ರಮೋದ್ ತೃಕ್ಕಾಕ್ಕರ 151 ಮತಗಳ ಅಂತರದಿಂದ ಗೆದ್ದಿದ್ದಾರೆ. ತಿರುವನಂತಪುರಂ ಜಿಲ್ಲೆ 43 ಪಂಚಾಯತ್​ಗಳ ಪೈಕಿ 26 ವಾರ್ಡ್​ ಗಳಲ್ಲಿ ಎಲ್​​ಡಿಎಫ್ , 12 ಪಂಚಾಯತ್ ಗಳಲ್ಲಿ ಯುಡಿಎಫ್ ಮತ್ತು ನಾಲ್ಕು ಪಂಚಾಯತ್ ಗಳಲ್ಲಿ ಎನ್​​ಡಿಎ ಮುನ್ನಡೆ ಸಾಧಿಸಿದೆ.

ಪಾಲಕ್ಕಾಡ್ ನಗರಸಭೆಯಲ್ಲಿ ಎಲ್​​ಡಿಎಫ್ – 3, ಬಿಜೆಪಿ -10, ಯುಡಿಎಫ್- 3 , ಸ್ವತಂತ್ರ ಅಭ್ಯರ್ಥಿ -1, ವೆಲ್​ಫೇರ್ ಪಾರ್ಟಿ- 1 ಸೀಟು ಗೆದ್ದುಕೊಂಡಿದೆ. ಶೊರ್ನೂರ್ ನಗರಸಭೆಯಲ್ಲಿ ಸಿಪಿಎಂ – 6 , ಬಿಜೆಪಿ- 5, ಯುಡಿಎಫ್- 1 ಸ್ಥಾನ ಗೆದ್ದು ಕೊಂಡಿದೆ. ಕೊಚ್ಚಿ ಕಾರ್ಪರೇಷನ್​​ ನಲ್ಲಿ ಯುಡಿಎಫ್ 28 ಡಿವಿಷನ್​ಗಳಲ್ಲಿ , ಎಲ್​​ಡಿಎಫ್ 21 ಡಿವಿಷನ್​​ಗಳಲ್ಲಿ ಮುನ್ನಡೆ ಸಾಧಿಸಿದೆ. 5 ಡಿವಿಷನ್​ಗಳಲ್ಲಿ ಎನ್​​ಡಿಎ ಮುನ್ನಡೆ ಸಾಧಿಸಿದೆ.ಮಲಪ್ಪುರಂ ಜಿಲ್ಲಾ ಪಂಚಾಯತ್ ನಲ್ಲಿ ಯುಡಿಎಫ್ 16 ಮತ್ತು ಎಲ್​​ಡಿಎಫ್ 5 ಸೀಟುಗಳಲ್ಲಿ ಮುನ್ನಡೆ ಸಾಧಿಸಿದೆ.

Kerala: BJP workers celebrate in Thiruvananthapuram, where counting is on, for #KeralaLocalBodyElection2020

As per early trends of the local body poll results, the NDA is leading in 13 wards pic.twitter.com/hbvlBZroqt

— ANI (@ANI) December 16, 2020

ಕಣ್ಣೂರು ಕಾರ್ಪರೇಷನ್ ಕಣ್ಣೂರು ಕಾರ್ಪರೇಷನ್​​ನಲ್ಲಿ ಎಲ್​​ಡಿಎಫ್ – ಯುಡಿಎಫ್ ನಡುವೆ ಜಿದ್ದಾಜಿದ್ದಿನ ಸ್ಪರ್ಧೆಯೇರ್ಪಟ್ಟಿದೆ. 2 ಸೀಟುಗಳಲ್ಲಿ ಎಲ್​​ಡಿಎಫ್, ಯುಡಿಎಫ್ ಮತ್ತುಎನ್​​ಡಿಎ ತಲಾ ಒಂದು ಸೀಟು ಗೆದ್ದು ಕೊಂಡಿದೆ. ತಳಿಪ್ಪರಂಬ್, ಶ್ರೀಕಂಠಪುರಂ ನಗರ ಸಭೆಗಳನ್ನು ಯುಡಿಎಫ್ ಗೆದ್ದುಕೊಂಡಿದೆ. ಆನಂತೂರ್ , ಕೂತುಪರಂಬ, ಪಯ್ಯನ್ನೂರ್, ಪಾಣೂರ್, ತಲಶ್ಶೇರಿಯಲ್ಲಿ ಎಲ್​​ಡಿಎಫ್ ವಿಜಯ ಸಾಧಿಸಿದೆ.

ಕಾಸರಗೋಡು ನಗರಸಭೆಯಲ್ಲಿ 38 ವಾರ್ಡ್​​ ಗಳಲ್ಲಿ ಯುಡಿಎಫ್, ಎನ್​​ಡಿಎ -14, ಸಿಪಿಎಂ-1, ಲೀಗ್ (ರೆಬೆಲ್ ) -1, ಸಿಪಿಎಂ ಬೆಂಬಲಿತ ಸ್ವತಂತ್ರ ಅಭ್ಯರ್ಥಿ- 1 ಸೀಟು ಮುನ್ನಡೆ ಸಾಧಿಸಿದ್ದಾರೆ.