ಕೃಷಿ ಸಮಸ್ಯೆಗಳ ಬಗ್ಗೆ ನಾನು ಏನಾದರೂ ಹೇಳಿದರೆ ಅದು ವಿವಾದವಾಗುತ್ತದೆ: ಸತ್ಯಪಾಲ್ ಮಲಿಕ್

ದೆಹಲಿ: ಮೇಘಾಲಯದ ರಾಜ್ಯಪಾಲ ಸತ್ಯಪಾಲ್ ಮಲಿಕ್ (Satya Pal Malik) ರೈತರ ಪ್ರತಿಭಟನೆಯ ಬಗ್ಗೆ ಮಾತನಾಡಲು ನಿರಾಕರಿಸಿದ್ದು ಈ ಬಗ್ಗೆ ಮಾತನಾಡಿದರೆ ಅದು ವಿವಾದಕ್ಕೆ ಕಾರಣವಾಗುತ್ತದೆ ಎಂದು ಅವರು ಹೇಳಿದ್ದಾರೆ. ಆದಾಗ್ಯೂ, ಪ್ರಾಣಿ ಸತ್ತಾಗಲೂ ಅವರು ಸಂತಾಪ ವ್ಯಕ್ತಪಡಿಸುತ್ತಾರೆ. ಆದರೆ ಪ್ರತಿಭಟನಾಕಾರರ ಬೇಡಿಕೆಗಳನ್ನು ಅವರು ಸ್ವೀಕರಿಸಲು ದೆಹಲಿ ನೇತಾರರು ತಯಾರಿಲ್ಲ ಎಂದು ಮಲಿಕ್ ಹೇಳಿದ್ದಾರೆ.  “ಈ ರೈತರ ಚಳುವಳಿಯಲ್ಲಿ 600 ಜನರು ಸತ್ತಿದ್ದಾರೆ. ಪ್ರಾಣಿ ಸತ್ತಾಗಲೂ, ದೆಹಲಿ ‘ನೇತಾರರು’ ಸಂತಾಪ ವ್ಯಕ್ತಪಡಿಸುತ್ತಾರೆ, ಆದರೆ ಲೋಕಸಭೆಯಲ್ಲಿ 600 ರೈತರ ಪ್ರಸ್ತಾಪವನ್ನು ಅವರು ಅಂಗೀಕರಿಸುತ್ತಿಲ್ಲ.” ಎಂದು ಮಲಿಕ್ ಜೈಪುರದಲ್ಲಿ ಹೇಳಿರುವುದಾಗಿ ಎಎನ್ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ‘ದೆಹಲಿ ಜನರು’ ರಾಜ್ಯಪಾಲರ ಹುದ್ದೆಯನ್ನು ತೊರೆಯುವಂತೆ ಕೇಳಿಕೊಂಡರೆ ನಾನು ಅದನ್ನು ತೊರೆಯುತ್ತೇನೆ ಎಂದು ಮಲಿಕ್ ಹೇಳಿದರು.

“ಕೃಷಿ ಸಮಸ್ಯೆಗಳ ಬಗ್ಗೆ ನಾನು ಏನಾದರೂ ಹೇಳಿದರೆ ಅದು ವಿವಾದವಾಗುತ್ತದೆ. ನಾನು ದೆಹಲಿಯಿಂದ ಕರೆಗಾಗಿ ವಾರಗಟ್ಟಲೆ ಕಾಯುತ್ತೇನೆ. ರಾಜ್ಯಪಾಲರನ್ನು ಅನ್ನು ತೆಗೆದುಹಾಕಲಾಗುವುದಿಲ್ಲ ಆದರೆ ನನ್ನ ಹಿತೈಷಿಗಳು ನಾನು ಏನನ್ನಾದರೂ ಹೇಳಲು ಕಾಯುತ್ತಾರೆ. ದೆಹಲಿ ಜನರು ನನ್ನನ್ನು ಬಿಡಲು ಹೇಳಿದ ದಿನ ನಾನು ಹಾಗೆ ಮಾಡುತ್ತೇನೆ ಎಂದು ಹಿಂದಿನ ಜಮ್ಮು ಮತ್ತು ಕಾಶ್ಮೀರದ ರಾಜ್ಯಪಾಲರೂ ಆಗಿದ್ದ ಮಲಿಕ್ ಹೇಳಿದ್ದಾರೆ.

#WATCH | 600 people have died in this farm movement… Even when an animal dies, Delhi ‘netas’ express condolences, but they could not pass the proposal of 600 farmers in Lok Sabha..: Meghalaya Governor Satya Pal Malik, in Jaipur pic.twitter.com/Mz8RiaCScC

— ANI (@ANI) November 7, 2021

ಕೃಷಿ ಕಾನೂನುಗಳ ವಿರುದ್ಧ ಆಂದೋಲನ ನಡೆಸುತ್ತಿರುವ ರೈತರ ಮಾತನ್ನು ಸರ್ಕಾರ ಆಲಿಸದ ಹೊರತು ಭಾರತೀಯ ಜನತಾ ಪಕ್ಷವು ಮತ್ತೆ ಅಧಿಕಾರಕ್ಕೆ ಬರುವುದಿಲ್ಲ ಎಂದು ಸತ್ಯಪಾಲ್ ಮಲಿಕ್ ಹೇಳಿದ ಕೆಲವು ದಿನಗಳ ನಂತರ ಅವರು ಈ ರೀತಿ ಹೇಳಿದ್ದಾರೆ. ಮಾರ್ಚ್‌ನಲ್ಲಿ, ಮಲಿಕ್ ರೈತರ ಆಂದೋಲನಕ್ಕೆ ತಮ್ಮ ಬೆಂಬಲವನ್ನು ನೀಡಿದರು ಮತ್ತು ಪ್ರತಿಭಟನಾಕಾರರನ್ನು ತಡೆಯದಂತೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರನ್ನು ಕೇಳಿದರು.

ಅಕ್ಟೋಬರ್‌ನಲ್ಲಿ ಮಲಿಕ್ ಪ್ರಮೋದ್ ಸಾವಂತ್ ನೇತೃತ್ವದ ಗೋವಾ ಸರ್ಕಾರವನ್ನು ಭ್ರಷ್ಟಾಚಾರದ ಆರೋಪ ಮಾಡಿದರು. “ಗೋವಾ ಸರ್ಕಾರ ಮಾಡಿದ ಎಲ್ಲದರಲ್ಲೂ ಭ್ರಷ್ಟಾಚಾರವಿದೆ (ಕೊವಿಡ್ -19 ಸಾಂಕ್ರಾಮಿಕ ಸಮಯದಲ್ಲಿ). ಗೋವಾ ಸರ್ಕಾರದ ವಿರುದ್ಧದ ಭ್ರಷ್ಟಾಚಾರದ ಆರೋಪಕ್ಕಾಗಿ ನನ್ನನ್ನು ತೆಗೆದುಹಾಕಲಾಗಿದೆ ಎಂದು ಮಲಿಕ್ ಆರೋಪಿಸಿದ್ದಾರೆ.

ಇದು ಪ್ರಮೋದ್ ಸಾವಂತ್ ಅವರನ್ನು ವಜಾಗೊಳಿಸುವಂತೆ ವಿರೋಧ ಪಕ್ಷಗಳು ಒತ್ತಾಯಿಸಿದವು. “ನೀವು ತಕ್ಷಣ ಮುಖ್ಯಮಂತ್ರಿಯಿಂದ ರಾಜೀನಾಮೆ ಪಡೆಯಬೇಕು ಮತ್ತು ಸ್ವತಂತ್ರ ಸಂಸ್ಥೆಯಿಂದ ತನಿಖೆಯನ್ನು ಘೋಷಿಸಬೇಕು” ಎಂದು ಎಐಟಿಸಿ ರಾಜ್ಯಪಾಲ ಪಿ ಎಸ್ ಶ್ರೀಧರನ್ ಪಿಳ್ಳೈ ಅವರಿಗೆ ಮನವಿ ಸಲ್ಲಿಸಿದೆ. ಮಲಿಕ್ ಅವರ ಸಂದರ್ಶನವು ಕಾಂಗ್ರೆಸ್ ಹೊರಿಸಿದ ಭ್ರಷ್ಟಾಚಾರ ಆರೋಪಗಳನ್ನು ಅನುಮೋದಿಸಿದೆ ಮತ್ತು ಸಾವಂತ್ ನೇತೃತ್ವದ ಸಚಿವ ಸಂಪುಟವನ್ನು ವಜಾಗೊಳಿಸುವಂತೆ ಒತ್ತಾಯಿಸಿದೆ ಎಂದು ಕಾಂಗ್ರೆಸ್ ವಕ್ತಾರ ಗೌರವ್ ವಲ್ಲಭ್ ಹೇಳಿದ್ದಾರೆ.

ಇದನ್ನೂ ಓದಿ: ನಾನು ಹಿಂದೂ, ಹಾಗಾಗಿ ದೇವಸ್ಥಾನಗಳಿಗೆ  ಭೇಟಿ ನೀಡುತ್ತೇನೆ: ಅರವಿಂದ್ ಕೇಜ್ರಿವಾಲ್

Published On - 9:05 pm, Sun, 7 November 21