Rajasthan Politics: ಗೆಹ್ಲೋಟ್ ತಾವು ಸಿಎಂ ಅಭ್ಯರ್ಥಿಯಲ್ಲ ಎಂದು ಸಾರ್ವಜನಿಕವಾಗಿ ಘೋಷಿಸಿದರೆ ಕಾಂಗ್ರೆಸ್ ಮತ್ತೆ ಗೆಲ್ಲುತ್ತೆ: ಶಾಸಕ ಭರತ್

ಅಶೋಕ್ ಗೆಹ್ಲೋಟ್(Ashok Gehlot) ತಾವು ಮುಖ್ಯಮಂತ್ರಿ ಅಭ್ಯರ್ಥಿಯಲ್ಲ, ಯುವಕರಿಗೆ ಆದ್ಯತೆ ನೀಡುತ್ತೇವೆ ಎಂದು ಸಾರ್ವಜನಿಕವಾಗಿ ಘೋಷಿಸಿದರೆ ಮಾತ್ರ ಈ ಬಾರಿ ಮತ್ತೆ ಕಾಂಗ್ರೆಸ್​ ಗೆಲ್ಲಲಿದೆ ಎಂದು ಶಾಸಕ ಭರತ್​ ಸಿಂಗ್ ಕುಂದನ್​ಪುರ್ ಹೇಳಿದ್ದಾರೆ. ತಮ್ಮದೇ ಸರ್ಕಾರದ ಸಚಿವ ಪ್ರಮೋದ್ ಜೈನ್ ವಿರುದ್ಧ ಭ್ರಷ್ಟಾಚಾರದ ಗಂಭೀರ ಆರೋಪ ಮಾಡಿರುವ ಶಾಸಕ ಭರತ್ ಸಿಂಗ್ ಕುಂದನ್ ಪುರ್ ಅವರು ತೀರಾ ವಿಚಿತ್ರವಾದ ಸಲಹೆ ನೀಡಿದ್ದಾರೆ.

ನನ್ನ ಸಲಹೆಯನ್ನು ಪಕ್ಷ ಪಾಲಿಸಿದರೆ ಖಂಡಿತಾ ಪುನರಾವರ್ತನೆಯಾಗುತ್ತದೆ ಎಂದು ಹೇಳಿದ್ದಾರೆ. ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅವರು ಮುಂದೆ ಬಂದು ಮುಂಬರುವ ಚುನಾವಣೆಯಲ್ಲಿ ಮುಖ್ಯಮಂತ್ರಿ ಹುದ್ದೆಗೆ ಸ್ಪರ್ಧಿಯಾಗುವುದಿಲ್ಲ ಎಂದು ಹೇಳಿದ್ದಾರೆ.

ರಾಜಸ್ಥಾನ ರಾಜ್ಯ ಕಾಂಗ್ರೆಸ್ ಕಚೇರಿಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಕಾಂಗ್ರೆಸ್ ಶಾಸಕ ಭರತ್ ಸಿಂಗ್ ಕುಂದನ್‌ಪುರ್, ಮದ್ಯಪಾನಕ್ಕಿಂತ ಈ ಅಧಿಕಾರ ವ್ಯಾಮೋಹ ಹೆಚ್ಚು ಅಪಾಯಕಾರಿ. ಇದರಿಂದ ಸುಲಭವಾಗಿ ಹೊರಬರಲು ಸಾಧ್ಯವಿಲ್ಲ.

ಮಹಾರಾಷ್ಟ್ರದಂತೆ ರಾಜಸ್ಥಾನದ ಕಾಂಗ್ರೆಸ್​ನಲ್ಲಿ ಕೂಡ ಎರಡು ಬಣಗಳು ಶುರುವಾಗಿದೆ, ಕೆಲವರು ಅಶೋಕ್​ ಗೆಹ್ಲೋಟ್​ಗೆ ಬೆಂಬಲ ನೀಡಿದರೆ ಇನ್ನೂ ಕೆಲವು ಶಾಸಕರು ಸಚಿನ್​ ಪೈಲಟ್​ಗೆ ಬೆಂಬಲ ಸೂಚಿಸುತ್ತಿದ್ದಾರೆ.

ಮತ್ತಷ್ಟು ಓದಿ: ಅಶೋಕ್ ಗೆಹ್ಲೋಟ್ ಮತ್ತು ಸಚಿನ್ ಪೈಲಟ್ ಜಗಳದ ನಡುವೆಯೇ ರಾಜಸ್ಥಾನ ಕಾಂಗ್ರೆಸ್​​ನಲ್ಲಿ ಶೀಘ್ರದಲ್ಲೇ ಮೇಜರ್ ಸರ್ಜರಿ?

ಅಂಗಡಿಯ ಉದಾಹರಣೆ ನೀಡಿರುವ ಭರತ್​ ಸಿಂಗ್, ಹಿರಿಯರಾದವರು ತಮ್ಮ ಮಕ್ಕಳನ್ನು ಅಂಗಡಿಯಲ್ಲಿ ಕುಳಿತು ವ್ಯಾಪಾರ ಮಾಡುವಂತೆ ಹೇಳಬೇಕು, ಅವರು ಹೊರಗೆ ಕುಳಿತು ಮಾರ್ಗದರ್ಶನ ನೀಡಬೇಕು ಎಂದರು.

ಭರತ್ ಸಿಂಗ್ ಕುಂದನಪುರ್ ಕೋಟಾ ಜಿಲ್ಲೆಯ ಸಂಗೋಡ್‌ನ ಕಾಂಗ್ರೆಸ್ ಶಾಸಕರಾಗಿದ್ದಾರೆ. ತಮ್ಮದೇ ಸರ್ಕಾರದ ಸಚಿವರ ವಿರುದ್ಧ ಭ್ರಷ್ಟಾಚಾರದ ಗಂಭೀರ ಆರೋಪಗಳನ್ನು ಮಾಡುತ್ತಿದ್ದಾರೆ. ಗಣಿ ಸಚಿವ ಪ್ರಮೋದ್ ಜೈನ್ ಭಯ ಅವರ ವಿರುದ್ಧ ಕೋಟ್ಯಂತರ ರೂಪಾಯಿ ಭ್ರಷ್ಟಾಚಾರದ ಆರೋಪವಿದೆ. ಕಳೆದ ವರ್ಷ ಕೋಟಾ ನಗರದ ಹಲವೆಡೆ ಬೃಹತ್‌ ಹೋರ್ಡಿಂಗ್‌ಗಳನ್ನು ಹಾಕಿದ್ದು, ಸಾವಿರಾರು ಕೋಟಿ ಭ್ರಷ್ಟಾಚಾರದ ಬಗ್ಗೆ ಎಚ್ಚರದಿಂದಿರಿ ಎಂದು ಸಚಿವ ಪ್ರಮೋದ್‌ ಜೈನ್‌ ಭಾವಚಿತ್ರ ಹಾಕಲಾಗಿತ್ತು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ