PM Modi Birthday: ಟಿಕೆಟ್ ಇದ್ದರೂ ಕೂಡ ಪ್ರಧಾನಿ ಮೋದಿ ರೈಲಿನಲ್ಲಿ ನೆಲದ ಮೇಲೆ ಮಲಗಿದ್ದೇಕೆ? ಇಲ್ಲಿದೆ ಮಾಹಿತಿ

ಪ್ರಧಾನಿ ನರೇಂದ್ರ ಮೋದಿ(Narendra Modi)ಅವರು ಇಂದು ತಮ್ಮ 73ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ವಿವಿಧ ರಾಜ್ಯಗಳ ಬಿಜೆಪಿ ಘಟಕಗಳು ಪ್ರಧಾನಿ ಮೋದಿಯವರ ಹುಟ್ಟುಹಬ್ಬವನ್ನು ತಮ್ಮದೇ ಆದ ರೀತಿಯಲ್ಲಿ ಆಚರಿಸುತ್ತಿವೆ. ರಾಜ್ಯಗಳಲ್ಲಿ ಕೆಲವು ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಪ್ರಧಾನಿ ಮೋದಿ ಅವರು ಸೆಪ್ಟೆಂಬರ್ 17, 1950 ರಂದು ಗುಜರಾತ್‌ನ ವಡ್ನಗರದಲ್ಲಿ ಜನಿಸಿದರು. ದಾಮೋದರದಾಸ್ ಮೋದಿ ಮತ್ತು ಹೀರಾಬಾ ಮೋದಿ ಅವರ ಆರು ಮಕ್ಕಳಲ್ಲಿ ನರೇಂದ್ರ ಮೋದಿ ಮೂರನೇ ಮಗ.

ಪ್ರಧಾನಿ ಮೋದಿಯವರು ತಮ್ಮ ಯೌವನದಿಂದಲೂ ರಾಷ್ಟ್ರೀಯ ಸ್ವಯಂಸೇವಕ ಸಂಘದ (ಆರ್‌ಎಸ್‌ಎಸ್) ಸದಸ್ಯರಾಗಿದ್ದಾರೆ. ಅವರ ರಾಜಕೀಯ ಜೀವನವು 1970 ರ ದಶಕದಿಂದ ಪ್ರಾರಂಭವಾಯಿತು. ಆದಾಗ್ಯೂ, ಅವರ ರಾಜಕೀಯ ಜೀವನವು 1990 ರವರೆಗೆ ಹೆಚ್ಚು ವೇಗವನ್ನು ಪಡೆಯಲಿಲ್ಲ. ಪ್ರಧಾನಿ ಮೋದಿಯವರ ರಾಜಕೀಯ ಜೀವನದ ಆರಂಭದ ದಿನಗಳ ಅನೇಕ ಕಥೆಗಳು ಸಾಕಷ್ಟು ಪ್ರಸಿದ್ಧವಾಗಿವೆ. 1990 ರಲ್ಲಿ ಅವರು ಟಿಕೆಟ್ ಹೊಂದಿದ್ದರೂ ರೈಲಿನ ನೆಲದ ಮೇಲೆ ಮಲಗಿದ್ದ ಘಟನೆ ನಡೆದಿತ್ತು.

ಪ್ರಧಾನಿ ಮೋದಿ ರೈಲಿನ ನೆಲದ ಮೇಲೆ ಮಲಗಿದ್ದೇಕೆ? ರೈಲ್ವೆಯ ಜನರಲ್ ಮ್ಯಾನೇಜರ್ ಆಗಿದ್ದ ಲೀನಾ ಶರ್ಮಾ ಈ ಕತೆ ಹೇಳಿದ್ದಾರೆ. ದಿ ಹಿಂದೂ ಪತ್ರಿಕೆಯಲ್ಲಿ ಬರೆದ ಲೇಖನದಲ್ಲಿ, ತಾನು ಇಂಡಿಯನ್ ರೈಲ್ವೇಸ್ ಪರೀಕ್ಷೆ ಬರೆಯಲೆಂದು ಲಕ್ನೋದಿಂದ ದೆಹಲಿಗೆ ಹೊರಟಿದ್ದೆ ಅಂದು ಕೆಲ ರಾಜಕಾರಣಿಗಳು ರೈಲಿನಲ್ಲಿ ತನ್ನ ಮತ್ತು ತನ್ನ ಸ್ನೇಹಿತನೊಂದಿಗೆ ಅನುಚಿತವಾಗಿ ವರ್ತಿಸಿದ್ದರು ಎಂದು ಲೀನಾ ಹೇಳಿದ್ದರು. ಟಿಕೆಟ್ ಸಿಕ್ಕರೂ ಸೀಟು ಬಿಡಬೇಕಾಯಿತು ಎಂದು ಬೇಸರ ವ್ಯಕ್ತಪಡಿಸಿದ್ದರು.

ಮತ್ತಷ್ಟು ಓದಿ: PM Modi Birthday: ವೈಮಾನಿಕ ದಾಳಿಯಿಂದ ಹಿಡಿದು 370ನೇ ವಿಧಿಯನ್ನು ತೆಗೆದುಹಾಕುವವರೆಗೆ ಪ್ರಧಾನಿ ಮೋದಿಯವರ ಮಹತ್ವದ ನಿರ್ಧಾರಗಳು ಇಲ್ಲಿವೆ

ಅವರು ಅಹಮದಾಬಾದ್​ಗೆ ಹೋಗಬೇಕಾಗಿತ್ತು, ಲಕ್ನೋದಿಂದ ದೆಹಲಿ ತಲುಪಿದಾಗ, ಅವಳ ಸ್ನೇಹಿತ ನಾನು ಬರುವುದಿಲ್ಲ ಎಂದು ಹೇಳಿಬಿಟ್ಟಿದ್ದರು, ಆದರೂ ಬ್ಯಾಚ್​ಮೇಟ್​ನಲ್ಲಿ ಒಬ್ಬರು ಆಕೆಯ ಜತೆ ಬರಲು ಒಪ್ಪಿದ್ದರು. ದೆಹಲಿಯಿಂದ ಅಹಮದಾಬಾದ್‌ಗೆ ಪ್ರಯಾಣ ಪ್ರಾರಂಭವಾಯಿತು. ಅವರ ಬಳಿ ಟಿಕೆಟ್ ಕೂಡ ಇರಲಿಲ್ಲ, ಏಕೆಂದರೆ ಸಮಯದ ಕೊರತೆಯಿಂದಾಗಿ ಅವರಿಗೆ ಅವುಗಳನ್ನು ವ್ಯವಸ್ಥೆ ಮಾಡಲು ಸಾಧ್ಯವಾಗಲಿಲ್ಲ. ಆದರೆ ಟಿಟಿಇ ಜತೆ ಮಾತನಾಡಿದ ಬಳಿಕ ಇಬ್ಬರಿಗೂ ಒಂದೇ ಬೋಗಿಯಲ್ಲಿ ಕುಳಿತುಕೊಳ್ಳಲು ಅವಕಾಶ ನೀಡಲಾಯಿತು.

ಆದರೆ, ಇಬ್ಬರೂ ಕುಳಿತಿದ್ದ ಬೋಗಿಯ ಕಂಪಾರ್ಟ್ ಮೆಂಟ್ ನಲ್ಲಿ ಅದಾಗಲೇ ಇಬ್ಬರು ರಾಜಕಾರಣಿಗಳಿದ್ದರು. ಹಿಂದಿನ ಪ್ರಯಾಣದ ಅನುಭವದಿಂದಾಗಿ ಲೀನಾ ಭಯಗೊಂಡಿದ್ದಳು. ಆದಾಗ್ಯೂ, ಇಬ್ಬರೂ ನಾಯಕರು ತುಂಬಾ ಒಳ್ಳೆಯವರು ಎಂದು ಟಿಟಿಇ ಅವರಿಗೆ ಭರವಸೆ ನೀಡಿದರು.

ಕಂಪಾರ್ಟ್‌ಮೆಂಟ್ ತಲುಪಿದ ಕೂಡಲೇ ಇಬ್ಬರೂ ನಾಯಕರು ಲೀನಾ ಮತ್ತು ಅವರ ಬ್ಯಾಚ್‌ಮೇಟ್‌ಗೆ ಜಾಗ ಮಾಡಿಕೊಟ್ಟರು. ಈ ಇಬ್ಬರು ನಾಯಕರು ಬೇರೆ ಯಾರೂ ಅಲ್ಲ, ನರೇಂದ್ರ ಮೋದಿ ಮತ್ತು ಶಂಕರಸಿಂಹ ವಘೇಲಾ. ಈ ಪ್ರಯಾಣದಲ್ಲಿ ರಾಜಕೀಯ ಮತ್ತು ಇತಿಹಾಸದ ಬಗ್ಗೆ ಸಾಕಷ್ಟು ಚರ್ಚೆ ನಡೆಯಿತು.

ರಾತ್ರಿ ಊಟ ಬಂದಾಗ ಪ್ರಧಾನಿ ಮೋದಿ ಅವರೇ ನಾಲ್ಕು ಜನರ ಊಟಕ್ಕೆ ಹಣ ನೀಡಿದ್ದರು ಎಂದು ಲೀನಾ ಹೇಳಿದ್ದಾರೆ. ಊಟ ಮಾಡಿದ ತಕ್ಷಣ ಟಿಟಿಇ ಬಂದು ಲೀನಾಗೆ ಮಲಗುವ ಸೀಟ್ ವ್ಯವಸ್ಥೆ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು. ಇದನ್ನು ಕೇಳಿದ ಪ್ರಧಾನಿ ಮೋದಿ ಮತ್ತು ಶಂಕರಸಿಂಹ ವಘೇಲಾ ಎದ್ದುನಿಂತು, ತೊಂದರೆ ಇಲ್ಲ, ನಾವು ವ್ಯವಸ್ಥೆ ಮಾಡುತ್ತೇವೆ ಎಂದು ಹೇಳಿದರು.

ಅವನು ತಕ್ಷಣವೇ ರೈಲಿನ ನೆಲದ ಮೇಲೆ ಬಟ್ಟೆಯನ್ನು ಹರಡಿ ಅದರ ಮೇಲೆ ಮಲಗಿದರು, ಅವರಿಬ್ಬರು ತನ್ನ ಸೀಟನ್ನು ಲೀನಾ ಮತ್ತು ಅವಳ ಬ್ಯಾಚ್‌ಮೇಟ್‌ಗೆ ಬಿಟ್ಟುಕೊಟ್ಟಿದ್ದರು.

ಇದು ತನ್ನ ಹಿಂದಿನ ರೈಲು ಪ್ರಯಾಣದ ಅನುಭವಕ್ಕಿಂತ ಭಿನ್ನವಾಗಿತ್ತು ಎನ್ನುತ್ತಾರೆ ಲೀನಾ. ಕಳೆದ ಬಾರಿ ಕೆಲವು ನಾಯಕರ ಜೊತೆ ಪ್ರಯಾಣಿಸುವಾಗ ಭಯಗೊಂಡಿದ್ದಳು. ಆ ರಾತ್ರಿ ಇಬ್ಬರು ರಾಜಕಾರಿಗಳು ಜತೆಗಿದ್ದರೂ ತಮಗೆ ಯಾವುದೇ ಭಯ ಇರಲಿಲ್ಲ, ಏಕೆಂದರೆ ಅವರು ತುಂಬಾ ಸೌಮ್ಯ ಮತ್ತು ಒಳ್ಳೆಯ ಸ್ವಭಾವದವರಾಗಿದ್ದರು ಎಂದು ಪ್ರಧಾನಿ ಮೋದಿಯವರನ್ನು ಕೊಂಡಾಡಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ