PM Modi Agradoot Group Anniversary: ಅಗ್ರದೂತ್​ ಮಾಧ್ಯಮ ಸಂಸ್ಥೆಯ 50ನೇ ವಾರ್ಷಿಕೋತ್ಸವಕ್ಕೆ ಇಂದು ಪ್ರಧಾನಿ ನರೇಂದ್ರ ಮೋದಿ ಚಾಲನೆ

ದೆಹಲಿ: ಅಸ್ಸಾಂನ ಜನಪ್ರಿಯ ದಿನಪತ್ರಿಕೆ ‘ಅಗ್ರದೂತ್’ (Agradoot) ಮಾಧ್ಯಮ ಸಂಸ್ಥೆಯ ಸುವರ್ಣ ಮಹೋತ್ಸವ ಕಾರ್ಯಕ್ರಮಕ್ಕೆ ಪ್ರಧಾನಿ ನರೇಂದ್ರ ಮೋದಿ ಬುಧವಾರ (ಜುಲೈ 6) ವಿಡಿಯೊ ಕಾನ್​ಫರೆನ್ಸ್ ಮೂಲಕ ಚಾಲನೆ ನೀಡಲಿದ್ದಾರೆ. ಪ್ರಧಾನಿ ಕಚೇರಿಯ ಪ್ರಕಟಣೆಯ ಪ್ರಕಾರ, ಅಸ್ಸಾಂನ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಸಹ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಹಿಮಂತ ಶರ್ಮಾ ಅವರು ಅಗ್ರದೂತ್​ ಸುವರ್ಣ ಮಹೋತ್ಸವ ಕಾರ್ಯಕ್ರಮದ ಪ್ರಧಾನ ಪೋಷಕರಾಗಿದ್ದಾರೆ.

ಅಸ್ಸಾಂನ ಹಿರಿಯ ಪತ್ರಕರ್ತ ಕನಕ್ ಸೇನ್ ದೇಕಾ ಅವರು ಅಸ್ಸಾಮಿ ಭಾಷೆಯ ಪಾಕ್ಷಿಕವನ್ನು (ತಿಂಗಳಿಗೆ 2 ಸಂಚಿಕೆ) ಆರಂಭಿಸಿದ್ದರು. 1995ರಲ್ಲಿ ‘ದೈನಿಕ್ ಅಗ್ರದೂತ್’​ ದಿನಪತ್ರಿಕೆಯನ್ನು ಆರಂಭಿಸಲಾಯಿತು. ಇಂದಿಗೂ ಇದು ಅಸ್ಸಾಂನ ಅತ್ಯಂತ ವಿಶ್ವಾಸಾರ್ಹ ಹಾಗೂ ಪ್ರಭಾವಿ ದಿನಪತ್ರಿಕೆಯಾಗಿದೆ.

Published On - 8:27 am, Wed, 6 July 22