‘ಅಸಂವಿಧಾನಿಕ’: ಗೋರಕ್ಷಕರ ದಾಳಿ ಖಂಡಿಸಿದ ಬಿಜೆಪಿ ಮಿತ್ರಪಕ್ಷ ಜೆಡಿಯು ನಾಯಕ ಕೆಸಿ ತ್ಯಾಗಿ

ದೆಹಲಿ ಸೆಪ್ಟೆಂಬರ್ 04: ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ (Nitish Kumar) ನೇತೃತ್ವದ ಪಕ್ಷದ ವಕ್ತಾರ ಸ್ಥಾನಕ್ಕೆ ಇತ್ತೀಚೆಗೆ ರಾಜೀನಾಮೆ ನೀಡಿದ ಹಿರಿಯ ಜನತಾ ದಳ (ಯುನೈಟೆಡ್) ನಾಯಕ ಕೆಸಿ ತ್ಯಾಗಿ (KC Tyagi) ಬುಧವಾರ ‘ಗೋ ರಕ್ಷಕರ’ ಕ್ರಮಗಳನ್ನು ‘ಅಸಂವಿಧಾನಿಕ’ ಎಂದು ಹೇಳಿದ್ದಾರೆ. ಜೆಡಿಯು ಮಿತ್ರ ಪಕ್ಷವಾದ ಬಿಜೆಪಿ ಅಧಿಕಾರದಲ್ಲಿರುವ, ಅಕ್ಟೋಬರ್‌ನಲ್ಲಿ ಚುನಾವಣೆ ನಡೆಯಲಿರುವ ಹರ್ಯಾಣದಲ್ಲಿ (Haryana) ಗೋ ರಕ್ಷಣೆಗೆ ಸಂಬಂಧಿಸಿದ ‘ಅಹಿತಕರ’ ಎರಡು ಘಟನೆಗಳ ಬಗ್ಗೆ ಆಕ್ರೋಶದ ನಡುವೆ ತ್ಯಾಗಿ ಅವರ ಹೇಳಿಕೆ ಬಂದಿದೆ.

“ಅವರು (ಗೋರಕ್ಷಕರು) ಮಾಡುತ್ತಿರುವುದು ಅಸಂವಿಧಾನಿಕ. ಇದು ನಮಗೆ ಸ್ವಾತಂತ್ರ್ಯದ ಹಕ್ಕನ್ನು ನೀಡುವ ನಮ್ಮ ಸಂವಿಧಾನಕ್ಕೆ ತುಂಬಾ ವಿರುದ್ಧವಾಗಿದೆ. ಯಾರಿಗಾದರೂ ಸಮಸ್ಯೆಯಿದ್ದರೆ ಪೊಲೀಸ್ ಠಾಣೆಗಳಲ್ಲಿ ದೂರು ನೀಡಬೇಕು. ಒಂದು ತಂಡ ಪೊಲೀಸ್ ಪಡೆಯಂತೆ ಹೇಗೆ ಕಾರ್ಯನಿರ್ವಹಿಸುತ್ತದೆ? ಎಂದು ಪಿಟಿಐ ಜೊತೆ ಮಾತನಾಡಿದ ತ್ಯಾಗಿ ಹೇಳಿದ್ದಾರೆ.

ಕಾನೂನನ್ನು ತಮ್ಮ ಕೈಗೆ ತೆಗೆದುಕೊಳ್ಳಲು ಯಾರಿಗೂ ಅವಕಾಶ ನೀಡಬಾರದು ಎಂದು ಹೇಳಿದ ತ್ಯಾಗಿ, ವರ್ಷಗಳ ಹಿಂದೆ ಪ್ರಧಾನಿ ನರೇಂದ್ರ ಮೋದಿ ಇದೇ ರೀತಿಯ ಮಾರ್ಗವನ್ನು ಅನುಸರಿಸಿದ್ದರು ಎಂದು ನೆನಪಿಸಿಕೊಂಡರು.

ಹರ್ಯಾಣದ ಫರಿದಾಬಾದ್‌ನಲ್ಲಿ, ಆಗಸ್ಟ್ 23 ರಂದು ಆಗ್ರಾ-ದೆಹಲಿ ಹೆದ್ದಾರಿಯಲ್ಲಿ 19 ವರ್ಷದ ವಿದ್ಯಾರ್ಥಿಯನ್ನು ಗೋರಕ್ಷಕರು ಗುಂಡು ಹಾರಿಸಿದ್ದರು. ನಂತರ ದಾಳಿಕೋರರು ಸಂತ್ರಸ್ತರ ಕಾರಿಗೆ ದನ ಕಳ್ಳಸಾಗಣೆದಾರರು ಆಕ್ರಮಿಸಿಕೊಂಡಿದ್ದಾರೆಂದು ತಪ್ಪಾಗಿ ಗುಂಡು ಹಾರಿಸಿದ್ದಾರೆ ಎಂದು ತಿಳಿದುಬಂದಿದೆ. ಸುಳಿವು ನೀಡಲಾಗಿತ್ತು.

ಕಾರನ್ನು ಹಿಂಬಾಲಿಸಿ ಅದರ ಮೇಲೆ ಗುಂಡು ಹಾರಿಸಿ ಬಾಲಕನ ಸಾವಿಗೆ ಕಾರಣವಾದ ಆರೋಪದ ಮೇಲೆ ಐವರು ಶಂಕಿತರು ಪೊಲೀಸ್ ಕಸ್ಟಡಿಯಲ್ಲಿದ್ದಾರೆ.  ಮುಸ್ಲಿಂ ಸಂಘಟನೆ ಜಮಿಯತ್-ಉಲೇಮಾ-ಎ-ಹಿಂದ್ ಈ ದಾಳಿಯನ್ನು ಹರಿಯಾಣದಲ್ಲಿ ಚುನಾವಣೆಗೆ ಮುನ್ನ ‘ಕೋಮು ಸಂಚಲನ’ ಸೃಷ್ಟಿಸುವ ಪ್ರಯತ್ನ ಎಂದು ಕರೆದಿದೆ.

ಇದನ್ನೂ ಓದಿ: ಗೋರಖ್‌ಪುರಕ್ಕೆ ಬುಲ್ಡೋಜರ್ ಕಳಿಸ್ತೀವಿ ಎಂದ ಅಖಿಲೇಶ್ ಬೆದರಿಕೆಗೆ ಯೋಗಿ ಆದಿತ್ಯನಾಥ್ ತಿರುಗೇಟು

ಆಗಸ್ಟ್ 28 ರಂದು, ಪಶ್ಚಿಮ ಬಂಗಾಳದ ಮುಸ್ಲಿಂ ಕಾರ್ಮಿಕನನ್ನು ಗೋಮಾಂಸ ಸೇವನೆಯ ಶಂಕಿತ ಐವರು ವ್ಯಕ್ತಿಗಳು ಹೊಡೆದು ಸಾಯಿಸಿದ್ದರು. ಈ ಪ್ರಕರಣದಲ್ಲಿ ಇಬ್ಬರು ಅಪ್ರಾಪ್ತ ಬಾಲಕರು ಸೇರಿದಂತೆ ಏಳು ಮಂದಿಯನ್ನು ಬಂಧಿಸಲಾಗಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ