Viral Video: ಸಮಾಜವಾದಿ ಪಕ್ಷದ ಜಿಲ್ಲಾಧ್ಯಕ್ಷರ ಕಪಾಲಕ್ಕೆ ಹೊಡೆಯಲು ಮುಂದಾದ ನಾಯಕ; ಜೋರಾಗಿ ನಕ್ಕ ಅಖಿಲೇಶ್ ಯಾದವ್

ಉತ್ತರ ಪ್ರದೇಶದ (Uttar Pradesh) ಬಹ್ ವಿಧಾನಸಭಾ ಕ್ಷೇತ್ರದಲ್ಲಿ ಸಮಾಜವಾದಿ ಪಕ್ಷ ನಡೆಸಿದ ಸಾರ್ವಜನಿಕ ಸಭೆಯಲ್ಲಿ ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ರಾಮ್‌ಜಿಲಾಲ್ ಸುಮನ್ ಎಸ್​ಪಿ ಜಿಲ್ಲಾಧ್ಯಕ್ಷ ಜಿತೇಂದ್ರ ವರ್ಮಾ ಅವರಿಗೆ ಕಪಾಳಮೋಕ್ಷ ಮಾಡಲು ಮುಂದಾದ ವಿಡಿಯೋ ವೈರಲ್ ಆಗಿದೆ. ಇದರಿಂದ ಜಿತೇಂದ್ರ ವರ್ಮಾ ಭಯಭೀತರಾಗಿ ಕಾಣುತ್ತಿದ್ದರೆ, ಅಖಿಲೇಶ್ ಯಾದವ್ (Akhilesh Yadav) ಜೋರಾಗಿ ನಗುತ್ತಾ ಎಲ್ಲರತ್ತ ಕೈಮುಗಿದರು.

ರಾಮ್‌ಜಿಲಾಲ್ ಸುಮನ್ ಭಾನುವಾರ ಸಭೆಯನ್ನುದ್ದೇಶಿಸಿ ಮಾತನಾಡುತ್ತಿದ್ದಾಗ ಜಿತೇಂದ್ರ ವರ್ಮಾ ವೇದಿಕೆಯಲ್ಲಿ ಅಖಿಲೇಶ್ ಯಾದವ್ ಅವರೊಂದಿಗೆ ವೇದಿಕೆಯಲ್ಲಿ ಮಾತನಾಡುತ್ತಿದ್ದಾಗ ಈ ಘಟನೆ ನಡೆದಿದೆ. ಇದ್ದಕ್ಕಿದ್ದಂತೆ, ರಾಮ್‌ಜಿಲಾಲ್ ಸುಮನ್ ತನ್ನ ಭಾಷಣವನ್ನು ಮಧ್ಯದಲ್ಲಿ ನಿಲ್ಲಿಸಿ ಜಿತೇಂದ್ರ ವರ್ಮಾ ಬಳಿಗೆ ಹೋಗಿ ಕಪಾಳಮೋಕ್ಷ ಮಾಡುವಂತೆ ಕೈ ಎತ್ತಿದರು. ಅದನ್ನು ನೋಡಿದ ಅಖಿಲೇಶ್ ಯಾದವ್ ಜೋರಾಗಿ ನಗುತ್ತಾ ರಾಮ್‌ಜಿಲಾಲ್ ಸುಮನ್ ಅವರನ್ನು ಸಮಾಧಾನಪಡಿಸಿ, ಸಭಿಕರತ್ತ ಕೈ ಮುಗಿದರು.

ವರದಿಯ ಪ್ರಕಾರ, ರಾಮ್‌ಜಿಲಾಲ್ ಸುಮನ್ ಅವರ ಭಾಷಣದ ಸಮಯದಲ್ಲಿ ಜಿತೇಂದ್ರ ವರ್ಮಾ ಮತ್ತು ಅಖಿಲೇಶ್ ಯಾದವ್ ಇಬ್ಬರೂ ಮಾತನಾಡುತ್ತಿದ್ದರು. ಇದು ಸಮಾಜವಾದಿ ಪಕ್ಷದ ಪ್ರಧಾನ ಕಾರ್ಯದರ್ಶಿಯನ್ನು ಕೆರಳಿಸಿತು. ಇದರಿಂದ ಕೋಪಗೊಂಡ ಅವರು ತಮ್ಮ ಭಾಷಣವನ್ನು ನಿಲ್ಲಿಸಿ ಜಿತೇಂದ್ರ ವರ್ಮಾ ಅವರನ್ನು ಹೊಡೆಯಲು ಮುಂದಾದರು. ಆಗ ಅವರ ಕೋಪವನ್ನು ಅರ್ಥ ಮಾಡಿಕೊಂಡ ಅಖಿಲೇಶ್ ಯಾದವ್ ಜೋರಾಗಿ ನಗುತ್ತಾ, ರಾಮ್‌ಜಿಲಾಲ್ ಸುಮನ್ ಅವರನ್ನು ತಡೆದು, ಸಭಿಕರತ್ತ ನೋಡುತ್ತಾ, ಕೈ ಮುಗಿದಿದ್ದಾರೆ.

ಇದನ್ನೂ ಓದಿ: Viral Video: ಗೆಳತಿಯನ್ನು ಸೂಟ್​ಕೇಸ್​ನಲ್ಲಿಟ್ಟು ಹಾಸ್ಟೆಲ್​ನೊಳಗೆ ಕರೆದೊಯ್ದ ವಿದ್ಯಾರ್ಥಿ; ಮಣಿಪಾಲ್ ಗರ್ಲ್ ವಿಡಿಯೋ ವೈರಲ್

Viral News: ಚಿರತೆಯೊಂದಿಗೆ ಸೆಣಸಾಡಿ 6 ವರ್ಷದ ಮಗಳನ್ನು ಸಾವಿನ ದವಡೆಯಿಂದ ಕಾಪಾಡಿದ ಮಹಿಳೆ!