ಅಯೋಧ್ಯೆಯ ರಾಮಮಂದಿರ ಪ್ರತಿಷ್ಠಾ ಮಹೋತ್ಸವ; ಅಕ್ಷರಧಾಮ ದೇವಾಲಯಕ್ಕೆ ವಿಶೇಷ ಆಹ್ವಾನ

ದೆಹಲಿ ಜನವರಿ 08: ಈ ತಿಂಗಳ ಜನವರಿ 22 ರಂದು, ಅಯೋಧ್ಯೆಯಲ್ಲಿ (Ayodhya) ಹೊಸದಾಗಿ ನಿರ್ಮಿಸಲಾದ ಭವ್ಯವಾದ ಶ್ರೀರಾಮ ಮಂದಿರದಲ್ಲಿ (Ram mandir) ಭಗವಾನ್ ರಾಮಲಲ್ಲಾನ ಪ್ರತಿಷ್ಠಾಪನೆ ಆಗಲಿದ. ಈ ಉತ್ಸವದಲ್ಲಿ ಭಾಗವಹಿಸಲು, ಶ್ರೀ ರಾಮಮಂದಿರ ಸಂಸ್ಥಾನದ ಪರವಾಗಿ ಗೌರವಾನ್ವಿತ ಅಲೋಕ್ ಕುಮಾರ್ ಅವರು ಮಂತ್ರಾಕ್ಷತೆ ಒಳಗೊಂಡ ಹೃತ್ಪೂರ್ವಕ ಆಮಂತ್ರಣ ಪತ್ರದೊಂದಿಗೆ ಭಾನುವಾರ ದೆಹಲಿಯ ಭವ್ಯವಾದ ಅಕ್ಷರಧಾಮ (Akshardham Temple) ದೇವಸ್ಥಾನವನ್ನು ತಲುಪಿದರು.

ವಿಶ್ವ ಪ್ರಸಿದ್ಧ BAPS ಸಂಸ್ಥೆಯು ಅಕ್ಷರಧಾಮ ದೆಹಲಿ ಸೇರಿದಂತೆ ವಿಶ್ವದ 1400 ಕ್ಕೂ ಹೆಚ್ಚು ಭವ್ಯವಾದ ದೇವಾಲಯಗಳನ್ನು ನಿರ್ಮಿಸುವ ಮೂಲಕ ಭಾರತೀಯ ಸನಾತನ ಧರ್ಮ, ಸಂಸ್ಕೃತಿ ಮತ್ತು ಆಚರಣೆಗಳನ್ನು ಜೀವಂತವಾಗಿರಿಸಿದೆ. ಭಾನುವಾರ ಅಕ್ಷರಧಾಮ ದೇವಾಲಯದ ವಿಶೇಷ ಸಭೆಯಲ್ಲಿ, ಶ್ರೀ ರಾಮಮಂದಿರ ಅಯೋಧ್ಯೆ ಸಂಸ್ಥಾನದ ಪರವಾಗಿ ಅಲೋಕ್ ಕುಮಾರ್ ಜಿ ಅವರು ರಾಮಮಂದಿರ ಪ್ರತಿಷ್ಠಾ ಮಹೋತ್ಸವದಲ್ಲಿ ಪಾಲ್ಗೊಳ್ಳಲು ಬಿಎಪಿಎಸ್ ಸಂಸ್ಥಾನದ ಗುರು ಪರಮ ಪೂಜ್ಯ ಮಹಾಂತ ಸ್ವಾಮೀಜಿ ಮಹಾರಾಜ್ ಅವರನ್ನು ಆಹ್ವಾನಿಸಿದರು.

ಬೆಳಗ್ಗೆ ಸ್ಮರಣೀಯ ಮಹಾಂತ ಸ್ವಾಮೀಜಿ ಮಹಾರಾಜರ ಪರವಾಗಿ ಅಕ್ಷರಧಾಮ ದೇವಸ್ಥಾನದ ಹಿರಿಯ ಸಂತ ಧರ್ಮವತ್ಸಲ ಸ್ವಾಮಿ, ಪ್ರಭಾರಿ ಮುನಿವತ್ಸಲ ಸ್ವಾಮಿಗಳು ಗೌರವಪೂರ್ವಕವಾಗಿ ಆಹ್ವಾನ ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಮಹಾಮಹೋಪಾಧ್ಯಾಯ ಭದ್ರಸ್ವಾಮಿ ಅವರಿಗೂ ವಿಶೇಷ ಆಹ್ವಾನ ನೀಡಲಾಯಿತು ಎಂದು ಪ್ರಸ್ತುತ ದೇವಾಲಯ ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದೆ.

ಇಂದಿನ ಮಹಾ ಕೂಟದಲ್ಲಿ ಅಲೋಕ್ ಕುಮಾರ್ ಅವರು ಅಕ್ಷರಧಾಮ ದೇವಾಲಯ ಮತ್ತು ಇಲ್ಲಿನ ವಾತಾವರಣವು ಸತ್ವಕ್ಕಿಂತ ಹೆಚ್ಚು, ನಾನು ಯಾವಾಗಲೂ ಇಲ್ಲಿ ಪ್ರೀತಿ ಮತ್ತು ಸ್ಫೂರ್ತಿಯನ್ನು ಪಡೆಯುತ್ತೇನೆ. ಭಗವಾನ್ ರಾಮ ಗೌರವಾರ್ಥವಾಗಿ ನೀವು ಅಯೋಧ್ಯೆಗೆ ಭೇಟಿ ನೀಡುವುದು ನಮಗೆ ಸಂತೋಷದ ವಿಷಯವಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಕರಸೇವಕನ ಸಂಕಷ್ಟ: ಅಂದು ಅಯೋಧ್ಯೆಯಲ್ಲಿ ಲಾಠಿ ಏಟು ತಿಂದು ಧಾರವಾಡಕ್ಕೆ ವಾಪಸಾಗಿದ್ದ ಗುರುನಾಥ ಕುಲಕರ್ಣಿ ಇಂದು ದುಃಸ್ಥಿತಿಯಲ್ಲಿದ್ದಾರೆ

ಈ ಸಂದರ್ಭದಲ್ಲಿ ಸಭೆಯನ್ನುದ್ದೇಶಿಸಿ ಮಾತನಾಡಿದ ಮುನಿವತ್ಸಲ್ ಸ್ವಾಮಿ, 1968ರಲ್ಲಿ ನಮ್ಮ ಗುರೂಜಿ ಯೋಗಿಜಿ ಮಹಾರಾಜರು ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣವಾಗಬೇಕು ಎಂದು ಸಂಕಲ್ಪ ಮಾಡಿದ್ದರು. ಅದಕ್ಕಾಗಿ ನಿರಂತರ ಪ್ರಾರ್ಥನೆಯನ್ನೂ ಮಾಡಿದರು. ಇಂದು ಆ ನಿರ್ಣಯವು ನೆರವೇರಲಿದೆ, ಇದು ಇಡೀ ಭಾರತಕ್ಕೆ ಹೆಮ್ಮೆಯ ವಿಷಯವಾಗಿದೆ ಎಂದಿದ್ದಾರೆ. ಆಮಂತ್ರಣಕ್ಕಾಗಿ ಬಂದ ಎಲ್ಲಾ ಅತಿಥಿಗಳನ್ನು ಅಕ್ಷರಧಾಮ ದೇವಾಲಯವು ಹೃತ್ಪೂರ್ವಕವಾಗಿ ಸ್ವಾಗತಿಸಿತು. ಸಭೆಯಲ್ಲಿ ನೆರೆದಿದ್ದ ಸಹಸ್ರಾರು ಭಕ್ತರು ಜೈ ಶ್ರೀರಾಮ್ ಹಾಗೂ ಜೈ ಸ್ವಾಮಿನಾರಾಯಣ ಎಂದು ಘೋಷಣೆ ಕೂಗುವ ಮೂಲಕ ಭಕ್ತಿ ಭಾವ ಮೂಡಿಸಿದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ