ಇನ್ನು ಯಾವ ಮಾದರಿಯನ್ನು ನಾವು ಪಾಲಿಸಬೇಕು? ಕೊವಿಡ್ ನಿರ್ವಹಣೆ ಬಗ್ಗೆ ಟೀಕೆಗೆ ಪ್ರತಿಕ್ರಿಯಿಸಿದ ಪಿಣರಾಯಿ ವಿಜಯನ್

ತಿರುವನಂತಪುರಂ: ಕೇರಳದ ಕೊವಿಡ್ ನಿರ್ವಹಣೆ ಮಾದರಿಗೆ ಸಂಬಂಧಿಸಿದ ಹೆಚ್ಚುತ್ತಿರುವ ಟೀಕೆಗಳಿಗೆ ಪ್ರತ್ಯುತ್ತರ ನೀಡಿದ ಸಿಎಂ ಪಿಣರಾಯಿ ವಿಜಯನ್ (Pinarayi Vijayan)ರಾಜ್ಯದಲ್ಲಿರುವ ಪ್ರಸ್ತುತ ಮಾದರಿ ಪರಿಣಾಮಕಾರಿಯಲ್ಲದಿದ್ದರೆ ಯಾವ ಮಾದರಿಯನ್ನು ಅನುಸರಿಸಬೇಕು ಕೇಳಿದ್ದಾರೆ. ಕೊವಿಡ್ ನಿರ್ವಹಣೆ ವಿರುದ್ಧದ ಟೀಕೆಗಳಿಗೆ ಎಡಪಕ್ಷದ ‘ಚಿಂತ’ ಮ್ಯಾಗಜಿನ್​​ನಲ್ಲಿ ಬರೆದ ಲೇಖನದಲ್ಲಿ ಪಿಣರಾಯಿ ಪ್ರತಿಕ್ರಿಯಿಸಿದ್ದಾರೆ. ರಾಜ್ಯದಲ್ಲಿ ಆಮ್ಲಜನಕದ ಕೊರತೆಯಿಂದ ಯಾರೂ ಸಾಯಲಿಲ್ಲ ಅಥವಾ ಯಾರೂ ವೈದ್ಯಕೀಯ ನೆರವಿನಿಂದ ವಂಚಿತರಾಗಿಲ್ಲ ಎಂದು ಪಿಣರಾಯಿ ಖಾರವಾಗಿಯೇ ಪ್ರತಿಕ್ರಿಯಿಸಿದ್ದಾರೆ. ಕೇರಳದಲ್ಲಿ ಕೊವಿಡ್ ಪ್ರಕರಣಗಳು ಹೆಚ್ಚುತ್ತಿದ್ದಂತೆ ವಿಶೇಷವಾಗಿ ಸಾಂಕ್ರಾಮಿಕ ರೋಗವನ್ನು ನಿಭಾಯಿಸಿದ ರೀತಿಯಲ್ಲಿ ವಿರೋಧ ಪಕ್ಷಗಳು ಟೀಕೆಗಳನ್ನು ಮಾಡುತ್ತಿವೆ.

“ಪ್ರಸ್ತುತ ಕಂಟೈನ್ಮೆಂಟ್ ತಂತ್ರವು ಸೂಕ್ತವಲ್ಲ ಎಂದು ಚರ್ಚೆಗಳಿವೆ. ಕೆಲವರು ಸತ್ಯಗಳನ್ನು ನಿರ್ಲಕ್ಷಿಸಲು ಮತ್ತು ಉದ್ದೇಶಪೂರ್ವಕವಾಗಿ ಗೊಂದಲವನ್ನು ಸೃಷ್ಟಿಸಲು ಪ್ರಯತ್ನಿಸುತ್ತಿದ್ದಾರೆ. ಎರಡನೇ ಅಲೆಯ ಸುತ್ತ ಕೆಲವು ಅನಗತ್ಯ ವಿವಾದಗಳಿವೆ.

ಪ್ರಮುಖ ನಗರಗಳ ನಂತರ ಕೇರಳವು ಅತಿದೊಡ್ಡ ಜನಸಂಖ್ಯಾ ಸಾಂದ್ರತೆಯನ್ನು ಹೊಂದಿದೆ ಮತ್ತು ವೈರಸ್ ಗಂಭೀರ ಹಾನಿಯನ್ನು ಉಂಟುಮಾಡಿದ ಇತರ ಹಲವು ರಾಷ್ಟ್ರಗಳೊಂದಿಗೆ ರಾಜ್ಯವು ದೀರ್ಘಕಾಲದ ಸಂಬಂಧವನ್ನು ಹೊಂದಿದೆ. ಸಾಂಕ್ರಾಮಿಕ ರೋಗದ ವಿರುದ್ಧ ಅತ್ಯಂತ ಪರಿಣಾಮಕಾರಿ ರಕ್ಷಣೆಯು ಸಂಪೂರ್ಣ ವ್ಯಾಕ್ಸಿನೇಷನ್ ಆಗಿದೆ. ಇದರ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳವುದು ಇದು ಹೊಣೆ ಎಂದು ಪಿಣರಾಯಿ ಹೇಳಿದ್ದಾರೆ.

“ಈ ಜನರು ನಮ್ಮ ಕೊವಿಡ್ 19 ಕಂಟೈನ್‌ಮೆಂಟ್ ಮಾದರಿ ತಪ್ಪು ಎಂದು ಹೇಳುತ್ತಿದ್ದಾರೆ. ನಾವು ಯಾವ ಮಾದರಿಯನ್ನು ಅಳವಡಿಸಿಕೊಳ್ಳಬೇಕು? ಆಮ್ಲಜನಕದ ಕೊರತೆಯಿಂದಾಗಿ ಕೇರಳದಲ್ಲಿ ಯಾರೂ ಸಾಯಲಿಲ್ಲ. ಯಾವುದೇ ವ್ಯಕ್ತಿಗೆ ಅಗತ್ಯ ವೈದ್ಯಕೀಯ ನೆರವು ಅಥವಾ ವೈದ್ಯಕೀಯ ಹಾಸಿಗೆಯಿಂದ ವಂಚಿತವಾಗಿಲ್ಲ ಎಂದು ಪಿಣರಾಯಿ ಲೇಖನದಲ್ಲಿ ಬರೆದಿದ್ದಾರೆ.

ದೇಶದಲ್ಲಿ ನಡೆಸಿದ ಎಲ್ಲಾ 3 ಸೆರೋಪ್ರೆವೆಲೆನ್ಸ್ ಅಧ್ಯಯನಗಳಲ್ಲಿ ಕೇರಳವು ಅತಿ ಕಡಿಮೆ ಶೇಕಡಾವಾರು ಜನಸಂಖ್ಯೆಯನ್ನು ಹೊಂದಿರುವ ರಾಜ್ಯ ಎಂದು ಬಹಿರಂಗಪಡಿಸಲಾಗಿದೆ ಎಂದು ಲೇಖನವು ಸೇರಿಸಿದೆ. ರಾಜ್ಯವು ಒಂದು ಹನಿ ಲಸಿಕೆಯನ್ನು ವ್ಯರ್ಥ ಮಾಡಲಿಲ್ಲ ಮತ್ತು ಹೆಚ್ಚುವರಿ ಡೋಸ್‌ಗಳನ್ನು ಯಶಸ್ವಿಯಾಗಿ ಲಸಿಕೆ ವಿತರಣೆ ಮಾಡಲಾಗಿದೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: ಕಾಮುಕರು ತಮಿಳುನಾಡು, ಕೇರಳದ 4 ಎಂಜಿನಿಯರಿಂಗ್ ವಿದ್ಯಾರ್ಥಿಗಳು? ಸುಳಿವು ಪತ್ತೆ, ಕೇರಳಕ್ಕೆ ಹೊರಟ ಪೊಲೀಸರು

ಇದನ್ನೂ ಓದಿ: ಅಫ್ಘಾನಿಸ್ತಾನದಿಂದ ಜನರನ್ನು ಸುರಕ್ಷಿತವಾಗಿ ಸ್ಥಳಾಂತರಿಸುವುದೇ ಮೊದಲ ಆದ್ಯತೆ: ವಿದೇಶಾಂಗ ಸಚಿವಾಲಯದ ವಕ್ತಾರ

(Then which model should we adopt No one had died in Kerala due to lack of says Oxygen CM Pinarayi Vijayan )