ಸಾಲಕ್ಕೆ ಸಂಚಕಾರ: GST ಹೊಸ ನಿಯಮ ಹಿಂಪಡೆಯಲು ಹಣಕಾಸು ಸಚಿವೆ ನಿರ್ಮಲಾಗೆ ವ್ಯಾಪಾರಿಗಳಿಂದ ಒತ್ತಾಯ
ಸರಕು ಮತ್ತು ಸೇವಾ ತೆರಿಗೆ (GST)ಯ ಹೊಸ ಸೂಚನೆಗಳನ್ನು ಹಿಂಪಡೆಯುವಂತೆ ವ್ಯಾಪಾರಿಗಳು, ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮ್ ಹಾಗೂ ಜಿಎಸ್ಟಿ ಕೌನ್ಸಿಲ್ನ್ನು ಕೇಳಿಕೊಂಡಿದ್ದಾರೆ.
Updated on:Apr 06, 2022 | 11:13 PM
ದೆಹಲಿ: ಸರಕು ಮತ್ತು ಸೇವಾ ತೆರಿಗೆ (GST)ಯ ಹೊಸ ನಿಯಮಗಳನ್ನು ಹಿಂಪಡೆಯುವಂತೆ ವ್ಯಾಪಾರಿಗಳು, ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮ್ ಹಾಗೂ ಜಿಎಸ್ಟಿ ಕೌನ್ಸಿಲ್ ಮನವಿ ಮಾಡಿಕೊಂಡಿದ್ದಾರೆ. ಹೊಸ ಜಿಎಸ್ಟಿ ನಿಯಮಗಳನ್ನು ಕೆಲ ದಿನಗಳ ಹಿಂದಷ್ಟೇ ಹೊರಡಿಸಲಾಗಿತ್ತು. ಇದೀಗ ಅವುಗಳನ್ನು ಹಿಂಪಡೆದು, ಬದಲಾವಣೆ ತರುವಂತೆ ವ್ಯಾಪಾರಿಗಳು ಒತ್ತಾಯಿಸಿದ್ದಾರೆ.
ಸ್ಕ್ರಾಪ್ ರೂಲ್ಸ್ 86B ಮತ್ತು 36(4), ಜನವರಿ 1, 2021ರಿಂದ ಜಾರಿಯಾಗಲಿದೆ. ಆದರೆ ಈ ಹೊಸ ನಿಯಮಗಳು ಜಿಎಸ್ಟಿಯ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ (ITC)ಗೆ ತೊಡಕನ್ನು ಉಂಟುಮಾಡಲಿವೆ. ಆ ಮೂಲಕ, ಜಿಎಸ್ಟಿಯ ಮೂಲಭೂತ ವಿಚಾರಕ್ಕೆ ವಿರುದ್ಧವಾಗಲಿದೆ ಎಂದು ವ್ಯಾಪಾರಿಗಳ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ವಿ.ಕೆ. ಬನ್ಸಾಲ್ ತಿಳಿಸಿದ್ದಾರೆ.
ಸೆಂಟ್ರಲ್ ಬೋರ್ಡ್ ಆಫ್ ಇಂಡೈರೆಕ್ಟ್ ಟ್ಯಾಕ್ಸಸ್ ಹಾಗೂ ಕಸ್ಟಮ್ಸ್ (CBIC) ನಿಯಮ 86B ಯನ್ನು ಜಿಎಸ್ಟಿಯೊಂದಿಗೆ ಪರಿಚಯಿಸಿದೆ. ಈ ಮೂಲಕ, ತಿಂಗಳಿಗೆ ರೂ. 50 ಲಕ್ಷಕ್ಕಿಂತ ಹೆಚ್ಚಿನ ವಹಿವಾಟು ಇರುವ ವಾಣಿಜ್ಯ ವ್ಯವಹಾರಗಳು, ಖಡ್ಡಾಯವಾಗಿ ಕನಿಷ್ಠ ಶೇ. 1ರಷ್ಟು ಜಿಎಸ್ಟಿಯನ್ನು ನಗದು ರೂಪದಲ್ಲಿ ನೀಡಬೇಕಾಗುತ್ತದೆ.
ನೂತನ ನಿಯಮ 36(4) ಅನುಸಾರ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ನ್ನು (Input Tax Credit -ITC) ಬಳಕೆ ಮಾಡುವುದಕ್ಕೆ ನಿರ್ಬಂಧ ಹೇರುತ್ತದೆ. ವಹಿವಾಟುದಾರರು ಇನ್ವಾಯ್ಸ್/ ಸಾಲದ ಕರಾರು ಸಲ್ಲಿಸದಿದ್ದಲ್ಲಿ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಸೌಲಭ್ಯ ಪಡೆಯುವ ವಿಚಾರದಲ್ಲಿ ನಿಯಂತ್ರಣ ವಿಧಿಸಿದೆ. GSTR 2B ಬಾಬತ್ತಿನಲ್ಲಿ ಪಡೆಯುವ ಸಾಲದ ಮೊತ್ತವನ್ನು ಶೇ. 10 ರಿಂದ ಶೇ. 5ಕ್ಕೆ ಕುಗ್ಗಿಸಿದೆ. ಇದರಿಂದ ವಹಿವಾಟುದಾರರಿಗೆ ಆ ಎಕ್ಸ್ಟ್ರಾ ಶೆ. 5ರಷ್ಟು ಮೊತ್ತದ ಖೋತಾ ಆಗಲಿದ್ದು, ಅದಕ್ಕೆ ವಹಿವಾಟುದಾರರು ಅಸಮಾಧಾನಗೊಂಡಿದ್ದಾರೆ. ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ನ್ನು ಯಥಾಸ್ಥಿತಿಗೆ ತರುವಂತೆ ಮನವಿ ಮಾಡಿದ್ದಾರೆ.
Published On - 1:06 pm, Mon, 28 December 20
