TTD Online Ticket Booking: ತಿರುಪತಿ ದೇವಸ್ಥಾನದ ವಿಶೇಷ ದರ್ಶನಕ್ಕೆ ಇಂದಿನಿಂದ ಆನ್ಲೈನ್​ ಟಿಕೇಟ್​ ಬುಕಿಂಗ್​ ಆರಂಭ

TTD Online Ticket Booking: ತಿರುಪತಿ ದೇವಸ್ಥಾನದ ವಿಶೇಷ ದರ್ಶನಕ್ಕೆ ಇಂದಿನಿಂದ ಆನ್ಲೈನ್​ ಟಿಕೇಟ್​ ಬುಕಿಂಗ್​ ಆರಂಭ
ಟಿಟಿಡಿ

ತಿರುಪತಿ ತಿಮ್ಮಪ್ಪನ ದರ್ಶನ ಪಡೆಯಲು ಟಿಟಿಡಿ ಆನ್ಲೈನ್​ ಬುಕಿಂಗ್​ ಸರ್ವಿಸ್​ ಅನ್ನು ಆರಂಭಿಸಿದೆ. ಇಂದಿನಿಂದ ಬುಕಿಂಗ್​ ಆರಂಭವಾಗಿದೆ.

TV9kannada Web Team

| Edited By: Pavitra Bhat Jigalemane

Jan 28, 2022 | 12:27 PM

ತಿರುಪತಿ ವೆಂಕಟೇಶ್ವರ ದೇವರ ದರ್ಶನ ಪಡೆಯಲು ಟಿಟಿಡಿ (TTD) ಆನ್ಲೈನ್​ ಬುಕಿಂಗ್​ ಸರ್ವಿಸ್​ (Online Booking Service) ಅನ್ನು ಆರಂಭಿಸಿದೆ. ಫೆಬ್ರವರಿ ತಿಂಗಳಿನಲ್ಲಿ ಆಗಮಿಸುವ ಭಕ್ತರಿಗೆ ಟಿಟಿಡಿ ಆನ್ಲೈನ್​ ಬುಕಿಂಗ್​ ಅನ್ನು ಇಂದು (ಜ.28) ಬೆಳಗ್ಗೆ 9 ಗಂಟೆಯಿಂದ ಆರಂಭಿಸಿದೆ. ವಿಶೆಷ ದರ್ಶನಕ್ಕೆ 300 ರೂಗಳನ್ನು ನಿಗದಿ ಪಡಿಸಿದ್ದು, ಆನ್ಲೈನ್​ನಲ್ಲಿ ಬುಕಿಂಗ್​ ಮಾಡಬಹುದಾಗಿದೆ.  ಆಂಧ್ರಪ್ರದೇಶದ ಚಿತ್ತೂರಿನಲ್ಲಿರುವ ತಿರುಮಲ ತಿರುಪತಿ ದೇವಸ್ಥಾನಂ (Tirumala Tirupati Devasthanams )ಅಥವಾ ವೆಂಕಟೇಶ್ವರ ದೇವಸ್ಥಾನದ ಅಧಿಕೃತ ವೆಬ್ಸೈಟ್​ನಲ್ಲಿ ಅನ್ಲೈನ್​​ ಬುಕಿಂಗ್​ ಆರಂಭಿಸಿದೆ. ಇನ್ನು ಉಚಿತವಾಗಿ ನೀಡುವ  ಸೇವಾ ದರ್ಶನಕ್ಕೆ ಜನವರಿ 29ರಿಂದ ಆನ್ಲೈನ್​ ಬುಕಿಂಗ್​ ಆರಂಭವಾಗಲಿದೆ. ಟಿಕೆಟ್​ ಬುಕ್​​ ಮಾಡುವವರಿಗೆ ಇ ಮೇಲ್​ ಐಡಿ ಕಡ್ಡಾಯವಾಗಿದೆ. ಬುಕಿಂಗ್​ ಮಾಡಿದ ತಕ್ಷಣ ಒಟಿಪಿ, ಹಾಗೂ ಬುಕಿಂಗ್​ ಆದ ಮೆಸೇಜ್​ ಇ ಮೇಲ್​ಗೆ ಬರಲಿದೆ ಎಂದು ತಿಳಿಸಲಾಗಿದೆ. 

ಪ್ರತಿದಿನ ಲಕ್ಷಾಂತರ ಭಕ್ತರು ಆಗಮಿಸುವ  ಹಿನ್ನಲೆ ಕೊರೊನಾ ಆತಂಕ ಎದುರಾಗಿದೆ. ಈ ಕಾರಣದಿಂದ ಪ್ರತಿದಿನ 50 ಸಾವಿರದಿಂದ ಒಂದು ಲಕ್ಷ ಭಕ್ತರಿಗೆ ಮಾತ್ರ ದರ್ಶನಕ್ಕೆ ಅವಕಾಶ ನೀಡಲಾಗಿದೆ. ಜತೆಗೆ ಎರಡೂ ಡೀಸ್​ ವ್ಯಾಕ್ಸಿನೇಷನ್​ ಪಡೆದಿರುವುದು ಮತ್ತು ಕೊರೊನಾ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸುವಂತೆ ಸೂಚನೆ ನೀಡಲಾಗಿದೆ. ತಿರುಮಲ ತಿರುಪತಿ ದೇವಸ್ಥಾನದ ದೇವದರ್ಶನಕ್ಕಾಗಿ ಟಿಟಿಡಿ 300 ಟಿಕೆಟ್‌ಗಳ ಆನ್‌ಲೈನ್ ಬುಕಿಂಗ್ ಪ್ರಾರಂಭವಾಗಿದೆ. ಶ್ರೀ ತಿರುಪತಿ ಬಾಲಾಜಿ ದರ್ಶನಕ್ಕೆ ಇಚ್ಛಿಸುವ ಭಕ್ತರು ಟಿಟಿಡಿ 300 ರೂ ಟಿಕೆಟ್‌ಗಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ತಿರುಮಲ ತಿರುಪತಿ ಬಾಲಾಜಿ ದರ್ಶನ್ ಆನ್‌ಲೈನ್ ಟಿಕೆಟ್ ಬುಕಿಂಗ್ ಅನ್ನು ಅಧಿಕೃತ ವೆಬ್‌ಸೈಟ್‌ನಿಂದ ಮಾತ್ರ ಮಾಡಬಹುದು.

ಆನ್‌ಲೈನ್​ನಲ್ಲಿ ಬುಕಿಂಗ್​ ಮಾಡಿದವರಿಗೆ ವಿಶೇಷ ದರ್ಶನ ಸಮಯ – 9:00 ಹಾಗೂ ಬೆಳಿಗ್ಗೆ, 5:00 ಸಂಜೆ ಆಗಿದೆ. https://tirupatibalaji.ap.gov.in, https://ttdsevaonline.com ಇದು ಟಿಟಿಡಿಯ ಅಧಿಕೃತ ಲಿಂಕ್​ ಆಗಿದ್ದು, ಟಿಟಿಡಿ ಲಡ್ಡು ಸೇವಾ ಆನ್‌ಲೈನ್ ಬುಕಿಂಗ್ ಟಿಕೆಟ್‌ಗಳನ್ನು ಕೂಡ ಪಡೆಯಬಹುದು.

ಆನ್‌ಲೈನ್ ಬುಕ್ಕಿಂಗ್ ಮೂಲಕ ತಿರುಮಲ ತಿರುಪತಿ ವಿಶೇಷ ದರ್ಶನಕ್ಕೆ ಟಿಕೆಟ್ ಖರೀದಿಸಲು ಬಯಸುವ ಭಕ್ತರು ಕನಿಷ್ಠ 15 ದಿನಗಳ ಮುಂಚಿತವಾಗಿ ಆನ್‌ಲೈನ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು. ವಿಶೇಷ ಪ್ರವೇಶ ಹೊಂದಿರುವ ಜನರು ಉಚಿತ ಲಡ್ಡು ಪಡೆಯಲು ಅರ್ಹರಾಗಿರುತ್ತಾರೆ. ಪ್ರತಿ ಟಿಕೆಟ್‌ಗೆ ಎರಡು ಲಡ್ಡುಗಳನ್ನು ಪಡೆಯಬಹುದು. ಹೆಚ್ಚಿನ ಲಡ್ಡು ಪಡೆಯಲು, 50 ರೂ. ಹೆಚ್ಚುವರಿ ಮೊತ್ತವನ್ನು ಪಾವತಿಸಬೇಕಾಗುತ್ತದೆ. ಈಗಾಗಲೇ ನೋಂದಣಿ ಪ್ರಕ್ರಿಯೆ ಪೂರ್ಣಗೊಳಿಸಿದ ಯಾತ್ರಾರ್ಥಿಗಳಿಗೆ ವಿಶೇಷ ಪ್ರವೇಶ ದರ್ಶನದ ಸೌಲಭ್ಯವನ್ನು ಟಿಟಿಡಿ ಒದಗಿಸಿದೆ. ವಿಶೇಷ ಪ್ರವೇಶ ವ್ಯಕ್ತಿಗಳಿಗೆ ದೇವಾಲಯವು ಎರಡು ಲಡ್ಡುಗಳನ್ನು ಉಚಿತವಾಗಿ ನೀಡುತ್ತದೆ. ಅಭ್ಯರ್ಥಿಗಳು ವಿಶೇಷ ಪ್ರವೇಶ ದರ್ಶನಕ್ಕೆ 3 ತಿಂಗಳ ಮೊದಲು ಅಥವಾ ಕನಿಷ್ಠ ಒಂದು ವಾರದ ಮೊದಲು ನೋಂದಾಯಿಸಿಕೊಳ್ಳಬೇಕು ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ:

ಟಾಟಾ ಗ್ರೂಪ್​ ಸೇರಿದ ಏರ್​ ಇಂಡಿಯಾ; ಇಂದು ವಿಮಾನ ಪ್ರಯಾಣಿಕರಿಗೆ ಅಧಿಕೃತ ಪ್ರಕಟಣೆ

Follow us on

Related Stories

Most Read Stories

Click on your DTH Provider to Add TV9 Kannada