ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ 2026, ದಿನ 3: ದುರ್ಗಾಪೂಜೆ, ದಾಂಡಿಯಾ ನೈಟ್ಸ್​, ಹನುಮಾನ್ ಅಂಶ್ ಖ್ಯಾತಿಯ ಶ್ರೇಯಸ್​ರಿಂದ ಗಾಯನ

ನವದೆಹಲಿ, ಅಕ್ಟೋಬರ್ 18: ಭಾರತೀಯ ಸಂಸ್ಕೃತಿ ಹಾಗೂ ಸಂಪ್ರದಾಯವನ್ನು ಬಿಂಬಿಸುವ ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ ಈ ಬಾರಿಯೂ ಅದ್ಧೂರಿಯಾಗಿ ನಡೆಯುತ್ತಿದೆ. ಇಂದು ದುರ್ಗಾಪೂಜೆ ನೆರವೇರಿದ್ದು, ಅಕ್ಟೋಬರ್ 18 ರಂದು ಸಂಜೆ 6 ರಿಂದ 7 ರವರೆಗೆ ಪಂಜಾಬಿ ಗಾಯಕ ಬಿ.ಪಿ. ಸಿಂಗ್ ಪ್ರದರ್ಶನ ನೀಡಲಿದ್ದಾರೆ. ನಂತರ ಸಂಜೆ 7 ರಿಂದ 8 ರವರೆಗೆ ಹನುಮಾನ್ ಅಂಶ್ ಚಿತ್ರದ ಶೀರ್ಷಿಕೆ ಗೀತೆಯನ್ನು ಸಂಯೋಜಿಸಿದ ಸಂಗೀತಗಾರ ಶ್ರೇಯಸ್ ಧರ್ಮಾಧಿಕಾರಿ ವೇದಿಕೆ ಏರಲಿದ್ದಾರೆ. ರಾತ್ರಿ 8 ರಿಂದ 10 ರವರೆಗೆ ಡಿಜೆ ಶಿವಲ್ ತಮ್ಮ ಸಂಗೀತದೊಂದಿಗೆ ದಾಂಡಿಯಾ ನೈಟ್ಸ್‌ಗೆ ರಂಗು ತುಂಬಲಿದ್ದಾರೆ.

ಐದು ದಿನಗಳ ಸಾಂಸ್ಕೃತಿಕ ಉತ್ಸವವು ಅಕ್ಟೋಬರ್ 16ರಿಂದ ಪ್ರಾರಂಭಗೊಂಡಿದ್ದು, ಅಕ್ಟೋಬರ್ 20ರ ವರೆಗೆ ಇರಲಿದೆ.ನವದೆಹಲಿಯ ಐತಿಹಾಸಿಕ ಮೇಜರ್ ಧ್ಯಾನ್ ಚಂದ್ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈ ಹಬ್ಬದ ಅತ್ಯಂತ ವಿಶಿಷ್ಟ ಆಕರ್ಷಣೆಗಳಲ್ಲಿ ಒಂದು ದುರ್ಗಾ ದೇವಿಯ ಪೂಜೆಗಾಗಿ ಸ್ಥಾಪಿಸಲಾದ ಮಂಟಪ. ಇದು ದೆಹಲಿಯಲ್ಲಿ ಅತ್ಯಂತ ಎತ್ತರದ ಮತ್ತು ಕಲಾತ್ಮಕವಾಗಿ ವಿನ್ಯಾಸಗೊಳಿಸಲಾದ ದುರ್ಗಾ ಪೂಜಾ ಮಂಟಪವಾಗಲಿದೆ. ಕಾರ್ಯಾಗಾರಗಳು, ಆಟಗಳು, ಸ್ಪರ್ಧೆಗಳು ಮತ್ತು ಕಲಾ ಮೂಲೆಗಳನ್ನು ವಿಶೇಷವಾಗಿ ಯುವಕರು ಮತ್ತು ಮಕ್ಕಳಿಗಾಗಿ ಆಯೋಜಿಸಲಾಗುತ್ತಿದೆ.

ಮತ್ತಷ್ಟು ಓದಿ: ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ, ಐದು ದಿನಗಳ ಮಹಾ ಉತ್ಸವ, ಸಂಸ್ಕೃತಿ ಸಂಗಮದ ಅದ್ಭುತ ವೈಭವ

ಅಕ್ಟೋಬರ್ 19 ರಂದು ಸೋಮವಾರ ಸೂಫಿ ದಿಗ್ಗಜರಾದ ನಿಜಾಮಿ ಬಂಧು (ಸಂಜೆ 6-7), ಸೌರಭ್ ಶೋರೆ (ಸಂಜೆ 7-8) ಹಾಗೂ ಡಿಜೆ ವೆರೋನಿಕಾ (ರಾತ್ರಿ 8-10) ಕಾರ್ಯಕ್ರಮ ನಡೆಯಲಿದೆ. ಅಕ್ಟೋಬರ್ 20 ರಂದು ಮಂಗಳವಾರ ಗಾಯಕಿ ಫಲಿತಾ (ಸಂಜೆ 6-7), ‘ಮೆಹ್ಫಿಲ್-ಎ-ಖಾಸ್’ (ಸಂಜೆ 7-8) ಹಾಗೂ ಡಿಜೆ ನಿತೀಶ್ ಗುಲ್ಯಾನಿ (ರಾತ್ರಿ 8-10) ಸಂಗೀತ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಅಕ್ಟೋಬರ್ 18 ರಿಂದ 20 ರವರೆಗೆ ದಾಂಡಿಯಾ ನೈಟ್ಸ್​
ಅಕ್ಟೋಬರ್ 18 ರಿಂದ 20 ರವರೆಗೆ ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾದಲ್ಲಿ ದಾಂಡಿಯಾ ನೈಟ್ಸ್ ಅದ್ದೂರಿಯಾಗಿ ನಡೆಯಲಿದೆ. ಪ್ರತಿದಿನ ಸಂಜೆ 6 ರಿಂದ ರಾತ್ರಿ 10 ರವರೆಗೆ ವಿವಿಧ ಕಲಾವಿದರು ತಮ್ಮ ಪ್ರದರ್ಶನಗಳೊಂದಿಗೆ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ. ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ ಎಂಬುದು ಟಿವಿ9 ನೆಟ್‌ವರ್ಕ್ ಆಯೋಜಿಸುವ ಐದು ದಿನಗಳ ಸಾಂಸ್ಕೃತಿಕ ಉತ್ಸವವಾಗಿದೆ. ಇಲ್ಲಿ ಭಾರತದ ವಿವಿಧ ರಾಜ್ಯಗಳ ಸಂಸ್ಕೃತಿ, ಸಂಪ್ರದಾಯ, ಕಲೆ, ಸಂಗೀತ, ನೃತ್ಯ, ಕರಕುಶಲ ವಸ್ತುಗಳು, ಫ್ಯಾಷನ್ ಮತ್ತು ವೈವಿಧ್ಯಮಯ ಆಹಾರಗಳನ್ನು ಒಂದೇ ವೇದಿಕೆಯಲ್ಲಿ ಪರಿಚಯಿಸಲಾಗುತ್ತದೆ. ಟಿವಿ9 ನೆಟ್‌ವರ್ಕ್ ಸಿಇಒ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಬರುಣ್ ದಾಸ್ ಸೇರಿದಂತೆ ಹಲವು ಗಣ್ಯರು ಭಾಗಿಯಾದರು.

ದುರ್ಗಾ ಪೂಜೆ, ದಾಂಡಿಯಾ ನೃತ್ಯ, ಪ್ರಸಿದ್ಧ ಗಾಯಕರ ನೇರ ಸಂಗೀತ ಕಾರ್ಯಕ್ರಮಗಳು ಹಾಗೂ ಶಾಪಿಂಗ್ ಮಳಿಗೆಗಳು ಈ ಉತ್ಸವದ ಪ್ರಮುಖ ಆಕರ್ಷಣೆಗಳಾಗಿವೆ. ಕುಟುಂಬದವರು ಮತ್ತು ಸ್ನೇಹಿತರೊಂದಿಗೆ ಭಾರತದ ವೈವಿಧ್ಯಮಯ ಸಂಸ್ಕೃತಿ ಹಾಗೂ ಹಬ್ಬದ ಸಂಭ್ರಮವನ್ನು ಅನುಭವಿಸಲು ಇದು ಅವಕಾಶ ಕಲ್ಪಿಸುತ್ತದೆ.
ಶನಿವಾರ ಸಂಜೆ ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾದಲ್ಲಿ ಸಂಗೀತ ಪ್ರಿಯರಿಗೆ ವಿಶೇಷವಾಗಿತ್ತು. ಖ್ಯಾತ ರ‍್ಯಾಪರ್ ರಫ್ತಾರ್ ಅವರ ಲೈವ್ ಕನ್ಸರ್ಟ್ ಉತ್ಸವಕ್ಕೆ ಮೆರುಗು ನೀಡಿತು.

ನೀವು ಕೂಡ ಸಂಗೀತ, ಸಂಸ್ಕೃತಿ, ಶಾಪಿಂಗ್ ಮತ್ತು ಹಬ್ಬಗಳನ್ನು ಆನಂದಿಸಲು ಬಯಸಿದರೆ, ನೀವು TV9 ಫೆಸ್ಟಿವಲ್ ಆಫ್ ಇಂಡಿಯಾ 2026 ರಲ್ಲಿ ಭಾಗವಹಿಸಬಹುದು. ಉತ್ಸವದ ಟಿಕೆಟ್‌ಗಳು BookMyShow ಮತ್ತು District by Zomato ನಲ್ಲಿ ಲಭ್ಯವಿದೆ.

ಪ್ರತಿ ದಿನ ಬೆಳಿಗ್ಗೆಯಿಂದ ಸಂಜೆಯವರೆಗೆ, ದುರ್ಗಾ ದೇವಿಗೆ ಅರ್ಪಿತವಾದ ಪ್ರಾರ್ಥನೆಗಳು ಮತ್ತು ವಿಶೇಷ ಆಚರಣೆಗಳೊಂದಿಗೆ ವಾತಾವರಣವು ಭಕ್ತಿಯಿಂದ ಕೂಡಿರುತ್ತದೆ . ಮಧ್ಯಾಹ್ನ, ದುರ್ಗಾ ದೇವಿಗೆ ನೈವೇದ್ಯ ಅರ್ಪಿಸಲಾಯಿತು, ಮತ್ತು ಭಕ್ತರಿಗೆ ಪ್ರಸಾದ ವಿತರಿಸಲಾಯಿತು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ