NLEM 2022 ರಾಷ್ಟ್ರೀಯ ಅತ್ಯಗತ್ಯ ಔಷಧಿಗಳ ಪಟ್ಟಿ ಪ್ರಕಟ: 26 ಔಷಧಿಗಳನ್ನು ಕೈಬಿಟ್ಟು 34 ಹೊಸ ಔಷಧಿಗಳ ಸೇರ್ಪಡೆ
National List of Essential Medicines 2022 ಪ್ರಸ್ತುತ ಪಟ್ಟಿಯಿಂದ 24 ಔಷಧಿಗಳನ್ನು ತೆಗೆದುಹಾಕಲಾಗಿದ್ದು, ಇತ್ತೀಚಿನ ಪಟ್ಟಿಯಲ್ಲಿ 34 ಹೊಸ ಔಷಧಿಗಳನ್ನು ಸೇರಿಸಲಾಗಿದೆ.
Updated on:Sep 13, 2022 | 3:46 PM
ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಡಾ. ಮನ್ಸುಖ್ ಮಾಂಡವಿಯಾ (Dr Mansukh Mandaviya) ಅವರು ಮಂಗಳವಾರ ರಾಷ್ಟ್ರೀಯ ಅತ್ಯಗತ್ಯ ಔಷಧಿಗಳ ಪಟ್ಟಿ (NLEM) 2022 ಬಿಡುಗಡೆ ಮಾಡಿದ್ದಾರೆ. ಈ ಪಟ್ಟಿಯಲ್ಲಿ 384 ಔಷಧಿಗಳಿವೆ. 2015 ರಲ್ಲಿ ನೀಡಲಾದ ಕೊನೆಯ ಪಟ್ಟಿಗಿಂತ 8 ಹೆಚ್ಚು ಔಷಧಿಗಳು ಇದರಲ್ಲಿವೆ. ಪ್ರಸ್ತುತ ಪಟ್ಟಿಯಿಂದ 26 ಔಷಧಿಗಳನ್ನು ತೆಗೆದುಹಾಕಲಾಗಿದ್ದು, ಇತ್ತೀಚಿನ ಪಟ್ಟಿಯಲ್ಲಿ 34 ಹೊಸ ಔಷಧಿಗಳನ್ನು ಸೇರಿಸಲಾಗಿದೆ.ಪಟ್ಟಿಯನ್ನು ಬಿಡುಗಡೆ ಮಾಡಿದ ನಂತರ ಮಾತನಾಡಿದ ಮಾಂಡವಿಯಾ, ಹಲವಾರು ಔಷಧಿಗಳು ಈಗ ಹೆಚ್ಚು ಕೈಗೆಟುಕುವ ಬೆಲೆಗೆ ಸಿಗುತ್ತವೆ ಎಂದಿದ್ದಾರೆ. “ಹಲವಾರು ಆಂಟಿ ಬಯೋಟಿಕ್ಸ್, ಲಸಿಕೆಗಳು, ಕ್ಯಾನ್ಸರ್ ವಿರೋಧಿ ಔಷಧಗಳು ಮತ್ತು ಇತರ ಹಲವು ಪ್ರಮುಖ ಔಷಧಿಗಳು ಹೆಚ್ಚು ಕೈಗೆಟುಕುವವುಗಳಾಗಿದ್ದು ಇವು ರೋಗಿಗಳ ಜೇಬಿಗೆ ಹೊರೆಯಾಗುವುದನ್ನು ತಡೆಯುತ್ತದೆ ಎಂದು ಅವರು ಟ್ವೀಟ್ ಮಾಡಿದ್ದಾರೆ. 350 ತಜ್ಞರೊಂದಿಗೆ ಸಮಾಲೋಚನೆ ನಡೆಸಿ ಪಟ್ಟಿ ಸಿದ್ಧಪಡಿಸಲಾಗಿದೆ. ಇದು ಅಂತಿಮಗೊಳ್ಳುವ ಮೊದಲು ಒಟ್ಟು 140 ಸಭೆಗಳು ನಡೆದವು.
Released the National List of Essential Medicines 2022.
It comprises 384 drugs across 27 categories.
Several antibiotics, vaccines, anti-cancer drugs and many other important drugs will become more affordable & reduce patients’ out-of-pocket expenditure. pic.twitter.com/yz0Fx8er78
— Dr Mansukh Mandaviya (@mansukhmandviya) September 13, 2022
ಈ ಪಟ್ಟಿಯಲ್ಲಿ ಕಾರ್ಡಿಯೊವಾಸ್ಕುಲಾರ್ ಔಷಧಿಗಳು, ಅರಿವಳಿಕೆ ಮತ್ತುನ ನ್ಯುರೋಲಾಜಿಕಲ್ ಅಸ್ವಸ್ಥತೆಗಳಲ್ಲಿ ಬಳಸುವ ಔಷಧಿಗಳು, ಸೋಂಕುನಿವಾರಕ ಔಷಧಿಗಳು, ಕಿವಿ, ಮೂಗು, ಗಂಟಲು ಮತ್ತು ಗ್ಯಾಸ್ಟ್ರೊಇಂಟಸ್ಟೈನಲ್ ಔಷಧಿಗಳು, ಹಾರ್ಮೋನುಗಳು, ಇತರ ಎಂಡೊಕ್ರೈನ್ ಔಷಧಿಗಳು ಮತ್ತು ಗರ್ಭನಿರೋಧಕಗಳು ಸೇರಿವೆ ಔಷಧಿಗಳಲ್ಲಿ ನಿಕೋಟಿನ್ ರಿಪ್ಲೇಸ್‌ಮೆಂಟ್ ಥೆರಪಿ (ಎನ್‌ಆರ್‌ಟಿ), ಓರಲ್ ರಿಹೈಡ್ರೇಷನ್ ಸಾಲ್ಟ್, ಪ್ಯಾರೆಸಿಟಮಾಲ್, ರಿಬಾವಿರಿನ್, ಸ್ಟ್ರೆಪ್ಟೊಮೈಸಿನ್, ಲೊರಾಜೆಪಮ್ ಮತ್ತು ಐವರ್ಮೆಕ್ಟಿನ್ ಸೇರಿವೆ.
ಇದನ್ನು ಹೊರತುಪಡಿಸಿ NLEM 2022 ರಲ್ಲಿ ಥೆರಾಪ್ಯುಟಿಕ್ ಪ್ರಕಾರ ಔಷಧಗಳನ್ನು ಸೇರಿಸಲಾಗಿದೆ”. NLEM 2022 ಗೆ ಸೇರಿಸಲಾದ 34 ಔಷಧಿಗಳಲ್ಲಿ ಐವರ್ಮೆಕ್ಟಿನ್, ಮೆರೊಪೆನೆಮ್, ಸೆಫುರಾಕ್ಸಿಮ್, ಫೆನಾಕ್ಸಿಮಿಥೈಲ್, ಪೆನಿಸಿಲಿನ್, ಡೆಲಾಮಾನಿಡ್ ಮತ್ತು ಲೆನಾಲಿಡೋಮೈಡ್ ಕೂಡಾ ಸೇರಿವೆ. ಅಲ್ಲದೆ, ಬ್ಲೀಚಿಂಗ್ ಪೌಡರ್, ಪ್ರೊಕಾರ್ಬಝಿನ್, ರಿಫಾಬುಟಿನ್, ರಾನಿಟಿಡಿನ್ ಮತ್ತು ಸುಕ್ರಾಲ್ಫೇಟ್ ಸೇರಿದಂತೆ 26 ಔಷಧಗಳನ್ನು ತೆಗೆದುಹಾಕಲಾಗಿದೆ. ಸರ್ಕಾರವು “ಅತ್ಯಗತ್ಯ ಔಷಧಿಗಳು” ಹೆಚ್ಚಿನ ಜನಸಂಖ್ಯೆಯ ಆದ್ಯತೆಯ ಆರೋಗ್ಯ ಅಗತ್ಯಗಳನ್ನು ಪೂರೈಸುತ್ತದೆ.
Published On - 3:02 pm, Tue, 13 September 22
