ಕೇಂದ್ರ ಸಚಿವ ನಿತಿನ್​​​ ಗಡ್ಕರಿಗೆ ಗೌರವ ಡಾಕ್ಟರ್​​ ಆಫ್​​ ಸಯನ್ಸ್​​​ ಪದವಿ ಪ್ರದಾನ

ಮಹಾರಾಷ್ಟ್ರದ (Maharashtra) ಅಲೋಕಾದಲ್ಲಿರುವ ಡಾ ಪಂಜಾಬ್​​ರಾವ್ ದೇಶ್​​ಮುಖ್​​​ ಕೃಷಿ ವಿದ್ಯಾಪೀಠವು  ಕೇಂದ್ರ ಸಚಿವ ನಿತಿನ್​​ ಗಡ್ಕರಿ (Nitin Gadkari) ಅವರಿಗೆ ಗುರುವಾರ ಡಾಕ್ಟರ್ ಆಫ್ ಸಯನ್ಸ್ ಪದವಿ ನೀಡಿ ಗೌರವಿಸಿದೆ. ಗವರ್ನರ್ ಮತ್ತು ಪಬ್ಲಿಕ್ ಯುನಿವರ್ಸಿಟಿ ಚಾನ್ಸೆಲರ್​​ ಭಗತ್ ಸಿಂಗ್ ಕೊಶ್ಯಾರಿ ಅವರು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಕೇಂದ್ರ ಸಚಿವ ಗಡ್ಕರಿ ಅವರಿಗೆ ವಿಶ್ವವಿದ್ಯಾಲಯದ 36ನೇ ಘಟಿಕೋತ್ಸವ ಸಮಾರಂಭದಲ್ಲಿ ಪದವಿ ಪ್ರದಾನ ಮಾಡಿದರು.

ಮಾಜಿ ವೈಸ್ ಚಾನ್ಸೆಲರ್  ಡಾ ಮೋತಿಲಾಲ್ ಮದನ್, ವಿಸಿ ಡಾ ವಿಲಾಸ್ ಭಾಲೆ , ಡೀನ್ಸ್ , ವಿಶ್ವ ವಿದ್ಯಾಲಯದ  ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಮತ್ತು ಅಧ್ಯಾಪಕರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಪದವಿ ಪ್ರದಾನ ಸಮಾರಂಭದಲ್ಲಿ ವಿದ್ಯಾರ್ಥಿಗಳಿಗೆ ಚಿನ್ನದ ಪದಕ, ಬಹುಮಾನಗಳನ್ನು ವಿತರಿಸಲಾಯಿತು.