ದಿ ಮೋದಿ ಸ್ಟೋರಿ ವೆಬ್​ಸೈಟ್​ ಉದ್ಘಾಟನೆ; ಈ ಹೊಸ ಪೋರ್ಟಲ್​​​ನಲ್ಲಿ ಇರಲಿವೆ ಪ್ರಧಾನಿ ಮೋದಿ ಬಗೆಗಿನ ಇಂಟರೆಸ್ಟಿಂಗ್​ ವಿಷಯಗಳು

ದಿ ಮೋದಿ ಸ್ಟೋರಿ (The Modi Story) ಎಂಬ ವೆಬ್​ಸೈಟ್​ವೊಂದು ಉದ್ಘಾಟನೆಯಾಗಿದೆ. ಈ ಬಗ್ಗೆ ಬಿಜೆಪಿ ತನ್ನ ಟ್ವಿಟರ್​ ಖಾತೆಯಲ್ಲಿ ವಿಡಿಯೋ ಒಂದರ ಜತೆ ಮಾಹಿತಿ ಹಂಚಿಕೊಂಡಿದೆ. ಅಷ್ಟೇ ಅಲ್ಲ, ಕೇಂದ್ರ ಸಚಿವರಾದ ಸ್ಮೃತಿ ಇರಾನಿ, ಅನುರಾಗ್​ ಠಾಕೂರ್​ ಸೇರಿ ಹಲವರು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ದಿ ಮೋದಿ ಸ್ಟೋರಿ ಬಗ್ಗೆ ತಿಳಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಯವರದ್ದು ಖಂಡಿತವಾಗಿಯೂ ಒಂದು ಸ್ಫೂರ್ತಿದಾಯಕ ಜೀವನ. ಅವರ ಈ ಜೀವನದ ಹಾದಿಯಲ್ಲಿ ಅವರೊಂದಿಗೆ ಬೆರೆತವರು, ಮೋದಿಯವರನ್ನು ಹತ್ತಿರದಿಂದ ಬಲ್ಲವರು, ಕೆಲವೇ ಹೊತ್ತುಗಳ ಕಾಲ ಅವರೊಂದಿಗೆ ಕಳೆದವರು, ಸಂದರ್ಶಿಸಿದವರೆಲ್ಲ ಪ್ರಧಾನಿ ಮೋದಿಯವರ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹೇಳಿಕೊಳ್ಳಲು ಇರುವ ಒಂದು ವೇದಿಕೆಯಾಗಿದೆ. 

ಹಾಗೇ ದಿ ಮೋದಿ ಸ್ಟೋರಿ ವೆಬ್​ಸೈಟ್​ನ ಟ್ವಿಟರ್​ ಅಕೌಂಟ್​​ನಿಂದಲೂ ಈ ಬಗ್ಗೆ ಮಾಹಿತಿ ಶೇರ್ ಮಾಡಲಾಗಿದ್ದು, ಪ್ರಧಾನಿ ನರೇಂದ್ರ ಮೋದಿಯವರ ಜೀವನದಲ್ಲಿ ಜತೆಯಾದ ಆಯ್ದ ಹಲವರು ನರೇಂದ್ರ ಮೋದಿಯವರ ಬಗ್ಗೆ ಹೇಳಿದ ಸ್ಫೂರ್ತಿದಾಯಕ ವಿಷಯಗಳನ್ನು ಒಳಗೊಂಡ ವೆಬ್​ಸೈಟ್ ಇದಾಗಿದೆ. ಇದನ್ನು ಮಹಾತ್ಮ ಗಾಂಧಿಯವರ ಮೊಮ್ಮಗಳು ಸುಮಿತ್ರಾ ಗಾಂಧಿ ಕುಲಕರ್ಣಿ ಉದ್ಘಾಟಿಸಿದ್ದಾರೆ ಎಂದು ತಿಳಿಸಲಾಗಿದೆ.  ಇಲ್ಲಿ ಮೋದಿಯವರನ್ನು ಬಾಲ್ಯದಿಂದ ಬಲ್ಲವರೂ  ಕೆಲವು ಕುತೂಹಲಕಾರಿ ಮಾಹಿತಿಗಳನ್ನು ತಿಳಿಸಿದ್ದಾರೆ.

ನರೇಂದ್ರ ಮೋದಿಯವರು ಪಕ್ಷದಲ್ಲಿ ಒಬ್ಬ ಪದಾಧಿಕಾರಿಯಾಗಿದ್ದಾನಿಂದಲೂ ಅವರನ್ನು ಬಲ್ಲ ಪಂಜಾಬ್​​ನ ಬಿಜೆಪಿ ನಾಯಕ ಮನೋರಂಜನ್​​ ಕಾಲಿಯಾ, ಮೋದಿಯವರು ಶಿಕ್ಷಣದ ಪಡೆದಿದ್ದ ಗುಜರಾತ್​​ನ ವಡ್ನಗರ ಶಾಲೆಯ ಪ್ರಿನ್ಸಿಪಾಲ್​ ರಸ್ಬಿಹಾರಿ ಮನಿಯಾರ್​ ಮತ್ತಿತರರು ಮೋದಿಯವರ ಬಗ್ಗೆ ಈ ವೆಬ್​ಸೈಟ್​ನಲ್ಲಿ ಮಾತನಾಡಿದ್ದಾರೆ.  ಅಷ್ಟೇ ಅಲ್ಲ ಪ್ರಧಾನಿ ಮೋದಿಯವರೊಟ್ಟಿಗೆ ಕಳೆದ ಕ್ಷಣಗಳನ್ನು ಹಂಚಿಕೊಂಡವರಲ್ಲಿ ಒಲಿಂಪಿಕ್​ ಗೋಲ್ಡ್ ಮೆಡಲಿಸ್ಟ್ ನೀರಜ್​ ಚೋಪ್ರಾ, ಶಟ್ಲರ್​ ಪುಲ್ಲೇಲಾ ಗೋಪಿಚಂದ್​ ಇತರರೂ ಸೇರಿದ್ದಾರೆ. ಹಾಗೇ, ನರೇಂದ್ರ ಮೋದಿಯವರೊಂದಿಗೆ ಸಮಯ ಕಳೆದ ಯಾರು ಬೇಕಾದರೂ ಸ್ವಯಂ ಪ್ರೇರಿತವಾಗಿ ಈ ವೆಬ್​ಸೈಟ್​ಗೆ ತಮ್ಮ ಅನುಭವ ಹಂಚಿಕೊಳ್ಳಬಹುದಾಗಿದೆ. ಲಿಖಿತವಾಗಿ ಸ್ಟೋರಿ ಬರೆದು ಕಳಿಸಬಹುದು ಅಥವಾ ವಿಡಿಯೋ, ಆಡಿಯೋ ಮೂಲಕವೂ ಹೇಳಬಹುದಾಗಿದೆ.

MODI STORY, a volunteer driven initiative brings together inspiring moments from PM @narendramodi‘s life, as narrated by his co-travellers.

Officially launched by Smt Sumitra Gandhi Kulkarni, granddaughter of Mahatma Gandhi.

Visit: https://t.co/2HrqAGQ9HI Follow: @themodistory pic.twitter.com/v1GZrMg5Yz

— BJP (@BJP4India) March 26, 2022

ಇದನ್ನೂ ಓದಿ: ಪಂಚಮಸಾಲಿ ಸಮಾಜಕ್ಕೆ ಮೀಸಲಾತಿ ಘೋಷಣೆಗೆ ಏಪ್ರಿಲ್ 14ರವರೆಗೆ ಗಡುವು ನೀಡಿದ ಜಯಮೃತ್ಯುಂಜಯ ಸ್ವಾಮೀಜಿ

Published On - 12:55 pm, Sat, 26 March 22