ರಾತ್ರಿ ಕರ್ಫ್ಯೂ ವಿಧಿಸಿ ಬೆಳಗ್ಗೆ ರ್ಯಾಲಿ ನಡೆಸುತ್ತಿರುವ ಯೋಗಿ ಆದಿತ್ಯನಾಥ ವಿರುದ್ಧ ವರುಣ್ ಗಾಂಧಿ ವಾಗ್ದಾಳಿ

ದೆಹಲಿ: ಉತ್ತರ ಪ್ರದೇಶದ(Uttar Pradesh) ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ (Yogi Adityanath)ವಿರುದ್ಧ ನೇರವಾಗಿ ವಾಗ್ದಾಳಿ ನಡೆಸಿದ ಬಿಜೆಪಿ ಸಂಸದ ವರುಣ್ ಗಾಂಧಿ (Varun Gandhi) ಲಖನೌನಲ್ಲಿ ಹಗಲು ವೇಳೆ  ಕಿಕ್ಕಿರಿದ ರ್ಯಾಲಿ ನಡೆಸಿ ರಾತ್ರಿ ಕರ್ಫ್ಯೂ(Night Curfew) ಹೇರಿದ್ದಕ್ಕಾಗಿ ಸಿಎಂ ವಿರುದ್ಧ ವಾಗ್ದಾಳಿ ನಡೆಸಿದರು. ಒಮಿಕ್ರಾನ್‌ (omicron) ಆತಂಕದ ಮಧ್ಯೆಇಂತಹ ರ್ಯಾಲಿಗಳನ್ನು ನಡೆಸುವ ಮೂಲಕ ಉತ್ತರಪ್ರದೇಶ ಸರ್ಕಾರವು ಒಮಿಕ್ರಾನ್ ಅನ್ನು ನಿಯಂತ್ರಿಸುವ ಬದಲು ಚುನಾವಣೆಗೆ ಆದ್ಯತೆ ನೀಡುತ್ತಿದೆ ಎಂದು ವರುಣ್ ಹೇಳಿದ್ದಾರೆ. ಲಖನೌನಲ್ಲಿ ‘ಲಡ್ಕಿ ಹೂಂ ಲಡ್ ಸಕ್ತಿ ಹೂಂ'(Ladki hoon Lad Sakti hoon) ಮ್ಯಾರಥಾನ್ ನಡೆಸಲು ಆದಿತ್ಯನಾಥ ಅವರಿಗೆ ಅವಕಾಶ ನಿರಾಕರಿಸಿದ್ದಕ್ಕಾಗಿ ಪ್ರಿಯಾಂಕಾ ಗಾಂಧಿ ಅವರು ಝಾನ್ಸಿಯಲ್ಲಿ ಮ್ಯಾರಥಾನ್ ನಡೆಸಿದ್ದರು.  ರಾತ್ರಿ ಕರ್ಫ್ಯೂ  ಹೇರಿ  ಬೆಳಗ್ಗೆ ರ್ಯಾಲಿ  ನಡೆಸುವ ಮೂಲಕ ಒಮಿಕ್ರಾನ್ ಆತಂಕವನ್ನು ಕಡೆಗಣಿಸಿದ್ದಕ್ಕಾಗಿ ಗುಡುಗಿದ ವರುಣ್ ಗಾಂಧಿ ರಾತ್ರಿಯಲ್ಲಿ ಕರ್ಫ್ಯೂ ಹೇರುವುದು ಮತ್ತು ಹಗಲಿನಲ್ಲಿ ಲಕ್ಷಾಂತರ ಜನರನ್ನು ರ್ಯಾಲಿಗಳಲ್ಲಿ ಕರೆಯುವುದು – ಇದು ಸಾಮಾನ್ಯ ಜನರಿಗೆ ಗ್ರಹಿಕೆಗೆ ಮೀರಿದೆ. ಉತ್ತರ ಪ್ರದೇಶದ ಸೀಮಿತ ಆರೋಗ್ಯ ರಕ್ಷಣಾ ವ್ಯವಸ್ಥೆಗಳನ್ನು ಗಮನಿಸಿದರೆ, ಭಯಾನಕ ಒಮಿಕ್ರಾನ್ ಹರಡುವುದನ್ನು ತಡೆಯುವುದೇ ಅಥವಾ ಚುನಾವಣಾ ಶಕ್ತಿಯನ್ನು ತೋರಿಸುವುದೇ ನಮ್ಮ ಆದ್ಯತೆಯೇ ಎಂಬುದನ್ನು ನಾವು ಪ್ರಾಮಾಣಿಕವಾಗಿ ನಿರ್ಧರಿಸಬೇಕು ಎಂದು  ಟ್ವೀಟ್ ಮಾಡಿದ್ದಾರೆ.

रात में कर्फ्यू लगाना और दिन में रैलियों में लाखों लोगों को बुलाना – यह सामान्य जनमानस की समझ से परे है।

उत्तर प्रदेश की सीमित स्वास्थ्य व्यवस्थाओं के मद्देनजर हमें इमानदारी से यह तय करना पड़ेगा कि हमारी प्राथमिकता भयावह ओमीक्रोन के प्रसार को रोकना है अथवा चुनावी शक्ति प्रदर्शन।

— Varun Gandhi (@varungandhi80) December 27, 2021

ಆಲೋಚನೆ ದೊಡ್ಡದಾಗಿರಬೇಕು 

ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮದಿನದಂದು ರಾಜ್ಯದ ಒಂದು ಕೋಟಿ ವಿದ್ಯಾರ್ಥಿಗಳಿಗೆ ಉಚಿತ ಟ್ಯಾಬ್ಲೆಟ್‌ಗಳು ಮತ್ತು ಸ್ಮಾರ್ಟ್‌ಫೋನ್‌ಗಳನ್ನು ವಿತರಿಸುವ ಅಭಿಯಾನಕ್ಕೆ ಶನಿವಾರ ಉತ್ತರಪ್ರದೇಶ ಸಿಎಂ ಚಾಲನೆ ನೀಡಿದರು. ಲಖನೌದ ಅಟಲ್ ಬಿಹಾರಿ ವಾಜಪೇಯಿ ಇಕಾನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ 60,000 ವಿದ್ಯಾರ್ಥಿಗಳಿಗೆ ಟ್ಯಾಬ್ಲೆಟ್‌ಗಳು ಮತ್ತು ಸ್ಮಾರ್ಟ್‌ಫೋನ್‌ಗಳನ್ನು ವಿತರಿಸಲಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಆದಿತ್ಯನಾಥ, ಯುವಕರು ತಮ್ಮ ಜೀವನದಲ್ಲಿ ಹತಾಶರಾಗಬಾರದು ಮತ್ತು ದೊಡ್ಡ ಸಂಗತಿಗಳನ್ನು ಯೋಚಿಸಬೇಕು ಎಂದು ಒತ್ತಾಯಿಸಿದರು.

ಆಲೋಚನೆ ಎಂದಿಗೂ ಚಿಕ್ಕದಾಗಿರಬಾರದು. ಆಲೋಚನೆ ದೊಡ್ಡದಾಗಿದ್ದರೆ ಅದು ನಿಮ್ಮ ವ್ಯಕ್ತಿತ್ವಕ್ಕೆ ಹೊಸ ಆಯಾಮ ನೀಡುತ್ತದೆ. ಯುವಕರು ತಮ್ಮ ಜೀವನದಲ್ಲಿ ಹತಾಶತೆಯನ್ನು ಪ್ರವೇಶಿಸಲು ಎಂದಿಗೂ ಬಿಡಬಾರದು, ಅವರು ಈ ಉತ್ಸಾಹದಿಂದ ಕೆಲಸ ಮಾಡಿದರೆ, ಅವರು ಏನು ಬೇಕಾದರೂ ಮಾಡಲು ಸಾಧ್ಯವಾಗುತ್ತದೆ” ಎಂದು ಆದಿತ್ಯನಾಥ ಹೇಳಿದರು, “ಇದು ಕೇವಲ ಸ್ಮಾರ್ಟ್‌ಫೋನ್ ಮತ್ತು ಟ್ಯಾಬ್ಲೆಟ್ ಅಲ್ಲ. ಇದರೊಂದಿಗೆ ನೀವು ಉಚಿತ ಡಿಜಿಟಲ್ ಪ್ರವೇಶ ಮತ್ತು ವಿಷಯವನ್ನು ಪಡೆಯುತ್ತೀರಿ. ಡಿಜಿಟಲ್ ಕ್ರಾಂತಿ ಹಳ್ಳಿಗಳನ್ನೂ ತಲುಪಲಿದೆ. ಆನ್‌ಲೈನ್ ಶಿಕ್ಷಣವನ್ನು ಆನ್‌ಲೈನ್ ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳೊಂದಿಗೆ ಜೋಡಿಸಲಾಗುವುದು ಲ್ಯಾಪ್‌ಟಾಪ್‌ಗಳನ್ನು ವಿತರಿಸುವ ತನ್ನ ಯಶಸ್ವಿ ಯೋಜನೆಯನ್ನು ನಕಲು ಮಾಡಿದ್ದಕ್ಕಾಗಿ ಸಮಾಜವಾದಿ ಪಕ್ಷ ಬಿಜೆಪಿಯನ್ನು ತರಾಟೆಗೆ ತೆಗೆದುಕೊಂಡಿದೆ.

ವರುಣ್ ಗಾಂಧಿ Vs ಬಿಜೆಪಿ ಇತ್ತೀಚೆಗೆ ವರುಣ್ ಗಾಂಧಿಯವರು ರೈತರ ಸಮಸ್ಯೆಗಳು, ಪೊಲೀಸರ ಅತಿಯಾದ ಕ್ರಮ, ಅಪರಾಧಗಳ ಹೆಚ್ಚಳ, ಶಿಕ್ಷಕರ ಮೇಲೆ ಹಲ್ಲೆ ಮೊದಲಾದ ಪ್ರಕರಣಗಳನ್ನು ಕೇಂದ್ರ ಮತ್ತು ಉತ್ತರಪ್ರದೇಶವನ್ನು ಖಂಡಿಸುತ್ತಿದ್ದಾರೆ. ಅವರು ಸಂಸತ್ತಿನಲ್ಲಿ ಪರಿಶೀಲನೆಗಾಗಿ ಸಲ್ಲಿಸಲಾದ ಎಂಎಸ್ ಪಿ ಮಸೂದೆಯ ಕರಡನ್ನು ಸಹ ಹಂಚಿಕೊಂಡಿದ್ದಾರೆ. 2009 ರಿಂದ ಲೋಕಸಭಾ ಸಂಸದರಾಗಿರುವ ವರುಣ್ ಗಾಂಧಿ ಬಿಜೆಪಿಯ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕಗೊಂಡರು. ಪಕ್ಷದಲ್ಲಿ ಆ ಸ್ಥಾನವನ್ನು ಅಲಂಕರಿಸಿದ ಅತ್ಯಂತ ಕಿರಿಯ ವ್ಯಕ್ತಿ ಇವರು.ಆದಾಗ್ಯೂ, 2014 ರಲ್ಲಿ ಬಿಜೆಪಿ ಕೇಂದ್ರದಲ್ಲಿ ಅಧಿಕಾರಕ್ಕೆ ಬಂದ ನಂತರ ಅವರು ಕ್ರಮೇಣ ತಮ್ಮ ಪ್ರಾಮುಖ್ಯತೆಯನ್ನು ಕಳೆದುಕೊಳ್ಳಲು ಪ್ರಾರಂಭಿಸಿದರು. 2017 ರಲ್ಲಿ ಅವರನ್ನು ಬಿಜೆಪಿಯ ಉತ್ತರಪ್ರದೇಶದ ಸಿಎಂ ಅಭ್ಯರ್ಥಿಯಾಗಿ ಬಿಂಬಿಸುವ ಅವರ ಪಾಳೆಯದ ಪ್ರಯತ್ನವು ಪಕ್ಷದ ನಾಯಕತ್ವಕ್ಕೆ ಸರಿಯಾಗಿ ಹೋಗಲಿಲ್ಲ ಎಂದು ವರದಿಯಾಗಿದೆ. ನಂತರ, ಅವರು ಮತ್ತು ಅವರ ತಾಯಿ ಮೇನಕಾ ಗಾಂಧಿ ಅವರನ್ನು ಪುನರ್​​ರಚಿಸಲಾದ   80 ಸದಸ್ಯರ ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿಣಿಯಿಂದ ಕೈಬಿಡಲಾಯಿತು.

ಇದನ್ನೂ ಓದಿ:  Uttar Pradesh Election 2022: ಪ್ರಿಯಾಂಕಾ ಗಾಂಧಿಯವರ ಆಹ್ವಾನ ಮೇರೆಗೆ ಉತ್ತರ ಪ್ರದೇಶದಲ್ಲಿ ಮಹಿಳಾ ಮ್ಯಾರಥಾನ್

Published On - 3:20 pm, Mon, 27 December 21