Viral Video: ಟೋಲ್ ಸಿಬ್ಬಂದಿಯ ಕೆನ್ನೆಗೆ ಬಾರಿಸಿದ ಬಿಜೆಪಿ ಶಾಸಕ; ವಿಡಿಯೋ ವೈರಲ್
BJP MLA Pooran Prakash: ಉತ್ತರ ಪ್ರದೇಶದ ಬಿಜೆಪಿ ಶಾಸಕ ಪೂರ್ಣ ಪ್ರಕಾಶ್ ಟೋಲ್ ಪ್ಲಾಜಾದ ಸಿಬ್ಬಂದಿಯ ಕಪಾಲಕ್ಕೆ ಹೊಡೆದಿರುವ ವಿಡಿಯೋ ಭಾರೀ ವೈರಲ್ ಆಗಿದೆ. ಅಷ್ಟಕ್ಕೂ ಅಲ್ಲಿ ಆಗಿದ್ದೇನು?
ಮಥುರಾ: ಅಧಿಕಾರ ಬಂದಕೂಡಲೆ ಕೆಲವರು ಸರ್ವಾಧಿಕಾರಿಗಳಂತೆ ವರ್ತಿಸತೊಡಗುತ್ತಾರೆ. ಉತ್ತರ ಪ್ರದೇಶದ ಮಥುರಾದ ಬಲ್ಡಿಯೋ (Baldeo Constituency) ವಿಧಾನಸಭಾ ಕ್ಷೇತ್ರದ ಬಿಜೆಪಿ ಶಾಸಕ ಪೂರ್ಣ ಪ್ರಕಾಶ್ (Pooran Prakash) ಟೋಲ್ ಪ್ಲಾಜಾದ (Toll Plaza) ಸಿಬ್ಬಂದಿಯ ಕಪಾಲಕ್ಕೆ ಹೊಡೆದಿರುವ ವಿಡಿಯೋವೊಂದು ಭಾರೀ ವೈರಲ್ (Video Viral) ಆಗಿದೆ. ಅಷ್ಟಕ್ಕೂ ಕೆನ್ನೆಗೆ ಹೊಡೆಸಿಕೊಳ್ಳುವಂತಹ ತಪ್ಪು ಆತ ಮಾಡಿದ್ದಾದರೂ ಏನು? ಇಲ್ಲಿದೆ ಮಾಹಿತಿ…
ಕಾರಿನಲ್ಲಿ ಬೇರೆ ಊರಿಗೆ ಹೋಗುತ್ತಿದ್ದ ಬಿಜೆಪಿ ಶಾಸಕ ಪೂರ್ಣ ಪ್ರಕಾಶ್ ಅವರ ಕಾರೆಂದು ತಿಳಿಯದ ಟೋಲ್ ಪ್ಲಾಜಾದ ಸಿಬ್ಬಂದಿ ಬೂಮ್ ಬ್ಯಾರಿಯರ್ ಅನ್ನು ಕ್ಲೋಸ್ ಮಾಡಿದ್ದಾನೆ. ಮಾಮೂಲಿ ಜನರಿಗೆ ಟೋಲ್ ಕಟ್ಟಿದ ಬಳಿಕ ಬ್ಯಾರಿಯರ್ ಓಪನ್ ಆಗುತ್ತದೆ. ಆದರೆ, ತಕ್ಷಣ ಶಾಸಕರ ಕಾರಿನ ಮುಂದಿದ್ದ ಬೋರ್ಡ್ ನೋಡಿದ ಆತ ಬ್ಯಾರಿಯರ್ ಓಪನ್ ಮಾಡಿದ್ದಾನೆ. ಇದರಿಂದ ಕೆಲವು ಸೆಕೆಂಡುಗಳ ಕಾಲ ಪೂರ್ಣ ಪ್ರಕಾಶ್ ಅವರ ಕಾರು ಟೋಲ್ನಲ್ಲಿ ನಿಂತಿದೆ. ತಕ್ಷಣ ಎಚ್ಚೆತ್ತುಕೊಂಡು ಟೋಲ್ನ ಗೇಟ್ ಓಪನ್ ಮಾಡಿದರೂ ಸುಮ್ಮನಾಗದ ಶಾಸಕ ಪೂರ್ಣ ಪ್ರಕಾಶ್ ಕಾರಿನಿಂದ ಕೆಳಗಿಳಿದು ಬಂದು ಟೋಲ್ ಸಿಬ್ಬಂದಿಯ ಕೆನ್ನೆಗೆ ಬಾರಿಸಿದ್ದಾರೆ.
BJP MLA Puran Prakash from Baldev (#Mathura) seat of UP slapped an employee on toll. MLA says ‘toll workers stop unnecessarily’. This is their contribution in paying taxes. Vid @iamdevv23 pic.twitter.com/kJJwlnPmhi
— Naaved Bawa (Akhlad khan) (@BawaNaaved) July 25, 2021
ಈ ದೃಶ್ಯ ಟೋಲ್ ಪ್ಲಾಜಾದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. 14ನೇ ಲೇನ್ನಲ್ಲಿ ಸಾಗುತ್ತಿದ್ದ ಶಾಸಕರ ಕಾರಿಗೆ ಅಡ್ಡಲಾಗಿ ಟೋಲ್ನ ಬ್ಯಾರಿಯರ್ ಹಾಕಲಾಗಿದೆ. ಅದಾದ ಕೆಲವೇ ಸೆಕೆಂಡಿನಲ್ಲಿ ಆ ಗೇಟನ್ನು ಓಪನ್ ಮಾಡಲಾಗಿದೆ. ಅಷ್ಟರೊಳಗೆ ಕೋಪಗೊಂಡ ಶಾಸಕ ಆ ಗೇಟ್ ಪಕ್ಕದಲ್ಲಿ ನಿಂತಿದ್ದ ಹುಡುಗನಿಗೆ ಕಪಾಲಮೋಕ್ಷ ಮಾಡಿದ್ದಾರೆ.
What hell had broken, if he had to tell the staff at the toll of his identification. He is an MLA for 5 years and not a life time free customer. All MLA,s should have to pay and they should have a fast Tag on their car for that reason . So that there is no such delay.
— PP Singh Dilgir (@dilgirppsingh) July 27, 2021
ಶಾಸಕ ಪೂರ್ಣ ಪ್ರಕಾಶ್ ಈ ರೀತಿ ಟೋಲ್ ಸಿಬ್ಬಂದಿಯ ಮೇಲೆ ಕೈ ಮಾಡಿರುವುದಕ್ಕೆ ಟೀಕೆಗೆ ಗುರಿಯಾಗಿದ್ದಾರೆ. ಗೊತ್ತಿಲ್ಲದೆ ಮಾಡಿದ ತಪ್ಪನ್ನು ಕ್ಷಣಮಾತ್ರದಲ್ಲಿ ತಿದ್ದಿಕೊಂಡರೂ ದರ್ಪ ತೋರಿರುವ ಶಾಸಕರ ವಿರುದ್ಧ ಹಲವು ಆಕ್ರೋಶ ಹೊರಹಾಕಿದ್ದಾರೆ. ಇದಕ್ಕೂ ಮೊದಲು 2018ರಲ್ಲಿ ಕೂಡ ಇದೇ ಟೋಲ್ ಪ್ಲಾಜಾ ಸಿಬ್ಬಂದಿಯ ಕೆನ್ನೆಗೆ ಹೊಡೆದು ಅವರು ಸುದ್ದಿಯಾಗಿದ್ದರು.
ಇದನ್ನೂ ಓದಿ: Viral Video: ಸೀರೆಯುಟ್ಟು ರೈಲಿನ ಕಿಟಕಿಯಲ್ಲೇ ಒಳನುಗ್ಗಿದ ಮಹಿಳೆ!; ಎಮರ್ಜೆನ್ಸಿ ಎಂಟ್ರಿಯ ವಿಡಿಯೋ ವೈರಲ್
Crime News: ಅಕ್ರಮ ಸಂಬಂಧ ತಂದ ಕಂಟಕ; ಹೆಂಡತಿಯ ಪ್ರಿಯಕರನ ಗುಪ್ತಾಂಗಕ್ಕೆ ಶೂಟ್ ಮಾಡಿದ ಗಂಡ!
(Viral Video: BJP MLA Pooran Prakash slaps toll plaza worker in Mathura Watch CCTV Trending Video)