Aniksha Jaisinghani: ದೇವೇಂದ್ರ ಫಡ್ನವಿಸ್ ಪತ್ನಿ ಅಮೃತಾಗೆ ಬೆದರಿಕೆ ಹಾಕಿ ಬಂಧನಕ್ಕೊಳಗಾಗಿರುವ ಡಿಸೈನರ್ ಅನಿಕ್ಷಾ ಯಾರು?

ಮಹಾರಾಷ್ಟ್ರದ ಉಪ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಪತ್ನಿ ಅಮೃತಾ ಫಡ್ನವಿಸ್ ಅವರ ದೂರಿನ ಮೇರೆಗೆ ಮುಂಬೈ ಪೊಲೀಸರು ಮಹಿಳಾ ವಿನ್ಯಾಸಕಿ ಅನಿಕ್ಷಾರನ್ನು ಬಂಧಿಸಿದ್ದಾರೆ. ಅಮೃತಾ ಫಡ್ನವಿಸ್ ಅವರು ಡಿಸೈನರ್ ಅನಿಕ್ಷಾ ತನ್ನ ತಂದೆಯ ವಿರುದ್ಧ ದಾಖಲಾಗಿರುವ ಪ್ರಕರಣವನ್ನು ಕೊನೆಗೊಳಿಸಲು ಲಂಚ ನೀಡುತ್ತಿದ್ದಾರೆ ಎಂದು ಆರೋಪಿಸಲಾಗಿತ್ತು, ಅಲ್ಲದೆ ಅವರನ್ನು ಬಲೆಗೆ ಬೀಳಿಸುವುದಾಗಿ ಬೆದರಿಕೆ ಹಾಕಿದ್ದರು ಎನ್ನಲಾಗಿದೆ.ಫೆಬ್ರವರಿಯಲ್ಲಿ ಈ ವಿಷಯಕ್ಕೆ ಸಂಬಂಧಿಸಿದಂತೆ ಎಫ್‌ಐಆರ್ ದಾಖಲಾಗಿತ್ತು, ಆದರೆ ಈ ವಿಷಯ ಈಗ ಮಾಧ್ಯಮಗಳಲ್ಲಿ ಮುನ್ನೆಲೆಗೆ ಬಂದಿದೆ.

ಅನಿಷ್ಕಾ ಜೈಸಿಂಘಾನಿ ಯಾರು? ಅನಿಕ್ಷಾ ಜೈಸಿಂಘಾನಿ ಬುಕ್ಕಿ ಅನಿಲ್ ಜೈಸಿಂಘಾನಿ ಅವರ ಪುತ್ರಿ, ಅನಿಲ್ ಜೈಸಿಂಘಾನಿ ವಿರುದ್ಧ ಹಲವು ಪ್ರಕರಣಗಳು ದಾಖಲಾಗಿದ್ದು, ಕಳೆದ 7-8 ವರ್ಷಗಳಿಂದ ತಲೆಮರೆಸಿಕೊಂಡಿದ್ದಾರೆ ಎಂದು ದೇವೇಂದ್ರ ಫಡ್ನವೀಸ್ ಹೇಳಿದ್ದಾರೆ. ಅನಿಕ್ಷಾ ಜೈಸಿಂಘಾನಿ ತಾವು ಡಿಸೈನರ್ ಎಂದು ಹೇಳಿಕೊಂಡಿದ್ದಾರೆ. ಅವರು 2015-16ರಲ್ಲಿ ಅಮೃತಾ ಫಡ್ನವಿಸ್ ಅವರನ್ನು ಮೊದಲ ಬಾರಿ ಭೇಟಿಯಾಗಿದ್ದರು.

ಆದರೆ 2021 ರವರೆಗೆ ಅವರ ನಡುವೆ ಯಾವುದೇ ಸಂಪರ್ಕವಿರಲಿಲ್ಲ. ಕೆಲವು ವರ್ಷಗಳ ನಂತರ, ಅನಿಕ್ಷಾ ತನ್ನ ತಂದೆಗೆ ಕ್ಲೀನ್ ಚಿಟ್ ಪಡೆಯಲು ಅಮೃತಾ ಫಡ್ನವಿಸ್ ಸಹಾಯವನ್ನು ಕೋರಿದ್ದರು.

ಮತ್ತಷ್ಟು ಓದಿ: ಹಳೆಯ ಪಿಂಚಣಿ ಯೋಜನೆ ಬಗ್ಗೆ ಚರ್ಚಿಸುವುದಾಗಿ ಹೇಳಿದ ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್

1 ಕೋಟಿ ಲಂಚದ ಆಮಿಷ ಒಡ್ಡಿದ್ದರು ಅಮೃತಾ ಅವರ ಎಫ್‌ಐಆರ್ ಪ್ರಕಾರ, ಅನಿಕ್ಷಾ ತನ್ನ ತಂದೆಯ ವ್ಯವಹಾರಗಳಲ್ಲಿ ಸಹಾಯ ಮಾಡಲು 1 ಕೋಟಿ ರೂಪಾಯಿ ಲಂಚದ ಆಮಿಷ ಒಡ್ಡಿದ್ದಳು. ಇದೆಲ್ಲವನ್ನೂ ನಿರಾಕರಿಸಿದ ಅಮೃತಾ ಫಡ್ನವಿಸ್, ಅನಿಕ್ಷಾ ಅವರಿಗೆ ಕೆಲವು ವೀಡಿಯೊಗಳು ಮತ್ತು ಧ್ವನಿ ಸಂದೇಶಗಳನ್ನು ಕಳುಹಿಸಿದ್ದಾರೆ. ಅನಿಕ್ಷಾ ನಗದು ಹಣದೊಂದಿಗೆ ಬ್ಯಾಗ್ ಪ್ಯಾಕ್ ಮಾಡುತ್ತಿದ್ದು, ಬಳಿಕ ಉಪ ಮುಖ್ಯಮಂತ್ರಿ ಮನೆಯಲ್ಲಿ ಬ್ಯಾಗ್ ಕಾಣಿಸಿಕೊಂಡಿರುವುದು ವಿಡಿಯೋದಲ್ಲಿ ಕಂಡುಬಂದಿತ್ತು.

ಅನಿಕ್ಷಾ ತನ್ನ ಉತ್ಪನ್ನವನ್ನು ಪ್ರಚಾರ ಮಾಡಲು ಅಮೃತಾಗೆ ಬಟ್ಟೆ, ಆಭರಣ ಮತ್ತು ಬೂಟುಗಳನ್ನು ನೀಡಿದ್ದರು. ಅಮೃತಾ ಫಡ್ನವಿಸ್ ಬ್ಯಾಂಕರ್ರ್, ರೂಪದರ್ಶಿ ಮತ್ತು ಗಾಯಕಿ ಆಗಿದ್ದು, ಅಮೃತಾ ಅವರನ್ನು ಭೇಟಿಯಾಗಲು ಅನಿಕ್ಷಾ ಫಡ್ನವೀಸ್ ಮನೆಗೆ ಬರುತ್ತಿದ್ದರು. ಅನಿಕ್ಷಾ ಒಮ್ಮೆ ಅಮೃತಾ ಅವರ ಉದ್ಯೋಗಿಯೊಬ್ಬರಿಗೆ ಕಾಗದದ ಲಕೋಟೆಯನ್ನು ನೀಡಿ ಅಮೃತಾಗೆ ತಲುಪಿಸಲು ಸೂಚಿಸಿದರು. ಒಳಗೆ ಒಂದು ಟಿಪ್ಪಣಿ ಇತ್ತು, ಆದರೆ ಅದು ಅರ್ಥವಾಗಲಿಲ್ಲ ಎಂದು ಹೇಳಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 10:53 am, Fri, 17 March 23