ಬೆಂಗಳೂರು ನಮ್ಮ ಮೆಟ್ರೋ: ಹೊಸ ಮೆಟ್ರೋ ರೈಲುಗಳಿಗಾಗಿ ಸಿದ್ಧವಾಗುತ್ತಿವೆ ಐದು ಡಿಪೋಗಳು
ಬೆಂಗಳೂರು, ಆಗಸ್ಟ್ 5: ಬೆಂಗಳೂರಿನಲ್ಲಿ ಮುಂದಿನ ಕೆಲವೇ ವರ್ಷಗಳಲ್ಲಿ ಮೆಟ್ರೋ ರೈಲುಗಳ ಸಂಖ್ಯೆ ಇನ್ನಷ್ಟು ಹೆಚ್ಚಾಗಲಿದೆ. ಹೊಸ ಹೊಸ ರೈಲುಗಳು ಬರುತ್ತಿದ್ದಂತೆಯೇ ಅವುಗಳ ನಿಲುಗಡೆಗೆ, ನಿರ್ವಹಣೆಗೆ ಬೇಕಾದ ವ್ಯವಸ್ಥೆಯನ್ನು ಮಾಡಿಕೊಳ್ಳಲು ಬಿಎಂಆರ್ಸಿಎಲ್ ಈಗಲೇ ಮುಂದಾಗಿದ್ದು, ಮೂರು ಡಿಪೋಗಳ ಪರಿಷ್ಕರಣೆ ಸೇರಿದಂತೆ ಒಟ್ಟು ಐದು ಡಿಪೋಗಳನ್ನು ಸಿದ್ಧಪಡಿಸಲು ಮುಂದಾಗಿದೆ.
ಬೆಂಗಳೂರು ನಮ್ಮ ಮೆಟ್ರೋ ಇದೀಗ ಹೊಸ ಡಿಪೋಗಳ ನಿರ್ಮಾಣ ಕಾರ್ಯ ಆರಂಭಿಸಿದೆ. ಸದ್ಯ ಅಸ್ತಿತ್ವದಲ್ಲಿರುವ ಮೂರು ಡಿಪೋಗಳನ್ನು ಮೇಲ್ದರ್ಜೆಗೇರಿಸುವುದರ ತೆಗೆ ಒಟ್ಟು ಡಿಪೋಗಳ ಸಂಖ್ಯೆ ಐದಕ್ಕೆ ಹೆಚ್ಚಿಸಲು ಬಿಎಮಾರ್ಸಿಎಲ್ ಕಾರ್ಯನಿರ್ವಹಿಸುತ್ತಿದೆ. 2041 ರವರೆಗೆ ಮೆಟ್ರೊದಿಂದ ಕಾರ್ಯಾಚರಿಸಬೇಕಾದ ರೈಲುಗಳ ಸ್ಥಿರತೆ ಮತ್ತು ನಿರ್ವಹಣೆಯ ಅಗತ್ಯತೆಗಳನ್ನು ಪೂರೈಸಲು ಈ ಕ್ರಮ ಕೈಗೊಳ್ಳಲಾಗುತ್ತಿದೆ.
ಸಾಂದರ್ಭಿಕ ಚಿತ್ರ
ಹೊರ ವರ್ತುಲ ರಸ್ತೆಗೆ (ನಮ್ಮ ಮೆಟ್ರೋ ಹಂತ-2ಎ) ಓಡಿಸಲಾಗುವ 16 ರೈಲುಗಳು ಮತ್ತು ಏರ್ಪೋರ್ಟ್ ಮಾರ್ಗದಲ್ಲಿ ಸಂಚರಿಸಲಿರುವ 21 ರೈಲುಗಳು (ಹಂತ-2ಬಿ) ಇವೆರಡೂ ವಿರುದ್ಧ ದಿಕ್ಕಿನಲ್ಲಿ ಚಲಿಸುತ್ತವೆ ಮತ್ತು ಈ ಡಿಪೋ ಇವೆರಡರ ಮಧ್ಯದಲ್ಲಿರುತ್ತದೆ.
ಮೇಲ್ದರ್ಜೆಗೇರಿಸಲಾದ ಈ ಡಿಪೋದಲ್ಲಿ, ಒಂದು ಹಂತ ಅಂಡರ್ಗ್ರೌಂಡ್ನಲ್ಲಿರಲಿದ್ದು, ಇನ್ನೊಂದು ಹಂತವು ಗ್ರೇಡ್ ಲೆವೆಲ್ನದ್ದಾಗಿರುತ್ತದೆ. ಅಂಡರ್ಗ್ರೌಂಡ್ ಮಾರ್ಗವು 21 ಸ್ಟೇಬ್ಲಿಂಗ್ ಲೈನ್ಗಳನ್ನು ಹೊಂದಿರುತ್ತದೆ ಮತ್ತು ಗ್ರೇಡ್ ಲೆವೆಲ್ನಲ್ಲಿ 20 ಲೈನ್ಗಳು ಇರುತ್ತವೆ ಎಂದು ಅವರು ತಿಳಿಸಿದ್ದಾರೆ.
ನಮ್ಮ ಮೆಟ್ರೋ ರೈಲು ಸೇವೆಯಲ್ಲಿ ವ್ಯತ್ಯಯ: ಈ ದಿನಗಳಂದು ಸಂಪೂರ್ಣ ಸ್ಥಗಿತ
ವಿಮಾನ ನಿಲ್ದಾಣದ ಬಳಿ ಶೆಟ್ಟಿಗೆರೆ ಡಿಪೋವನ್ನು 182.33 ಕೋಟಿ ರೂ.ಗಳಲ್ಲಿ ನಿರ್ಮಿಸಲಾಗುತ್ತಿದೆ. ಇಲ್ಲಿ ಶೇ 49ರಷ್ಟು ಕಾಮಗಾರಿ ಪೂರ್ಣಗೊಂಡಿದೆ. ಇದು ಭವಿಷ್ಯದಲ್ಲಿ ನಿರ್ಮಿಸಲಿರುವ 12 ಎಲಿವೇಟೆಡ್ ಲೈನ್ಗಳನ್ನು ಹೊಂದಿರುತ್ತದೆ. ಇದು 21 ರೈಲುಗಳಿಗೆ ಅವಕಾಶ ಕಲ್ಪಿಸುತ್ತದೆ. ಹಂತ-2B ಯ ಕಾರ್ಯಾಚರಣೆ ಮತ್ತು ನಿರ್ವಹಣೆ ಅಗತ್ಯತೆಗಳನ್ನು ಇಲ್ಲಿ ನಿರ್ವಹಿಸಲಾಗುವುದು ಎಂದು ಮತ್ತೊಬ್ಬರು ಅಧಿಕಾರಿ ತಿಳಿಸಿದ್ದಾರೆ.
ಕೊತ್ತನೂರು ಡಿಪೋದಲ್ಲಿ ಶೇ 66 ರಷ್ಟು ಕೆಲಸ ಪೂರ್ಣಗೊಂಡಿದ್ದರೆ, ಅಂಜನಾಪುರ (ಉತ್ತರ-ದಕ್ಷಿಣ ಹಸಿರು ಮಾರ್ಗ) ಡಿಪೋದಲ್ಲಿ ಶೇ 50 ರಷ್ಟು ಕೆಲಸ ಮುಗಿದಿದೆ ಎಂದು ಅಧಿಕಾರಿ ಹೇಳಿದ್ದಾರೆ.
Published On - 2:55 pm, Mon, 5 August 24