IPL 2022: ಹರಾಜಿನಲ್ಲಿ ಕನ್ನಡಿಗನಿಗೆ 9.25 ಕೋಟಿ ರೂ. ನೀಡಿದ್ದ ಸಿಎಸ್ಕೆ ಒಂದೇ ಒಂದು ಪಂದ್ಯವನ್ನೂ ಆಡಿಸಲಿಲ್ಲ!
IPL 2022: ಚೆನ್ನೈ ಸೂಪರ್ ಕಿಂಗ್ಸ್ ಅವರನ್ನು 9.25 ಕೋಟಿಗೆ ಖರೀದಿಸಿತು ಆದರೆ ಐಪಿಎಲ್ 2021 ರ ಸಂಪೂರ್ಣ ಋತುವಿನಲ್ಲಿ ಅವರಿಗೆ ಒಂದೇ ಒಂದು ಪಂದ್ಯವನ್ನು ಆಡಲು ಅವಕಾಶ ಕೊಡಲಿಲ್ಲ.
IPL 2022 ರ ಮೆಗಾ ಹರಾಜು ಬಹಳ ಹತ್ತಿರದಲ್ಲಿದೆ. ಎಲ್ಲಾ 10 ಫ್ರಾಂಚೈಸಿಗಳು ಬಲವಾದ ಟೀಂ ನಿರ್ಮಿಸಲು ಉತ್ತಮ ಆಟಗಾರರ ಮೇಲೆ ಹಣವನ್ನು ಖರ್ಚು ಮಾಡಲು ಸಿದ್ಧವಾಗಿವೆ. ಪ್ರತಿ ವರ್ಷದಂತೆ, ಈ ಬಾರಿಯೂ ಅನೇಕ ದೊಡ್ಡ ಆಟಗಾರರಿಗೆ ದೊಡ್ಡ ಹಣವನ್ನು ಖರ್ಚು ಮಾಡಲಾಗುವುದು. ಅದೇ ಸಮಯದಲ್ಲಿ, ಹರಾಜಿನಲ್ಲಿ ದೊಡ್ಡ ಮೊತ್ತವನ್ನು ಪಡೆಯುವ ಮೂಲಕ ಇಡೀ ಜಗತ್ತನ್ನು ಬೆಚ್ಚಿಬೀಳಿಸುವ ಕೆಲವು ಆಟಗಾರರು ಇರುತ್ತಾರೆ. ಕಳೆದ ವರ್ಷ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಕೃಷ್ಣಪ್ಪ ಗೌತಮ್‌ಗೆ 9.25 ಕೋಟಿ ಖರ್ಚು ಮಾಡಿ ಎಲ್ಲರನ್ನೂ ಅಚ್ಚರಿಗೊಳಿಸಿತ್ತು.
ಕರ್ನಾಟಕದ ಈ ಆಲ್‌ರೌಂಡರ್‌ಗೆ ಧೋನಿ ಪಡೆ ಪ್ರಬಲ ಬಿಡ್ ಮಾಡಿತ್ತು. ಗೌತಮ್ ಅವರನ್ನು ಖರೀದಿಸಲು ಕೋಲ್ಕತ್ತಾ ನೈಟ್ ರೈಡರ್ಸ್, ಸನ್ ರೈಸರ್ಸ್ ಹೈದರಾಬಾದ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು.
ಮೊದಲಿಗೆ ಗೌತಮ್ ಅವರನ್ನು ಖರೀದಿಸಲು ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವೆ ಸ್ಪರ್ಧೆ ಏರ್ಪಟ್ಟಿತ್ತು. ಎರಡೂ ತಂಡಗಳು ಗೌತಮ್‌ಗೆ 7.5 ಕೋಟಿ ರೂ. ಬಿಡ್ ಮಾಡಿದ್ದವು. ನಂತರ ಚೆನ್ನೈ ಸೂಪರ್ ಕಿಂಗ್ಸ್ ಬಿಡ್‌ನಲ್ಲಿ ಪ್ರವೇಶಿಸಿತು. ಅಂತಿಮವಾಗಿ ಅವರು ಗೌತಮ್ ಅವರನ್ನು 9.25 ಕೋಟಿಗಳ ಬೃಹತ್ ಬೆಲೆಗೆ ಖರೀದಿಸಿದರು. ಈ ಮೂಲಕ ಗೌತಮ್ ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ದುಬಾರಿ ಅನ್‌ಕ್ಯಾಪ್ಡ್ ಆಟಗಾರ ಎನಿಸಿಕೊಂಡರು.
ಐಪಿಎಲ್ 2018 ರಲ್ಲಿ ಮುಂಬೈ ಇಂಡಿಯನ್ಸ್ ರೂ 8.8 ಕೋಟಿ ಪಾವತಿಸಿದ ಕೃನಾಲ್ ಪಾಂಡ್ಯ ಅವರ ದಾಖಲೆಯನ್ನು ಕೃಷ್ಣಪ್ಪ ಗೌತಮ್ ಮುರಿದರು. 2016 ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಸಹ ರೂ 8.5 ಕೋಟಿಗೆ ಪವನ್ ನೇಗಿ ಅವರನ್ನು ಖರೀದಿಸಿತು.
ಅಂದಹಾಗೆ, ನಾವು ಕೃಷ್ಣಪ್ಪ ಗೌತಮ್ ಬಗ್ಗೆ ಮಾತನಾಡಿದರೆ, ಚೆನ್ನೈ ಸೂಪರ್ ಕಿಂಗ್ಸ್ ಅವರನ್ನು 9.25 ಕೋಟಿಗೆ ಖರೀದಿಸಿತು ಆದರೆ ಐಪಿಎಲ್ 2021 ರ ಸಂಪೂರ್ಣ ಋತುವಿನಲ್ಲಿ ಅವರಿಗೆ ಒಂದೇ ಒಂದು ಪಂದ್ಯವನ್ನು ಆಡಲು ಅವಕಾಶ ಕೊಡಲಿಲ್ಲ. ಇದಾದ ನಂತರ ಗೌತಮ್ ಶ್ರೀಲಂಕಾ ವಿರುದ್ಧ ತಮ್ಮ ODI ಪಾದಾರ್ಪಣೆ ಮಾಡಿದರು.