IPL 2023: ಐಪಿಎಲ್ನಲ್ಲಿ ಆರಂಭಿಕನಾಗಿ ಕಣಕ್ಕಿಳಿದು ಕೊನೆಯವರೆಗೂ ಬ್ಯಾಟ್ ಬೀಸಿದ್ದು ಇಬ್ಬರೇ ಇಬ್ಬರು..!
IPL 2023 Kannada: ಐಪಿಎಲ್ ಇತಿಹಾಸದಲ್ಲಿ ಓಪನರ್ ಆಗಿ ಕಣಕ್ಕಿಳಿದು ಎಲ್ಲಾ ಆಟಗಾರರೊಂದಿಗೆ ಜೊತೆಯಾಟವಾಡಿದ 2ನೇ ಬ್ಯಾಟರ್ ಎಂಬ ದಾಖಲೆಯೊಂದು ಶಿಖರ್ ಧವನ್ ಪಾಲಾಗಿದೆ.
IPL 2023: ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಅಜೇಯ 99 ರನ್ ಬಾರಿಸುವ ಮೂಲಕ ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಶಿಖರ್ ಧವನ್ ಹಲವು ದಾಖಲೆ ನಿರ್ಮಿಸಿದ್ದಾರೆ. ಈ ದಾಖಲೆಗಳಲ್ಲಿ ಪ್ಲೇಯಿಂಗ್ ಇಲೆವೆನ್ನ ಎಲ್ಲರೊಂದಿಗೆ ಬ್ಯಾಟ್ ಬೀಸಿದ ವಿಶೇಷ ದಾಖಲೆ ಕೂಡ ಸೇರಿದೆ.
ಅಂದರೆ ಆರಂಭಿಕನಾಗಿ ಕಣಕ್ಕಿಳಿದು 11ನೇ ಆಟಗಾರನ ಜೊತೆ ಇನಿಂಗ್ಸ್ ಕಟ್ಟಿದ ವಿಶೇಷ ದಾಖಲೆಯೊಂದು ಶಿಖರ್ ಧವನ್ ಪಾಲಾಗಿದೆ. ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಆರಂಭಿಕನಾಗಿ ಕಣಕ್ಕಿಳಿದ ಧವನ್ 11ನೇ ಬ್ಯಾಟರ್ ಮೋಹಿತ್ ರಥಿ ಜೊತೆಗೂಡಿ 55 ರನ್ಗಳ ಜೊತೆಯಾಟವಾಡಿದ್ದರು.
ಇದರೊಂದಿಗೆ ಐಪಿಎಲ್ ಇತಿಹಾಸದಲ್ಲಿ ಓಪನರ್ ಆಗಿ ಕಣಕ್ಕಿಳಿದು ಎಲ್ಲಾ ಆಟಗಾರರೊಂದಿಗೆ ಜೊತೆಯಾಟವಾಡಿದ 2ನೇ ಬ್ಯಾಟರ್ ಎಂಬ ದಾಖಲೆಯೊಂದು ಶಿಖರ್ ಧವನ್ ಪಾಲಾಯಿತು. ಇದಕ್ಕೂ ಮುನ್ನ ಇಂತಹದೊಂದು ದಾಖಲೆಯನ್ನು ಪಾರ್ಥಿವ್ ಪಟೇಲ್ ನಿರ್ಮಿಸಿದ್ದರು.
2019 ರಲ್ಲಿ ಸಿಎಸ್ಕೆ ವಿರುದ್ಧ ನಡೆದ ಪಂದ್ಯದಲ್ಲಿ ಆರ್ಸಿಬಿ ಪರ ಆರಂಭಿಕನಾಗಿ ಕಣಕ್ಕಿಳಿದ ಪಾರ್ಥಿವ್ ಪಟೇಲ್ ಕ್ರೀಸ್ ಕಚ್ಚಿ ನಿಂತು 11ನೇ ಆಟಗಾರ ಮೊಹಮ್ಮದ್ ಸಿರಾಜ್ ಅವರೊಂದಿಗೆ ಜೊತೆಯಾಟವಾಡಿದ್ದರು.
ಇದೀಗ ಎಸ್ಆರ್ಹೆಚ್ ಆರಂಭಿಕನಾಗಿ ಆಡಿದ ಶಿಖರ್ ಧವನ್ 66 ಎಸೆತಗಳಲ್ಲಿ ಅಜೇಯ 99 ರನ್ ಬಾರಿಸುವ ಮೂಲಕ 11ನೇ ಬ್ಯಾಟರ್ನೊಂದಿಗೆ ಇನಿಂಗ್ಸ್ ಅಂತ್ಯಗೊಳಿಸಿದ್ದಾರೆ. ಈ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಅಪರೂಪದ ದಾಖಲೆ ಬರೆದ ಹೆಗ್ಗಳಿಕೆ ಪಾತ್ರರಾಗಿದ್ದಾರೆ.