ಏಕದಿನ ವಿಶ್ವಕಪ್ನಲ್ಲಿ ಕಣಕ್ಕಿಳಿಯಲಿರುವ 10 ಹಿರಿಯ ಆಟಗಾರರು ಇವರೇ
ODI World Cup 2023: ಈ ಆಟಗಾರರಲ್ಲಿ 39 ವರ್ಷದ ಕ್ರಿಕೆಟಿಗ ಕೂಡ ಇರುವುದು ವಿಶೇಷ. ಅಂದರೆ ಈ ಬಾರಿಯ ವಿಶ್ವಕಪ್ನಲ್ಲಿ ಅತ್ಯಂತ ಹಿರಿಯ ಆಟಗಾರನಾಗಿ ನೆದರ್ಲೆಂಡ್ಸ್ ತಂಡದ ವೆಸ್ಲಿ ಬ್ಯಾರೆಸಿ ಕಾಣಿಸಿಕೊಂಡಿದ್ದಾರೆ. ಹಾಗಿದ್ರೆ 10 ತಂಡಗಳಲ್ಲಿರುವ ಹಿರಿಯ ಆಟಗಾರರ ಪಟ್ಟಿ ಈ ಕೆಳಗಿನಂತಿದೆ...
ಬಹುನಿರೀಕ್ಷಿತ ಏಕದಿನ ವಿಶ್ವಕಪ್ ಅಕ್ಟೋಬರ್ 5 ರಿಂದ ಶುರುವಾಗಲಿದೆ. ಭಾರತದಲ್ಲಿ ನಡೆಯಲಿರುವ ಈ ಟೂರ್ನಿಯಲ್ಲಿ ಒಟ್ಟು 10 ತಂಡಗಳು ಕಣಕ್ಕಿಳಿಯಲಿವೆ. ಈ ಹತ್ತು ತಂಡಗಳಲ್ಲಿ ಒಟ್ಟು 150 ಆಟಗಾರರಿದ್ದಾರೆ.
ಈ ಆಟಗಾರರಲ್ಲಿ 39 ವರ್ಷದ ಕ್ರಿಕೆಟಿಗ ಕೂಡ ಇರುವುದು ವಿಶೇಷ. ಅಂದರೆ ಈ ಬಾರಿಯ ವಿಶ್ವಕಪ್ನಲ್ಲಿ ಅತ್ಯಂತ ಹಿರಿಯ ಆಟಗಾರನಾಗಿ ನೆದರ್ಲೆಂಡ್ಸ್ ತಂಡದ ವೆಸ್ಲಿ ಬ್ಯಾರೆಸಿ ಕಾಣಿಸಿಕೊಂಡಿದ್ದಾರೆ. ಹಾಗಿದ್ರೆ 10 ತಂಡಗಳಲ್ಲಿರುವ ಹಿರಿಯ ಆಟಗಾರರು ಯಾರೆಲ್ಲಾ ಎಂದು ನೋಡೋಣ...
1- ವೆಸ್ಲಿ ಬ್ಯಾರೆಸಿ: ನೆದರ್ಲೆಂಡ್ಸ್ ತಂಡದ ವಿಕೆಟ್ ಕೀಪರ್ ಬ್ಯಾಟರ್ ವೆಸ್ಲಿ ಬ್ಯಾರೆಸಿ ಈ ಬಾರಿಯ ವಿಶ್ವಕಪ್ನಲ್ಲಿ ಕಣಕ್ಕಿಳಿಯುತ್ತಿರುವ ಅತ್ಯಂತ ಹಿರಿಯ ಆಟಗಾರ. 39ನೇ ವಯಸ್ಸಿನಲ್ಲಿ ಬ್ಯಾರೆಸಿ ನೆದರ್ಲೆಂಡ್ಸ್ ಪರ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ.
2- ಮೊಹಮ್ಮದ್ ನಬಿ: ಅಫ್ಘಾನಿಸ್ತಾನ್ ತಂಡದ ಆಲ್ರೌಂಡರ್ ಮೊಹಮ್ಮದ್ ನಬಿ ಕಣದಲ್ಲಿರುವ 2ನೇ ಹಿರಿಯ ಆಟಗಾರ. ನಬಿ ಅವರ ಪ್ರಸ್ತುತ ವಯಸ್ಸು 38 ವರ್ಷಗಳು, 271 ದಿನಗಳು.
3- ಮಹಮದುಲ್ಲಾ: ಬಾಂಗ್ಲಾದೇಶ್ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟರ್ ಮಹಮದುಲ್ಲಾ 37ನೇ (+237 ದಿನಗಳು) ವಯಸ್ಸಿನಲ್ಲಿ ಬಾಂಗ್ಲಾ ಪಡೆಯಲ್ಲಿ ಸ್ಥಾನಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
4- ರವಿಚಂದ್ರನ್ ಅಶ್ವಿನ್: ಈ ಬಾರಿಯ ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಪರ ಕಣಕ್ಕಿಳಿಯುತ್ತಿರುವ ಅತ್ಯಂತ ಹಿರಿಯ ಆಟಗಾರ ಅಶ್ವಿನ್. ತಮ್ಮ 37ನೇ ವಯಸ್ಸಿನಲ್ಲಿ ಭಾರತದ ಪರ ಮೋಡಿ ಮಾಡುವ ತವಕದಲ್ಲಿದ್ದಾರೆ ರವಿಚಂದ್ರನ್ ಅಶ್ವಿನ್.
5- ಡೇವಿಡ್ ವಾರ್ನರ್: ಆಸ್ಟ್ರೇಲಿಯಾ ತಂಡದ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಈಗ ವಯಸ್ಸು 36 ವರ್ಷ, 337 ದಿನಗಳು. ಅಲ್ಲದೆ ಈ ಬಾರಿಯ ವಿಶ್ವಕಪ್ ಮೂಲಕ ವಿದಾಯ ಹೇಳುವ ಇರಾದೆಯಲ್ಲಿದ್ದಾರೆ ವಾರ್ನರ್.
6- ಮೊಯೀನ್ ಅಲಿ: ಇಂಗ್ಲೆಂಡ್ ಆಲ್ರೌಂಡರ್ ಮೊಯೀನ್ ಅಲಿ ತಮ್ಮ 36ನೇ (103 ದಿನಗಳು) ವಯಸ್ಸಿನಲ್ಲಿ ಆಂಗ್ಲ ಪಡೆಯಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
7- ದಿಮುತ್ ಕರುಣರತ್ನೆ: ಶ್ರೀಲಂಕಾ ತಂಡದ ಪರ ಕಣಕ್ಕಿಳಿಯುತ್ತಿರುವ ಅತ್ಯಂತ ಹಿರಿಯ ಆಟಗಾರನೆಂದರೆ ದಿಮುತ್. 35 ವರ್ಷದ ದಿಮುತ್ ಕರುಣರತ್ನೆ ಈ ಬಾರಿಯ ಲಂಕಾ ತಂಡದಲ್ಲಿ ಸ್ಥಾನಗಿಟ್ಟಿಸಿಕೊಂಡಿದ್ದಾರೆ.
8- ಟಿಮ್ ಸೌಥಿ: ನ್ಯೂಝಿಲೆಂಡ್ ತಂಡದಲ್ಲಿರುವ ಅತ್ಯಂತ ಹಿರಿಯ ಆಟಗಾರನೆಂದರೆ ಟಿಮ್ ಸೌಥಿ. 34 ವರ್ಷಗಳು, 292 ದಿನಗಳ ವಯಸ್ಸಿನಲ್ಲಿರುವ ಸೌಥಿ ಈ ಬಾರಿ ವಿಶ್ವಕಪ್ನಲ್ಲಿ ಮಿಂಚುವ ವಿಶ್ವಾಸದಲ್ಲಿದ್ದಾರೆ.
9- ರಾಸ್ಸೀ ವ್ಯಾನ್ ಡೆರ್ ಡಸ್ಸೆನ್: ಸೌತ್ ಆಫ್ರಿಕಾ ತಂಡದಲ್ಲಿರುವ ಅತ್ಯಂತ ಹಿರಿಯ ಆಟಗಾರ ರಾಸ್ಸೀ ವ್ಯಾನ್ ಡೆರ್ ಡಸ್ಸೆನ್. ಅವರ ಪ್ರಸ್ತುತ ವಯಸ್ಸು 34 ವರ್ಷಗಳು, 234 ದಿನಗಳು.
10- ಇಫ್ತಿಕರ್ ಅಹ್ಮದ್: ಪಾಕಿಸ್ತಾನ್ ತಂಡದಲ್ಲಿ ಸ್ಥಾನ ಪಡೆದ ಹಿರಿಯ ಆಟಗಾರನೆಂದರೆ ಇಫ್ತಿಕರ್ ಅಹ್ಮದ್. ಪಾಕ್ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟರ್ನ ಪ್ರಸ್ತುತ ವಯಸ್ಸು 33 ವರ್ಷಗಳು, 26 ದಿನಗಳು.