Shikhar Dhawan Career: ಏಷ್ಯನ್ ಗೇಮ್ಸ್ಗೂ ಬೇಡವಾದ ಶಿಖರ್ ಧವನ್; ಗಬ್ಬರ್ ಕ್ರಿಕೆಟ್ ಕೆರಿಯರ್ ಅಂತ್ಯ..?
Shikhar Dhawan Career: ಧವನ್ಗೆ ನಾಯಕತ್ವ ಕುಡುವುದಿರಲಿ ಕನಿಷ್ಠ ಪಕ್ಷ ಅವರಿಗೆ ತಂಡದಲ್ಲಿ ಸ್ಥಾನವನ್ನು ನೀಡಿಲ್ಲ. ಇದರಿಂದ ಟೀಂ ಇಂಡಿಯಾದಲ್ಲಿ ಧವನ್ ಯುg ಮುಗಿಯಿತಾ ಎಂಬ ಪ್ರಶ್ನೆ ಮೂಡಿದೆ.
ಚೀನಾದಲ್ಲಿ ನಡೆಯಲ್ಲಿರುವ ಏಷ್ಯನ್ ಗೇಮ್ಸ್ಗೆ ಭಾರತ ತಂಡವನ್ನು ಬಿಸಿಸಿಐ ಪ್ರಕಟಿಸಿದೆ. ಇದೇ ಮೊದಲ ಬಾರಿಗೆ ಭಾರತ ತಂಡ ಏಷ್ಯನ್ ಗೇಮ್ಸ್ನಲ್ಲಿ ಆಡಲಿದೆ. ತಂಡದ ನಾಯಕತ್ವವನ್ನು ಯುವ ಬ್ಯಾಟರ್ ರುತುರಾಜ್ ಗಾಯಕ್ವಾಡ್ಗೆ ಹಸ್ತಾಂತರಿಸಿದ್ದು, ನಿರೀಕ್ಷೆಯಂತೆ ಯುವ ಆಟಗಾರರಿಗೆ ತಂಡದಲ್ಲಿ ಸ್ಥಾನ ಕಲ್ಪಿಸಲಾಗಿದೆ.
ಆದರೆ ಬಿಸಿಸಿಐ ಪ್ರಕಟಿಸಿರುವ ತಂಡದಲ್ಲಿ ಅಚ್ಚರಿಯೆಂಬಂತೆ ಕಾಣೆಯಾಗಿರುವ ಹೆಸರೆಂದರೆ ಅದು ಅನುಭವಿ ಆರಂಭಿಕ ಆಟಗಾರ ಶಿಖರ್ ಧವನ್ರದ್ದು. ಈ ಹಿಂದೆ ಏಷ್ಯನ್ ಗೇಮ್ಸ್ಗೆ ಧವನ್ರನ್ನು ತಂಡದಲ್ಲಿ ನಾಯಕನಾಗಿ ಆಯ್ಕೆ ಮಾಡಲಾಗುತ್ತದೆ ಎಂದು ವರದಿಯಾಗಿತ್ತು.
ಆದರೆ ಎಲ್ಲಾ ವರದಿಗಳನ್ನು ತಳ್ಳಿ ಹಾಕಿರುವ ಆಯ್ಕೆ ಮಂಡಳಿ, ಧವನ್ಗೆ ನಾಯಕತ್ವ ಕುಡುವುದಿರಲಿ ಕನಿಷ್ಠ ಪಕ್ಷ ಅವರಿಗೆ ತಂಡದಲ್ಲಿ ಸ್ಥಾನವನ್ನು ನೀಡಿಲ್ಲ. ಇದರಿಂದ ಟೀಂ ಇಂಡಿಯಾದಲ್ಲಿ ಧವನ್ ಯುಗ ಮುಗಿಯಿತಾ ಎಂಬ ಪ್ರಶ್ನೆ ಮೂಡಿದೆ.
ವಾಸ್ತವವಾಗಿ ತಂಡದ ಹಿರಿಯ ಆಟಗಾರರ ಅನುಪಸ್ಥಿತಿಯಲ್ಲಿ ತಂಡವನ್ನು ಇತರ ಸರಣಿಗಳಿಗೆ ಆಯ್ಕೆ ಮಾಡಿದಾಗ ಶಿಖರ್ ಧವನ್ ಅವರನ್ನು ತಂಡದ ನಾಯಕನಾಗಿ ಆಯ್ಕೆ ಮಾಡುವುದು ಖಾಯಂ ಆಗಿತ್ತು. ಧವನ್ ಕೂಡ ನೀಡಿದ ಜವಬ್ದಾರಿಯನ್ನು ಅಚ್ಚುಕಟ್ಟಾಗಿ ನಿಭಾಯಿಸುತ್ತಿದ್ದರು. ಹೀಗಾಗಿ ಏಷ್ಯನ್ಗೇಮ್ಸ್ನಲ್ಲೂ ಧವನ್ ತಂಡವನ್ನು ಮುನ್ನಡೆಸಲ್ಲಿದ್ದಾರೆ ಎಂಬ ಕೂಗು ಕೇಳಲಾರಂಭಿಸಿತ್ತು.
ಆದರೆ ಧವನ್ರನ್ನು ಕಡೆಗಣಿಸಿರುವ ಆಯ್ಕೆ ಮಂಡಳಿ ಧವನ್ ವೃತ್ತಿ ಜೀವನಕ್ಕೆ ಅಂತ್ಯ ಹಾಡಲು ಮುಂದಾಗಿದ್ದಾರಾ ಎಂಬ ಪ್ರಶ್ನೆ ಮೂಡಿದೆ. ಆದರೆ ಧವನ್ ಆಯ್ಕೆಯಾಗದಿರುವುದಕ್ಕೆ ನಾನಾ ಆಯಾಮಗಳು ಸಿಗುತ್ತಿದ್ದು, ವಿಶ್ವಕಪ್ ದೃಷ್ಟಿಯಿಂದ ಧವನ್ಗೆ ವಿಶ್ರಾಂತಿ ನೀಡಲಾಗಿದೆ ಎಂಬ ಮಾತು ಕೇಳಿ ಬಂದಿದೆ.
ಅಂದರೆ ಧವನ್ರನ್ನು ವಿಶ್ವಕಪ್ಗೆ ಬ್ಯಾಕ್ ಅಪ್ ಆರಂಭಿಕನಾಗಿ ತಂಡಕ್ಕೆ ಆಯ್ಕೆ ಮಾಡಲು ಬಿಸಿಸಿಐ ನಿರ್ಧರಿಸಿದೆ ಎಂಬ ಮಾತು ಕೇಳಿಬಂದಿದೆ. ರೋಹಿತ್ ಜೊತೆ ಗಿಲ್ ಆರಂಭಿಕನಾಗಿ ಕಣಕ್ಕಿಳಿಯುವುದು ಖಚಿತ. ಆದರೆ ಅನುಭವಕ್ಕೆ ಬಿಸಿಸಿಐ ಹೆಚ್ಚು ಒತ್ತು ನೀಡಿದರೆ, ಈ ಇಬ್ಬರ ಜೊತೆ ಧವನ್ ಕೂಡ ಆರಂಭಿಕ ಆಯ್ಕೆಯಾಗುವ ಸಾಧ್ಯತೆಗಳಿವೆ.
ಆದರೆ ಏಷ್ಯನ್ ಗೇಮ್ಸ್ಗೂ ಧವನ್ರನ್ನು ತಂಡಕ್ಕೆ ಆಯ್ಕೆ ಮಾಡದಿರುವುದು ಇನ್ನೊಂದು ಆಯಾಮವನ್ನು ತೆರೆದಿಡುತ್ತಿದೆ. ಅಂದರೆ, ಆಯ್ಕೆಗಾರರು ಬಹುಶಃ ಧವನ್ಗೆ ಅವರ ವೃತ್ತಿಜೀವನ ಮುಗಿದಿದೆ ಎಂಬುದನ್ನು ಸೂಚಿಸುತ್ತಿದ್ದಾರಾ ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ.
ಟೀಂ ಇಂಡಿಯಾ ಪರ ತನ್ನ ಕೊನೆಯ ಪಂದ್ಯವನ್ನು 10 ಡಿಸೆಂಬರ್ 2022 ರಂದು ಆಡಿದ ಧವನ್, ಅಂದಿನಿಂದ ತಂಡದಿಂದ ಹೊರಗುಳಿದಿದ್ದಾರೆ. ಧವನ್ ಬಗ್ಗೆ ಆಯ್ಕೆಗಾರರು ಏನು ಯೋಚಿಸುತ್ತಿದ್ದಾರೆ ಎಂಬುದು ಏಕದಿನ ವಿಶ್ವಕಪ್ ತಂಡ ಪ್ರಕಟವಾದಾಗಲೇ ಗೊತ್ತಾಗಲಿದೆ.
ಒಂದು ವೇಳೆ ತಂಡದಲ್ಲಿ ಧವನ್ ಹೆಸರು ಕಾಣಿಸಿಕೊಂಡರೆ ಅವರ ವೃತ್ತಿಜೀವನ ಮುಂದುವರೆಯಲಿದೆ. ಒಂದು ವೇಳೆ ಹೆಸರು ಕಾಣಿಸದಿದ್ದರೆ ಧವನ್ಗೆ ಹೆಚ್ಚಿನ ಅವಕಾಶ ನೀಡುವ ಮನಸ್ಥಿತಿಯಲ್ಲಿ ಆಯ್ಕೆದಾರರು ಇಲ್ಲ ಎಂಬುದು ದೃಢಪಟ್ಟಿದೆ.
Published On - 12:09 pm, Sat, 15 July 23