UAE T20: ಹೊಸ ಟಿ20 ಕ್ರಿಕೆಟ್ ಟೀಮ್ ಘೋಷಿಸಿದ ಅದಾನಿ ಗ್ರೂಪ್..!
TV9kannada Web Team | Edited By: Zahir PY
Updated on: Jul 13, 2022 | 5:54 PM
Gulf Giants: ಈ ಟೂರ್ನಿಯ ಪಂದ್ಯಗಳನ್ನು ನೇರ ಪ್ರಸಾರದ ಹಕ್ಕುಗಳನ್ನು ದೇಶದ ಪ್ರಮುಖ ಮಾಧ್ಯಮ ಸಂಸ್ಥೆ ZEE ನೆಟ್ವರ್ಕ್ ಪಡೆದುಕೊಂಡಿದೆ.
Jul 13, 2022 | 5:54 PM
UAE T20 League: ಟಿ20 ಕ್ರಿಕೆಟ್ ಅಂಗಳದಲ್ಲಿ ಮತ್ತೊಂದು ಲೀಗ್ ಸೇರ್ಪಡೆಯಾಗುತ್ತಿದೆ. ಶೀಘ್ರದಲ್ಲೇ ಎಮಿರೇಟ್ಸ್ ಕ್ರಿಕೆಟ್ ಮಂಡಳಿ (ECB) ಹೊಸ ಲೀಗ್ ಅನ್ನು ಶುರು ಮಾಡಲಿದೆ. ಯುಎಇ ಟಿ20 ಲೀಗ್ (UAE T20 League) ಹೆಸರಿನಲ್ಲಿ ನಡೆಯಲಿರುವ ಈ ಟೂರ್ನಿಗೆ ಬೇಕಾದ ಸಿದ್ಧತೆಗಳು ಆರಂಭವಾಗಿದೆ.
1 / 5
ಯುಎಇ ಟಿ20 ಲೀಗ್ನಲ್ಲಿ 6 ತಂಡಗಳ ನಡುವೆ ಒಟ್ಟು 34 ಪಂದ್ಯಗಳನ್ನು ಆಡಲಾಗುತ್ತದೆ . ಈ ತಂಡಗಳನ್ನು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಅದಾನಿ ಸ್ಪೋರ್ಟ್ಸ್‌ ಲೈನ್, ಕೋಲ್ಕತ್ತಾ ನೈಟ್ ರೈಡರ್ಸ್, ಲ್ಯಾನ್ಸರ್ ಕ್ಯಾಪಿಟಲ್, ಜಿಎಂಆರ್ ಗ್ರೂಪ್ ಮತ್ತು ಕ್ಯಾಪ್ರಿ ಗ್ಲೋಬಲ್ ಕಂಪೆನಿಗಳು ಖರೀದಿಸಿರುವುದು ವಿಶೇಷ.
2 / 5
ಅದಾನಿ ಮಾಲೀಕತ್ವದ ತಂಡ ಹೆಸರು ಹಾಗೂ ಲೋಗೋ ಅನಾವರಣಗೊಂಡಿದೆ. ತಂಡಕ್ಕೆ 'ಗಲ್ಫ್ ಜೈಂಟ್ಸ್' ಎಂದು ಹೆಸರಿಡಲಾಗಿದ್ದು, ಹಾಗೆಯೇ ಗರುಡನ ಮುಖವನ್ನು ಲೋಗೋ ಆಗಿ ಬಳಸಿಕೊಳ್ಳಲಾಗಿದೆ.
3 / 5
ವಿಶೇಷ ಎಂದರೆ ಐಪಿಎಲ್ನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಕೋಚ್ ಆಗಿರುವ ಜಿಂಬಾಬ್ವೆಯ ಮಾಜಿ ಆಟಗಾರ ಆ್ಯಂಡಿ ಫ್ಲವರ್ ಅವರೇ ಗಲ್ಫ್ ಜೈಂಟ್ಸ್ ತಂಡದ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿದ್ದಾರೆ. ಈ ಹಿಂದೆ ಐಪಿಎಲ್ನಲ್ಲಿ ತಂಡ ಖರೀದಿಸಲು ಅದಾನಿ ಗ್ರೂಪ್ ಆಸಕ್ತಿ ಹೊಂದಿತ್ತು. ಇದಾಗ್ಯೂ ಭರ್ಜರಿ ಪೈಪೋಟಿ ಕಾರಣ ತಂಡವು ಕೈ ತಪ್ಪಿತ್ತು. ಇದೀಗ ಯುಎಇ ಟಿ20 ಲೀಗ್ ಮೂಲಕ ಕ್ರಿಕೆಟ್ ಅಂಗಳಕ್ಕೆ ಅದಾನಿ ಗ್ರೂಪ್ ಎಂಟ್ರಿ ಕೊಟ್ಟಂತಾಗಿದೆ.
4 / 5
ಇನ್ನು ಈ ಟೂರ್ನಿಯ ಪಂದ್ಯಗಳನ್ನು ನೇರ ಪ್ರಸಾರದ ಹಕ್ಕುಗಳನ್ನು ದೇಶದ ಪ್ರಮುಖ ಮಾಧ್ಯಮ ಸಂಸ್ಥೆ ZEE ನೆಟ್ವರ್ಕ್ ಪಡೆದುಕೊಂಡಿದೆ. ಅದರಂತೆ ಲೀಗ್ನ ಪಂದ್ಯಗಳು ZEE ಚಾನೆಲ್‌ಗಳು ಮತ್ತು ಅದರ OTT ಪ್ಲಾಟ್‌ಫಾರ್ಮ್ ZEE5 ನಲ್ಲಿ ನೇರ ಪ್ರಸಾರವಾಗಲಿದೆ. ಒಟ್ಟಿನಲ್ಲಿ ಯುಎಇ ಕ್ರಿಕೆಟ್ ಲೀಗ್ನಲ್ಲಿ ಐಪಿಎಲ್ನ ಬಹುತೇಕ ತಂಡಗಳ ಮಾಲೀಕರು ಇರುವುದರಿಂದ ಈ ಟೂರ್ನಿ ಜನಪ್ರಿಯತೆ ಪಡೆಯಲಿದೆಯಾ ಕಾದು ನೋಡಬೇಕಿದೆ.
