ಹಾವೇರಿ: ಜಾನಪದ ವಿಶ್ವವಿದ್ಯಾಲಯದ ಜಾನಪದ ವಸ್ತು ಸಂಗ್ರಹಾಲಯಕ್ಕೆ ಜನರಿಂದ ಉತ್ತಮ ಪ್ರತಿಕ್ರಿಯೆ

ಜಾನಪದ ವಿಶ್ವವಿದ್ಯಾಲಯವು ಹಲವು ಮಹತ್ತರ ಕೆಲಸ ಕಾರ್ಯಗಳನ್ನ ಮಾಡುತ್ತಿದೆ. ಅದರಲ್ಲಿ ಜಾನಪದ ವಸ್ತು ಸಂಗ್ರಹಾಲಯವೂ ಒಂದು. ಜಾನಪದ ವಸ್ತು ಸಂಗ್ರಹಾಲಯ ವಿಶ್ವವಿದ್ಯಾಲಯದ ಮಹತ್ವದ ಯೋಜನೆಯಾಗಿದೆ.

Nov 21, 2022 | 10:20 AM
TV9kannada Web Team

| Edited By: Rakesh Nayak Manchi

Nov 21, 2022 | 10:20 AM

ಆಧುನಿಕತೆ ಬೆಳೆದಂತೆ ಗ್ರಾಮೀಣ ಜನರ ಬದುಕಿನ ಶೈಲಿಯೂ ಬದಲಾಗುತ್ತಿದೆ. ಗ್ರಾಮೀಣ ಪ್ರದೇಶಗಳಲ್ಲಿನ ಜಾನಪದ ಸಂಸ್ಕೃತಿ ಸಾರುವ ಬದುಕು ಈಗ ಯಾಂತ್ರೀಕರಣದತ್ತ ಹೊರಳುತ್ತಿದೆ. ಗ್ರಾಮೀಣ ಪ್ರದೇಶದ ಜನರು ಬಳಸುತ್ತಿದ್ದ ಅನೇಕ ವಸ್ತುಗಳು ನಮಗೆ ನೋಡಲು ಸಹ ಸಿಗುವುದು ಅಪರೂಪವಾಗಿದೆ. ಆದರೆ ಹಾವೇರಿ ಜಿಲ್ಲೆ ಶಿಗ್ಗಾಂವ ತಾಲೂಕಿನ ಗೊಟಗೋಡಿಯಲ್ಲಿರುವ ಜಾನಪದ ವಿಶ್ವವಿದ್ಯಾಲಯಕ್ಕೆ ಭೇಟಿಕೊಟ್ಟರೆ ಗ್ರಾಮೀಣ ಜನರ ಬದುಕು ನಿಮ್ಮ ಎದುರಿಗೆ ಕಟ್ಟಿಕೊಡಲಿದೆ. ಜನಪದರು ಬಳಸುತ್ತಿದ್ದ ಪ್ರತಿಯೊಂದು ವಸ್ತುಗಳು ಕಾಣಸಿಗುತ್ತವೆ.

ಆಧುನಿಕತೆ ಬೆಳೆದಂತೆ ಗ್ರಾಮೀಣ ಜನರ ಬದುಕಿನ ಶೈಲಿಯೂ ಬದಲಾಗುತ್ತಿದೆ. ಗ್ರಾಮೀಣ ಪ್ರದೇಶಗಳಲ್ಲಿನ ಜಾನಪದ ಸಂಸ್ಕೃತಿ ಸಾರುವ ಬದುಕು ಈಗ ಯಾಂತ್ರೀಕರಣದತ್ತ ಹೊರಳುತ್ತಿದೆ. ಗ್ರಾಮೀಣ ಪ್ರದೇಶದ ಜನರು ಬಳಸುತ್ತಿದ್ದ ಅನೇಕ ವಸ್ತುಗಳು ನಮಗೆ ನೋಡಲು ಸಹ ಸಿಗುವುದು ಅಪರೂಪವಾಗಿದೆ. ಆದರೆ ಹಾವೇರಿ ಜಿಲ್ಲೆ ಶಿಗ್ಗಾಂವ ತಾಲೂಕಿನ ಗೊಟಗೋಡಿಯಲ್ಲಿರುವ ಜಾನಪದ ವಿಶ್ವವಿದ್ಯಾಲಯಕ್ಕೆ ಭೇಟಿಕೊಟ್ಟರೆ ಗ್ರಾಮೀಣ ಜನರ ಬದುಕು ನಿಮ್ಮ ಎದುರಿಗೆ ಕಟ್ಟಿಕೊಡಲಿದೆ. ಜನಪದರು ಬಳಸುತ್ತಿದ್ದ ಪ್ರತಿಯೊಂದು ವಸ್ತುಗಳು ಕಾಣಸಿಗುತ್ತವೆ.

1 / 9
ಹನ್ನೊಂದು ವರ್ಷಗಳ ಹಿಂದೆ ಶಿಗ್ಗಾಂವಿ ತಾಲೂಕಿನ ಗೊಟಗೋಡಿಯಲ್ಲಿ ಆರಂಭಿಸದಲಾದ ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯವು ಹಲವು ಮಹತ್ತರ ಕೆಲಸ ಕಾರ್ಯಗಳನ್ನ ಮಾಡುತ್ತಿದೆ. ಅದರಲ್ಲಿ ಜಾನಪದ ವಸ್ತು ಸಂಗ್ರಹಾಲಯವೂ ಒಂದು. ಜಾನಪದ ವಸ್ತು ಸಂಗ್ರಹಾಲಯ ವಿಶ್ವವಿದ್ಯಾಲಯದ ಮಹತ್ವದ ಯೋಜನೆಯಾಗಿದೆ. ಜಾನಪದ ದಾಖಲೆಗಳು ಸಿಕ್ಕಿರುವ ರಾಜ್ಯದ ಮೂವತ್ತಾರು ಸಾವಿರ ಗ್ರಾಮಗಳನ್ನ ವಿಶ್ವವಿದ್ಯಾಲಯ ಆಯ್ಕೆ ಮಾಡಿಕೊಂಡಿದೆ. ಈ ಮೂವತ್ತಾರು ಸಾವಿರ ಗ್ರಾಮಗಳಲ್ಲಿ ಸಂಚರಿಸಿ ಪಾರಂಪರಿಕ ವಸ್ತುಗಳನ್ನ ಸಂಗ್ರಹಿಸಿಡುವುದು ಜಾನಪದ ವಸ್ತು ಸಂಗ್ರಹಾಲಯದ ಮುಖ್ಯ ಉದ್ದೇಶವಾಗಿದೆ.

ಹನ್ನೊಂದು ವರ್ಷಗಳ ಹಿಂದೆ ಶಿಗ್ಗಾಂವಿ ತಾಲೂಕಿನ ಗೊಟಗೋಡಿಯಲ್ಲಿ ಆರಂಭಿಸದಲಾದ ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯವು ಹಲವು ಮಹತ್ತರ ಕೆಲಸ ಕಾರ್ಯಗಳನ್ನ ಮಾಡುತ್ತಿದೆ. ಅದರಲ್ಲಿ ಜಾನಪದ ವಸ್ತು ಸಂಗ್ರಹಾಲಯವೂ ಒಂದು. ಜಾನಪದ ವಸ್ತು ಸಂಗ್ರಹಾಲಯ ವಿಶ್ವವಿದ್ಯಾಲಯದ ಮಹತ್ವದ ಯೋಜನೆಯಾಗಿದೆ. ಜಾನಪದ ದಾಖಲೆಗಳು ಸಿಕ್ಕಿರುವ ರಾಜ್ಯದ ಮೂವತ್ತಾರು ಸಾವಿರ ಗ್ರಾಮಗಳನ್ನ ವಿಶ್ವವಿದ್ಯಾಲಯ ಆಯ್ಕೆ ಮಾಡಿಕೊಂಡಿದೆ. ಈ ಮೂವತ್ತಾರು ಸಾವಿರ ಗ್ರಾಮಗಳಲ್ಲಿ ಸಂಚರಿಸಿ ಪಾರಂಪರಿಕ ವಸ್ತುಗಳನ್ನ ಸಂಗ್ರಹಿಸಿಡುವುದು ಜಾನಪದ ವಸ್ತು ಸಂಗ್ರಹಾಲಯದ ಮುಖ್ಯ ಉದ್ದೇಶವಾಗಿದೆ.

2 / 9
Haveri Good response from the people to the Folklore Museum at The Folklore University haveri news in kannada

ಕ್ಷೇತ್ರ ಸಂಗ್ರಹಾಕಾರರು ಹಳ್ಳಿಗಳಿಗೆ ಭೇಟಿ ನೀಡಿ ವಸ್ತುಗಳ ಸಂಗ್ರಹ ಮಾಡುತ್ತಾರೆ. ಕೇವಲ ವಸ್ತುಗಳ ಸಂಗ್ರಹ ಮಾತ್ರವಲ್ಲ ಸಿಕ್ಕ ವಸ್ತುಗಳನ್ನ ವೈಜ್ಞಾನಿಕವಾಗಿ ವರ್ಗೀಕರಣ ಮಾಡಲಾಗುತ್ತದೆ. ಈಗ ಹಾವೇರಿ ಜಿಲ್ಲೆಯ ಹಳ್ಳಿಗಳಲ್ಲಿನ ಐದು ಸಾವಿರ ವಸ್ತುಗಳನ್ನ ಕ್ಷೇತ್ರ ಸಂಗ್ರಹಕಾರರು ಸಂಗ್ರಹಿಸಿದ್ದಾರೆ. ಜಾಗದ ಕೊರತೆಯಿಂದ ಈಗ ಒಂದು ಸಾವಿರ ವಸ್ತುಗಳನ್ನ ಮಾತ್ರ ಪ್ರದರ್ಶನಕ್ಕೆ ಈಡಲಾಗಿದೆ. ವಸ್ತುಗಳನ್ನ ಸಂಗ್ರಹಿಸಿ ಅವುಗಳ ಪ್ರದರ್ಶನ ಮಾತ್ರ ಜಾನಪದ ವಸ್ತು ಸಂಗ್ರಹಾಲಯದ ಉದ್ದೇಶವಲ್ಲ. ಸಂಗ್ರಹಿಸಿದ ವಸ್ತುಗಳ ಸಾಂಸ್ಥಿಕ ಹಿನ್ನೆಲೆ ಬೆಳಕಿಗೆ ತರುವುದು ಕೂಡ ಉದ್ದೇಶಗಳಲ್ಲಿ ಒಂದಾಗಿದೆ.

3 / 9
Haveri Good response from the people to the Folklore Museum at The Folklore University haveri news in kannada

ನಮ್ಮ ಜಾನಪದರು ಸ್ಥಳೀಯವಾಗಿ ಲಭ್ಯವಾದ ವಸ್ತುಗಳಲ್ಲೇ ತಮಗೆ ಅಗತ್ಯವಾಗಿ ಬೇಕಾದ ಉಪಕರಣಗಳನ್ನ ತಯಾರಿಸಿಕೊಳ್ಳುತ್ತಿದ್ದರು. ಜನಪದರ ಬದುಕು ಆರೋಗ್ಯಪೂರ್ಣ ಆಗಿತ್ತು. ಪರಿಸರಕ್ಕೆ ಹಾನಿಯಾಗದ ರೀತಿಯಲ್ಲಿ ಪರಿಸರ ಪ್ರೇಮಿ ವಸ್ತುಗಳನ್ನ ಬಳಸುತ್ತಿದ್ದರು. ಅಂದರೆ ಬಳಸಿ ಬಿಸಾಕಿದ ವಸ್ತಗಳೂ ಭೂಮಿಯಲ್ಲಿ ಸುಲಭವಾಗಿ ಕರಗಿ ಹೋಗುತ್ತಿದ್ದವು. ತಂಪು ಪಾನೀಯ ಕುಡಿಯಲು, ಯಾವುದೇ ಪದಾರ್ಥಗಳು ಹಾಳಾಗದಂತೆ ಸಂಗ್ರಹಿಸಿಡಲು ತಮ್ಮದೇ ಆದ ಶೈಲಿಯಲ್ಲಿ ವಸ್ತುಗಳನ್ನ ಬಳಸುಕೊಳ್ಳುತ್ತಿದ್ದರು.

4 / 9
Haveri Good response from the people to the Folklore Museum at The Folklore University haveri news in kannada

ಪ್ರಿಡ್ಜ್, ಕೂಲರ್ ಸೇರಿದಂತೆ ಹೈಟೆಕ್ ತಂತ್ರಜ್ಞಾನದ ಯಾವುದೇ ವಸ್ತುಗಳು ಆಗ ಇರಲಿಲ್ಲ. ಅಂತಹ ವಸ್ತುಗಳ ಉಪಯೋಗದ ಕುರಿತೂ ಜಾನಪದ ವಸ್ತು ಸಂಗ್ರಹಾಲಯ ಮಾಹಿತಿ ನೀಡುತ್ತದೆ. ಗ್ರಾಮೀಣ ಪ್ರದೇಶಗಳಲ್ಲಿ ಕ್ಷೇತ್ರ ಸಂಗ್ರಹಕಾರರು ಸಂಗ್ರಹಿಸಿರುವ ವಸ್ತುಗಳನ್ನ ಹತ್ತು ವಿಭಾಗಗಳಾಗಿ ವಿಂಗಡನೆ ಮಾಡಲಾಗಿದೆ. ಕೃಷಿ ಉಪಕರಣಗಳು, ಅಳತೆ ಮಾಪನಗಳು, ಅಲಂಕಾರಿಕ ವಸ್ತುಗಳು, ಗೃಹ ಉಪಯೋಗಿ ವಸ್ತುಗಳು, ಪೂಜಾ ಸಾಮಗ್ರಿಗಳು, ವೈದ್ಯಕೀಯ ವಸ್ತಗಳು ಹೀಗೆ ಸಂಗ್ರಹಿಸಿದ ವಸ್ತುಗಳನ್ನ ವರ್ಗೀಕರಣ ಮಾಡಲಾಗಿದೆ.

5 / 9
Haveri Good response from the people to the Folklore Museum at The Folklore University haveri news in kannada

ಕೆಂಟೆ, ಕುಂಟೆಗಳು, ಹೊಲಕ್ಕೆ ಹೋಗುವಾಗ ನೀರು ಕುಡಿಯಲು ಒಯ್ಯುತ್ತಿದ್ದ ತತ್ರಾಣಿ, ನೇಗಿಲು ಹೊಡೆಯುವ ಸಂದರ್ಭದಲ್ಲಿ ಎತ್ತಿನ ಕೊರಳಿಗೆ ಕಟ್ಟುತ್ತಿದ್ದ ಜತ್ತಿಗೆ, ಕಳೆ ತೆಗೆಯಲು ಬಳಸುತ್ತಿದ್ದ ಕುರ್ಚಿಗಿ, ನೊಗ ಹೀಗೆ ಅನೇಕ ರೀತಿಯಲ್ಲಿ ನಮ್ಮ ಜಾನಪದರು ಬಳಸುತ್ತಿದ್ದ ವಸ್ತುಗಳ ನಮಗೆ ನೋಡಲು ಸಿಗುತ್ತವೆ. ಈಗಿನಂತೆ ತೂಕ ಮಾಡಲು ಜನಪದರು ಎಲೆಕ್ಟ್ರಾನಿಕ್ ಉಪಕರಣಗಳನ್ನ ಬಳಸುತ್ತಿರಲಿಲ್ಲ. ಬುಟ್ಟಿಯಿಂದ ತಯಾರಿಸಿದ ಮತ್ತು ಕಬ್ಬಿಣದಿಂದ ತಯಾರಿಸಿದ ತೂಕದ ಯಂತ್ರಗಳನ್ನ ಬಳಕೆ ಮಾಡುತ್ತಿದ್ದರು. ಚಟ್ನಿ ಮಾಡಲು, ಕೊಬ್ಬರಿ ಪುಡಿ ಮಾಡಲು, ವಿವಿಧ ರೀತಿಯ ಪುಡಿ ಖಾದ್ಯ ಮಾಡಲು ಮಿಕ್ಸರ್ ಗ್ರ್ಯಾಂಡರ್ ಇರಲಿಲ್ಲ. ಬದಲಾಗಿ ಕಲ್ಲಿನಿಂದ ತಯಾರಿಸಿದ ಕಾರಾ ಕುಟ್ಟುವ ಕಲ್ಲು, ರುಬ್ಬುವ ಕಲ್ಲುಗಳಲ್ಲಿ ಚಟ್ನಿ ತಯಾರು ಮಾಡುತ್ತಿದ್ದರು.

6 / 9
Haveri Good response from the people to the Folklore Museum at The Folklore University haveri news in kannada

ರೊಟ್ಟಿ ತಟ್ಟಲು ಕೋಮಣಿಗೆ, ನೀರು ಸಂಗ್ರಹಿಸಿಡಲು ಮಣ್ಣಿನ ಮಡಿಕೆಗಳು, ದವಸ ಧಾನ್ಯಗಳನ್ನ ಸಂಗ್ರಹಿಸಿಡಲು ಬಿದಿರಿನ ವಸ್ತುಗಳು ಹೀಗೆ ಪುನರ್ ಬಳಕೆ ಮಾಡಬಹುದಾದ ವಸ್ತುಗಳಿಂದ ತಯಾರಿಸಿದ ಗ್ರಾಮೀಣ ಪ್ರದೇಶದಲ್ಲಿ ಬಳಕೆ ಆಗುತ್ತಿದ್ದ ಮತ್ತು ಆಗುತ್ತಿರುವ ವಸ್ತುಗಳು ನೋಡುಗರನ್ನ ಕೈ ಬೀಸಿ ಕರೆಯುತ್ತವೆ. ಒಂದೊಂದು ವಸ್ತುಗಳೂ ಒಂದೊಂದು ಚರಿತ್ರೆ ಹೇಳುತ್ತವೆ. ಪೂಜಾ ಸಾಮಗ್ರಿಗಳು, ಮೇಕಪ್ ಮಾಡಿಕೊಳ್ಳಲು ಬಳಸುತ್ತಿದ್ದ ವಸ್ತುಗಳು ಎಲ್ಲವುಗಳ ದರ್ಶನವಾಗುತ್ತದೆ. ಇದು ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಹೆಮ್ಮೆಯಾಗಿದೆ.

7 / 9
Haveri Good response from the people to the Folklore Museum at The Folklore University haveri news in kannada

ಜಾನಪದ ವಸ್ತು ಸಂಗ್ರಹಾಲಯ ಕೇವಲ ಜಾನಪದ ವಿಶ್ವವಿದ್ಯಾಲಯದಲ್ಲಿ ಮಾತ್ರವಿಲ್ಲ. ಈಗಾಗಲೆ ಮೈಸೂರು,‌ ಮಂಗಳೂರು, ಧಾರವಾಡ ವಿಶ್ವವಿದ್ಯಾಲಯದಲ್ಲೂ ಇವೆ. ಆದರೆ ಬಹುತೇಕ ವಿಶ್ವವಿದ್ಯಾಲಯಗಳಲ್ಲಿ ವಸ್ತು ಸಂಗ್ರಹಾಲಯ ಮತ್ತು ಪ್ರದರ್ಶನ ಮಾತ್ರ ನಡೆದಿದೆ. ಆದರೆ ಜಾಪನದ ವಿಶ್ವವಿದ್ಯಾಲಯದಲ್ಲಿ ಆರಂಭವಾಗಿರುವ ಜಾನಪದ ವಸ್ತು ಸಂಗ್ರಹಾಲಯ ಇವೆಲ್ಲಕ್ಕಿಂತ ವಿಭಿನ್ನವಾಗಿದೆ. ಸಂಗ್ರಹಿಸಿದ ವಸ್ತುಗಳ ಬಳಕೆ, ಅವುಗಳನ್ನ ಎಲ್ಲಿ ಉಪಯೋಗ ಮಾಡಲಾಗುತ್ತದೆ, ಮರಳಿ ಅವುಗಳ ಬಳಕೆ, ಯಾವ್ಯಾವ ವಸ್ತುಗಳು ಹೀಗೆ ವಸ್ತುಗಳ ಸಾಂಸ್ಥಿಕ ಹಿನ್ನೆಲೆ, ಅವುಗಳ ಮಹತ್ವ, ಚರಿತ್ರೆ ಎಲ್ಲವನ್ನೂ ತಿಳಿಸಿಕೊಡುವ ಕೆಲಸ ವಸ್ತು ಸಂಗ್ರಹಾಲಯದಲ್ಲಿ ನಡೆಯುತ್ತಿದೆ.

8 / 9
Haveri Good response from the people to the Folklore Museum at The Folklore University haveri news in kannada

ಪಸ್ತುತ ಹೈಟೆಕ್ ತಂತ್ರಜ್ಞಾನ ಯುಗದಲ್ಲಿ ಮರೆತು ಹೋಗಿರುವ ನಮ್ಮ ಜಾನಪದ ಸಂಸ್ಕೃತಿ, ಜಾನಪದ ವಸ್ತುಗಳ ಪರಿಚಯ ಮಾಡಿಕೊಡುವ ಉದ್ದೇಶದಿಂದ ಆರಂಭವಾಗಿರುವ ಜಾನಪದ ವಸ್ತು ಸಂಗ್ರಹಾಲಯಕ್ಕೆ ಜನರಿಂದ ಉತ್ತಮ ಪ್ರತಿಕ್ರಿಯೆ ಸಹ ಸಿಗುತ್ತಿದೆ. ಇನ್ನೂ ಕೆಲವು ತಿಂಗಳುಗಳಲ್ಲಿ ಹೊಸ ವಸ್ತು ಸಂಗ್ರಹಾಲಯದ ಕಟ್ಟಡ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳಲಿದ್ದು, ಜನರಿಗೆ ನೋಡಲು, ಅಧ್ಯಯನ ಮಾಡಲು ಮತ್ತಷ್ಟು ಅನುಕೂಲಕರ ಆಗಲಿದೆ. (ವರದಿ: ಪ್ರಭುಗೌಡ.ಎನ್.ಪಾಟೀಲ, ಟಿವಿ9 ಹಾವೇರಿ)

9 / 9

Follow us on

Most Read Stories

Click on your DTH Provider to Add TV9 Kannada