Rohit Shetty: ತೆರೆಯ ಮೇಲೆ ಕಾರುಗಳನ್ನು ಪುಡಿ-ಪುಡಿ ಮಾಡಿಸುವ ರೋಹಿತ್ ಶೆಟ್ಟಿ ಬಳಿ ಇದೆ ದುಬಾರಿ ಬೆಲೆಯ ಕಾರುಗಳು! ನಿರ್ದೇಶಕನ ಒಟ್ಟು ಆಸ್ತಿ ಎಷ್ಟು?
Rohit Shetty Net Worth: ಆಕ್ಷನ್ ಚಿತ್ರಗಳ ಮೂಲಕ ಬಾಲಿವುಡ್ನಲ್ಲಿ ಗುರುತಿಸಿಕೊಂಡಿರುವ ಖ್ಯಾತ ನಿರ್ದೇಶಕ ರೋಹಿತ್ ಶೆಟ್ಟಿ, ತಮ್ಮ ಚಿತ್ರಗಳಲ್ಲಿ ದುಬಾರಿ ಬೆಲೆಯ ಕಾರುಗಳನ್ನು ಬಳಸಿ ಆಕ್ಷನ್ ದೃಶ್ಯ ಕಟ್ಟಿಕೊಡುತ್ತಾರೆ. ರಿಯಲ್ ಲೈಫ್ನಲ್ಲಿ ಅವರ ಬಳಿ ಹಲವು ದುಬಾರಿ ಬೆಲೆಯ ಕಾರುಗಳಿವೆ. ಇದಲ್ಲದೇ ಸುಮಾರು ₹ 280 ಕೋಟಿ ಆಸ್ತಿಗಳ ಒಡೆಯ ಅವರಾಗಿದ್ದಾರೆ. ತಿಂಗಳಿಗೆ ಏನಿಲ್ಲವೆಂದರೂ 3 ಕೋಟಿ ರೂಗಳನ್ನು ಅವರು ಗಳಿಸುತ್ತಾರೆ ಎನ್ನುತ್ತವೆ ವರದಿಗಳು!
ನಿರ್ದೇಶಕ ರೋಹಿತ್ ಶೆಟ್ಟಿ ಬಾಲಿವುಡ್ನಲ್ಲಿ ತಮ್ಮ ಆಕ್ಷನ್ ಚಿತ್ರಗಳಿಂದ ಹೆಸರು ಮಾಡಿದವರು. ಅವರಿಗೆ ಆಕ್ಷನ್ ದೃಶ್ಯಗಳಲ್ಲಿ ಕಾರಿನ ಚೇಸಿಂಗ್ ಹಾಗೂ ಕಾರುಗಳನ್ನು ಬ್ಲಾಸ್ಟ್ ಮಾಡುವ ದೃಶ್ಯಗಳೆಂದರೆ ಪ್ರೀತಿ. ಅವರ ಚಿತ್ರಗಳನ್ನು ನೋಡಿದವರಿಗೆ ಇದರ ಅರಿವಿರುತ್ತದೆ.
1 / 7
ಇಂದು ರೋಹಿತ್ ಶೆಟ್ಟಿ ಜನ್ಮದಿನ. ತೆರೆಯ ಮೇಲೆ ದುಬಾರಿ ಕಾರುಗಳಲ್ಲಿ ಆಕ್ಷನ್ ದೃಶ್ಯಗಳನ್ನು ಕಟ್ಟಿಕೊಡುವ ಅವರ ಬಳಿ ರಿಯಲ್ ಲೈಫ್ನಲ್ಲಿ ಎಷ್ಟು ಕಾರುಗಳಿವೆ? ಅವರ ಆಸ್ತಿ ಎಷ್ಟು? ಈ ಮಾಹಿತಿ ಇಲ್ಲಿದೆ.
2 / 7
ಕೆಲವು ಮೂಲಗಳ ಪ್ರಕಾರ, ರೋಹಿತ್ ನಿವ್ವಳ ಆಸ್ತಿ ಮೌಲ್ಯ ಬರೋಬ್ಬರಿ 280 ಕೋಟಿ ರೂ. ಪ್ರತಿ ತಿಂಗಳು ನಟ ಸುಮಾರು 3 ಕೋಟಿ ರೂ ಆದಾಯ ಗಳಿಸುತ್ತಾರೆ ಎಂದಿವೆ ವರದಿಗಳು. ಚಲನಚಿತ್ರಗಳಲ್ಲದೆ, ಟಿವಿ ಕಾರ್ಯಕ್ರಮಗಳು, ಜಾಹಿರಾತುಗಳು ಹಾಗೂ ಇವೆಂಟ್ಗಳ ಮೂಲಕ ನಟ ಆದಾಯ ಗಳಿಸುತ್ತಾರೆ.
3 / 7
ಮನೆಯ ವಿಚಾರಕ್ಕೆ ಬರುವುದಾದರೆ ರೋಹಿತ್ ಬಳಿ 2013ರಲ್ಲಿ 6 ಕೋಟಿ ರೂ ನೀಡಿ ಖರೀದಿಸಿದ ಒಂದು ಮನೆ ಮುಂಬೈನಲ್ಲಿದೆ. ಇದಲ್ಲದೇ ದೇಶಾದ್ಯಂತ ಹಲವು ನಿವೇಶನಗಳು ನಿರ್ದೇಶಕನ ಹೆಸರಿನಲ್ಲಿವೆ ಎನ್ನಲಾಗಿದೆ.
4 / 7
ವಾಹನಗಳ ಬಗ್ಗೆ ಹೇಳುವುದಾದರೆ ರೋಹಿತ್ ಬಳಿ ಹಲವು ಐಷಾರಾಮಿ ಕಾರುಗಳು, ಬೈಕ್ಗಳಿವೆ. BMW, ರೇಂಜ್ ರೋವರ್ ಮತ್ತು ಬೆಂಜ್ ಸೇರಿದಂತೆ ದುಬಾರಿ ಬ್ರಾಂಡ್ನ ಕಾರುಗಳನ್ನು ನಿರ್ದೇಶಕ ಹೊಂದಿದ್ದಾರೆ. ಪ್ರತಿ ವಾಹನದ ಬೆಲೆ ಏನಿಲ್ಲವೆಂದರೂ 1.2 ಕೋಟಿಯಿಂದ 2 ಕೋಟಿ ರೂಗಳು!
5 / 7
ಚಿತ್ರಗಳ ವಿಷಯಕ್ಕೆ ಬಂದರೆ ರೋಹಿತ್ ನಿರ್ದೇಶನದ ‘ಸೂರ್ಯವಂಶಿ’ ಇತ್ತೀಚೆಗೆ ರಿಲೀಸ್ ಆಗಿದ್ದು, 200 ಕೋಟಿ ರೂಗೂ ಹೆಚ್ಚು ಮೊತ್ತವನ್ನು ಬಾಚಿಕೊಂಡಿದೆ.
6 / 7
ಪ್ರಸ್ತುತ ರೋಹಿತ್ ರಣವೀರ್ ಸಿಂಗ್ ಜತೆಗೆ ‘ಸರ್ಕಸ್’ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಇದರಲ್ಲಿ ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡಿಸ್ ಮೊದಲಾದವರು ಕಾಣಿಸಿಕೊಳ್ಳುತ್ತಿದ್ದಾರೆ.
