ಕಣ್ಣೀರಿನೊಂದಿಗೆ ವಿದಾಯ ಹೇಳಿದ ನೇಮರ್ ಜೂನಿಯರ್!
Neymar jr retirement: ಬ್ರೆಝಿಲ್ನ ಹಳದಿ ಜೆರ್ಸಿಯಲ್ಲಿ ದಂತಕಥೆ ಪೀಲೆ ಅವರ ದಾಖಲೆಯನ್ನೇ ಧೂಳೀಪಟ ಮಾಡಿ, ಇತಿಹಾಸದ ಸಾರ್ವಕಾಲಿಕ ಗರಿಷ್ಠ ಗೋಲು ಸರದಾರನಾಗಿ ಮೆರೆದ ಫುಟ್ಬಾಲ್ ಲೋಕದ ಅಪ್ರತಿಮ ಮಾಂತ್ರಿಕ ನೇಮರ್ ಜೂನಿಯರ್ ಇಂಟರ್ನ್ಯಾಷನಲ್ ಕೆರಿಯರ್ ಅಂತ್ಯಗೊಳಿಸಿದ್ದಾರೆ. ಅದು ಸಹ ಕಣ್ಣೀರಿನೊಂದಿಗೆ..!
ಮೈದಾನಕ್ಕಿಳಿದರೆ ಮೈ ನವಿರೇಳಿಸುವ ವೇಗ, ಎದುರಾಳಿ ಡಿಫೆಂಡರ್ಗಳನ್ನೇ ದಿಕ್ಕೆಡಿಸುವ ಮಾಂತ್ರಿಕ ಡ್ರಿಬ್ಲಿಂಗ್, ಕಾಲಿನಲ್ಲೇ ಕಾವ್ಯ ಬರೆಯುವ ಬ್ರೆಝಿಲಿಯನ್ ಸಾಂಬಾ ಶೈಲಿಯ ಫುಟ್ಬಾಲ್ ಚತುರ ನೇಮರ್ ಜೂನಿಯರ್ (Neymar Jr.) ಅಂತರರಾಷ್ಟ್ರೀಯ ಫುಟ್ಬಾಲ್ಗೆ ಅಧಿಕೃತವಾಗಿ ನಿವೃತ್ತಿ ಘೋಷಿಸಿದ್ದಾರೆ. (PC: Getty images)
2026ರ ಫಿಫಾ ವಿಶ್ವಕಪ್ನ ಪ್ರಿಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ನಾರ್ವೆ ವಿರುದ್ಧ ಬ್ರೆಝಿಲ್ 2-1 ಅಂತರದಿಂದ ಆಘಾತಕಾರಿ ಸೋಲು ಅನುಭವಿಸಿದ ತಕ್ಷಣವೇ 34 ವರ್ಷದ ನೇಮರ್ ಕಣ್ಣೀರು ಹಾಕುತ್ತಾ ತಮ್ಮ 16 ವರ್ಷಗಳ ಸುದೀರ್ಘ ಅಂತರರಾಷ್ಟ್ರೀಯ ಕೆರಿಯರ್ಗೆ ವಿದಾಯ ಹೇಳಿದ್ದಾರೆ. (PC: Getty images)
2010 ರಲ್ಲಿ ಅಮೆರಿಕದ ನ್ಯೂಜೆರ್ಸಿಯ 'ಮೆಟ್ಲೈಫ್ ಸ್ಟೇಡಿಯಂ'ನಲ್ಲಿ ಅಮೆರಿಕ ವಿರುದ್ಧ ಕಣಕ್ಕಿಳಿಯುವ ಮೂಲಕ ಅಂತರರಾಷ್ಟ್ರೀಯ ಕೆರಿಯರ್ ಆರಂಭಿಸಿದ್ದ ನೇಮರ್, ಇದೀಗ ಅದೇ ಮೈದಾನದಲ್ಲಿ ತಮ್ಮ ಕೊನೆಯ ಪಂದ್ಯವನ್ನು ಆಡಿ ನಿವೃತ್ತಿ ಪಡೆದಿದ್ದಾರೆ. (PC: Getty images)
ಈ ಬಗ್ಗೆ ಮಾತನಾಡಿದ ನೇಮರ್, "ನಾನು ದೇಶಕ್ಕಾಗಿ ವಿಶ್ವಕಪ್ ಗೆಲ್ಲಲು ತುಂಬಾ ಪ್ರಯತ್ನಿಸಿದೆ. ಆದರೆ ವಿಧಿ ಬೇರೆಯದೇ ಇತ್ತು. ಎಲ್ಲಿ ನನ್ನ ಜರ್ನಿ ಆರಂಭವಾಗಿತ್ತೋ, ಇಲ್ಲೇ ಮುಕ್ತಾಯವಾಗಿದೆ" ಎಂದು ಕಣ್ಣೀರು ಹಾಕಿದರು. ಈ ಮೂಲಕ 16 ವರ್ಷಗಳ ಇಂಟರ್ನ್ಯಾಷನಲ್ ಕೆರಿಯರ್ಗೆ ಸಾಂಬಾ ಸುಲ್ತಾನ್ ಗುಡ್ ಬೈ ಹೇಳಿದ್ದಾರೆ. (PC: Getty images)
ನೇಮರ್ ದಾಖಲೆ: ಬ್ರೆಝಿಲ್ ಫುಟ್ಬಾಲ್ ಇತಿಹಾಸದಲ್ಲಿ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ಪೀಲೆ (77 ಗೋಲು) ಅವರ ಹೆಸರಲ್ಲಿದ್ದ ಅತಿ ಹೆಚ್ಚು ಗೋಲುಗಳ ದಾಖಲೆಯನ್ನು ನೇಮರ್ ಮುರಿದಿದ್ದಾರೆ. ಅಂತಾರಾಷ್ಟ್ರೀಯ ಕೆರಿಯರ್ನಲ್ಲಿ ಒಟ್ಟು 130 ಪಂದ್ಯಗಳನ್ನಾಡಿರುವ ನೇಮರ್ 80 ಗೋಲುಗಳನ್ನು ಬಾರಿಸಿ ಬ್ರೆಝಿಲ್ನ ಸಾರ್ವಕಾಲಿಕ ಗರಿಷ್ಠ ಗೋಲು ಸರದಾರ ಎಂಬ ಹೆಗ್ಗಳಿಕೆಯೊಂದಿಗೆ ಮೈದಾನದಿಂದ ಹೊರನಡೆದಿದ್ದಾರೆ. (PC: Getty images)