Hairstyles : ನಿಮ್ಮ ಕೂದಲಿನ ಅಂದ ಹೆಚ್ಚಿಸುತ್ತೆ ಈ ಕೇಶ ವಿನ್ಯಾಸಗಳು
ಹೆಣ್ಣು ಮಕ್ಕಳಿಗೆ ಬೆಳಗ್ಗೆ ಬೇಗನೇ ಎದ್ದು ಮನೆಯ ಕೆಲಸವನ್ನೆಲ್ಲಾ ಮುಗಿಸಿ ಆಫೀಸಿಗೆ ಹೊರಡುವ ಹೊತ್ತಿಗೆ ಸುಸ್ತೋ ಸುಸ್ತು ಆಗಿರುತ್ತದೆ. ಈ ವೇಳೆಯಲ್ಲಿ ಮಹಿಳೆಯರು ಉಡುಗೆಗೆ ಗಮನ ಕೊಟ್ಟಷ್ಟು ಕೇಶ ವಿನ್ಯಾಸದ ಕಡೆಗೆ ಹೆಚ್ಚು ತಲೆ ಕೆಡಿಸಿಕೊಳ್ಳುವುದಿಲ್ಲ. ಆದರೆ ತರಾತುರಿಯಲ್ಲಿ ಕೂದಲಿಗೆ ರಬ್ಬರ್ ಬ್ಯಾಂಡ್ ಹಾಕಿಕೊಂಡು ಹೋಗುತ್ತಾರೆ. ಆದರೆ ಆಫೀಸಿಗೆ ಹೋಗುವ ಹೆಣ್ಣು ಮಕ್ಕಳಿಗೆ ಕೆಲವೇ ಕೆಲವು ನಿಮಿಷದಲ್ಲಿ ಮಾಡಬಹುದಾದ ಕೇಶವಿನ್ಯಾಸಗಳಿದ್ದು, ಈ ಹೇರ್ ಸ್ಟೈಲ್ ಮೂಲಕ ಹೊಸ ಲುಕ್ ಪಡೆಯಬಹುದಾಗಿದೆ.
ಮೆಸ್ಸಿ ಬನ್ : ಓಲ್ಡ್ ಇಸ್ ಗೋಲ್ಡ್ ಎನ್ನುವ ಮಾತಿನಂತೆ ಎಲ್ಲಾ ಪ್ರಾಯದವರಿಗೂ ಹೇಳಿ ಮಾಡಿಸಿದ ಕೇಶ ವಿನ್ಯಾಸವಿದು. ನೆತ್ತಿಯ ಮೇಲೆ ಬಿಂದಾಸ್‌ ಆಗಿ ಕಾಣುವಂತೆ ಎತ್ತಿ ಕಟ್ಟಿ ತುರುಬನ್ನು ಹಾಕಿದರೆ ನೋಡಲು ಆಕರ್ಷಕವಾಗಿಯೇ ಕಾಣುತ್ತದೆ. ನೋಡಲು ಮೆಸ್ಸಿಯಾಗಿ ಕಾಣುವ ಈ ಕೇಶ ವಿನ್ಯಾಸ ಬೇಸಿಗೆಯಲ್ಲಿ ಎಲ್ಲರೂ ಇಷ್ಟ ಪಡುತ್ತಾರೆ.
1 / 5
ಲೋ ಸ್ಲೀಕ್ ಪೋನಿಟೇಲ್ : ಹೆಚ್ಚಿನವರು ಈ ಕೇಶ ವಿನ್ಯಾಸವನ್ನು ಇಷ್ಟ ಪಡುತ್ತಾರೆ. ಕೂದಲನ್ನು ಸಿಕ್ಕು ಇಲ್ಲದಂತೆ ನಯವಾಗಿ ಬಾಚಿಕೊಳ್ಳಬೇಕು. ನೆತ್ತಿಗಿಂತ ಕೆಳಭಾಗದಲ್ಲಿ ಎಲ್ಲಾ ಕೂದಲನ್ನು ಬಿಗಿಯಾದ ಪೋನಿಟೇಲ್ ಆಗಿ ಒಟ್ಟುಗೂಡಿಸಿ ರಬ್ಬರ್ ಬ್ಯಾಂಡ್ ಹಾಕಿದರೆ ಎಲ್ಲಾ ಉಡುಗೆಗೂ ಈ ಕೇಶ ವಿನ್ಯಾಸವು ಒಪ್ಪುತ್ತದೆ.
2 / 5
ಕ್ರೌನ್‌ ಬ್ರೈಡ್ ಬನ್ : ಮೊದಲಿಗೆ ಕೂದಲನ್ನು ಬಾಚಿ, ಹೈಪೋನಿ ಕಟ್ಟಿಕೊಳ್ಳಬೇಕು. ಅದಾದ ಬಳಿಕ ಕೂದಲನ್ನು ಮೂರು ಸಮ ಭಾಗಗಾಗಿ ವಿಂಗಡಿಸಿ, ಜಡೆ ಹೆಣೆದುಕೊಳ್ಳಿ. ಆ ಜಡೆಯನ್ನು ಹಣೆಗೆ ಒಂದು ಸುತ್ತು ಸುತ್ತಿ, ಹೈಪೋನಿ ಕಟ್ಟಿಕೊಂಡಲ್ಲಿ ಹೇರ್‌ಪಿನ್‌ ಸಹಾಯದಿಂದ ಪಿನ್ ಮಾಡಿಕೊಂಡರೆ ಈ ಕೇಶವಿನ್ಯಾಸದಿಂದ ಆಕರ್ಷಕವಾಗಿ ಕಾಣಬಹುದು.
3 / 5
ಹಾಫ್ ಟ್ವಿಸ್ಟೆಡ್ ಮೆಸ್ಸಿ ನಾಟ್ : ಈ ಕೂದಲಿನ ವಿನ್ಯಾಸವು ನೈಸರ್ಗಿಕವಾಗಿದ್ದರೆ ಎಲ್ಲರಿಗೂ ಇಷ್ಟವಾಗುತ್ತದೆ. ಕೂದಲನ್ನು ಅರ್ಧ ಗಂಟು ಹಾಕಿ ಅದನ್ನು ಒಂದು ಸುತ್ತು ಹಾಕಿ ಪಿನ್ ಹಾಕಿದರೆ ಹಾಫ್ ಟ್ವಿಸ್ಟೆಡ್ ಮೆಸ್ಸಿ ನಾಟ್ ಕೇಶವಿನ್ಯಾಸವು ಆಗುತ್ತದೆ. ಈ ಹೇರ್ ಸ್ಟೈಲ್ ಎಲ್ಲರಿಗೂ ಹೊಂದುತ್ತದೆ.
4 / 5
ಕ್ಲಾಸಿಕ್ ಟಾಪ್ ನಾಟ್ ಬನ್ : ಸುಲಭವಾಗಿ ಮಾಡಬಹುದಾದ ಕೇಶವಿನ್ಯಾಸವಿದಾಗಿದ್ದು, ಕೂದಲನ್ನು ಸೇರಿಸಿ ಅದನ್ನು ಪೋನಿಟೇಲ್ ರೀತಿ ಹಾಕಬಹುದು. ಆ ಬಳಿಕ ಕೂದಲನ್ನು ಚೆನ್ನಾಗಿ ಟ್ವಿಸ್ಟ್ ಮಾಡಿ, ತುರುಬಿನ ರೀತಿ ಹಾಕಿ ಪಿನ್ ಮಾಡಿದರೆ ಕ್ಲಾಸಿಕ್ ಟಾಪ್ ನಾಟ್ ಬನ್ ನಲ್ಲಿ ಆಕರ್ಷಕವಾಗಿ ಕಾಣುವಿರಿ.
