ಸಂಯುಕ್ತಾ ಹೆಗ್ಡೆಯ ಹೊಸ ಟ್ಯಾಟೂ ನೋಡಿದಿರಾ? ಈ ಟ್ಯಾಟೂನಲ್ಲಿದೆ ಮಾತೃಪ್ರೇಮ
Samyuktha Hegde: ನಟಿ ಸಂಯುಕ್ತಾ ಹೆಗ್ಡೆ ಮೊದಲ ಬಾರಿಗೆ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಟ್ಯಾಟೂವಿನಲ್ಲಿ ಮಾತೃಪ್ರೇಮವನ್ನು ನಟಿ ಸಾರಿದ್ದಾರೆ.
ನಟಿ ಸಂಯುಕ್ತಾ ಹೆಗ್ಡೆ ಟ್ಯಾಟೂ ಒಂದನ್ನು ಹಾಕಿಸಿಕೊಂಡಿದ್ದಾರೆ. ಹಾರ್ಟ್ ಶೇಪ್ನ ಈ ಟ್ಯಾಟೂ ಹಿಂದೆ ಥೀಮ್ ಒಂದಿದೆ.
ತನ್ನ ತಾಯಿಯ ಕೈರೆಳಿನ ಗುರುತನ್ನೇ ಹೃದಯದ ಆಕಾರವಾಗಿ ಟ್ಯಾಟೂ ಮಾಡಿಸಿಕೊಂಡಿದ್ದಾರೆ ನಟಿ ಸಂಯುಕ್ತಾ ಹೆಗ್ಡೆ.
ಹತ್ತು ವರ್ಷಗಳಿಂದಲೂ ಇದ್ದ ಆಸೆಯನ್ನು ಈಗ ಪೂರೈಸಿಕೊಂಡಿದ್ದಾರೆ ಸಂಯುಕ್ತಾ. ಟ್ಯಾಟೂ ಹಾಕುವಾಗ ಆಗುವ ನೋವಿಗೆ ಹೆದರಿ ಸುಮ್ಮನಿದ್ದ ಸಂಯುಕ್ತಾ ಈಗ ಧೈರ್ಯ ಮಾಡಿದ್ದಾರೆ.
ಆದರೆ ಈಗ ಹಾಕಿಸಿಕೊಂಡಿರುವ ಟ್ಯಾಟೂನಿಂದಾಗುವ ನೋವಿನ ಬಗ್ಗೆ ಸಂಯುಕ್ತಾಗೆ ಭಯವಾಗಲಿಲ್ಲವಂತೆ ಬದಲಿಗೆ ಹೆಚ್ಚು ಖುಷಿಯೇ ಆಯ್ತಂತೆ.
ತಾಯಿಯ ಬೆರಳಚ್ಚನ್ನೇ ಟ್ಯಾಟೂ ಆಗಿ ಹಾಕಿಸಿಕೊಂಡಿರುವ ಸಂಯುಕ್ತಾ ಇದಕ್ಕಿಂತಲೂ ಉತ್ತಮವಾದ ಟ್ಯಾಟೂವನ್ನು ಹಾಕಿಸಿಕೊಳ್ಳಲು ಸಾಧ್ಯವಾಗುತ್ತಿರಲಿಲ್ಲ ಎಂದಿದ್ದಾರೆ.
ಸಂಯುಕ್ತಾ ಹೆಗ್ಡೆ ತಮ್ಮ ತಾಯಿಯನ್ನು ಬಹುವಾಗಿ ಪ್ರೀತಿಸುತ್ತಾರೆ. ವೃತ್ತಿ ಬದುಕಿನಲ್ಲಿ ಮುಂದುವರೆಯಲು ತಾಯಿ ನೀಡಿದ ಬೆಂಬಲ ದೊಡ್ಡದು ಎಂದು ಈ ಹಿಂದೆ ಹೇಳಿಕೊಂಡಿದ್ದರು ಸಂಯುಕ್ತಾ.
ಕಿರಿಕ್ ಪಾರ್ಟಿ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ಸಂಯುಕ್ತಾ ಆ ನಂತರ ಹಲವಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಈಗಲೂ ನಟಿಸುತ್ತಿದ್ದಾರೆ.