Kannada News Photo gallery Special report on Devanahalli International Airport T2 KIAL all set to take off Bangalore Airport Terminal 2
ನಂಬಿ! ಇದು ನಮ್ಮ ಹೆಮ್ಮೆಯ ಹೊಸ ಏರ್ಪೋರ್ಟ್ ಟರ್ಮಿನಲ್ 2, ಇಲ್ಲಿದೆ ಶತಮಾನಗಳ ಹಿಂದಿನ ವಿಗ್ರಹ, ಮರ ಗಿಡಗಳು! ಫೋಟೋಸ್ ನೋಡಿ
ನೂರಾರು ವರ್ಷಗಳ ಮರ, ಶತಮಾನಗಳ ಹಿಂದಿನ ವಿಗ್ರಹ. ಒಂದಲ್ಲ ಎರಡಲ್ಲ ಬರೋಬ್ಬರಿ 6 ಲಕ್ಷ ವಿವಿಧ ಬಗೆಯ ಸಸಿಗಳು. ಇದನ್ನ ಒಂದು ರೀತಿ ಸಸ್ಯಕಾಶಿ, ಪುರಾತನ ಕಲೆಗಳ ಬೀಡು ಅಂದರೂ ತಪ್ಪಿಲ್ಲ. ಆದ್ರೆ ಇದೆಲ್ಲ ಇರೋದು ಯಾವುದೋ ಮ್ಯೂಸಿಯಂನಲ್ಲಿ ಅಲ್ಲ; ಬದಲಾಗಿ ನಮ್ಮದೆ ಸಿಲಿಕಾನ್ ಸಿಟಿಯಲ್ಲಿ ತಲೆ ಎತ್ತಿರುವ ಹೆಮ್ಮೆಯ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ದಾಣದಲ್ಲಿ. ಹಾಗಾದ್ರೆ ಯಾವೆಲ್ಲ ವಿಶೇಷತೆಗಳೊಂದಿಗೆ, ಹೇಗಿದೆ ಕೆಂಪೇಗೌಡ ಏರ್ಪೋಟ್ ಟರ್ಮಿನಲ್ 2 ಅನ್ನೋದನ್ನ ಚಿತ್ರಗಳಲ್ಲಿ ನೊಡೋಣ ಬನ್ನಿ. ಹೆಚ್ಎಎಲ್ ವಿಮಾನ ನಿಲ್ದಾಣದಿಂದ ದೂರವಾಗಿ 2008 ರಲ್ಲಿ ದೇವನಹಳ್ಳಿ ಬಳಿ ಕೆಂಪೇಗೌಡ ಅಂತರಾಷ್ಟ್ರಿಯಾ ವಿಮಾನ ನಿಲ್ದಾಣವು 4 ಸಾವಿರ ಎಕರೆ ಪ್ರದೇಶದಲ್ಲಿ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ದಾಣವು ತಲೆ ಎತ್ತಿತು.
ನೂರಾರು ವರ್ಷಗಳ ಮರ, ಶತಮಾನಗಳ ಹಿಂದಿನ ವಿಗ್ರಹ. ಒಂದಲ್ಲ ಎರಡಲ್ಲ ಬರೋಬ್ಬರಿ 6 ಲಕ್ಷ ವಿವಿಧ ಬಗೆಯ ಸಸಿಗಳು. ಇದನ್ನ ಒಂದು ರೀತಿ ಸಸ್ಯಕಾಶಿ, ಪುರಾತನ ಕಲೆಗಳ ಬೀಡು ಅಂದರೂ ತಪ್ಪಿಲ್ಲ. ಆದ್ರೆ ಇದೆಲ್ಲ ಇರೋದು ಯಾವುದೋ ಮ್ಯೂಸಿಯಂನಲ್ಲಿ ಅಲ್ಲ; ಬದಲಾಗಿ ನಮ್ಮದೆ ಸಿಲಿಕಾನ್ ಸಿಟಿಯಲ್ಲಿ ತಲೆ ಎತ್ತಿರುವ ಹೆಮ್ಮೆಯ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ದಾಣದಲ್ಲಿ. ಹಾಗಾದ್ರೆ ಯಾವೆಲ್ಲ ವಿಶೇಷತೆಗಳೊಂದಿಗೆ, ಹೇಗಿದೆ ಕೆಂಪೇಗೌಡ ಏರ್ಪೋಟ್ ಟರ್ಮಿನಲ್ 2 ಅನ್ನೋದನ್ನ ಚಿತ್ರಗಳಲ್ಲಿ ನೊಡೋಣ ಬನ್ನಿ. ಹೆಚ್ಎಎಲ್ ವಿಮಾನ ನಿಲ್ದಾಣದಿಂದ ದೂರವಾಗಿ 2008 ರಲ್ಲಿ ದೇವನಹಳ್ಳಿ ಬಳಿ ಕೆಂಪೇಗೌಡ ಅಂತರಾಷ್ಟ್ರಿಯಾ ವಿಮಾನ ನಿಲ್ದಾಣವು 4 ಸಾವಿರ ಎಕರೆ ಪ್ರದೇಶದಲ್ಲಿ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ದಾಣವು ತಲೆ ಎತ್ತಿತು.
1 / 18
ಇದೀಗ 15 ವರ್ಷದ ಸಂಭ್ರಮಾಚರಣೆಯಲ್ಲಿದೆ. ದೇವನಹಳ್ಳಿ ಬಳಿ 4 ಸಾವಿರಕ್ಕೂ ಅಧಿಕ ಪ್ರದೇಶದಲ್ಲಿ ತಲೆ ಎತ್ತಿರುವ ಕೆಂಪೇಗೌಡ ಏರ್ಪೋಟ್ ಕಾಲಕಾಲಕ್ಕೆ ತಕ್ಕಂತೆ ಹಲವು ಬದಲಾವಣೆಗಳನ್ನ ಮಾಡಿಕೊಳ್ಳುತ್ತಾ ಇದೀಗ ವಿಶ್ವದ ಅತ್ಯುನ್ನತ್ತ ಏರ್ಪೋಟ್ಗಳಲ್ಲಿ ಒಂದು ಅನ್ನೂ ಹೆಗ್ಗಳಿಕೆಯನ್ನು ಪಡೆದುಕೊಂಡಿದೆ. ಇನ್ನು 2008 ರಲ್ಲಿ ಒಂದು ಟರ್ಮಿನಲ್ ನೊಂದಿಗೆ ದಿನಕ್ಕೆ 20 ಸಾವಿರ ಪ್ರಯಾಣಿಕರು ಪ್ರಯಾಣ ಬೆಳೆಸಬಹುದಾದಂತಹ ಟರ್ಮಿನಲ್ ಮೂಲಕ ಆರಂಭವಾದ ಏರ್ಪೋಟ್ ಇಂದು ಎರಡು ಟರ್ಮಿನಲ್ಗಳನ್ನ ಹೊಂದುವ ಮೂಲಕ ದಿನವೊಂದಕ್ಕೆ 50 ಸಾವಿರಕ್ಕೂ ಅಧಿಕ ಜನ ಪ್ರಯಾಣ ಬೆಳೆಸಬಹುದಾದಂತಹ ಬೃಹತ್ತಾದ ಎರಡು ಟರ್ಮಿನಲ್ಗಳನ್ನ ಹೊಂದುವ ಮೂಲಕ ವಿಶ್ವದ ಗಮನ ಸೆಳೆಯುತ್ತಿದೆ.
2 / 18
3 / 18
ಇನ್ನು ಮೊದಲಿನಿಂದಲೂ ಗಾರ್ಡನ್ ನಿಂದ ಸಾಕಷ್ಟು ಪ್ರಯಾಣಿಕರ ಗಮನ ಸೆಳೆದಿದ್ದ ಏರ್ಪೋಟ್ ಆವರಣ, ಇದೀಗ ಟರ್ಮಿನಲ್ ಒಳ ಭಾಗದಲ್ಲೂ ಸಹ ನೇಚರ್ ಗಾರ್ಡನ್ ಕ್ರಿಯೇಟ್ ಮಾಡುವ ಮೂಲಕ ತನ್ನದೆ ಆದಂತಹ ಹಲವು ವಿಶಿಷ್ಟ್ಯಗಳನ್ನ ಹೊಂದಿದೆ. ಹಾಗಾದ್ರೆ ಹೇಗಿದೆ ಯಾವೆಲ್ಲ ತಂತ್ರಜ್ಞಾನಗಳನ್ನ ಆತ್ಯಾಧುನಿಕ ಹೈ ಫೈ ಸೌಲಭ್ಯಗಳನ್ನ ಈ ಹೊಸ ಟರ್ಮಿನಲ್ ಹೊಂದಿದೆ ಅಂತ ನೊಡೋದಾದ್ರೆ. ಹೌದು ಅಂದಹಾಗೆ 2022 ರ ನವೆಂಬರ್ 11 ರಂದು ದೇಶದ ಪ್ರಧಾನಿ ನರೇಂದ್ರ ಮೋದಿ ಸ್ವತಃ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ಥಾಣಕ್ಕೆ ಆಗಮಿಸಿ 5 ಸಾವಿರ ಕೋಟಿ ರೂಪಾಯಿ ವೆಚ್ಚದ ನೂತನ ಗಾರ್ಡನ್ ಟರ್ಮಿನಲ್ ಅನ್ನ ಉದ್ಘಾಟನೆ ಮಾಡಿದರು. ಆದ್ರೆ ಅಂದಿಗೆ ಸಂಪೂರ್ಣ ಕಾರ್ಯಾರಂಭಕ್ಕೆ ಸಿದ್ದವಾಗದೆ ಅಲ್ಪಸ್ವಲ್ಪ ಕೆಲಸಗಳನ್ನ ಉಳಿಸಿಕೊಂಡಿದ್ದ ಕೆಐಎಬಿ ಆಡಳಿತ ಮಂಡಳಿ ಇದೀಗ 5 ಸಾವಿರ ಕೋಟಿ ವೆಚ್ಚದ ನೂತನ ಟರ್ಮಿನಲ್ ಸಂಪೂರ್ಣ ಬಳಕೆ ಮೂಲಕ ಕಾರ್ಯಾರಂಭ ಮಾಡಲು ಸಜ್ಜಾಗಿದೆ.
4 / 18
ಹೌದು ಈಗಾಗಲೆ ಕೆಂಪೇಗೌಡ ಏರ್ಪೋಟ್ ನ ಹಳೆಯ ಟರ್ಮಿನಲ್ ನ ಎಡಭಾಗದಲ್ಲಿ ತಲೆ ಎತ್ತಿರುವ ಬಹುಮಹಡಿ ಕಟ್ಟಡದ ಎರಡನೆ ಟರ್ಮಿನಲ್ ಸೆಪ್ಟೆಂಬರ್ 1 ರಿಂದ ಸಂಪೂರ್ಣ ವಿದೇಶಿ ವಿಮಾನಗಳ ಸಂಚಾರ ಮೂಲಕ ಸಂಪೂರ್ಣ ಕಾರ್ಯಾರಂಭಕ್ಕೆ ಸಜ್ಜಾಗಿದೆ. ಇನ್ನು ಈ ವಿದೇಶಿ ಪ್ರಯಾಣಕ್ಕೆ ಸಜ್ಜಾಗಿರುವ ನೂತನ ಗಾರ್ಡನ್ ಟರ್ಮಿನಲ್ ಅನ್ನ ಸಂಪೂರ್ಣ ನ್ಯಾಚುರಲ್ ಗಾರ್ಡನ್ ಮೂಲಕ ನಿರ್ಮಾಣ ಮಾಡಿದ್ದು ಪ್ರಯಾಣಿಕರ ಕಣ್ಮನವನ್ನ ಈ ಗಾರ್ಡನ್ ಟರ್ಮಿನಲ್ ತೋರಿಸುತ್ತಿದೆ.
5 / 18
ಏರ್ಪೋಟ್ ನ 2 ನೇ ನೂತನ ಟರ್ಮಿನಲ್ ಸಂಪೂರ್ಣ ಪರಿಸರ ಸ್ನೇಹಿ ಏರ್ಪೋಟ್ ಆಗಿ ನಿರ್ಮಾಣ ಮಾಡಲಾಗಿದ್ದು ವಿಶೇಷವಾಗಿ 75 ರಷ್ಟು ನೂತನ ಟರ್ಮಿನಲ್ ಹಚ್ಚ ಹಸಿರಿನ ಗಿಡಗಳೊಂದಿಗೆ ಕಂಗೊಳಿಸುತ್ತಿದೆ. ಬೆಂಗಳೂರಿನಿಂದ ಗಾರ್ಡನ್ ಏರ್ಪೋಟ್ ಗೆ ಆಗಮಿಸುವ ಪ್ರಯಾಣಿಕರಿಗೆ ರಸ್ತೆಯುದ್ದಕ್ಕೂ ರಸ್ತೆಯ ಎರಡೂ ಬದಿಗಳಲ್ಲಿ ಹಚ್ಚ ಹಸಿರಿನ ಗಾರ್ಡನ್ ವೆಲ್ಕಂ ಮಾಡಲಿದ್ದು ನಂತರ ನೂತನ ಟರ್ಮಿನಲ್ ಗೆ ಆಗಮಿಸುತ್ತಿದ್ದಂತೆ ರೋಪ್ ಮೇಲೆ ನೇತಾಡುತ್ತಿರುವ ಗಾರ್ಡನ್ ಬುಟ್ಟಿಗಳು ಎಲ್ಲರಿಗೂ ಕಾಣಸಿಗುತ್ತೆ.
6 / 18
ಈ ಹಿಂದೆ ನಮ್ಮ ಪೂರ್ವಜರು ಮನೆಗಳಲ್ಲಿ ಖಾದ್ಯ ಪದಾರ್ಥಗಳು ಸೇರಿದಂತೆ ಹಲವು ವಸ್ತುಗಳನ್ನ ಕೆಡದಂತೆ ಹಾಗೂ ಯಾರಿಗೂ ಸಿಗದಂತೆ ಜೋಳಿಗೆಯಲ್ಲಿ ರೋಪ್ ಗೆ ಹಾಕಿ ಕಟ್ಟುತ್ತಿದ್ದ ಸಂಸ್ಕ್ರತಿಯನ್ನ ಮುಂದಿನ ಪೀಳಿಗೆಗೆ ತಿಳಿಸುವ ನಿಟ್ಟಿನಲ್ಲಿ ಅದೇ ಮಾದರಿಯಲ್ಲಿ ಈರುಳ್ಳಿ ಆಕಾರದ ನೇತಾಡುವ ಗಿಡಗಳು ಹೊಸ 2 ನೇ ಟರ್ಮಿನಲ್ ನಲ್ಲಿ ಕಾಣ ಸಿಗುತ್ತಿವೆ. ಇನ್ನು ಈ ನೇತಾಡುವ ಗಾರ್ಡನ್ ಅನ್ನ ಹೊರ ಭಾಗದಿಂದ ಒಳ ಭಾಗದ ಚೆಕ್ ಇನ್ ಪಾಯಿಂಟ್ ವರೆಗೂ ಸಹ ಅಲ್ಲಲ್ಲಿ ಸುಂದರವಾಗಿ ನೋಡುಗರ ಮನಸೆಳೆಯುವಂತೆ ನೇತು ಹಾಕಿದ್ದು ಅವುಗಳ ನಿರ್ವಹಣೆಯನ್ನು ಸಹ ಏರ್ಪೋಟ್ ಆಡಳಿತ ಮಂಡಳಿ ವಿಶೇಷ ಕಾಳಜಿಯೊಂದಿಗೆ ನೆರವೇರಿಸುತ್ತಿದೆ.
7 / 18
ಹೌದು 64 ಎಕರೆ ಪ್ರದೇಶದ ನೂತನ ಎರಡನೆ ಗಾರ್ಡನ್ ಟರ್ಮಿನಲ್ ನಲ್ಲಿ ಶೇ. 75 ರಷ್ಟು ಜಾಗದಲ್ಲಿ 6 ಲಕ್ಷ ವಿವಿಧ ಬಗೆಯ ಸಸಿಗಳನ್ನ ಬೆಳೆಸುವ ಮೂಲಕ ನ್ಯಾಚುರಲ್ ಗಾರ್ಡನ್ ಟರ್ಮಿನಲ್ ಮಾಡಿದ್ದಾರೆ. ಅಲ್ಲದೆ ಈ ಗಾರ್ಡನ್ ನ ಸಂಪೂರ್ಣ ಎಲ್ಲಾ ಸಸಿಗಳನ್ನು ಮಣ್ಣುರಹಿತವಾಗಿ ಬೆಳೆಸಲಾಗುತ್ತಿದ್ದು 6 ಲಕ್ಷ ಸಸಿಗಳನ್ನು ಸಂಪೂರ್ಣವಾಗಿ ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ಪೋಷಣೆ ಮಾಡ್ತಿದ್ದಾರೆ. ಜೊತೆಗೆ ಪ್ರತಿಯೊಂದು ಗಿಡಗಳಿರುವ ಸಣ್ಣ ಸಣ್ಣ ಪಾಟ್ಗಳು ಮತ್ತು ನೇತಾಡುವ ಬುಟ್ಟಿಯಲ್ಲಿ ಒಂದೊಂದು ಲೇಸರ್ ಲೈಟ್ ಮತ್ತು ಸ್ಪ್ರಿಂಕ್ಲರ್ಗಳ ಅಳವಡಿಕೆ ಮಾಡಲಾಗಿದೆ. ಅಲ್ಲದೆ ಈ ಲೇಜರ್ ಲೈಟ್ಗಳಿಗೆ ಇಂಟರ್ನೆಟ್ ಲಿಂಕ್ ಮಾಡಲಾಗಿದ್ದು ನೇತಾಡುವ ಗಿಡ ಹಾಗೂ ಏರ್ಪೋಟ್ ನಲ್ಲಿರುವ ಸಸಿಗಳಲ್ಲಿ ಯಾವುದರಲ್ಲಾದ್ರು ನೀರಿನ ತೇವಾಂಶ ಕಡಿಮೆಯಾಗ್ತಿದ್ದಂತೆ ಗಿಡದಲ್ಲಿ ಅಳವಡಿಕೆ ಮಾಡಲಾಗಿರುವ ರೆಡ್ ಲೇಸರ್ ಲೈಟ್ ಆನ್ ಆಗುತ್ತೆ.
8 / 18
ಜೊತೆಗೆ ಗಿಡದಲ್ಲಿ ತೇವಾಂಶ ಕಡಿಮೆಯಾಗಿರುವ ಬಗ್ಗೆ ಸಸಿಗಳನ್ನ ಪೋಷಣೆ ಮಾಡಲು ಬಿಟ್ಟಿರುವ ಅಧಿಕಾರಿಗಳು ಮತ್ತು ಸಿಬ್ಬಂದಿಗೆ ಮಾಹಿತಿಯನ್ನ ಸಹ ರವಾನೆ ಮಾಡಲಿದ್ದು ನಂತರ ಆಟೋಮೆಟಿಕ್ ತಂತ್ರಜ್ಞಾನದ ಮೂಲಕ ಆ ಗಿಡಗಳಿಗೆ ನೀರನ್ನ ಪೂರೈಕೆ ಮಾಡುತ್ತೆ. ಇನ್ನು ಇದೇ ರೀತಿ ಏರ್ಪೋಟ್ ಟರ್ಮಿನಲ್ ನ ಒಳ ಆವರಣದಲ್ಲಿ ಪೋಷಿಸುತ್ತಿರುವ ಗಿಡಗಳಿಗೆ ಪರಿಸರ ಸ್ನೇಹಿಯಾಗಿ ಬಿಸಿಲು ಬೀಳಲು ಟರ್ಮಿನಲ್ ನ ರೋಪ್ ನಲ್ಲೆ ವಿಶೇಷವಾಗಿ ವ್ಯವಸ್ಥೆ ಮಾಡಿದ್ದು ನ್ಯಾಚುರಲ್ ಬಿಸಿಲಿನ ಜೊತೆಗೆ 64 ಎಕರೆ ಪ್ರದೇಶದ ಟರ್ಮಿನಲ್ ನ ಬಹುತೇಕ ಭಾಗ ನ್ಯಾಚುರಲ್ ಬೆಳಕಿನಿಂದಲೆ ಕಂಗೊಳಿಸುವುದು ಈ ಹೊಸ ಟರ್ಮಿನಲ್ ನ ಮತ್ತೊಂದೆ ವಿಶೇಷ.
9 / 18
ವಿಶೇಷ ಗಾರ್ಡನ್ ನಿಂದ ನಿರ್ಮಾಣವಾಗಿರುವ ನಮ್ಮ ಏರ್ಪೋಟ್ ನ ಹೊಸ ಟರ್ಮಿನಲ್ ನಲ್ಲಿ 800 ವರ್ಷಗಳ ಹಳೆಯ ಮರವಿದೆ ಅನ್ನೂದು ನಂಬಲು ಕಷ್ಟವಾದ್ರು ಅದು ಸತ್ಯ. ಹೌದು ಸ್ಪೇನ್ ಮತ್ತು ವಿವಿಧ ದೇಶಗಳಿಂದ ಗಾರ್ಡನ್ ಟರ್ಮಿನಲ್ ನ ವಿಶೇಷತೆ ಹಾಗೂ ಸೌಂದರ್ಯವನ್ನ ಹೆಚ್ಚಿಸೋಕ್ಕೆ ಅಂತಲೆ 600 ಮತ್ತು 800 ವರ್ಷಗಳ ಹಳೆಯದಾದ ಎರಡು ಮರಗಳನ್ನ ತಂದು ಇಲ್ಲಿ ಪೋಷಿಸಲಾಗುತ್ತಿದೆ. ಏರ್ಪೋಟ್ ನ ಗಾರ್ಡನ್ ಟರ್ಮಿನಲ್ ಆರಂಭವಾಗ್ತಿದ್ದಂತೆ ಈ ವಿಭಿನ್ನ ಮರವನ್ನ ಬೆಳೆಸುವ ಯೋಚನೆ ಮಾಡಿದ ಅಧಿಕಾರಿಗಳು ಇದಕ್ಕಾಗಿ ಸ್ಪೇನ್ ನಿಂದ ವಿಶೇಷ ಶಿಪ್ ನಲ್ಲಿ 800 ಮತ್ತು 600 ವರ್ಷದ ಹಳೆಯ ಮರಗಳನ್ನ ಬೆಂಗಳೂರಿಗೆ ತರಿಸಿದ್ದಾರೆ. ಜೊತೆಗೆ ಈ ಹಳೆಯ ಅಪರೂಪದ ಮರಗಳಿಗಾಗಿ ಸತತ ಮೂರು ವರ್ಷಗಳ ಕಾಲ ವಿದೇಶದ ವಾತಾವರಣವನ್ನೆ ನೀಡಿ ಕಾಲಕಾಲಕ್ಕೆ ನಮ್ಮ ವಾತಾವರಣಕ್ಕೆ ಹೊಂದಿಕೊಳ್ಳುವಂತೆ ನ್ಯಾಚುರಲ್ ಆಗಿ ಸೆಟ್ ಮಾಡಿಸಿದ್ದಾರೆ.
10 / 18
ಜೊತೆಗೆ ಈಗಲೂ ಸಹ ಸತತವಾಗಿ ಈ ಅಪರೂಪದ 800 ವರ್ಷದ ಮರಗಳಿಗೆ ಹಗಲಿನ ವೇಳೆ ನ್ಯಾಚುರಲ್ ಸೂರ್ಯನ ಬೆಳಕಿನ ಕಿರಣಗಳು ಬೀಳುವಂತೆ ರೋಪ್ ಮಾಡಿಸಿದ್ದು ರಾತ್ರಿ ವೇಳೆ ಶಾಖವಾಗಿರಲು ಲೇಸರ್ ಲೈಟಿಂಗ್ ವ್ಯವಸ್ಥೆಯನ್ನ ಮಾಡಿದ್ದಾರೆ. ಇನ್ನು ಏರ್ಪೋಟ್ಗೆ ಬರುವ ಪ್ರಯಾಣಿಕರಿಗೆ ಈ ಹಳೆಯದಾದ ಪುರಾತನ ಕಾಲದ ಮರದ ಬಗ್ಗೆಯು ಅಧಿಕಾರಿಗಳು ಮಾಹಿತಿ ನೀಡ್ತಿದ್ದು ಮರವನ್ನ ಕಂಡ ಪ್ರಯಾಣಿಕರು ಮರದ ಮುಂದೆ ನಿಂತು ಸೆಲ್ಫಿಗಳನ್ನ ತೆಗೆದುಕೊಳ್ಳುವ ಮೂಲಕ ಆಶ್ಚರ್ಯಚಕಿತರಾಗ್ತಿದ್ದಾರೆ.
11 / 18
ಗಾರ್ಡನ್ ಟರ್ಮಿನಲ್ ಗೆ ಬರುವ ಪ್ರಯಾಣಿಕರಿಗೆ ತಾವು ಕಟ್ಟಡದ ಒಳ ಭಾಗದಲ್ಲಿದ್ದೀವಿ ಅನ್ನೂದಕ್ಕಿಂತ ಗಾರ್ಡನ್ ನಲ್ಲಿ ಇರುವ ರೀತಿ ಭಾಸ ಮಾಡಲು ಬೃಹತ್ ಗ್ರೀನ್ ವಾಲ್ ಆನ್ನ ನಿರ್ಮಾಣ ಮಾಡಿದ್ದಾರೆ. ಟರ್ಮಿನಲ್ ಒಳಗಡೆ ಬಂದು ಸೆಕ್ಯೂರಿಟಿ ಚೆಕಿಂಗ್ ಮುಗಿಸುತ್ತಿದ್ದಂತೆ ಈ ಬೃಹತ್ ವಾಲ್ ಪ್ರಯಾಣಿಕರನ್ನ ಆಕರ್ಷಿಸುತ್ತಿದ್ದು ಬೃಹತ್ ಗೋಡೆಯ ಮೇಲಿರುವ ಗಿಡ ಮತ್ತು ವಿವಿಧ ಬಗೆಯ ಎಲೆಗಳನ್ನ ಕಂಡು ಒಂದು ಕ್ಷಣ ಪ್ರಯಾಣಿಕರು ಮೈಮರೆಯುವುದಂತ್ತು ಸುಳ್ಳಲ್ಲ. ಇನ್ನೂ ಇದೇ ರೀತಿ ಈ ವಾಲ್ ನ ಕೆಳಗಡೆ ನಮ್ಮ ದೇಶದಲ್ಲಿ ಗಿಡಗಳಾಗಿ ಮಾತ್ರ ಬೆಳೆಯುವ ಅಲೋವೆರಾ ಮತ್ತು ಹಲವು ಗಿಡಗಳನ್ನ ತಂದು ಮರಗಳಾಗಿ ಬೆಳೆಸಿದ್ದು ಅವುಗಳನ್ನ ಕಂಡವರು ಸಹ ಒಂದು ಕ್ಷಣ ಅಚ್ಚರಿಗೊಳಗಾಗುತ್ತಾರೆ.
12 / 18
ದೇಶ ವಿದೇಶಗಳಿಂದ ಬರುವ ಮತ್ತು ತೆರಳುವ ಪ್ರಯಾಣಿಕರಿಗೆ ನಮ್ಮ ದೇಶದ ಪ್ರಾಚೀನ ಸಂಸ್ಕ್ರತಿ ಮತ್ತು ಗತ ವೈಭವವನ್ನ ತೋರಿಸುವ ನಿಟ್ಟಿನಲ್ಲಿ ಏರ್ಪೋಟ್ ನಲ್ಲಿ ಅಪರೂಪದ 11 ನೇ ಶತಮಾನದ ವಿಗ್ರಹಗಳನ್ನ ಪ್ರಯಾಣಿಕರ ವೀಕ್ಷಣೆಗೆ ಇಟ್ಟಿದ್ದಾರೆ. ಗಾರ್ಡನ್ ಟರ್ಮಿನಲ್ ಬೃಹತ್ ಗ್ರೀನ್ ವಾಲ್ ಪಕ್ಕದಲ್ಲೆ ಸಾಲಾಗಿ ಗ್ಲಾಸ್ ನಲ್ಲಿ 11 ನೇ ಶತಮಾನದ 11 ಅಪರೂಪದ ವಿಗ್ರಹಗಳನ್ನ ಕೇಂದ್ರ ಪುರಾತತ್ವ ಇಲಾಖೆಯಿಂದ ಪ್ರದರ್ಶನಕ್ಕಿಟ್ಟಿದ್ದಾರೆ. ಜೊತೆಗೆ ಆ ಅಪರೂಪದ ವಿಗ್ರಹಗಳ ಕೆಳಗಡೆಯೆ ಆಂಗ್ಲ ಮತ್ತು ಕನ್ನಡದಲ್ಲಿ ಆ ವಿಗ್ರಹಗಳು ಸಿಕ್ಕ ಸ್ಥಳ ಮತ್ತು ಅವುಗಳ ವಿಶೇಷತೆಯ ಬಗ್ಗೆ ಟಿಪ್ಪಣಿಯನ್ನ ಸಹ ಹಾಕಲಾಗಿದ್ದು ಗ್ರೀನ್ ವಾಲ್ ನೋಡಿ ಖುಷಿಪಡುವ ಪ್ರಯಾಣಿಕರು ಅಪರೂಪದ ವಿಗ್ರಹಗಳ ಮಾಹಿತಿಯನ್ನ ಸಹ ಪಡೆದುಕೊಳ್ಳಲಿದ್ದಾರೆ. ಜೊತೆಗೆ ನಮ್ಮ ಪ್ರಾಚೀನ ಕಾಲದ ಗತಕಾಲದ ವೈಭವ ಮತ್ತು ಸಂಸ್ಕ್ರತಿಯನ್ನ ಆ ಮೂಲಕ ವಿದೇಶಗಳಿಗೂ ಪಸರಿಸುವ ಕೆಲಸವನ್ನ ಏರ್ಪೋಟ್ ಆಡಳಿತ ಮಂಡಳಿ ಮಾಡಿದೆ.
13 / 18
ವಿದೇಶಗಳ ಬ್ರಾಂಡ್ ಈಗಾಗಲೆ ಸಾಕಷ್ಟು ಕಡೆ ಸದ್ದು ಮಾಡ್ತಿದ್ದು ಸಿಲಿಕಾನ್ ಸಿಟಿಯಲ್ಲಿಯೂ ಇಲ್ಲದಂತಹ ವಿದೇಶದ ವಿವಿಐಪಿ ಬ್ರಾಂಡ್ ಶೋರೂಂಗಳನ್ನ ಸಹ ಗಾರ್ಡನ್ ಟರ್ಮಿನಲ್ ನಲ್ಲಿ ಮಾಡಿದ್ದಾರೆ. ಜೊತೆಗೆ ವಿಮಾನದಲ್ಲಿ ವಿದೇಶಕ್ಕೆ ಪ್ರಯಾಣ ಮಾಡಲು ಬರುವ ಪ್ರಯಾಣಿಕರಿಗೆ ಪ್ರಯಾಣದ ಸಮಯದಲ್ಲಿ ಶಾಪಿಂಗ್ ಅನುಭವವ ನೀಡಲು ಹೈಫೈ ಆಗಿ ಶಾಪಿಂಗ್ ಸೆಂಟರ್ ಮಾಡಿದ್ದಾರೆ.
14 / 18
ಜೊತೆಗೆ ಶಾಪಿಂಗ್ ಸೆಂಟರ್ ಮಾತ್ರವಲ್ಲದೆ ಬ್ರಾಂಡ್ ಬೆಂಗಳೂರು ಮಾಡಬೇಕು ಅನ್ನೂ ಸರ್ಕಾರದ ಪರಿಕಲ್ಪನೆಯನ್ನು ಸಹ ಈಗಾಗಲೆ ಏರ್ಪೋಟ್ ಆಡಳಿತ ಮಂಡಳಿ ಮಾಡಿದೆ. 080 ಅನ್ನೂ ಬೆಂಗಳೂರಿನ ಕೋಡ್ ಅನ್ನೆ ಇಟ್ಟುಕೊಂಡು ಏರ್ಪೋಟ್ ನಲ್ಲಿ 080 ಲಾಂಜ್ ಮಾಡಲಾಗಿದ್ದು ಏರ್ಪೋಟ್ಗೆ ಬರುವ ಪ್ರಯಾಣಿಕರು ಟರ್ಮಿನಲ್ 080 ಲಾಂಜ್ ನಲ್ಲಿ ಕುಳಿತು ತಮಗಿಷ್ಟವಾದ ಆಹಾರವನ್ನೆ ಸೇವನೆ ಮಾಡಬಹುದಾಗಿದೆ. ಅಲ್ಲದೆ ಊಟದ ಜೊತೆಗೆ ಪ್ರಯಾಣಿಕರು ರಿಲ್ಯಾಕ್ಸ್ ಆಗುವುದಕ್ಕೆ ಕೆಲವೊಂದು ವಿಶೇಷ ಆಸನಗಳು, ಬುಕ್ಸ್, ಫ್ರೀ 5 ಜಿ ಇಂಟರ್ನೆಟ್ ಮತ್ತು ಹಲವು ವಿಶೇಷತೆಗಳನ್ನ ಈ 080 ಲಾಂಜ್ ಒಳಗೊಂಡಿದ್ದು ಈಗಾಗಲೆ 080 ಲಾಂಜ್ ಗೆ ಉತ್ತಮ ರಿವ್ಯೂ ಸಹ ಪ್ರಯಾಣಕರಿಂದ ಲಭ್ಯವಾಗ್ತಿದೆ ಅಂತಿದ್ದಾರೆ ಏರ್ಪೋಟ್ ಆಡಳಿತ ಮಂಡಳಿಯವರು. ಗಾರ್ಡನ್ ಟರ್ಮಿನಲ್ ನಲ್ಲಿ ಕೇವಲ ಗಾರ್ಡನ್ ಗೆ ಮಾತ್ರವಲ್ಲದೆ ವಿಶೇಷ ಕಾಲಕೃತಿ ಮತ್ತು ಪೈಂಟಿಂಗ್ಸ್ ಗೆ ಸಹ ಸಾಕಷ್ಟು ಒತ್ತನ್ನು ನೀಡಲಾಗಿದ್ದು ಟರ್ಮಿನಲ್ ನ ಆರಂಭದಿಂದಲೂ ವಿಮಾನ ಹತ್ತುವ ಗೇಟ್ ವರೆಗೂ ಸಹ ವಿವಿಧ ಬಗೆಯ ಪೈಟಿಂಗ್ಸ್ ಮತ್ತು ಕಲಾಕೃತಿಗಳು ಪ್ರಯಾಣಿಕರ ಗಮನ ಸೆಳೆಯುವಂತಿವೆ.
15 / 18
ಟರ್ಮಿನಲ್ ಗೆ ಆಗಮಿಸುತ್ತಿದ್ದಂತೆ ಮೊದಲಿಗೆ ದೇವಾಲಯಗಳಲ್ಲಿ ಕಾಣಸಿಗುವ ವಿಮಾನ ಗೋಪುರ ಮತ್ತು ಆಂಜನೇಯನ ವಿಗ್ರಹಗಳು ಪ್ರಯಾಣಿಕರನ್ನ ಸ್ವಾಗತ ಮಾಡುತ್ತಿವೆ. ಜೊತೆಗೆ ವಿಮಾನದ ಪರಿಕಲ್ಪನೆ ದೇವಾಲಯದ ವಿಮಾನ ಗೋಪುರದ ಮೂಲಕ ಮಾಡಲಾಗಿದೆ ಅನ್ನೂ ಕೆಲವರ ನಂಬಿಕೆಗೆ ತಕ್ಕಂತೆ ಎರಡು ಗೋಪುರಗಳನ್ನ ಜೋಡಿಸಿದಲ್ಲಿ ಅದು ವಿಮಾನದ ಆಕಾರ ಹೋಲುವಂತೆ ದೇವಾಲಯಗಳಲ್ಲಿ ಕಾಣಿಸುವ ವಿಮಾನ ಗೋಪುರದ ಕಲಾಕೃತಿ ಅತ್ಯದ್ಭುತವಾಗಿ ಮೂಡಿ ಬಂದಿದೆ. ಜೊತೆಗೆ ಪ್ರಯಾಣಿಕರು ವಿಮಾನಕ್ಕಾಗಿ ಕಾದು ಕೂರುವ ವೈಟಿಂಗ್ ಲಾಂಜ್ ಬಳಿ ಪ್ರಯಾಣಿಕರಿಗೆ ಬೇಸರವಾಗದಂತೆ ವಿವಿಧ ಬಗೆಯ ಚಿತ್ರಗಳು ಚೆನ್ನಪಟ್ಟಣ ಗೊಂಬೆಗಳಿಂದ ಮಾಡಿದ ಪೈಂಟಿಂಗ್ಸ್, ಮೈಸೂರು ದಸರಾದ ಬೊಂಬೆಗಳು ಪ್ರಯಾಣಿಕರನ್ನ ರಂಜಿಸಲಿದೆ.
16 / 18
ದೇವನಹಳ್ಳಿ ಬಳಿ 4 ಸಾವಿರ ಎಕರೆ ವಿಶಾಲವಾದ ಪ್ರದೇಶದಲ್ಲಿ ತಲೆ ಎತ್ತಿರುವ ಕೆಂಪೇಗೌಡ ಅಂತರಾಷ್ಟ್ರಿಯಾ ವಿಮಾನ ನಿಲ್ಥಾಣ ಹಲವು ವಿಶೇಷತೆಗಳನ್ನ ಹೊಂದಿದೆ. ಕೆಂಪೇಗೌಡ ಏರ್ಪೋಟ್ ನಲ್ಲಿ 4 ಕಿಲೋ ಮೀಟರ್ ಉದ್ದದ ಉತ್ತರ ಮತ್ತು ದಕ್ಷಿಣಕ್ಕೆ ಎರಡು ರನ್ ವೇಗಳಿದ್ದು ದಕ್ಷಿಣ ರನ್ ವೇಯನ್ನ ಮೂರು ವರ್ಷಗಳಿಂದ ಹೊಸದಾಗಿ ನಿರ್ಮಾಣ ಮಾಡಲಾಗಿದೆ. ಈಗಾಗಲೆ ಏರ್ಪೋಟ್ ನ ದಕ್ಷಿಣದಲ್ಲಿ ನಿರ್ಮಾಣವಾಗಿರುವ ನೂತನ ರನ್ ವೇ ನಲ್ಲಿ ಆಧುನಿಕ ಕ್ಯಾಟ್ ತಂತ್ರಜ್ನಾನವನ್ನ ಬಳಕೆ ಮಾಡಲಾಗಿದ್ದು ದಟ್ಟ ಮಂಜು, ಭಾರಿ ಮಳೆಯಂತಹ ಸಂದರ್ಭಗಳಲ್ಲಿಯೂ ಕ್ಯಾಟ್ ತಂತ್ರಜ್ಞಾನದ ಮೂಲಕ ಪೈಲೆಟ್ಗಳು ಸುರಕ್ಷಿತವಾಗಿ ವಿಮಾನಗಳನ್ನ ಏರ್ಪೋಟ್ ನಲ್ಲಿ ಲ್ಯಾಂಡ್ ಮಾಡಬಹುದಾಗಿದೆ. ಏರ್ಪೋಟ್ ನಲ್ಲಿ ಈಗಾಗಲೆ ಖಾಲಿ ಪ್ರದೇಶ ಹಾಗೂ ಏರ್ಪೋಟ್ ಕಟ್ಟಡಗಳು ಟರ್ಮಿನಲ್ ಮೇಲ್ಚಾವಣಿಗಳ ಮೇಲೆ ಸೋಲಾರ್ ಪ್ಲಾಂಟ್ಗಳನ್ನ ಅಳವಡಿಕೆ ಮಾಡಿದ್ದು ಏರ್ಪೋಟ್ಗೆ ಶೇ 75 ರಷ್ಟು ವಿದ್ಯುತ್ ಅನ್ನ ಸೋಲಾರ್ಗಳಿಂದ ಪಡೆದುಕೊಳ್ಳಲಾಗ್ತಿದೆ. ಏರ್ಪೋಟ್ ನ ನಾಲ್ಕು ಸಾವಿರ ಎಕರೆ ಪ್ರದೇಶದ ಹಲವಡೆ ಕೆರೆಗಳನ್ನ ಸಹ ನಿರ್ಮಾಣ ಮಾಡಿದ್ದು ಏರ್ಪೋಟ್ ಆವರಣದಲ್ಲಿ ಬೀಳುವ ಮಳೆ ನೀರು ನೇರವಾಗಿ ಕೆರೆಗಳಿಗೆ ಹೋಗಿ ಸೇರಿ ಭೂಮಿಗೆ ಇಂಗುವಂತಹ ವ್ಯವಸ್ಥೆಯನ್ನ ಮಾಡಿದ್ದಾರೆ.
17 / 18
ಇನ್ನು ಪ್ರಮುಖವಾಗಿ ಕೆಂಪೇಗೌಡ ಅಂತರಾಷ್ಟ್ರಿಯ ವಿಮಾನ ನಿಲ್ಥಾಣಕ್ಕೆ ಆಗಮಿಸುವ ಪ್ರಯಾಣಕ್ಕೆ ನಾಲ್ಕು ಸಂಚಾರ ಸಾರಿಗೆಗಳ ವ್ಯವಸ್ಥೆಯನ್ನ ಮಾಡಲಾಗಿದೆ. ಬೆಂಗಳೂರಿನ ವಿವಿಧೆಡೆಯಿಂದ ಏರ್ಪೋಟ್ಗೆ ಬರಲು ಟ್ಯಾಕ್ಸಿ, ಬಸ್ ಮತ್ತು ರೈಲು ಸೇವೆ ಈಗಾಗಲೆ ಚಾಲ್ತಿಯಲ್ಲಿದ್ದು ಮೆಟ್ರೋ ರೈಲು ಕಾಮಗಾರಿ ಸಹ ಭರದಿಂದ ಸಾಗಿದೆ. ಇನ್ನು ಏರ್ಪೋಟ್ ನಿಂದ ಬೇರೆಡೆ ತೆರಳಲು ಮತ್ತು ಆಗಮಿಸಲು ಸಾರಿಗೆ ವ್ಯವಸ್ಥೆ ಸಹ ಅತ್ಯದ್ಬುತವಾಗಿ ಮಾಡಲಾಗಿದ್ದು ಸಾರಿಗೆ ಜೊತೆಗೆ ದೇವನಹಳ್ಳಿ ಸುತ್ತಮುತ್ತಲಿನ ಸರ್ಕಾರಿ ಶಾಲೆಗಳನ್ನ ಏರ್ಪೋಟ್ ಆಡಳಿತ ಮಂಡಳಿ ಸಿಎಸ್ಆರ್ ನಿಧಿಯಿಂದ ಹೈಟೆಕ್ ಶಾಲೆಗಳಾಗಿ ಮಾರ್ಪಡು ಮಾಡಿದೆ. ಜೊತೆಗೆ ಸರ್ಕಾರಿ ಶಾಲೆಗಳಲ್ಲಿ ಹೈ ಫೈ ಕಟ್ಟಡ ಕಂಪ್ಯೂಟರ್ ಇ ತಂತ್ರಜ್ಞಾನದ ಲೈಬ್ರರಿ ಮತ್ತು ಹೆಚ್ಚುವರಿ ಸಿಬ್ಬಂದಿಯನ್ನ ಏರ್ಪೋಟ್ ಆಡಳಿತ ಮಂಡಳಿ ಮಾಡಿದೆ. ಒಟ್ಟಾರೆ ಕಾಲ ಕಾಲಕ್ಕೆ ತಕ್ಕಂತೆ ಏರ್ಪೋಟ್ ನಲ್ಲಿ ಹಲವು ಬದಲಾವಣೆಗಳನ್ನ ಏರ್ಪೋಟ್ ಆಡಳಿತ ಮಂಡಳಿ ಮಾಡಿಕೊಳ್ಳುತ್ತಾ ಬಂದಿದ್ದು ಇದೀಗ ಹೈ ಫೈ ಪರಿಸರ ಸ್ನೇಹಿ ಗಾರ್ಡನ್ ಮಾಡುವ ಮೂಲಕ ದೇಶ ವಿದೇಶಗಳಲ್ಲಿ ಸದ್ದು ಮಾಡಲು ಮುಂದಾಗಿದೆ.
