ಖ್ಯಾತ ಧಾರಾವಾಹಿ ನಟನ ಸೀಕ್ರೆಟ್ ವಿವಾಹ; ಒಂದು ದಿನದ ಬಳಿಕ ಫೋಟೋಗಳು ವೈರಲ್
ಮೋಹಿತ್ ರೈನಾ-ಅದಿತಿಯ ಮದುವೆ ಫೋಟೋಗಳನ್ನು ನೋಡಿದ ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಕಮೆಂಟ್ಗಳ ಮೂಲಕ ನವ ದಂಪತಿಗೆ ಎಲ್ಲರೂ ಶುಭ ಕೋರಿದ್ದಾರೆ.
ಕಿರುತೆರೆ ನಟ ಮೋಹಿತ್ ರೈನಾ ಅವರು ತಮ್ಮ ಗೆಳತಿ ಅದಿತಿ ಜೊತೆ ಮದುವೆ ಆಗಿದ್ದಾರೆ. ಕಿಂಚಿತ್ತೂ ಸುಳಿವು ನೀಡದೇ ಅವರು ಹಸೆಮಣೆ ಏರಿದ್ದಾರೆ. ಆಪ್ತರ ಸಮ್ಮುಖದಲ್ಲಿ ಮದುವೆ ನಡೆದಿದೆ.
ಡಿ.31ರಂದು ಮೋಹಿತ್ ರೈನಾ ಮತ್ತು ಅದಿತಿಯ ಮದುವೆ ನೆರವೇರಿದೆ. ಒಂದು ದಿನದ ಬಳಿಕ, ಅಂದರೆ ಜ.1ರಂದು ವಿವಾಹದ ಫೋಟೋಗಳು ವೈರಲ್ ಆಗಿವೆ. ಅದನ್ನು ಕಂಡು ಫ್ಯಾನ್ಸ್ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.
ಮೋಹಿತ್ ರೈನಾ ಅವರು ತಮ್ಮ ಪ್ರೀತಿಯ ವಿಚಾರವನ್ನು ಗುಟ್ಟಾಗಿ ಇಟ್ಟಿದ್ದರು. ಅವರು ಮದುವೆ ಆಗುತ್ತಿದ್ದಾರೆ ಎಂಬುದು ಯಾರಿಗೂ ತಿಳಿದಿರಲಿಲ್ಲ. ಕೆಲವೇ ಕೆಲವು ಮಂದಿಯನ್ನು ಮಾತ್ರ ಈ ಮದುವೆಗೆ ಆಹ್ವಾನಿಸಲಾಗಿತ್ತು.
ಹಿಂದಿ ಕಿರುತೆರೆಯಲ್ಲಿ ಮೋಹಿತ್ ರೈನಾ ಹೆಚ್ಚು ಫೇಮಸ್. ‘ದೇವೋಂಕೆ ದೇವ್ ಮಹಾದೇವ್’ ಸೀರಿಯಲ್ನಲ್ಲಿ ಅವರು ಶಿವನ ಪಾತ್ರ ಮಾಡುವ ಮೂಲಕ ಮನೆಮಾತಾಗಿದ್ದರು.
ಕೆಲವು ವೆಬ್ ಸೀರಿಸ್ಗಳಲ್ಲಿ ಮೋಹಿತ್ ರೈನಾ ಅವರು ನಟಿಸಿದ್ದಾರೆ. ಅಮೇಜಾನ್ ಪ್ರೈಂ ವಿಡಿಯೋದಲ್ಲಿ ಬಿಡುಗಡೆಯಾದ ‘ಮುಂಬೈ ಡೈರೀಸ್ 26/11’ ವೆಬ್ ಸರಣಿಯಲ್ಲಿ ಡಾಕ್ಟರ್ ಪಾತ್ರ ಮಾಡುವ ಮೂಲಕ ಅವರು ಗಮನ ಸೆಳೆದಿದ್ದಾರೆ.