Kannada News Photo gallery What to do to heal a bone fracture faster? Here's a tip Lifestyle News in kannada
Health Tips: ಮೂಳೆ ಮುರಿತ ವೇಗವಾಗಿ ಗುಣಪಡಿಸಲು ಏನು ಮಾಡಬೇಕು? ಇಲ್ಲಿದೆ ಸಲಹೆ
ಮೂಳೆ ಮುರಿತವಾದಾಗ ವೈದ್ಯರ ಸೂಚನೆಗಳನ್ನು ಸರಿಯಾಗಿ ಅನುಸರಿಸುವುದು ತುಂಬಾ ಉತ್ತಮ. ಜೊತೆಗೆ ಮನೆಯಲ್ಲಿಯೇ ನಾವು ಕೆಲವು ಸಣ್ಣ ಸಣ್ಣ ಉಪಾಯಗಳ ಮೂಲಕ ಮೂಳೆ ಮುರಿತವನ್ನು ವೇಗವಾಗಿ ಗುಣಪಡಿಸಬಹುದಾಗಿದೆ. ಆ ಬಗ್ಗೆ ಇಲ್ಲಿದೆ ಮಾಹಿತಿ.
ಇತ್ತೀಚಿನ ದಿನಗಳಲ್ಲಿ ಮೂಳೆ ಮುರಿತ ಬಹಳ ಸಾಮಾನ್ಯವಾಗಿದೆ. ಅಲ್ಲದೆ ಯಾವುದೇ ವಯಸ್ಸಿನಲ್ಲಿಯೂ ಯಾರ ಮೇಲೂ ಪರಿಣಾಮ ಬೀರಬಹುದು. ಈ ಮುರಿತಗಳು ಸಾಮಾನ್ಯವಾಗಿ ಬೀಳುವುದು, ಕಾರು ಅಪಘಾತಗಳು ಅಥವಾ ಕ್ರೀಡಾ ಆಘಾತಗಳಿಂದ ಉಂಟಾಗುತ್ತವೆ. ಇನ್ನಿತರ ಕಾಲು ಜಾರುವಿಕೆ, ಓಡುವಾಗ, ಅಥವಾ ಹಾರುವಾಗ ಹೀಗೆ ಯಾವ ಸಂದರ್ಭದಲ್ಲಿಯೂ ಮೂಳೆ ಮುರಿಯಬಹುದು. ಅದರಲ್ಲಿಯೂ ಮೂಳೆಗಳು ಗಟ್ಟಿಯಾಗಿರದವರಲ್ಲಿ ಮುರಿತವಾಗುವುದು ಸಾಮಾನ್ಯ. ಅದನ್ನು ಸರಿಪಡಿಸಲು ನಿಮಗೆ ಶಸ್ತ್ರಚಿಕಿತ್ಸೆ ಅಗತ್ಯ. ಕೆಲವು ಜನರಿಗೆ ತಮ್ಮ ಮೂಳೆ ಗುಣವಾಗಲು ಸ್ಪ್ಲಿಂಟ್, ಕ್ಯಾಸ್ಟ್, ಬ್ರೇಸ್ ಅಥವಾ ಸ್ಲಿಂಗ್ ಮಾತ್ರ ಬೇಕಾಗುತ್ತದೆ. ಸಂಪೂರ್ಣವಾಗಿ ಚೇತರಿಸಿಕೊಳ್ಳಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂಬುದು ಯಾವ ಮೂಳೆ ಮುರಿದಿದೆ, ಮುರಿತ ಎಲ್ಲಾಗಿದೆ ಮತ್ತು ಅದಕ್ಕೆ ಕಾರಣವೇನು ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.
1 / 8
ಮೂಳೆ ಮುರಿತದ ವಿಧ ಮತ್ತು ತೀವ್ರತೆಯನ್ನು ಅವಲಂಬಿಸಿ ಮೂಳೆ ಗುಣಪಡಿಸುವ ಸಮಯವು ಬದಲಾಗುತ್ತದೆ, ಜೊತೆಗೆ ವ್ಯಕ್ತಿಯ ವಯಸ್ಸು ಮತ್ತು ಒಟ್ಟಾರೆ ಆರೋಗ್ಯ ಮುಖ್ಯವಾಗಿರುತ್ತದೆ. ಮೂಳೆ ಮುರಿತವನ್ನು ವೇಗವಾಗಿ ಗುಣಪಡಿಸಲು ಸಹಾಯ ಮಾಡುವ ಕೆಲವು ಸಲಹೆಗಳು ಇಲ್ಲಿವೆ:
2 / 8
ಕೋಲ್ಡ್ ಥೆರಪಿ ಬಳಸಿ: ನೋವಿರುವ ಪ್ರದೇಶಕ್ಕೆ ಅಂದರೆ ಮೂಳೆ ಮುರಿದ ಜಾಗದಲ್ಲಿ ಐಸ್ ಪ್ಯಾಕ್ ಗಳನ್ನು ಇಡುವುದರಿಂದ ಉರಿಯೂತದ ಜೊತೆಗೆ ನಿಮ್ಮ ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಅದಕ್ಕೂ ಮಿಗಿಲಾಗಿ ಇದು ವೇಗವಾಗಿ ಗುಣಪಡಿಸುವುದರಿಂದ ಅನುಕೂಲಕರವಾಗಲಿದೆ.
3 / 8
ನಿಮ್ಮ ವೈದ್ಯರ ಸೂಚನೆಗಳನ್ನು ಅನುಸರಿಸಿ: ಬೇರೆ ಬೇರೆ ಚಿಕಿತ್ಸೆ, ದೈಹಿಕ ವ್ಯಾಯಾಮಗಳು ಸೇರಿದಂತೆ ನಿಮ್ಮ ಮೂಳೆ ಮುರಿತವನ್ನು ಸರಿಪಡಿಸಲು ನಿಮ್ಮ ವೈದ್ಯರು ನಿಮಗೆ ನಿರ್ದಿಷ್ಟ ಸೂಚನೆಗಳನ್ನು ಒದಗಿಸುತ್ತಾರೆ. ಸರಿಯಾಗಿ ಗುಣವಾಗಲು ಈ ಸೂಚನೆಗಳನ್ನು ಸರಿಯಾಗಿ ಅನುಸರಿಸುವುದು ಮುಖ್ಯವಾಗಿರುತ್ತದೆ.
4 / 8
ಪೂರಕ ಆಹಾರ ಅಗತ್ಯ: ವಿಟಮಿನ್ ಡಿ, ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಮ್ನಂ ಹೊಂದಿರುವ ಕೆಲವು ಪೂರಕ ಆಹಾರಗಳು ಮೂಳೆಯ ಆರೋಗ್ಯವನ್ನು ಬಲಪಡಿಸಲು ಮತ್ತು ವೇಗವಾಗಿ ಗುಣಪಡಿಸಲು ಸಹಾಯ ಮಾಡುತ್ತದೆ. ಆದರೆ ಯಾವುದೇ ಪೂರಕ ಆಹಾರಗಳನ್ನು ತೆಗೆದುಕೊಳ್ಳುವ ಮೊದಲು ನಿಮ್ಮ ವೈದ್ಯರೊಂದಿಗೆ ಮಾತನಾಡಿ ಬಳಿಕ ಅವರಿಂದ ಸಲಹೆ ಪಡೆದ ಬಳಿಕ ತೆಗೆದುಕೊಳ್ಳುವುದು ಒಳಿತು.
5 / 8
ಆರೋಗ್ಯಕರ ಆಹಾರವನ್ನು ಸೇವಿಸಿ: ಪ್ರೋಟೀನ್, ಕ್ಯಾಲ್ಸಿಯಂ ಮತ್ತು ಇತರ ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಸಮತೋಲಿತ ಆಹಾರವನ್ನು ಸೇವಿಸುವುದು ಮೂಳೆಯ ಆರೋಗ್ಯಕ್ಕೆ ಸಹಾಯ ಮಾಡುತ್ತದೆ.
6 / 8
ಧೂಮಪಾನ ಮತ್ತು ಅತಿಯಾದ ಆಲ್ಕೋಹಾಲ್ ಸೇವನೆಯನ್ನು ತಪ್ಪಿಸಿ: ಧೂಮಪಾನ ಮತ್ತು ಅತಿಯಾದ ಆಲ್ಕೋಹಾಲ್ ಸೇವನೆಯು ನಿಮ್ಮ ಮೂಳೆ ಮುರಿತವನ್ನು ಗುಣಪಡಿಸುವ ಪ್ರಕ್ರಿಯೆಯನ್ನು ನಿಧಾನಗೊಳಿಸುತ್ತದೆ ಮತ್ತು ಬೇರೆ ಬೇರೆ ರೀತಿಯ ಅಪಾಯವನ್ನು ಹೆಚ್ಚಿಸಬಹುದು.
7 / 8
ಸಾಕಷ್ಟು ವಿಶ್ರಾಂತಿ ಪಡೆಯಿರಿ: ನಿಮ್ಮ ದೇಹವು ಮೂಳೆ ಮುರಿತವನ್ನು ಗುಣಪಡಿಸುವತ್ತ ಗಮನಹರಿಸಲು ವಿಶ್ರಾಂತಿ ಅತ್ಯಗತ್ಯ. ಸಾಕಷ್ಟು ವಿಶ್ರಾಂತಿ ಪಡೆಯಲು ಮರೆಯದಿರಿ ಮತ್ತು ಗಾಯವನ್ನು ಉಲ್ಬಣಗೊಳಿಸುವ ಚಟುವಟಿಕೆಗಳನ್ನು ತಪ್ಪಿಸಿ.
