Theatre : ಡೆಸ್ಡೆಮೋನಾಳನ್ನು ಕೊಂದವರು ಯಾರು? ನಾಳೆ ಬೆಂಗಳೂರಿನಲ್ಲಿ ತನಿಖೆ ಶುರುವಾಗಲಿದೆ…

ಕಲಾವಿದೆ ಎಂ. ಡಿ. ಪಲ್ಲವಿ, ‘ಒಥೆಲ್ಲೋ ನಾಟಕದ ಮಲಗುವ ಕೋಣೆಯ ದೃಶ್ಯ​ ಒಂದನ್ನಿಟ್ಟುಕೊಂಡು ಕಥಾಹಂದರವನ್ನು ಕಟ್ಟಿದ್ದೇವೆ. ಡೆಸ್ಡೆಮೋನಾಳನ್ನು ಕೊಂದವರು ಯಾರು, ಆ ಸಾವು ಯಾಕೆ ಸಂಭವಿಸಿತು, ಅಲ್ಲಿ ಸಿಕ್ಕ ಸಾಕ್ಷಿ ಏನು. ಆಕೆ ಸಾಯುವಾಗ ಯಾಕೆ ಆ ಧ್ವನಿ ಕೇಳಿಸಲಿಲ್ಲ? ಮಲಗುವ ಕೋಣೆ ಎನ್ನುವುದು ಹೇಗೆ ರಾಜಕೀಯದ ಶಕ್ತಿಕೇಂದ್ರವಾಗಿ ಪರಿಣಮಿಸುತ್ತಾ ಹೋಗುತ್ತದೆ ಎನ್ನುವುದನ್ನು ವಿಧವಿಧವಾಗಿ ಪ್ರಶ್ನಿಸುತ್ತಾ ಹೋಗುತ್ತೇವೆ. ಹೀಗೆ ಹೋದಾಗ ಡೆಸ್ಡಿಮೋನಾಳ ಬೇರೆಯದೇ ಮುಖ ಇಲ್ಲಿ ಕಾಣಸಿಗುತ್ತೆ. ಸಮಾಜ ಹೆಣ್ಣಿನ ಧ್ವನಿಯನ್ನು ಯಾವತ್ತೋ ಸ್ವೀಕರಿಸಿದೆ. ಆದರೆ ನಮ್ಮ ಪುರಾಣಗಳಲ್ಲಿ ಇದು ಯಾಕೆ ಗೌಣವಾಗಿದೆ? ಎನ್ನುವುದನ್ನು ನಾವಿಲ್ಲಿ ಪ್ರಶ್ನಿಸುತ್ತಿದ್ದೇವೆ’ ಎನ್ನುತ್ತಾರೆ.

ಈ ಪ್ರಸ್ತುತಿಯ ಸಂಗೀತಕ್ಕೆ ಸಹಾಯ ಮಾಡಿದ ಅನುಭವ ವಿಶೇಷವಾಗಿತ್ತು ಎನ್ನುವ ಪ್ರವೀಣ ಡಿ. ರಾವ್, ‘ಪ್ರತಿಯೊಂದು ನಾಟಕವೂ ಹೊಸ ಸವಾಲೇ. ಆದರೆ ಪ್ರತೀ ಸಲವೂ ವಿಭಿನ್ನವಾಗಿರಬೇಕು ಎಂದು ಯೋಚಿಸುವಾಗ ಅದನ್ನು ಜನರಿಗೆ ಹೇಗೆ ಮುಟ್ಟಿಸುವುದು ಎನ್ನುವುದು ಹೆಚ್ಚು ಸವಾಲು. ಬಿಂದುಮಾಲಿನಿ ಮತ್ತು ಎಂ.ಡಿ. ಪಲ್ಲವಿ ನುರಿತ ಕಲಾವಿದರು. ಬೇರೆಬೇರೆ ದೇಶಗಳ ಸಂಚರಿಸಿ ಅನೇಕ ಸಂಸ್ಕೃತಿಗಳನ್ನು ಅರಿತುಕೊಂಡವರು. ಇಲ್ಲಿ ಒಂದೊಂದು ಸನ್ನಿವೇಶದಲ್ಲಿ ಒಂದೊಂದು ಅವತಾರವನ್ನು ತಾಳಿ ಇವರಿಬ್ಬರೂ ವೇದಿಕೆಯ ಮೇಲೆ ಬರುವುದನ್ನು ನೋಡುವುದೇ ಆಸಕ್ತಿಕರವಾಗಿದೆ. ಆಯಾ ಸನ್ನಿವೇಶಕ್ಕೆ ತಕ್ಕಂತೆ ಸ್ಥಳೀಯತೆಯನ್ನು ಭಾಷಾವೈವಿಧ್ಯದೊಂದಿಗೆ ಮಾರ್ಮಿಕವಾಗಿ ಈ ಕಲಾತಂಡ ಅಳವಡಿಸಿಕೊಂಡಿದೆ. ಮುಕ್ತಮನಸಿನ ಪ್ರೇಕ್ಷಕರಿಗೆ ಈ ನಾಟಕ ಹೇಳಿ ಮಾಡಿಸಿರುವಂಥದ್ದು. ಈ ಕಲಾವಿದರಿಬ್ಬರ ಮನಸ್ಸನಲ್ಲಿ ಬಹಳ ಸ್ಪಷ್ಟಚಿತ್ರಣ ಇದ್ದಿದ್ದರಿಂದ ನನಗೆ ಸಂಗೀತಕ್ಕೆ ಸಹಕರಿಸಲು ಅನುಕೂಲವಾಯಿತು’ ಎನ್ನುತ್ತಾರೆ.

*