ಅಪ್ಪಿತಪ್ಪಿಯೂ ಗೋಡೆಗಳ ಮೇಲೆ ಇಂತಹ ಚಿತ್ರಗಳನ್ನು ಹಾಕಬೇಡಿ, ಮನೆಗೆ ನೀವೇ ತೊಂದರೆ ಆಹ್ವಾನಿಸಿದಂತೆ ಆಗುತ್ತದೆ, ಎಚ್ಚರಾ!

ಪ್ರತಿಯೊಬ್ಬರೂ ತಮ್ಮ ಮನೆ ಸುಂದರವಾಗಿ ಕಾಣಬೇಕೆಂದು ಬಯಸುತ್ತಾರೆ. ಅವರು ಮನೆಯನ್ನು ಇನ್ನಷ್ಟು ಸುಂದರವಾಗಿಸಲು ವಿವಿಧ ರೀತಿಯಲ್ಲಿ ಅಲಂಕರಿಸುತ್ತಾರೆ. ಕೆಲವರು ಮನೆಯ ಗೋಡೆಗಳ ಮೇಲೆ ಸುಂದರವಾದ ಚಿತ್ರಗಳನ್ನು (Photo) ಅಥವಾ ಪೈಂಟಿಗ್ಸ್ (Painting)​​​ ಹಾಕುತ್ತಾರೆ. ಈ ಚಿತ್ರಗಳನ್ನು ಇಡುವುದರಿಂದ ಮನೆಯ ಸೌಂದರ್ಯ ಹೆಚ್ಚುತ್ತದೆಯಾದರೂ, ಫೆಂಗ್ ಶೂಯಿ ಪ್ರಕಾರ ಈ ಚಿತ್ರಗಳನ್ನು ಇಟ್ಟರೆ, ಅವು ನಿಮ್ಮ ಕುಟುಂಬದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು. ಆದ್ದರಿಂದ ಅದು ನಿಮ್ಮ ಡ್ರಾಯಿಂಗ್ ರೂಮ್‌ನಲ್ಲಿರುವ ಪೇಂಟಿಂಗ್ ಆಗಿರಲಿ ಅಥವಾ ನಿಮ್ಮ ಮಲಗುವ ಕೋಣೆಯಲ್ಲಿ ಕುಟುಂಬದ ಫೋಟೋ ಆಗಿರಲಿ. ಫೆಂಗ್ ಶೂಯಿ ಪ್ರಕಾರ, ಕೆಲವು ಚಿತ್ರಗಳನ್ನು ಇರಿಸುವ ಮೂಲಕ ನಕಾರಾತ್ಮಕ ಶಕ್ತಿಯನ್ನು ಮನೆಯಲ್ಲಿ ಇರಿಸಬಹುದು. ಕುಟುಂಬದಲ್ಲಿ ಸಮಸ್ಯೆಗಳು ಹೆಚ್ಚಾಗುತ್ತವೆ. ಅದಕ್ಕಾಗಿಯೇ ಮನೆಯಲ್ಲಿ ಯಾವುದೇ ರೀತಿಯ ಚಿತ್ರಕಲೆ ಅಥವಾ ಚಿತ್ರವನ್ನು ಇರಿಸುವಾಗ ಫೆಂಗ್ ಶೂಯಿ ನಿಯಮಗಳನ್ನು (Feng Shui) ನೆನಪಿನಲ್ಲಿಟ್ಟುಕೊಳ್ಳಬೇಕು. ಯಾವ ಚಿತ್ರಗಳು ಮನೆಯಲ್ಲಿ ದುರಾದೃಷ್ಟವನ್ನು ತರುತ್ತವೆ ಎಂಬುದನ್ನು ಕಂಡುಕೊಳ್ಳೋಣ (Astrology).

ಹರಿಯುವ ಜಲಪಾತ ಚಿತ್ರ:

ಪರ್ವತದಿಂದ ಬೀಳುವ ಜಲಪಾತವು ತುಂಬಾ ಸುಂದರವಾಗಿ ಕಾಣುತ್ತದೆ. ಆದರೆ ಫೆಂಗ್ ಶೂಯಿ ಪ್ರಕಾರ ಈ ರೀತಿಯ ಚಿತ್ರವು ಶುಭವಲ್ಲ. ಇಂತಹ ಚಿತ್ರಗಳನ್ನು ಗೋಡೆಗಳ ಮೇಲೆ ಅನಗತ್ಯವಾಗಿ ಇರಿಸುವುದರಿಂದ ಖರ್ಚು ವೆಚ್ಚದ ಬಾಬತ್ತು ಹೆಚ್ಚಾಗುತ್ತದೆ. ಜಲಪಾತದ ಚಿತ್ರ ಹಾಕಿದರೆ ಮನೆಯಲ್ಲಿ ನೀರು ಹರಿಯುವ ಹಾಗೆ ಹಣ ಖರ್ಚಾಗುತ್ತದೆ ಎಂಬ ನಂಬಿಕೆಯಿದೆ.

ಮೂವರು ಸದಸ್ಯರ ಫೋಟೋ:

ಕುಟುಂಬದ ಫೋಟೋಗಳನ್ನು ಹೆಚ್ಚಾಗಿ ಮನೆಯ ಗೋಡೆಯ ಮೇಲೆ ಇರಿಸಲಾಗುತ್ತದೆ. ಆದರೆ ಈ ರೀತಿಯ ಫೋಟೋವನ್ನು ಇರಿಸುವಾಗ, ಯಾವಾಗಲೂ ಒಂದೇ ಕುಟುಂಬದ ಮೂವರು ಸದಸ್ಯರ ಚಿತ್ರವನ್ನು ಗೋಡೆಯ ಮೇಲೆ ಇರಿಸಬೇಡಿ. ಫೆಂಗ್ ಶೂಯಿ ಪ್ರಕಾರ, ಒಂದೇ ಚೌಕಟ್ಟಿನಲ್ಲಿ ಮೂರು ಜನರ ಫೋಟೋಗಳನ್ನು ಹಾಕುವುದು ಶುಭವಲ್ಲ. ಅಲ್ಲದೇ ಮೂವರು ಸ್ನೇಹಿತರ ಫೋಟೋಗಳನ್ನು ಒಂದೇ ಫ್ರೇಮ್ ನಲ್ಲಿ ಹಾಕುವುದು ಸೂಕ್ತವಲ್ಲ. ಇದು ಸ್ನೇಹದಲ್ಲಿ ಬಿರುಕು ಉಂಟುಮಾಡಬಹುದು.

ಪ್ರತಿ ಕೋಣೆಯಲ್ಲಿ ದೇವರ ಚಿತ್ರವನ್ನು ಹಾಕಬೇಡಿ:

ಸಾಮಾನ್ಯವಾಗಿ ಮನೆಯ ಮೂಲೆ ಮೂಲೆಯಲ್ಲಿ ದೇವರ ಆಕೃತಿಯನ್ನು ಇರಿಸಲಾಗುತ್ತದೆ. ಫೆಂಗ್ ಶೂಯಿ ವಾಸ್ತು ಶಾಸ್ತ್ರದ ಪ್ರಕಾರ ಹಾಗೆ ಮಾಡುವುದು ಸರಿಯಲ್ಲ. ಹೀಗೆ ಮಾಡುವುದರಿಂದ ಲಾಭದ ಬದಲು ನಷ್ಟವಾಗುತ್ತದೆ. ದೇವರ ಚಿತ್ರಗಳಿಗೆ ಸರಿಯಾದ, ಪವಿತ್ರ ಸ್ಥಳವನ್ನು ಸ್ಥಾಪಿಸಿ.

ಸೂರ್ಯಾಸ್ತಮಾನದ ಚಿತ್ರ:

ಯಾವುದೇ ಪರ್ವತ ಅಥವಾ ಸಮುದ್ರತೀರದಲ್ಲಿ ಸೂರ್ಯಾಸ್ತಮಾನವು ಸುಂದರವಾಗಿರುತ್ತದೆ. ಆದರೆ ಅಪ್ಪಿತಪ್ಪಿಯೂ ಇಂತಹ ಚಿತ್ರವನ್ನು ಮನೆಯಲ್ಲಿ ಇಡಬೇಡಿ. ಸಾಮಾನ್ಯ ಜೀವನದಲ್ಲಿ, ಸೂರ್ಯಾಸ್ತಮಾನವನ್ನು ಎಂದಿಗೂ ಮಂಗಳಕರ ಚಿಹ್ನೆ ಎಂದು ಪರಿಗಣಿಸಲಾಗುವುದಿಲ್ಲ. ಇಂತಹ ಚಿತ್ರಗಳು ಭರವಸೆಯ ಬದಲು ಹತಾಶೆಗೆ, ಪ್ರಗತಿಯ ಬದಲು ಅವನತಿಗೆ ಕಾರಣವಾಗುತ್ತವೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ