Guru purnima festival: ಗುರು ಪೂರ್ಣಿಮಾ ಎಫೆಕ್ಟ್ -ತಿರುಪತಿ ಹುಂಡಿಗಿಂತ ಹೆಚ್ಚಿನ ಆದಾಯ ಕಂಡ ಶಿರಡಿ ಸಾಯಿಬಾಬಾ ಮಂದಿರ
Shirdi Temple devotee Donations: ಶಿರಡಿ ಸಾಯಿಬಾಬಾ ದೇವಸ್ಥಾನಕ್ಕೆ ಮೂರು ದಿನಗಳ ಗುರು ಪೂರ್ಣಿಮಾ ಉತ್ಸವದಲ್ಲಿ 6 ಕೋಟಿ ರೂಪಾಯಿ ಹುಂಡಿ ಆದಾಯ ಹರಿದುಬಂದಿದೆ. ಗುರು ಪೂರ್ಣಿಮೆ ನಿಮಿತ್ತ ಶಿರಡಿ ಸಾಯಿಬಾಬಾ ದೇವಸ್ಥಾನಕ್ಕೆ ರೂ. 2 ಕೋಟಿ 50 ಲಕ್ಷಗಳು.. ಡೆಬಿಟ್/ಕ್ರೆಡಿಟ್ ಕಾರ್ಡ್ಗಳು, ಆನ್ಲೈನ್ನಲ್ಲಿ 1 ಕೋಟಿಗೂ ಹೆಚ್ಚು ದೇಣಿಗೆಗಳು.. ಬಂದಿವೆ
![Guru purnima festival: ಗುರು ಪೂರ್ಣಿಮಾ ಎಫೆಕ್ಟ್ -ತಿರುಪತಿ ಹುಂಡಿಗಿಂತ ಹೆಚ್ಚಿನ ಆದಾಯ ಕಂಡ ಶಿರಡಿ ಸಾಯಿಬಾಬಾ ಮಂದಿರ](https://images.tv9kannada.com/wp-content/uploads/2024/07/guru-purnima-festival-effect_-shirdi-sai-baba-temple-gets-6-crore-rs-donations-by-devotees.jpg?w=1280)
ತಿರುಮಲ ತಿರುಪತಿ ಕ್ಷೇತ್ರವು ವಿಶ್ವದ ಅತ್ಯಂತ ಶ್ರೀಮಂತ ದೇವಾಲಯವಾಗಿದೆ. ಅದಾದ ಮೇಲೆ ಮಹಾರಾಷ್ಟ್ರದ ಶಿರಡಿ ಕ್ಷೇತ್ರ ಶ್ರೀಮಂತವಾಗುತ್ತಿದೆ. ಆದರೆ ಈಗ ತಿರುಮಲದ ಶ್ರೀವಾರಿಯ ಆದಾಯಕ್ಕೆ ಶಿರಡಿ ಸಾಯಿಬಾಬಾ ದೇವಸ್ಥಾನ ಪೈಪೋಟಿ ನೀಡುತ್ತಿದೆ. ಆಷಾಢ ಮಾಸದ ಹುಣ್ಣಿಮೆಯನ್ನು ಗುರು ಪೌರ್ಣಮಿ ಎಂದು ಆಚರಿಸಲಾಗುತ್ತದೆ. ಶಿರಡಿ ಸಾಯಿಬಾಬಾ ದೇವಸ್ಥಾನದಲ್ಲಿ ಇದೇ 20ರಂದು ಆರಂಭವಾದ ಗುರು ಪೌರ್ಣಮಿ ಮಹೋತ್ಸವು ಮೂರು ದಿನಗಳ ಕಾಲ ಅದ್ಧೂರಿಯಾಗಿ ನಡೆಯಿತು. ಭಕ್ತರು ಸಾಯಿಬಾಬಾಗೆ ವಿವಿಧ ದೇಣಿಗೆ ನೀಡಿದ್ದು, ಶಿರಡಿ ಸಾಯಿಬಾಬಾ 6 ಕೋಟಿ ರೂ.ಗೂ ಹೆಚ್ಚು ಆದಾಯ ಸಂಗ್ರಹಿಸಿದ್ದಾರೆ ಎಂದು ಶ್ರೀ ಸಾಯಿಬಾಬಾ ಸಂಸ್ಥಾನ ಟ್ರಸ್ಟ್ನ ಸಿಇಒ ಗೋರಕ್ಷಾ ಗಾಡಿಲ್ಕರ್ ಬಹಿರಂಗಪಡಿಸಿದ್ದಾರೆ. ಗುರು ಪೌರ್ಣಮಿ ಹಬ್ಬದಂದು ಸುಮಾರು 2 ಲಕ್ಷ ಜನ ಭಕ್ತರು ಬಂದಿದ್ದರು ಎನ್ನಲಾಗಿದೆ.
ಗುರು ಪೂರ್ಣಿಮೆ ನಿಮಿತ್ತ ಶಿರಡಿ ಸಾಯಿಬಾಬಾ ದೇವಸ್ಥಾನಕ್ಕೆ ರೂ. 2 ಕೋಟಿ 50 ಲಕ್ಷಗಳು.. ಡೆಬಿಟ್/ಕ್ರೆಡಿಟ್ ಕಾರ್ಡ್ಗಳು, ಆನ್ಲೈನ್ನಲ್ಲಿ 1 ಕೋಟಿಗೂ ಹೆಚ್ಚು ದೇಣಿಗೆಗಳು.. ಚೆಕ್ಗಳು, ಮನಿ ಆರ್ಡರ್ಗಳು ಸುಮಾರು ರೂ. 2 ಕೋಟಿ ಎಂದು ತಿಳಿದುಬಂದಿದೆ. ಹಾಗೂ ಇನ್ನು ಕೆಲವು ಭಕ್ತರು ಚಿನ್ನ ಬೆಳ್ಳಿ ಕಾಣಿಕೆ ನೀಡಿದ್ದಾರೆ.. ಇವುಗಳ ಮೌಲ್ಯ ರೂ. 10 ಲಕ್ಷ ಆಗಲಿದೆ ಎಂದು ತಿಳಿದುಬಂದಿದೆ. ಸಾಯಿಬಾಬಾರವರ ವಿಶೇಷ ದರ್ಶನಕ್ಕೆ ರೂ. 200 ಟಿಕೆಟ್ ನೀಡಿದ್ದು, ಲಡ್ಡು ಕವರ್ ಮಾರಾಟದ ಮೂಲಕ 62 ಲಕ್ಷ ರೂ.ಗೂ ಹೆಚ್ಚು ಆದಾಯ ಗಳಿಸಿರುವುದು ಬೆಳಕಿಗೆ ಬಂದಿದೆ. ಸಾಯಿ ಪ್ರಸಾದಾಲಯದಲ್ಲಿ 1 ಲಕ್ಷ 90 ಸಾವಿರ ಭಕ್ತರು ಪ್ರಸಾದ ಸ್ವೀಕರಿಸಿದರು.
ಮತ್ತಷ್ಟು ಓದಿ: ಆ ದೇಶದಲ್ಲಿ ಸೊಳ್ಳೆಗಳೇ ಇಲ್ಲಾ, ಡೆಂಗ್ಯೂ ಮಾತೂ ಇಲ್ಲ! ಯುರೋಪ್ ಕುರಿತಾದ ಅನೇಕ ಆಸಕ್ತಿದಾಯಕ ಸಂಗತಿಗಳು ಇಲ್ಲಿವೆ
ಗುರು ಪೂರ್ಣಿಮೆ ಆಚರಣೆಯ ಮೂರು ದಿನಗಳಿಂದ ಶಿರಡಿ ಪಟ್ಟಣವು ಭಕ್ತರಿಂದ ತುಂಬಿ ತುಳುಕುತ್ತಿತ್ತು. ಜುಲೈ 21 ರಂದು ಜಪಾನ್ನಿಂದ 18 ಭಕ್ತರು ಬಾಬಾರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದರು. ಇವರು ಕಳೆದ 10 ವರ್ಷಗಳಿಂದ ಗುರು ಪೌರ್ಣಮಿಯಂದು ಶಿರಡಿ ಸಾಯಿ ದರ್ಶನ ಪಡೆಯುತ್ತಿದ್ದರು. ಶಿರಡಿಗೆ ಭೇಟಿ ನೀಡುವ ಭಕ್ತರಿಗೆ ಹೆಚ್ಚಿನ ಆನಂದ ನೀಡಲು ಥೀಮ್ ಪಾರ್ಕ್ ಸ್ಥಾಪಿಸಲಾಗುವುದು. ಇದಕ್ಕಾಗಿ ರಾಜ್ಯ ಸರಕಾರ 40 ಕೋಟಿ ರೂ. ಶಿರಡಿ ನಗರದಲ್ಲಿ 22 ಎಕರೆ ಪ್ರದೇಶದಲ್ಲಿ ಯೋಜನೆ ನಿರ್ಮಾಣವಾಗಲಿದೆ. ಇದರಲ್ಲಿ ಬಾಬಾ ಜೀವನ ಸಾರುವ ಲೇಸರ್ ಶೋ ಏರ್ಪಡಿಸಲಾಗುವುದು.
ಇನ್ನಷ್ಟು ಪ್ರೀಮಿಯಂ ಲೇಖನಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 9:36 am, Fri, 26 July 24