Nag Panchami 2025: ನಾಗರ ಪಂಚಮಿ ಯಾವಾಗ? ದಿನಾಂಕ, ಪೂಜಾ ವಿಧಾನ ಮತ್ತು ಮಹತ್ವವನ್ನು ಇಲ್ಲಿ ತಿಳಿದುಕೊಳ್ಳಿ

ಹಿಂದೂ ಧರ್ಮದಲ್ಲಿ ನಾಗರ ಪಂಚಮಿಗೆ ವಿಶೇಷ ಮಹತ್ವವಿದೆ. ಶ್ರಾವಣ ಮಾಸದ ಹಬ್ಬಗಳು ಮತ್ತು ಆಚರಣೆಗಳಲ್ಲಿ ನಾಗ ಪಂಚಮಿ ಒಂದು ಪ್ರಮುಖ ಹಬ್ಬವಾಗಿದೆ. ನಾಗರ ಪಂಚಮಿ ದಿನ ನಾಗಗಳಿಗೆ ಹಾಲೆರೆಯುವ, ವಿಶೇಷ ಖಾದ್ಯಗಳನ್ನು ನೈವೇದ್ಯ ಮಾಡುವ ಸಂಪ್ರದಾಯವಿದೆ. ಶ್ರಾವಣ ಮಾಸದ ಶುಕ್ಲ ಪಕ್ಷದ ಪಂಚಮಿ ತಿಥಿಯಂದು ನಾಗ ಪಂಚಮಿಯನ್ನು ಆಚರಿಸಲಾಗುತ್ತದೆ. ಪ್ರತಿ ವರ್ಷ ಜುಲೈ ಅಥವಾ ಆಗಸ್ಟ್ ತಿಂಗಳಲ್ಲಿ ನಾಗ ಪಂಚಮಿ ಬರುತ್ತದೆ. ಈ ವರ್ಷ, ನಾಗ ಪಂಚಮಿ ಹಬ್ಬವು ಜುಲೈ 29 ಮಂಗಳವಾರದಂದು ಬಂದಿದೆ. ಈ ಶುಭ ಸಂದರ್ಭದಲ್ಲಿ, ನಾಗದೇವತೆಯನ್ನು ಪೂಜಿಸಲಾಗುತ್ತದೆ ಮತ್ತು ಹಾಲನ್ನು ಅರ್ಪಿಸಲಾಗುತ್ತದೆ.

2025ರ ನಾಗರ ಪಂಚಮಿ ದಿನಾಂಕ:

• ಪಂಚಮಿ ತಿಥಿ ಜುಲೈ 29, ಬೆಳಿಗ್ಗೆ 5:24 ಕ್ಕೆ ಪ್ರಾರಂಭ
• ಪಂಚಮಿ ತಿಥಿ ಜುಲೈ 29 ರಂದು ಮಧ್ಯಾಹ್ನ 12.46 ಕ್ಕೆ ಕೊನೆ.

ನಾಗರ ಪಂಚಮಿಯ ಪೂಜಾ ವಿಧಾನ:

• ನಾಗರಪಂಚಮಿಯ ದಿನದಂದು, ಬೆಳಿಗ್ಗೆ ಬೇಗನೆ ಎದ್ದು, ಉಪವಾಸ ಮಾಡುವ ಪ್ರತಿಜ್ಞೆ ಮಾಡಿ ಮತ್ತು ಸ್ವಚ್ಛವಾದ ಬಟ್ಟೆಗಳನ್ನು ಧರಿಸಿ.
• ಸ್ನಾನ ಮಾಡಿದ ಬಳಿಕ ಪೂಜಾ ಸ್ಥಳವನ್ನು ಸ್ವಚ್ಛಗೊಳಿಸಿ. ಮರದ ಪೀಠದ ಮೇಲೆ ಕೆಂಪು ಬಟ್ಟೆ ಹಾಸಿ, ಮಣ್ಣಿನ ಹಾವಿನ ವಿಗ್ರಹ ಅಥವಾ ಫೋಟೋ ಇರಿಸಿ.
• ಸರ್ಪ ದೇವತೆಗೆ ಗಂಗಾಜಲದಿಂದ ಅಭಿಷೇಕ ಮಾಡಿ, ಅರಿಶಿನ, ಕುಂಕುಮ, ಹೂವು, ಅಕ್ಷತೆಗಳನ್ನು ಅರ್ಪಿಸಿ.
• ಇದರೊಂದಿಗೆ ಬಟ್ಟೆ, ಶ್ರೀಗಂಧ, ಅಕ್ಕಿ,ಹೂವುಗಳು ಮತ್ತು ಆಭರಣಗಳು ಇತ್ಯಾದಿಗಳನ್ನು ಅರ್ಪಿಸಿ.
• ಧೂಪ, ದೀಪಗಳನ್ನು ಹಚ್ಚಿ ಮತ್ತು ಹಣ್ಣುಗಳು, ಸಿಹಿತಿಂಡಿಗಳು ಇತ್ಯಾದಿಗಳನ್ನು ಅರ್ಪಿಸಿ.
• ನಾಗ ಪಂಚಮಿಯ ಕಥೆಯನ್ನು ಕೇಳಿ ಆರತಿ ಮಾಡಿ.

ಇದನ್ನೂ ಓದಿ: ಹಳೆಯದಾದ ದೇವರ ಫೋಟೋಗಳನ್ನು ಅಲ್ಲಲ್ಲಿ ಎಸೆಯಬೇಡಿ ಈ ದೇವಾಲಯಕ್ಕೆ ತಂದುಕೊಡಿ

ನಾಗ ಪಂಚಮಿ ಪೂಜಾ ಮಂತ್ರ:

ನಾಗ ಪಂಚಮಿಯಂದು ಪೂಜೆಯಲ್ಲಿ ಪಠಿಸಲು ಕೆಲವು ಮಂತ್ರಗಳು ಇಲ್ಲಿವೆ: “ಓಂ ನಾಗೇಂದ್ರಹಾರಾಯ ತ್ರಿಲೋಚನಾಯ ಭಸ್ಮಾಂಗರಾಗಾಯ ಮಹೇಶ್ವರಾಯ ನಮಃ” ಮತ್ತು “ಸರ್ಪೇಭ್ಯೋ ಹರಿಭ್ಯಶ್ಚ ಭುಜಂಗೇಭ್ಯೋ ನಮೋ ನಮಃ” ಎಂಬ ಮಂತ್ರಗಳನ್ನು ಪಠಿಸುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ